搵食女神niki的个人专页

今日係拍拖10周年紀念日，之前幾年都係好hea咁慶祝，估唔到今次佢咁有心，一早訂好枱，帶左我去一間環境氣氛超浪漫嘅餐廳，可以望住醉人維港夜景歎美食。佢揀左個好豪華嘅set餐，睇一睇餐牌，又龍蝦、又鵝肝、又鮑魚，未開始食已心花怒放。首先黎個starter：香芒龍蝦沙律，龍蝦肉肉味自然鮮甜，芒果清香微甜，加埋沙律醬嘅陣陣奶香味，絕對係perfect match，作為頭盤超級清新開胃。之後就係龍蝦濃湯，原本諗住都係湯多，點知龍蝦肉都咁豐富，完全真材實料，唔怪得之飲落夠鮮甜黏口，口感細膩，味道超濃郁。跟住上枱嘅係西班牙鮑魚海鮮飯，鮮艷嘅橙色已令人食指大動，食落材料好新鮮，鮑魚夠腍身，咬落相當煙韌，好唔捨得咁快食晒佢呀！Main course可以4揀1，我地分別揀左烤日本A4和牛拼香煎法國鵝肝，同埋波士頓龍蝦米多拼香煎法國鵝肝，另外仲有香煎原條龍脷配檸檬牛油汁同烤紐西蘭小羊架可以揀。我地兩個都鍾意食鵝肝，所以就揀左兩款都有鵝肝嘅。烤日本A4和牛味道獨特，油花滿布，食落極度多汁，口感超級細嫩軟腍，入口即融，好食到暈，點一點醬汁食又有另一風味。另外用波士頓龍蝦整成傳統焗龍蝦米多，充滿忌廉芝士醬汁，好creamy！入面有洋葱、蒜、龍蝦肉、忌廉同蛋黃等等，經香焗後非常香口又有層次。至於法國鵝肝，同樣有水準，外層係薄薄嘅金黃香脆面，入面係粉紅嫩芯嘅煎鵝肝，入口好快溶化，充滿甘腴香氣，非常滋味。最後甜品係朱古力Brownie，口感紮實，味道濃郁，軟膩嘅朱古力令人非常滿足。…查看更多

睇完男朋友打波，佢地成班男仔要食返大量肉類填肚，於是我呢個韓國通就揸主意近近地揀左呢個地方落腳，仲叫左好幾款美食大家開心SHARE，最美味就有以下呢幾樣：鐵板LA排骨：韓國牛排骨有兩種切法，呢種LA就係其中一款，橫切牛排骨成薄片，好處係醃起黎更快入味，烤起黎更快熟，食起黎口感更嫩又輕盈，有少少入口即融FEEL。排骨四周有骨膜包住，食完肉吮埋骨頭再食筋膜，好有嚼口，YUMMY~煎餃子：一睇就知，煎到個皮勁香脆，皮薄餡靚，一啖咬落去好JUICY，同超市買番黎果D餃子好唔同，好實好有口感，D男仔好誇張咁話：自己食一打都絕對唔成問題！韓國豬蹄肉：豬蹄去晒骨，鹵得好入味，食落鮮嫩，難得係唔肥膩，豬皮烤到焦香，令味道更突出，加埋濃香既醬汁一齊食就更加滋味，仲可以趁機補充膠原蛋白添!!!真係要套用韓國人既愛用語：「大發(대박)！ 」…查看更多

今日男朋友好有心訂定位帶我到淺水灣食飯，仲話揀左我最鍾意既日本菜，去到個環境已經令我好心動，但……好似係主打燒物，唉，人地呢排減緊肥喎，一切肥膩野都唔食得，點先？！正當我想發火既時候，男朋友翻開餐牌比我睇，好在，原來燒物以外都有好多選擇既，咁我都無咁驚，人地啱啱先減到有d成績，真係唔想前功盡廢嘛！>.<見到呢度沙律選擇都唔少，我就點左個刺身沙律，有三文魚、吞拿魚同甜蝦，食海鮮感覺一定無食其他肉類咁heavy，又有咁多拌菜，健康又清新，清清腸胃認真唔錯。一場黎到都想試少少燒物既，最多唔揀肉O者。所以揀左燒青椒仔同男朋友一齊食。好難得青椒仔燒過後都無話抄晒皮、縮晒水喎，仲保留到入面D水份，幾香口，唔錯。主食方面我就要左個稻庭冷麵，可以話係既飽肚又唔會有罪惡感既首選。麵條幼細，所以食落口感好細緻滑順，有味得黎唔會太鹹。男朋友出名係食肉獸，見我食得咁DRY，佢竟然肆無忌彈叫左個Dry Aged連骨肉眼扒，邪惡度爆燈，見到佢啖啖肉真係唔抵得，所以……我最後都忍唔住食左舊，哈哈……男朋友真係識食，Dry Aged係牛入面屬於極品，喺指定溫度同濕度下，經過數十日熟成，嫩滑味濃，鋸扒時唔會流失半點肉汁，連骨烤更加焦香味美。唉，就係佢令到我破戒，嬲！！！…查看更多

