16j的个人专页

同朋友慶祝生日，揀左呢間有無敵海景既餐廳，可惜太多人，被安排左坐室內，但環境都好靚😍食物好好味，朋友好滿意今日既安排😊餐包配牛油呢道菜唔記得叫咩名，甜甜酸酸咁，幾開胃煙燻豬肉寬條面，呢個有點重口味，食得多既話會有點膩，我地四個人分少少，岩岩好😂海膽意粉，海膽幾甜幾好味風乾牛肉Pizza，Pizza餅底薄薄地，脆脆地，配好多既芝士，火煎菜同牛肉，好好味士多啤梨千層酥餅，呢個壽星女大愛❤️又靚又好味，內𥚃有滿滿既吉士醬加鮮士多啤梨唔記得叫咩名，好清新既味道…查看更多

同男朋友好少食西餐，所以都好期待今次到中環呢間BA Polo Club既晚餐😊去到環境真係華麗到嘩嘩聲餐廳職員好熱情咁招待我地去座位，同介紹佢地餐廳。佢地係我遇過既最熱情既餐廳職員😂食物呢，都係個句，expectation 太高，好易失望，或者我地咁岩點左d唔岩我地口味既菜式，所以有點失望。不過食物份量好大，細食既朋友就唔好點太多啦。今次我地兩個人都食到好飽，但都食唔哂。😅餐包好鬆軟，我覺得甜甜地，男朋友話唔覺。前菜，味道無咩特別。呢個係芝士配法包，芝士咸咸地，我唔太鍾意。另外呢個好飽肚，唔建意人少既時間點，呢個我地係食唔哂架，但食完都已經飽左5成。呢個ribeye，叫左5成熟，但出到黎似7成熟，味道ok，但肉有少少韌。呢個三文魚，同樣味道ok，可以接受。全晚最欣賞呢個Mushroom，但因太飽，都係食唔哂。呢個薯蓉好creamy。因為我地兩個都唔飲酒，所以叫左兩樽水， Acqua Panna， each $68.事後我地檢討過，今次叫左太多飽肚食物，所以飽得濟，唔太欣賞到食物既美味。如果以相同價錢食牛扒同三文魚，我地會推薦wooloomooloo多d.…查看更多

男朋友好有心思，揀左呢間可以欣賞到維多利亞港海景既餐廳，慶祝我地既週年❤️餐廳環境好舒服，枱與枱之間空間大，私隱度高，望住個靚靚海景，加埋好聽既背景音樂，成個氣氛好舒服好浪漫🌹💕個餐包好鬆軟，味道唔錯。我地點左個沙律，不過唔記得左叫咩名，但好好味，好清新開胃。我地點左兩個主菜，黎到既時候都嚇親，因為兩個都好大份，食完之後我地都好飽好滿足呢個係招牌菜，wooloomooloo beef，叫左5成熟，超級好味，牛肉好嫩滑，好有肉味，好多肉汁，仲有4個唔同既sauce任我地配搭，真心推薦呢個steak呢個係全晚我的最愛，我好鍾意食三文魚，而呢個grilled salmon fillet係我食過既三文魚裡面最好味既之一，肉好滑好嫩，再配埋下面酸酸地既配菜，超正之後叫左個beetroot飲品，甜甜地，幾好飲。總括黎講，好滿意呢一餐慶祝飯，無論係餐廳環境定食物質素都一流一定會再黎呢間餐廳…查看更多

呢間餐廳係又一打卡好去處。環境真係好靚好似入左萬花筒既世界咁。但係整體食物味道就so far so good, 無太大驚喜，價錢都唔便。即使係咁，但因為餐廳環境實在太靚，所以都值得到此一遊😂一出𨋢，你既左手邊會係一道粉紅色牆。右手邊就係一道萬花筒鏡牆❤️但要小心，洗手間係牆後，小心影相時被由內推開的鏡門撞到。入到餐廳，左手邊就係好colourful 既類似conical flask既牆。右手邊就係咁。餐具都好靚好colourful😍法國慢煮鵪鶉腿配牛油炒野菌，鵪鶉肉好滑好軟，牛油炒既野菌就好香口😋慢煮穀飼180日安格斯牛肩胛，可能係慢煮既關係，牛肉都係好嫩，但就太腍，同無牛味，亦無咩油，唔太覺得自己食緊牛肉。但由於無咩油，都係一個健康既選擇😅香煎日本帶子黑松露忌廉意粉，帶子唔錯，好厚好彈牙，個意粉就好creamy，都食到黑松露味。黑魚籽麵包蟹意大利飯，呢個就不推薦大家啦，又貴又唔太好味，d蟹肉唔鮮甜。我地都有點OMG 啡菇二重奏，但無影相，呢個好食，推薦，芝士加肉醬，好味👍🏻…查看更多

