笑haha的个人专页

工作過後，到達餐廳，過左繁忙的午餐時間，所以人不多，落地玻璃景色:)，好舒服。再加上枱與枱之間有一定距離，傾偈傾得更舒服。午餐抵食，由包包、前菜，主菜、甜品及飲品。我地主菜揀左義大利餃子，同煎魚，大家share 食，好飽好味。甜品令人驚喜，我哋齊齊揀咗tiramisu，食落口好有口感，味濃，加埋藍天白雲嘅景色，感覺寫意舒服。值得約埋三五知己一齊去食，又或者拍住拖去享受。記得可以喺OpenRice訂位，賺埋積分，咁就再抵啲啦。…查看更多

約埋朋友仔一齊去試下所謂既草本咖啡，係咪養生呢就唔知啦，不過味道比預期中好飲，雖然感覺睇落好似飲苦茶咁，但係咁樣飲咖啡都幾新鮮得意。我地分別叫咗羅漢果美式同陳皮美式磨豆製作時已經聞到好香濃嘅咖啡味羅漢果美式咖啡帶點點羅漢果甜甜的味道陳皮美式第一啖陳皮味不太出，攪拌再飲再飲就陳皮味回彈力強，我個人就較喜歡陳皮美式多啲啦仲覺得越飲越順氣厚切乳酪，四方方磚頭款嘅乳酪，味道不錯，唔太甜，入口凍冰冰，隨後帶點乳酪酸酸美味嘅味道，不錯！甜品都值得一試呢…查看更多

朋友話呢度嘅菠蘿油好好食，放工特意過嚟試試。菠蘿油唔熱中間塊牛油冇嗰種溶溶地嘅油香感，雖然個菠蘿包味道不錯，但牛油同菠蘿包味道似分開的，有點可惜。蛋撻比較甜，酥皮底好食。如果剛出爐，相信應該會更好食。我哋仲叫咗碟乾炒牛河，雖然好有鑊氣，但有少少燶味。凍奶茶太甜，凍檸茶走甜好飲，佢既茶底不錯、好飲如果叫少甜或者走甜會比較健康啲。普通茶記，食物味道普通，唔知點解會咁出名，好多旅客到訪。今次店舖內都多人，好多人都叫菠蘿油，唔知佢地覺得好唔好食呢？估唔到呢間冰室，未到七點就有人排隊。…查看更多

放假同家人去飲茶，唔多人等，好快有位裏面有小機械人送餐幾得意。龍蝦湯灌湯餃，龍蝦湯濃郁，但配襯灌湯餃整體又點膩。蝦餃燒賣好食，蝦餃上有金箔感覺好高貴。整體點心熱辣辣，味道不錯。煎腸粉就冇乜特別，下次可以試蒸腸粉。炸雲吞好好食嗰醬唔算太甜，配上脆口炸雲吞味道一流…查看更多

工作咁辛苦，難得黎到九龍附近，就俾呢間燒肉香味吸引住以午餐黎講，食百多元的確唔算平，但以燒肉午餐定食套餐，又幾吸引唔想燒肉一陣味都可以揀普通定食架。我同同事每人各揀左大助一人前 ，可以揀兩款肉。我揀左汁燒牛小排同埋黑豚肉， 同事揀咗汁燒牛小排同埋鹽燒牛舌。 套餐一來大家都好有驚喜，好開心咁燒燒燒牛小排放入口，軟淋淋，好有肉味；黑豚肉口感不錯；牛舌比預期中厚，好食。前菜、白飯、蒸蛋加甜點，食得好飽足。午餐不用加一，以氣氛及食物質素黎講，物超所值。…查看更多