I Love Mussel ! ! !自從上年出trip喺巴黎食過新鮮藍青口之後，印象真係好深刻，事關原來青口都可以咁creamy咁鮮嫩，充滿海水味又唔腥，今晚好開心可以喺呢度重遇返呢種滋味──白酒煮新鮮藍青口仔($128)，簡單的烹飪方法已能帶出食材嘅新鮮，完全感受返巴黎果種鮮甜味道。Crab! Crab! Crab! 除左重遇青口，竟然仲遇返法國膏蟹，呢種蟹出名爆蟹膏、特大蟹鉗同豐滿肉實。今晚喺呢度叫左個法國膏蟹肉扁意粉配蟹膏忌廉汁($136)，美味嘅蟹膏同白色甜美嘅蟹肉沾滿扁意粉，個汁夠濃郁，令人食唔停口。Oyster Lover! 同行朋友叫左個美國生蠔菠菜芝士意大利飯($138)一齊share，生蠔加落意大利飯度又幾吸引喎，美國蠔味道鮮甜，菠菜同芝士味都好出眾，成個飯口感好rich，yummy!@@…查看更多

炸雞啤酒似乎已經成為左韓國既代表，估唔到今日黎到呢間日式拉麵店，一樣食到喎，仲唔同風味添。炸雞塊係嫩滑嘅雞髀肉，金黃酥脆，入面肉嫩JUICY，仲食到陣陣蒜蓉香添！配左支日本常陸野貓頭鷹啤酒，聞到類似咖啡味，第一啖飲落去無乜氣泡感，之後先慢慢刺激喉嚨，混合左咖啡酸澀感同黑啤嘅苦酸味，同炸雞係perfect match!邊個仲敢話炸雞啤酒係韓國專利？！原來日式都OK架~…查看更多

又再次約fd黎呢度食韓燒，狂食肉之外，因為有個肥仔朋友話點都要有啲澱粉質落肚，如果齋食肉只會虛飽，轉頭返到屋企佢又要煮個公仔麵喎，大無咁誇呀？為左佢，所以就叫左個韓式年糕一齊食啲，味道甜甜辣辣都幾開胃，煙韌入味，面頭加左芝士，撈埋一齊食口感幾唔錯，食埋認真飽上加飽。食咁多重味野點可以唔飲野？見到有杯特飲叫魔法梳打，個名咁cutie，有幾magic先？睇到佢紫紫藍藍色已經覺得好cool好型，梗係要比相機食先啦~以為係提子或藍莓味，原來係"藍蝶花"加檸檬汁整成，"藍蝶花"呢個名勁有詩意~飲落味道天然，酸酸甜甜好有新鮮感。…查看更多

知道呢間拉麵都新新地，睇左D網上食評話OK先敢黎食，驚中伏嘛！食左個黑蒜油豚骨拉麵，湯底係豬骨湯加黑蒜油整成，顏色沒想像中咁黑，飲左幾啖湯，都好濃郁下WOR，叉燒肥瘦適中，同埋好淋好滑，仲有溏心蛋，成碗麵食落唔覺滯，值得回味。跟餐加20蚊會有多三隻餃子同汽水，餃子好脆口，入面既菜肉餡好飽滿，係一個唔錯既午餐。…查看更多

公司附近新開左間意式餐廳，見到有廿蚊 coupon，作為婆仔既筆者梗係第一時間拉埋個同事黎食lunch啦！聽聞老闆係意大利人，所以對正宗意大利風味有一份堅持，GOOD~~~Lunch set選擇好簡單，主要係沙律、Pizza同意粉，我就揀左肉醬意粉，同事就揀左沙律，然後大家share黎食。Bolognese Spaghetti $95肉醬意粉幾乎係任何人都鍾意食既，平日到餐廳點菜諗唔到食乜，筆者就會揀肉醬意粉，總覺得佢睇上去簡單，但就好睇到一間餐廳既水準。呢度個肉醬意粉好香口，肉醬番茄汁非常香濃，好好味，加埋芝士碎更可以話係錦上添花。Chef Pick Salad $86呢個沙律一送到黎覺得好colouful，令人食慾大增，入面有碎芝士、車厘茄、紅蘿蔔、黑水欖、三色椒、蛋同新鮮蔬菜，用左黑醋調味，唔好聽到醋就諗住一定係酸，食落反而係甜甜地，整體上好fresh！！！…查看更多

行過雲咸街，見到有個地鐵站牌，去過New York既朋友認得係Prince Street站，原來係一間餐廳既入口，都幾有心思喎！小店面積唔係好大，入面提供既飲品同食物亦唔算好多，但從餐牌上睇到食物以唔同地區命名，我諗係想食客即時分到每款出品既唔同特色。見到唔少都屬於經典街頭小食，今次就試住其中兩款先。Midtown Halal Chicken Bowl ($78)一上枱已聞到好香濃的中東香料味，問問廚師原來是用香滑雞腿肉加上香料慢煮兩小時，唔怪得咁香啦！煎香雞腿肉之後再加特製乳酪汁，下層舖滿黃薑飯同生菜，可以話係一款好有地道風味既美食。Nolita Habana Grilled Corn ($48) 係有名既墨西哥菜，將香甜粟米燒香後在面層舖滿芝士及辣粉等，有齊酸甜香辣，相當滋味。…查看更多