Chefwong的个人专页

作為香港人，嘆個下午茶餐，飲杯咖啡奶茶，係最正常不過嘅配搭！但係而家喺德發食下午茶餐，係唔包飲品嘅！？ 😵😵同老公在尖沙咀飲完茶後，四圍閒逛，突然好懷念德發牛丸，雖然仲飽，都專登過去，叫了碗牛丸米，再加個下午茶餐。原來平日食粉麵，仲有跟餐飲品優惠，但紅日就冇，這個有告示寫得明明白白，絕不會引起誤會。但吊詭的地方來了：我們同時點了一個下午茶餐，跟紅豆冰。但夥計阿姐拎杯紅豆冰埋嚟嘅時候，先同我哋講，話紅日不跟餐飲，要收正價$20 ！但餐牌上邊冇標明呀！而且睇勻全枱嘅告示牌，都冇下午茶餐紅日不跟餐飲這一項！我們先後問了三個夥計，他們只說這是新餐牌，紅日係唔包餐飲嘅，只係冇標明，遲啲會加返落去，即係冇寫明，任佢噏，死未💀💀！這是否不符合商品條例？ ！大家下次去食下午茶餐嘅時候，小心中招！我們巡視附近其他食肆，全部下午茶餐都包飲品，唯獨德發咁「與眾不同」！而佢嘅招牌牛丸，亦欠缺以前嗰種一咬落去彈牙爽口嘅感覺，令人失望！從此以後，我們去尖沙咀時，又少一個食嘢嘅落腳點，好傷心！😓😓…查看更多

食物質素唔錯，價錢合理，又有gimmick，本來值得再來，可惜一個服務態度非常差嘅侍應，由入門口、掃安心出行、到落單、到埋單，都令你覺得好唔舒服，總之唔會再嚟！實在浪費咗廚師嘅心血！好可惜！…查看更多

疫情期間仍想支持酒樓食肆，去開砲台山 處理其他事務，就順便到這間酒樓飲個早茶。 但由入門口、自己搵位、 坐低、自己轉臺、 到想叫夥記開茶， 前後超15分鐘，舉了N次手、叫人，但係完全冇人理你！！啲夥記直頭望都唔望你 ！！真係火都嚟，決定用腳投票，走！！咁差嘅服務態度， 相信應該係等執笠！…查看更多

這裏的服務一向不是特別好，但今次來到，已不能說服務差，而是極之惡劣！由經理到傳菜服務都不好，尤其是四眼經理先生，行嚟行去，但唔做嘢，無論是我哋或隔離枱問他嘢、追點心，都是敷衍了事！開咗蓋嘅茶壺放在枱面超過十分鐘，叫左兩次，都冇人加水。食物質素一般， 但要等好耐， 最少要等20分鐘，先至有第一籠點心！而家經濟不景，D員工仲咁嘅態度，實難理解！也許九龍灣百樂門的員工都無心戀戰，總之建議家千萬不要來 😡…查看更多

週末中午去飲茶，周圍都逼爆人，多數要排隊。但鳳城銅鑼灣分店就一定有位！何解？ 價錢不是特別平，食物不是特別好，但員工服務卻一致地差！由經理、到夥記、到傳菜，全部態度極之差， 去飲茶等於去受氣 >_<！！怪不得有位啦！以後都不要再來了！ 想受氣的朋友，你哋就去試下啦！！…查看更多

好耐冇去永華，今晚在演藝睇完表演，特登行過去， 為的當然是傳統美味雲吞麵。但不吃猶可，一吃就勁失望！！首先，麵質又乾又硬冇彈性，而且色澤灰暗冇光澤，麵條直徑比正常粗1.5倍， 我以為浸水發脹咗。大佬，我想食嘅係銀絲幼麵，唔係廣東梘水麵餅！第二，湯底淡左冇蝦和大地魚味，第三，碗麵嘅賣相不知所謂，好似一堆雜草，亂成一團！睇埋麵檔師傅做麵手勢，我以為佢係喺街邊大排檔做車仔麵呢！唯有雲吞尚ok。加上伙記態度又一貫咁差，賣$46一碗呀大佬， 唔係畀啲咁嘅貨色人呀！好明顯老細冇心機做，不如摺左佢啦，唔好破壞香港人對永華幾十年嘅印象！！（ 失望到冇心機影相添）…查看更多

被Open Rice的好評 呃了： 晚飯時間在旺角，想食四川辣嘢，便上openrice一查， 發現老川皇評價甚高，即管一試！但坐咗落已好唔舒服： 樓面人多, 但行嚟行去，都唔多理啲客，當你透明！叫比兩杯茶都冇人理……索性自己行出去水吧攞，至話你知五蚊一位！冇問題，你畀我就得啦，唔洗我自己去攞吖嘛！洗完杯，都冇人幫你到水，又係要自己拎去水吧倒……叫碗酸辣麵加豬手，伙記竟然話： 唔知有冇豬手喎, 但係照落單。 點解唔check下先至覆個客呢？本來食物質素都幾好，但係樓面個個似part time/ 臨時工, 服務水準真係四個字: 耐人尋味 ! …查看更多

一行十人做冬吃飯，當然要食好D，所以一個月前已在嚐館訂位，更在幾日前預早order左幾款佢地嘅所謂＂名菜＂，原本高高興興做節，結果換來一肚氣！１）由於其中一名家庭成員要遲D到，我地先叫幾款小吃食住等，叮囑樓面主菜要＂叫起＂。但廚房完全冇聽，上左第一道菜已再提他們要叫起，但其他菜接續而上，不停話＂叫起＂，卻不停上菜！難道廚房不知甚麼是＂叫起＂！:(２）腐竹白菜仔 ： 腐竹是酸的 ，直接退貨！３）炒飯與炒麵一齊叫，但飯到了，麵卻消失了！追了三次，仍是無影無蹤．．．４）奄仔蟹： 這是早幾日已預訂、最期待的一道菜，但追了三次，其他菜全上了，後加的菜也食完，連炒飯也清了，但蟹在何方？最後一位貌似高層／老闆的男士來解釋，話第一次煮好的蟹唔靚，現正重煮！煮蟹要幾耐，足一個鐘都未能重煮！好，再畀一次機會，等！結果是：等，寂寞到夜深．．．又等了半個鐘，仍未見蟹的芳蹤！前後兩小時，等到發呆，追到冇氣，你還會等嗎？從呢道嘅裝修到價錢，都擺明想做到中上檔次，淨係奄仔蟹也要成千蚊。但樓面好明顯主要招呼熟客，我地接二連三追order都冇好好處理，一係樓面失職，一係廚房甩漏，最後我地取消了蟹和炒麵，卻無任何人來跟進，say句sorry唔好意思都慳番！如此質素，如此服務，絶對不會再幫襯 !!…查看更多

:(:( 平常去吃越南菜，生牛肉河一直是首選，皆因最愛那啖湯。 這間店舖在公司附近，不時去吃午餐、晚餐，也會點生牛肉河，今晚也不例外。可惜，就是那啖湯出事！這是名副其實的"超鹹牛肉河"！！真是 super 鹹！邊吃邊喝汔水也解不了鹹、解不了喝，最嬲是先後同樓面夥記和收銀反映，她們都是一副愛理不理、與我何干的態度，實在太"正"了！愈食愈鹹，又冇人理，最後叫樓面拿來一杯熱水，倒曬落碗河粉內，鹹味只減了一點，卻冇曬牛肉味:(結果如何？當然係放棄、走人、入黑名單、不再幫襯！為何要辛苦自己，吃完半個鐘，仍口喝得很，謝謝這碗超鹹牛肉河……………查看更多