旺角美食百花齊開，經朋友介紹今日同男朋友一於試下呢間新開既台式火鍋，位置係瓊華中心，地鐵一出行兩步就到，十分方便。同一般火鍋店一樣，一上到去就已經聞到好香既「火鍋味」，未入去就已經流哂口水 還好我們是5點來到餐廳，人數不算多，馬上可以入座 :)。餐廳以吃到飽/俗稱火鍋放題形式點餐，我們點了特級安格斯吃到飽套餐，套餐內包13樣不同肉類、配料任食;而湯底有九款，每款都別具風格，我們想了一會就選擇左牛夫人秘方麻辣鍋(小辣)，因為左右兩枱都點了這個湯底，氣味實在太香了...牛夫人秘方麻辣鍋:傳統台灣麻辣鍋，鍋內放有不同放辣的香料及鴨血，對於唔係好食得辣既人黎講，小辣恰到好處，湯底入味之餘不會太咸，辣度又令我地辣得過癮，一試難忘!配料方面，餐廳的配料大致分為兩類，一是用電話QR CODE去點餐，另外一些配料是自己出去自助拿的，提醒大家一定要準備好有得掃瞄QR CODE既電話點餐呀!我有做個統計，我地分別叫左牛媽秘製滷大腸，美人花膠，魚香皮蛋豆腐，士林鹽酥雞(辣)，台式蝦餃，手工小雲吞，台式蛋餃，新鮮沙白，鮮甜海蝦，蟹籽墨汁漿，安格斯牛小排，西班牙豬五花片，安格斯特選牛板腱，西班牙豬梅肉片，安格斯肩胛牛肉，基隆甜不辣，蟹棒，香菇貢丸，台式花枝丸等等...仲有好多樣未試餐前小吃: 士林鹽酥雞(辣)，魚香皮蛋豆腐，基隆甜不辣，正常水準，等緊野食熟既時候可以叫黎醫下肚 海鮮類: 新鮮沙白、鮮甜海蝦非常鮮甜，重點係可以任食!!肉類:安格斯牛小排，西班牙豬五花片，安格斯特選牛板腱，西班牙豬梅肉片，安格斯肩胛牛肉，呢五樣係必叫之選，特別係安格斯牛小排，切得岩岩好，配合麻辣湯，牛香辣味皆有，一試難忘!餃類:台式蝦餃，手工小雲吞，台式蛋餃三樣口感都不錯，但餃類本身比較吸湯，建議唔好點太多，如果唔係好快就「吃到飽」了 丸類:男朋友加埋食左5、6粒香菇貢丸，佢話香菇味好香，滲少少辣味咁食真係食上癮喎其它類:推介必試牛媽秘製滷大腸，我諗唔止係麻辣湯，配合其他湯都一定一樣好入味，正!蟹籽墨汁漿比較特別，賣相是全黑色，食落口仲有好重墨汁味呢!飲品方面，都係有分為QR CODE點餐飲品同自助拿的飲品，我地兩款都有試，各有千秋!牛大人菊花普洱、牛大人洛神花茶:茶香十足，洛神花茶係火鍋前飲更是開胃!冬瓜茶: 我同男朋友仔每人飲左兩杯，因為...真係好好飲🤗(收費)黑糖珍珠鮮奶: 要額外收費的飲品，不過...只要LIKE FACEBOOK/IG就可以免費飲一杯。這杯真的不能不推介，我地都同意係呢杯係好好飲既黑糖珍珠鮮奶順帶一提，我地去食過陣因為餐廳新開還未拿到酒牌，所以飲品仲未有酒精類飲品可以供應。食到飽一飽記得仲有Movenpick雪糕作為最後既甜品，我同男朋友飽到就黎要比人抬走喇，哈哈~食左咁多野食埋單都只不過係$376，難怪我們離座時餐廳除了滿坐之餘，餐廳外排了一條很長很長的隊。建議大家如果黎食既話一定要BOOK位或者同我地一樣早啲黎食呀!仲有個好重要既重點係，呢間火鍋係有120分鐘用餐時間，有心人真係可以有機會每樣配料都試一次，名符其實既「吃到飽」!超級推薦大家無論如何都要來試一次，哈哈!…查看更多