朋友話我地好耐無一齊影相，所以精挑細選左呢間充滿少女氣息既餐廳😂一入到去，見到整間餐廳都係粉紅色調，白色加少少粉紅既雲石餐枱，卡位係桃粉紅色既櫈，仲有一幅粉紅花牆，加埋精緻既餐具，絕對係打卡聖地😍可惜我地無被安排坐卡位，所以最終都無咩影相，專心食飯😝食物款式方面幾新穎，有d菜式無係其他餐廳見過，而食物質素方面都唔錯，值得一試。但食物份量方面偏細，所以食量較大既朋友可能要點多幾份菜。今日我地三個女仔，點左5道菜加2杯野飲，之後仲有胃口可以去食糖水😂精選沙律， 係一個好健康既選擇，有豐富的抗氧化營養既羽衣甘藍同紅菜頭，配合香口既松子仁，仲有酸酸地既sauce，味道唔錯，好清新明太子釀雞翼，同兩位朋友都一致認同，呢個好好味雞翼係無骨的，裡面係啖啖雞肉同明太子，少少辣，好好味煎香茅豬扒，肉好嫩好滑，但香茅味唔太出，都值得試。海膽薏米意大利飯，呢個我本人不太喜歡，覺得d飯有點硬，但其中一位朋友好鍾意，覺得好有咬口😂但佢就話個海膽一般般啦😅日本明太子素面，都係三個一致認同好味，好特別，個面好creamy，個蟹肉薯餅都好香口脆口。但飲品方面我地就覺得麻麻地，呢個蜜糖柑橘果茶，我地已經等佢焗左一陣先飲，但味道依然好淡，淡到好飲飲緊水咁。山茶花拿鐵，我地都好好奇山茶花係咩味，但飲完都係唔知山茶花係咩味，因為同普通拿鐵無咩分別😂…查看更多

同男朋友鍾意係觀塘搵唔同既餐廳食飯，今次搵到呢間係工廈有好多正平既日本餐廳一試。餐廳環境舒服，燈光較暗，今次坐沙化卡位，都有少少屋企既感覺😊職員都友善，helpful👍🏻我地兩個人，叫左3道菜都好夠飽，因為好大份，整體味道都可以，但無想像中咁好味，可能期望太高😅首先黎左個松葉蟹鉗海鮮鍋。值得讚既係用料好足，有蟹鉗，帶子，青口，蝦，冬菇，金菇，粉絲，豆腐同娃娃菜。湯同食材既味道都係較清淡，鍾意啖口味既可以一試，鍾意濃味既就不推薦呢道菜啦。原條鰻魚炒飯賣相好靚，好大份，味道唔錯，燒鰻魚既汁甜甜地，配個炒飯一流。但係個炒飯質地偏軟身，本人比較鍾意硬身少少既炒飯。八爪魚丸就中規中矩，同一般八爪魚丸一樣，唔太特別😂藍桔富士山，最特別係佢會有燈係杯飲品入面，不停轉色😂味道就係波子汽水既味道，但將雪糕攪拌埋汽水一齊飲就幾好飲😊…查看更多

呢間餐廳好適合一班女仔聚會，環境好夢幻好舒適，我地一行六個女仔，安排左坐餐廳最右手邊，淨係得我地一枱，私隱度極高，旁邊係買餐廳自家蛋糕、茶葉、傘、袋等物品。汁燒牛肉櫻花蝦煎茶泡飯 ($148)泡飯好清淡，有陣陣茶香。天然飼養雞慢烤蕃茄燉飯 ($168)雞肉好滑好軟，蕃茄燉飯甜甜酸酸，開胃好味道天然飼養雞排牛油果芝士燉飯 ($168)同樣雞肉好滑好好味。西班牙橡果黑豚肩肉藜麥南瓜汁燉飯 ($178)安格斯牛肉青咖哩扁意粉 ($158)牛肉不過不失，青咖哩味不太濃，少少辣。西班牙橡果黑豚肉羅勒松子醬扁意粉 ($168)餐牌設計都好靚…查看更多

