好耐無同媽媽兩個家姐一齊下午茶了，既然咁難得既機會，當然要食啲好啦，選左嘉樂冰廳，今次已經係我同二姐第三次黎，但媽媽同大家姐就等一次黎，既然係咁，有經驗既我緊係一馬當先，去排隊等位先啦。一去到，已經有二十幾人等緊，雖然天氣咁熱，但為左食好野，係絶對值得的，大概三十分鐘左右，終於到我地啦！！坐低左即刻叫啲必食既野，細奄烈，炸雲吞，阿華田奶昔，之後媽媽想食鮮油多，二姐同我就想食炸醬粗麵，結果我地四個人，叫左五樣野，三杯阿華田奶昔。首先出場既，係炸醬粗麵：炸醬味道不錯，不會太咸，和鹼水粗麵一起入口味道配合，只是有"將"口，要喝一口湯來潤化一下。第二道出場的是炸雲吞，媽媽急不及待，一下子就放入口，結果即刻拋出一句"好熱～不過好好味"，薄薄既雲吞外皮炸得乾身洽到好處，不會太油，太硬，入口後既"卡滋～卡滋～"聲，始起彼落。饀料係蝦膠，咬落彈牙，有蝦味，配上甜酸醬，的確係一個可口既開胃小食。食完炸雲吞，有啲口渴，但除左我地枱之外，其他枱都無阿華田奶昔既蹤影，一問之下，原來係天氣太熱，冰既需求量大左，訂左既冰未送到，正當了解完畢既時候，冰就剛剛送到，唔洗五分鐘，美味既阿華田奶昔同細奄烈一齊送到，其實一直以來，我同二姐都覺得，應該叫做阿華田沙冰合適啲，因為佢入口完全係既感覺，不過係咩名都唔緊要，至緊要係～好味！小奄烈當然仍然係非常巨大，入口蛋味充足，又有蛋汁，食落"滑嘟嘟"，蛋炒得一啲都唔老，食得到有少少美極落左係裏面，有畫龍點晴效果！最後叫既鮮油多，麵包食落脆卜卜，但鮮油就真係太少啦，如果我唔係打開睇下先，我咪一啖咬曬！？之後食齋多士⋯⋯所以呢個不推薦會食鮮油多既大家食。總括來說，呢餐仍然係水準之上，仍然會為小奄烈，炸雲吞同阿華田奶昔再黎的！…查看更多