每次經過銅鑼灣都會見到有一大堆人係呢間鋪前面排隊，每次望到聞到都好想食，可惜次次都見有排等就走了。今日經過利東街竟然比我同男朋友仔見到呢間「劉一手」係我地面前出現，雖然望落價錢都唔平，但係我地係門口已經流哂口水，一於入去大食一餐 。可能我地5點就入座既關係，唔洗排隊就即刻可以入座。店內只得幾枱食客，店內空間十分之大，我地坐底仲未落單都已經十分興奮 睇左一陣，我地就叫左一個滋補豬骨鍋併正宗重慶麻辣鍋(小辣)做鴛鴦鍋;配料方面就叫左炸重慶酥肉、招牌劉毛肚、澳洲和牛肩小排、油炸鬼滑拼牛脷酥滑、蟹柳棒、珊瑚蚌、唐生菜、手打牛肉丸、水餃王同埋香菇貢丸;飲品就係菠蘿鮮果沙冰同劉一手手工啤;至於甜品就叫左原味冰粉，加起來成枱都係野，超級豐富 滋補豬骨鍋併正宗重慶麻辣鍋(小辣): 滋補豬骨鍋一如其名入面有2條大豬骨加埋粟米等配料去煲，湯底非常清甜!正宗重慶麻辣鍋麻椒味十分香，湯底落口有麻有辣，超級惹味，湯底至少一定要叫返個!雖然我地叫左小辣，但係食落口已經非常辣，唔食得辣既朋友記得注意一下炸重慶酥肉: 必點的餐前小熟食，酥肉咬落口滲出淡淡辣味，令人非常開胃!岩哂等緊野食/未有得食既時候填一填個肚招牌劉毛肚: 推薦必點之選，毛肚配合重慶麻辣湯，煮個十秒鐘就食得。毛肚非常能滲入湯底的味道，放落口非常爽口!澳洲和牛肩小排: 肉感非常鮮甜，可以按個人喜好配合任何湯底，口感有「入口即熔」既感覺，正!油炸鬼滑拼牛脷酥滑: 非常出色既一個雙併，無論係油炸鬼滑定係牛脷酥滑口感都非常不錯。牛脷酥滑食落口會再有少少甜甜地既味，可惜併盤每樣只得4件，食完差D仲想ENCORE一次呢蟹柳棒: 純粹男朋友仔鐘意食叫黎滿足下佢。佢話蟹柳棒加麻辣湯去煮非常入味，佢食到個樣好滿足咁 大家如果有特別鐘意食蟹柳棒都可以點黎試下。珊瑚蚌: 口感非常鮮甜!!呢個反而建議放落清少少既湯去煮，之後配合自己DIY既醬料去食，非常滋味!唐生菜: 男朋友貪心放落麻辣湯到煮，一食落口就辣到佢叫救命所以話呢，菜都係放返落去清啲既湯到煮，豬骨湯既甜味都能夠帶入啲菜到，不錯不錯!手打牛肉丸: 正常水準，沒什麼特別。水餃王: 正常水準，用料豐富，但食太多會「膩」，建議一大堆人每一隻就岩岩好。香菇貢丸: 必叫之選，香菇味很出，食落口十分JUICY，轉眼間就比我地清哂，哈哈!菠蘿鮮果沙冰:男朋友非常鐘意，望落去好似好少咁，但實際上份量好多，沙冰間夾雜著新鮮菠蘿，邊飲邊食辣，又正又爽!劉一手手工啤:味道幾特別，值得一試。原味冰粉:一份冰粉幾重層次，最上層既桂花清香配搭碎花生粒及白芝麻;中間微甜的提子乾混合杞子乾;底層冰涼軟綿的冰粉，一啖吃落口不會過濃及過甜，食完一大堆打邊爐食物後用黎「下火」簡直一流!食到近7點，店內人數一直愈黎愈多，非常熱鬧。如果唔想等位既話，記得同我地一樣早啲到呢!我地經過一番大戰之後已經飽到旭唔到，埋單雖然千幾蚊，但係我地都一致覺得物超所值，下次經過灣仔一定會再黎幫襯!超級推薦大家經過灣仔有一定要黎試下呢，哈哈!…查看更多

同閨蜜食飯，當然要搵一個休閒舒適嘅地方，可以靜靜地傾下偈又食下野啦。今次呢間英皇駿景酒店地下嘅 monkey cafe就啱晒我地啦。呢度做緊東南亞半自助午餐，沙律吧甜品小食係可以自助隨便享用，而主菜就四個選擇中揀選一款，每人都只係二百零蚊，坐得舒服又味道不錯，值得一試吖。當我地各自揀左主菜後，就可以去享用小食同沙律吧。今日餐湯係肉骨茶，未開煲蓋時已聞到好香的藥材味，湯好濃味，豬肉煲到好腍，一啖湯一啖豬肉真係無得頂。沙律可以自己揀唔同既新鮮蔬菜， 冷盤有蝦同煙三文魚等，其他東南亞食品有海南雞、香辣炒蜆同炒蟹等，都好惹味添。食左陣前菜，就可以等主菜到，我地一齊都叫左個烤肉眼扒配燒汁，七成熟，味到不錯，鋸下扒，傾下計，感覺好梳乎。之後仲有甜品同餐飲可以自助食。哈哈，呢度裝飾舒適而價錢唔算貴，靜靜咁傾偈享受下，約埋三五知己黎就啱晒啦。…查看更多