星期六晚出動係觀塘搵美食。上左呢間好有特色、以運動為主題既餐廳。但我地太為食，淨係掛住食，無玩到佢既設施😅我地兩個人，點左一個set dinner 同兩道菜，每款都好味，而且份量好大份，我地最後係食唔哂，要打包返屋企😂第一道菜係The Stadium Combo，有6款不同炸物，包括炸洋蔥圈、炸魷魚圈，炸水牛芝士條、雞翼、炸雞塊、炸粟米，中間有份細沙律，配有四款醬汁，紅色個隻醬係辣辣地甜甜地既hot sauce, 白色個三款係田園沙律醬，tartare sauce同blue cheese dressing。 各款炸物都好出色，又脆又香，我自己就最鍾意配hot sauce 食，好野味😋第二道係 Chicken & Mushroom Tagliatelle 。雞應該係雞胸肉整的，夠健康。 而寬條面就好creamy. Dinner Set 我地叫左 Casanova Burger. 中間塊牛好厚好厚，食落好多汁流出🤤仲有好脆既薯條加個hot sauce. set dinner 的沙律環境方面，有點逼，每張枱既距離好細，所以可以聽到隔離講咩，私隱不高。…查看更多

男朋友鍾意食烤肉，所以揀左呢間餐廳同佢慶祝生日。之前見呢間餐廳有好多好評，所以都有好高期望。但結果有少少失望。食物質素唔係話好差，但感覺同出面一般烤肉店差不多，無論係沙律，牛肉豬肉，刺身定壽司，唯一較好味既係烤海鮮，加左好多蒜蓉醬去烤，味道唔錯。至於飲品方面，原來不是任飲的，每人有一罐飲品。每人要加$40先可以任飲。值得一讚既係佢落單之後上菜速度好快，職員又好有禮貌。不過如果想食烤食，用呢個價錢，尖沙咀會有其他更好既選擇。…查看更多

同中學同學聚會，佢地推介呢間餐廳。餐廳環境好靚，樓底好高，有好grand既燈飾，古色古香既吊扇，唯一略嫌環境有點太暗😂我地叫左三道菜。第一道係Seafood Linguine。 好足料，有好多青口同蝦，個cream醬加左香草，配個linguine食好好味😋第二道係 Fish and Frites。 個人道覺得呢道既炸魚就一般，但個薯條好脆好香。第三道就係 Frites House Mussles。 半公斤，但已經好夠食，青口夠哂大隻，配個sauce食好正。整體食物質素唔錯，環境有情調，係會encore既一間餐廳。…查看更多

最近順利pass左新工作既 first assessment。男朋友就話帶我去一間好正既餐廳獎勵下我。 果然呢間餐廳真係俾到好多驚喜我地。首先，間餐廳既環境一流。餐廳有一個露天空中花園。原本我地book左坐空中花園，但因為落雨，唯有坐返室內近空中花園位置，好彩都睇到少少九龍城夜境，而且有陣陣微風吹入黎，成個環境都好舒服好relaxing。個日只有4枱客人，每枱都隔好遠，所以私隱度好高，好適合傾計談心😊餐廳既食物都係無得彈😋原本想點open rice 推介既食物，但職員話，餐牌係每星期都會更新一次，等客人每次黎都有新意思。好有心思既餐廳呀😆呢個係經open rice訂枱送既小食。 個車厘茄超甜，男朋友話無食過咁甜既車厘茄。另一個係咸咸地火腿包住粒酸酸地既醃黃瓜，味道都幾夾😋之後就有兩個熱辣辣既餐包，配埋個黑松露菌牛油，一流👍🏻Starter 揀左兩個。第一個係自家製脆糖刁草醃三文魚。我之次唔太鍾意食醃三文魚，因為覺得太咸。但呢個醃三文魚只有淡淡既咸味，加上甜甜既香草味，好好食😃另一個starter 係牛油果蟹肉沙律。 呢個超級超級好食😋用料好足，有好多牛油果，好多蟹肉同好多其他蔬果係入面，配埋塊烤到脆脆地既麵包食，正呀😆餐湯我地都試左兩款。是日精選湯係牛肝菌磨菇湯。 呢個湯有濃濃既牛肝菌味道，好好飲。第二個湯係西洋菜忌廉湯伴煙三文魚及脆米通。呢個湯既西洋菜味比較淡，而煙三文魚就較咸。兩個配埋一齊食都ok👌🏻黎到主菜啦。呢個係58度水果牛小排及黑松露菌薯蓉。 呢個大力推薦，牛小排好腍好滑，配埋個水果醬汁，甜甜酸酸，好開胃。黑松露菌薯蓉都好滑，但黑松露既味道就唔太特出。另一主菜係酥皮焗和牛尾配時菜及米形意大利麵。個酥皮好脆好香，和牛尾好大件，又腍又入味，我男朋友好鍾意。而個米形意大利麵都好特別，食落煙煙韌韌，落埋個焗和牛尾汗食，好好味，如果有得加底我地應該都會叫😂最後甜品係 Creme Brûlée 。都係好味，但就無之前主菜咁出色。原本仲有兩杯餐飲，但我地太飽，所以無叫到😂呢度既職員好專業，好有禮貌，有耐性答客人問題。佢話呢度可以包埸搞party 或婚宴， 消費滿$6000或以上可以包室內一部份，消費滿$10000就可包整個場。我地覺得都係個唔錯既選擇😊…查看更多