上次係灣仔分店食左一次，雖然唔係食得好辣，但感覺好正。今次黎到尖沙咀未夠鐘睇戲，一於同男朋友仔再去食多次!我地5點去到，可能未到食飯時間，人流唔算多，立即就可以入座，一路行啲香味就一路滲出來，真係未食先流哂口水呀!我地諗左陣，既然大家都唔係食到好辣就叫一個大骨滋補鴛鴦鍋配普通辣;配料方面就叫左槄田毛肚(全份)、曉宇嫩牛肉(全份)、極品鵝腸(全份)、重慶炸酥肉(全份)、現炸豆皮(全份)、美國安格斯優質肥牛(全份)美國安格斯優質肥牛(份)、蟹柳(半份)、唐生菜(半份)同埋自製羅漢果(兩杯)。紅棗雪耳糖水: 一坐低店員就會先送兩碗比客人食，口感清甜，開胃糖水正餘又可以先「下一下火」！大骨滋補鴛鴦鍋普通辣: 中間的一小部份就是大骨滋補湯，湯內真係有成條骨係度，加埋啲粟米，整個湯底非常香甜，配合各款配料都好夠味!至於普通辣既部分係一個大環形，湯內由不同調味香料同辣椒組成，對於唔係食得好辣既我地黎講，呢個辣度岩岩好，辣得好過癮之餘又唔會因為太辣而冇左食物本身既味道!鴛鴦鍋既好處就係我地整晚可以交替兩種味道咁食，辣到頂唔順時就食下大骨湯「過下冷河」，哈哈!自製羅漢果(杯): 開胃解辣之選，但建議可以叫一渣，因為一人一杯絕對唔夠飲!槄田毛肚(份): 別於一般牛柏葉，槄田毛肚的外表是淡黑色的，配合大骨湯或者辣湯都好爽口，必叫必試之選!曉宇嫩牛肉(份): 這碟真的非叫不可，嫩牛肉非常鮮甜，配合辣湯能更能將味覺享受升級，保證令大家一試難忘~極品鵝腸(份): 鵝腸彎彎曲曲，令到整條鵝腸由內到外都可以纏上不少辣味配料，從而吸收更多辣味，因此配合辣湯本身就能將辣味口感昇華。每食一條鵝腸都覺得辣得好過癮，正呀!重慶炸酥肉(份):這是一個可以即食的小食，雖然不是火鍋配料，但製作也不求其!食落口會有淡淡辣味慢慢滲出，非常滋味既小食!不過建議真係要趁熱食先係最好味!現炸豆皮(份):有別於一般火鍋店order炸魚皮/響鈴，現炸豆皮係兩者之上，食落口豆味就很香濃，個人建議這個配搭大骨湯來吃，甜味加上濃香豆味，認真不錯!美國安格斯優質肥牛(份): 非常嫩滑，每一塊牛也充滿牛香，推介必叫之選!蟹柳(半份): 粹純男朋友本身鐘意食蟹柳所以叫左半份滿足下佢既心願...哈哈!唐生菜(半份): 食火鍋又點可以冇菜既呢? 唐生菜本身就好吸湯，配合大骨湯食落口甜甜地非常正。至於配搭辣湯的話，男朋友食完直頭辣到噴火，但佢話好過癮呢!食左兩個鐘左右，我地辣得黎都好滿足，開開心心埋單走人去睇戲了，期望下次再食過呢!推介無論鐘唔鐘意食辣既朋友仔都一定要黎試下呢!溫馨提示，order紙上寫有每樣食品建議烹煮時間，對於或者可能係新手既你地黎講記得留一張order紙比自己一路睇一路煮呀，哈哈!…查看更多