想食越南菜，見呢間評語唔錯，特地來一試。食物味道唔錯，但又未去到超好味既程度。我地兩個人叫左三道菜加兩杯飲品。講到越南菜，當然要食河粉啦。因為鍾意食牛，叫左個大娘皇牌火車頭，有生牛肉，牛展，牛丸，牛柏葉，牛根。但有少少失望，湯有點淡，而河粉就有點軟，而牛肉食材方面就普通。大娘皇牌三文治， 裡面夾左豬頸肉，d豬頸肉應該有烤過，幾好味，個法包就好脆。呢個炸蝦都值得一讚，蝦肉好彈牙，味道好好👍🏻左邊既係蓮子龍眼冰， 呢個推薦大家點，好足料，好多龍眼同蓮子，好好飲😋右邊既係凍青檸茶，青檸味幾出，所以幾清新。職員服務態度ok, 但有點chur, 會積極叫你點菜。…查看更多

呢間餐廳既門面俾我一種好似森林中的小屋既童話感覺😆裡面既環境就充滿著舒適悠閒既氣氛。桌上同椅上有好多可愛公仔擺設，是有童心既設計。食物方面都唔錯。呢個沙律好清新，d海草好新鮮好脆口，d洋蔥就好甜。佢既味道真係好淡，鍾意濃味既朋友未必鍾意，但我覺得唔錯，係一個有營健康既選擇。魷魚炸得好脆，配他他醬食，好味😋登登登，我地係專登為左呢個鰻魚飯黎呢間餐廳的。鰻魚真係好大，而且肉質好滑好嫩，d醬汁又甜甜地，配個軟硬適中既炒飯，一個字，正呀呢個鍋既湯底好好味，有d似係甜豉油湯底咁，d牛肉幾滑，其他蔬菜菇類配料都唔錯。如果有得加個烏冬面底就prefect啦😆，可惜無😂飲品方面就一般啦，下次未必點了，因為佢提供既玄米茶都唔錯。餐廳內仲有個賣特色產品既角落，都幾靚幾特別。餐廳職員服務都唔錯，有耐心，食物會等我地食完一碟，再上另一碟。當晚有唔少都是父母帶著小朋友來用餐，其實都岩，呢間餐廳無論係食物同環境都好適合小朋友😊…查看更多

之前好少去東廣場，但原來呢度都有唔少既餐廳。我地諗住快食晚餐，所以隨意揀左間餐廳，就係薯芝味啦，見佢無咩人，應該會坐得舒服d。晚市有二人餐，二百蚊都唔使，就有湯，沙律，小食，主菜，加飲料，好抵，於是就一試啦。嘩，上菜既一刻，係有驚喜，食物擺得好有心思。忌廉湯同雙色蒜蓉包都ok, 而我就幾鍾意個雜菜沙律，配酸酸甜甜既沙律汁，而個炸薯球都好味。主菜係長通粉同意粉。我就鍾意個鮮茄吞拿魚長通粉，另外個意粉唔記得左個名，但味道都ok😊食物味道唔稱得上驚為天人，但以二百蚊呢個價錢，有呢個質素，係值得一讚。有機會會再黎。…查看更多

未食已經飽，唔明點解咁多人排隊。我地傍晚六點半去到，諗住可以拎位先，點知職員唔耐煩地話呢度係要等齊人先拎得枱架。我心諗：知你地多人排隊，但都唔使咁串😓呢間餐廳仲有另一規定，就係入坐後唔可以加位，一位都唔得。試想像：大家返工，有時要OT，所以會唔同時間到達餐廳，就算再忙都想聚一聚。但呢間餐廳絕對唔會係你地既選擇。朋友到齊之後都等左好一陣先入到去，7點半入到餐廳，坐位不算好坐，而且好多人好嘈。好既方面諗，係有台灣夜市既氣氛，但你講野係要好大聲先聽到。食物方面，好失望，一個形容詞講完：油膩。魯肉飯我明白係會油d，唔明點解個菜都可以咁油。淡水阿給，同埋台灣腸，一樣油。另個擔仔粿條同皮蛋豆腐（用杯裝著既）都好一般。唯一可取就係個鹽酥雞，幾香口。但唔見得佢比其他餐廳優勝。總結：名過其實，食物油膩，唔值得再去多次。…查看更多