黎到銅鑼灣唔愁冇飯開，但偏偏我同男朋友就對呢間Ember情有獨鍾，係眾多食肆可以選擇之下，我地都係揀左再食多次呢間，因為真係一試難忘!!!第一次黎可能難搵少少，但第二次黎我地已經有印象點行，係地鐵C出口行過黎都係大約十分鐘，十分方便。我地今次食7點鐘，可能間餐廳愈來愈出名，餐廳幾乎都滿座，還好我們有訂坐呢~睇左陣餐牌，我地就決定叫一客法式龍蝦湯Share飲、主菜叫左烤西班牙黑毛豬扒伴荷蘭豆燒手指薯配燒汁同埋魷魚燒南瓜法邊豆粟米黃金意大利飯伴香煎北海道帶子、飲品方面就叫左杯Tap Sonic同埋Music Tower，最後的甜品就叫左朱古力心太軟伴雲呢嗱雪糕，真係十分之豐富~法式龍蝦湯: 夠哂濃味，完全造到龍蝦湯的精髓，一個人飲可能好快就會好飽，所以兩個人share就岩岩好呢!烤西班牙黑毛豬扒伴荷蘭豆燒手指薯配燒汁: 店員幫我地建議了要7成熟，食物黎到時賣相不錯，食落口果陣亦果然冇令我地失望。西班牙黑毛豬扒非常香口，7成熟咬落口感一流，咬落一啲都唔韌，反而有一種入口即溶既感覺，配合微微香烤味認真出色!伴碟的荷蘭豆和燒手指薯亦不錯，我地最後食到成碟咩都冇哂呢，哈哈!魷魚燒南瓜法邊豆粟米黃金意大利飯伴香煎北海道帶子:上次食既時候已經覺得呢個飯好好食，今次再叫果然一樣冇令我地失望。帶子煎得恰到好處非常香口，兩個人share每人都食到一粒半，但最吸引的是整個飯也充滿著南瓜香味，每粒飯好似都滲著南瓜汁，雖則非常juicy，但食落又唔會太腻，推薦必叫之選!Tap Sonic: 簡單來說就是苿莉花糖水混合雞尾酒，飲落口有非常濃烈的苿莉花味，十分醒神。杯內的冰粒是自家制產品，冰粒中夾雜著接骨木花粒。賣相白裡透紫，令人賞心悅目，好有一種治癒的感覺!!Music Tower: 賣相十分有趣的一杯無酒精飲品!餐廳用左新鮮既菠蘿切成條狀，堆砌成一個層層疊的形狀，飲品內裡是混合了自家製的芒果糖水、雪碧同埋菠蘿汁，飲落啖啖都散發著菠蘿同埋芒果溝埋既果種清甜感覺，正!我地最後仲有食埋啲菠蘿，又幾好食wor!我地仲見到隔離枱見到我地食埋啲菠蘿就同我地一樣食埋，哈哈，大家記住食埋唔洗怕羞!朱古力心太軟伴雲呢嗱雪糕: 朱古力心太軟無論外與內都充滿濃味的朱古力，配合雲呢嗱雪糕果種冷暖交流咁食真係冇得頂，我只能夠說作為最後一道菜真是十分滿足呢!慢慢食傾下計唔經唔覺就到左8點45分，諗住埋單之際店員就同我地講9點開始有live band show，叫我地坐多陣睇下表演。到左9點，band show正式開始，我地呢晚band隊由幾個外籍人士組成，聽左兩首，雖然唱既歌都係一啲我地唔識既英文歌，但聽落去感覺好舒服，band隊十分高質呢!聽左2首歌，我地終於埋單了。兩個人埋單5百多元，食物好食、環境不錯、live band show正，我地覺得呢個價錢真係物超所值，黎近仲會繼續encore呢，推薦大家有機會黎到銅鑼灣搵食一定要去試下，最後夾定夜啲時間去可以一併睇埋live band show，哈哈!!…查看更多

銅鑼灣一向多野食，今日黎到銅鑼灣就不知不覺揀左呢間BINGO&COOK。位置就係C出口一出既對面2樓，非常近地鐵站，非常方便!到達餐廳時已經2點，我地估應該過左人流最多既lunch hour，所以店內都有吉位~ 店員好快就安排左我地去坐窗邊位，正呀!我地望左陣餐牌，就叫左半份蜂蜜黃油炸、韓式炒年糕同辣炒豬肉炒飯。飲品方面就叫左西柚碳酸水同埋士多啤梨奶昔~可能店內人流不多的關係，食物10分鐘內已經全部送到，岩哂肚餓既我地!蜂蜜黃油炸: 上菜時已經非常香，食落口更加不得了!由於用左蜂蜜關係，每炸雞都帶有絲絲甜意，食落口啲雞肉同甜味一齊溶化，真係超級正呀!伴碟的薯仔同粟米亦有吸收甜味，記得要食埋呀!韓式炒年糕: 感覺非常物超所值既一道菜，上菜用一個大鍋上，份量非常多!入面除左有年糕之外，仲有韓式魚片，辛辣麵等，雖然辣度唔係好夠，但係每樣食物都好有韓式口感，簡值就係一次滿足哂幾個願望咁!辣炒豬肉炒飯: 當我地猶豫緊阿炒粉絲定呢個飯既時候，男朋友就話想食飯所以叫左呢個。估唔到個飯都有驚喜! 辣炒豬肉非常香口，連帶整個飯香都好足夠，食落口非常JUICY!飯仲有額外附加炸魷魚，一食落口真係嘩一聲，個炸魷魚非常出色!下次我地一定會順道追加炸魷魚呢~西柚碳酸水: 幾特別的味道，好夠氣之餘西柚味亦好出，大大杯岩哂作為一大堆食物既餐飲!士多啤梨奶昔:飲落士多啤梨較淡，反而乳酪味較重，但兩者加起相來就恰到好處，男朋友好鐘意飲，飲完仲想叫多杯!埋單約500元，lunch黎講好似貴左少少，不過我地都覺得物超所值呀，食完已經諗緊下次幾時再得閒黎食。推薦大家有機會一定要黎試下，記得一定要ORDER蜂蜜黃油炸試下呢，保證你會愛上，哈哈!…查看更多

觀塘一直都係美食雲集，今日唔食工廈既餐廳，轉戰呢間係APM旁既扇火鍋~夜晚6點鐘去食，人流不算多，馬上可以入座。望落餐牌我地都係比佢新出既壽喜燒食法吸引住，原因係除左可以打邊爐之外，仲可以燒下和牛呀!!我地叫左個$249任食澳洲黑毛和牛火鍋套餐，落完單5分鐘左右，個大鍋就黎到我地面前，店員亦企定定好耐心咁同我地講解食法。首先將生雞蛋打好落個碗到，然後就開始燒熱和牛脂肪、洋蔥同京蔥。接著就可以加入和牛炙數十秒，中間可以按自己口味同風格加入壽喜燒甘露，令口感帶有甘甜味。炙好後馬上沾上剛剛打好的生雞蛋就可以進食。生蛋可以粘住肉汁，令和牛、肉汁同蛋香三者混埋一齊，一啖食落口真係好幸福呀!!隨了和牛之外，套餐亦都有牛舌供應，燒落雖然冇燒和牛咁好味，但間中燒幾片黎中和下「食到太多和牛既味」都唔錯! 店員又提醒我地和牛可以夾集剛剛燒卷的洋蔥同京蔥一齊食，會更滋味，可惜我和男友都唔係愛「蔥」之人，所以呢個更上一層的味覺追求就留比大家試下啦燒左 2 ROUND和牛左右，我地就把握時間將燒肉轉變成邊爐~ 店員亦馬上幫我地加入日式清湯，迅間轉變成打邊爐!配料雖然同其他火鍋店大同小異，但係有啲特色配料例如「冰菜」，就真係呢度先有，賣相特別之餘，煮熟左食落口更有一種爽口既感覺，大家不妨黎試下~對於鐘意食海鮮既朋友亦可以考慮可以好似我地咁追加套餐SET，任食無限既虎蝦、蠔、帆立貝等等~食落口感覺海鮮都幾新鮮!另外我就更特別鐘意跟餐既香脆響鈴!響鈴配合呢個壽喜燒湯底，真係咬落口每一啖都好幸福，超級正呀!食到咁上去飽就去拎返杯雪糕做收尾，呢餐除左飽之餘，我同男朋友都有種好幸福、好滿足既感覺~推薦大家有空黎到觀塘一定要去試下呀!!!哈哈~…查看更多

十年都唔會入去大埔，難得有活動去到咁遠，當然問下朋友大埔有咩好食啦。朋友大力推薦左呢間，仲話包我地有驚喜WOR 本身唔好黎大埔呢頭，所以只好一路GOOGLE一路搵，最後終於在某條街尾搵到呢間餐廳，位置上其實都算幾偏僻~入到去坐底，店員安排左我地坐BAR枱。不得不先讚的是，店入面真係幾有浪漫約會既氣氛，絕對係約會/朋友小聚既好地方!睇左陣餐牌，我地就叫左魷魚西班牙辣肉腸燒南瓜法邊豆咸蛋黃意大利飯伴輕煎北海道鮮帶子、美國安格斯牛肉煎蛋煙肉芝士漢堡伴薯條同埋避風塘蘿蔔糕。而飲品就叫左Apple Juice同埋MANGO TANNIN。甜品部份就選擇左焗香蕉酥皮卷伴自家製開心果雪糕。魷魚西班牙辣肉腸燒南瓜法邊豆咸蛋黃意大利飯伴輕煎北海道鮮帶子: 味道同個名一樣咁豐富，RISOTTO充滿住南瓜同蛋黃味，好JUICY!北海道鮮帶子煎得岩岩好，口感不錯。其他配料包括魷魚同埋辣肉腸亦同個RISOTTO幾夾，推薦大家可以叫黎試下!美國安格斯牛肉煎蛋煙肉芝士漢堡伴薯條: 份量非常大既一個餐，對於一個女仔黎講有可能食唔哂~ 美國安格斯牛肉雖然我揀左7成熟，但黎到伴漢堡既肉感仍然非常好，咬落去肉汁完全感受到美國安格斯牛肉果種「牛香」，正!煎蛋煙肉芝士作為配料恰到好處，本身夾得黎唔會搶左安格斯牛肉既味道!薯條為伴碟，正常水準~避風塘蘿蔔糕: 賣相冇咩特別，但食落口就非常驚喜! 只能說食得出廚師用心製作，整個避風塘味完美咁滲入曬蘿蔔糕度，超級正!男朋友仲偷偷地將啲「避風塘碎」混入RISOTTO到一齊食，雖然有啲熱氣，但又真係幾惹味喎 MANGO TANNIN: 幾清新的一杯MOCKTAIL，芒果味同茶味互融，不會被是但一者搶左個味，一個唔錯既餐飲。MY CUP OF TEA: 可能因為坐bar枱既關係，Bartender話調多左唔好哂，比小小我地試下 雖然我地只係飲左少少凍既版本，但飲落口幾清新、幾特別，味道除了帶有酒味之餘，亦散發住淡淡的接骨木花香同yogurt味，正!望返餐牌先知原來呢個MY CUP OF TEA有冷熱兩飲，賣相亦相當有趣吸引!可惜我地只係試到少少冷飲 :( 推薦飲得酒既大家一定要叫黎試下!!係「THE RIGHT PLACE」大家應該都想搵到「MY CUP OF TEA」吧!? 焗香蕉酥皮卷伴自家製開心果雪糕: 呢個甜品真係不得不推介!!!香蕉酥皮卷超級有水準，充滿香蕉味之餘完全唔會有一種「食到好漏」既感覺，酥皮亦焗得岩岩好，只能說是The Right Dessert!開心果雖然不錯，但相較香蕉酥皮卷下較為普通一如朋友所講，食物果然有驚喜，雖然地方可能要行遠少少，但係去到「THE RIGHT PLACE」，總算值得吧!? 哈哈~ 推薦大家一定要去試下!…查看更多

銅鑼灣行行下，男朋友突然話想食點心，我地就諗返起上次食野經過見到間格局都唔錯，一於去試下~望落張點心紙，其實都幾多選擇，加上價錢又唔係貴，所以我地就有理無理叫左一大堆，包括籠太子蝦餃皇、鮮蝦燒賣皇、黑椒金錢肚、魚肚水餃、皮蛋牛肉腸、鳳爪排骨飯、煎蝦膠釀茄子、鮮芒果布甸同埋精選老火湯~籠太子蝦餃皇: 抵鑽之選，可能有考慮過客人想多試其他款式關係，呢樣可以order 2件裝/4件裝。蝦餃食落口有鮮味，配合店家自製既辣椒醬真係一流。食完有種感覺係，早知叫4件裝啦...鮮蝦燒賣皇: 同樣有2件或4件裝供應，我地都係試左2件裝。食落口一樣鮮味十足，不過味道較蝦餃濃，可以不配搭自製既辣椒醬進食已經有好豐富既味道黑椒金錢肚: 呢樣係最後一樣到既點心，原因係製作需時。除左有黑椒金錢肚之外，盅的底部仲有烏冬作打底。黑椒金錢肚整得好入味，等耐少少係值得既!而底下既烏冬吸收哂黑椒金錢肚味就更加唔洗講，超級正!推介一定要叫黎試下~魚肚水餃: 濃味的代表有黑椒金錢肚，咁淡味既代表就一定係呢個魚肚水餃。魚肚同水餃都滲入了清甜的上湯味道，咬感充滿淡淡湯汁，正! 皮蛋牛肉腸: 幾特別的一個配搭，估唔到皮蛋加牛肉兩樣野加埋起來又OK WOR!不過腸粉凍得好快，記得黎到就襯熱食左先呀!鳳爪排骨飯: 驚喜之選，原本望落其他枱以為好細盅，黎到先知原來個盅都幾深下，足夠3-4人分~ 加入豉油後好有傳統鳳爪排骨飯既味道，鳳爪正常水準，但至於排骨就非常好味，咬落去肉感岩岩好又入味，正!推介大家一定要叫黎試下!煎蝦膠釀茄子: 酒樓經典小食重現，食落去非常香口，蝦膠同茄子係好好既配搭~雖然煎野預左一定有油，但如果可以再少多少少油會更完美鮮芒果布甸: 一客三個小的芒果布甸作為飯後甜品就再最好不過~ 布甸雖然冇加我最愛既花奶，但採用既鮮芒果幾清甜，配合布甸黎食真係非常正呀!可惜既係只係得三個，食完仲想再食 精選老火湯: 聽落個餐牌估計應該每日應該有唔同既老火湯，我地食果日係節瓜章魚煲豬骨。飲落口唔似加左味精，男朋友仲話好有「媽媽煲既味道」添，飲左好多添。溫馨提示，湯涼得比我們想像中快，記得趁熱飲!估唔到夜晚都嘆到平價高質點心餐，我地都覺得好滿足 食一大堆野，埋單200蚊多啲，性價比超高!推介大家一定要去試下呢，哈哈~…查看更多

天后不嬲都係一個隱藏既美食之城，今日我地就發掘左呢間越南野，店舖不大但店外睇落都幾吸引咁！望左個餐牌一陣，我地就叫左蟹膏蕃茄湯河、烤豬肉雞絲撈檬、斑斕綠豆糕、熱鹹檸檬水同埋芒果沙冰。蟹膏蕃茄湯河: 食落口有一種幾特別既感覺，本身跟餐的是檬粉，轉了河粉後河粉更滲入湯既味道，正!不得不大讚的是碗內的蟹膏餅，這個食落後非常香口滋味，如果覺得唔夠仲可以額外再比錢追加，鐘意食蟹膏既朋友一定唔可以錯過!烤豬肉雞絲撈檬: 不錯的主食，烤豬肉好入味，雞絲亦中上水平，拌撈的魚露本身已加入了在碗底，撈好就食得~另一重點是這碗撈檬的份量非常多，一個人食既話一定可以食到飽!斑斕綠豆糕: 重點推介的必叫之選!斑斕味好重，食落口有一種好真材實料既感覺，一試難忘!落單果陣聽到廚房話得返最後一個，所以拿拿聲先叫定一個，果然決定得冇錯!熱鹹檸檬水: 飯後一杯熱飲岩岩好，酸鹹味岩哂消化一堆食物後飲~芒果沙冰: 男朋友話係佢飲過最好飲既芒果沙冰!!飲落口唔係好重甜味，淡淡芒果帶有少少奶味，感覺真材實料製作，唔知用左幾多個芒果整成呢?餐牌內其實仲有其他都幾吸引既野例如越式法包丶軟包，限星期六日供應既蔬菜燉牛腩等，唯有留返下次再試或者大家去試啦埋單200有找，抵食到爆，有機會經過一定要試下啊，哈哈～…查看更多