stressrelief的个人专页

喺OpenRice見到$88越南法包套餐，套餐入邊包左一個招牌越南法包，以及一客香濃龍蝦湯。我哋見到好似好抵咁，又想試吓佢嘅招牌法包，決定買咗一張優惠券嚟試吓。結果嚟到非常之失望☹️☹️☹️圖片入邊明明係一整個越南法包：但係結果嚟到只有半件，同想像中好大出入，而且套餐入邊都冇講明只有一半，所以同有人都大失所望。 😣😣😣有睇到食評話呢個法包係五代傳承，佢唔難食，但味道都未話好好食，不過法包做到外脆內軟，口感係ok 既，只係正常發揮。 另外仲跟咗個龍蝦湯， 我哋唔想浪費，但個龍蝦湯真係好鹹，所以我哋飲到一半都冇飲到。😵‍💫😵‍💫店鋪要求每人最低消費一杯嘢飲，我哋叫咗一杯Americano 同一杯疏乎厘咖啡，兩杯咖啡都冇乜特別，所以整體而言，對呢間舖頭嘅嘢食真係好失望。環境方面佢入面係一間理髮店，出面只係有數張二人嘅座位，算係有啲public，未話好好坐。唯一慶幸係店舖嘅員工服務都好友善。👍但係最失望都係圖片有誤導。因為如果將圖片放左一整個法包喺度，而最後只係原來得一半，其實應該要顯示清楚。我地唔介意唔用套餐既價錢買食物，都唔係刻意要找碴，但圖不符實既感覺真係唔係咁良好，希望店舖會改善下利點。…查看更多

是日同朋友係尖沙咀搵印度嘢食，之前都有食過呢一間嘅印度菜，覺得佢嗰啲煎餅唔錯，所以今次又再食多一次。間鋪頭都幾闊落，上到去已經覺得好有印度風情。侍應生俾咗兩本Menu我哋，價錢對比其他印度餐來講其實應該係偏貴少少。我哋呢就揀咗一個印度式炸雞、雞肉咖喱套餐、薯仔煎餅同埋雞肉印度餡餅。呢個印度式炸雞好好味，外脆內多汁，又帶少少辣味，佢會配埋一個類似番茄嘅醬俾你點，咁就可以中和到啲辣味。呢個雞肉咖喱套餐一上到台就覺得非常之豐富😍😍😍，因為佢一大碗飯加上上面有塊烤餅同埋脆餅，再配唔同香料嘅汁醬，仲有炸椰菜花（紅色個兜）。個咖喱好好食，非常之惹味，雞肉又唔鞋，都有四五舊。不過唔食得辣嘅人千祈要小心，因為佢都幾辣。朋友一路食一路一路飲水，但又不停話好食。烤餅本身冇咩味，所以就可以點唔同嘅香料撈埋食，點咖哩又得，不過小心點得太多好辣。而佢嘅水唔係免費嘅，係樽裝水，一支要$15。呢個印度雞肉餡餅都十分之好食，佢有啲似用蛋煎嘅酥餅，個餅有咬口，入邊係釀咗咖喱雞肉， 啲咖喱同樣係好惹味，不過都真係幾辣，又係一路嗌好食一路要飲水。隔離嗰個係咖喱醬， 食唔到辣千其唔好點咁多，因為包保噴火。🥵鍾意食餅嘅我再要嗌多一份薯仔煎餅dosa,佢呢個煎餅係薄脆既，入邊個三角形為就包左啲咖哩薯仔。分煎餅好大份㗎，上到台都嚇咗一跳，但由於本人太鍾意食煎餅，所以可以成個食晒🤪🤪🤪隔離啲汁個人來講淨係鍾意紅色嗰隻， 加上個餅入邊本身已經包住咖喱薯仔，所以其他醬我都冇乜點理，就咁食已經好好食。呢一餐用咗優惠free左個煎餅，總共$286買單，兩個人除翻開都係百零蚊左右，不過相比尖沙咀其他印度菜，同埋加上無優惠既話，可能佢就會貴少少。但勝在佢係正宗印度菜，坐得又舒服，加上唔係好多人好嘈，想食印度菜嘅朋友我都幾推介。…查看更多

Gelato-go 好似係最近新開既意大利🇮🇹雪糕🍦店，所以係facebook 會見到佢地既推廣，今次仲有買一送一優惠。換言之，$38蚊就食到兩杯雪糕，吸引左我地去試下佢地既意大利雪糕🤤🤤Facebook見到佢地啲介紹片，見到青bb既開心果味好吸引，店舖似乎都係主力推利隻味。咁我地都中意開心果製既雪糕，所以就嗌左一杯pistachio flavour。 但係開心果味食落唔多似平時食開既開心果味雪糕，佢利個雪糕係都幾甜，而甜得黎又有啲鹹鹹地，我同妹妹都覺得好奇怪，覺得食唔慣，唔太好食。另一杯，就叫左保守啲既cookies and cream 🍪🍪🍦但點知都係令人失望，同樣地都係好甜，而且食唔到Oreo 味，只係好重cream既感覺。Gelato-go 似乎口味都係偏甜，所以我地都比較麻麻地。可能試下佢啲水果🥭味比較好，因為酸酸地應該可以中和下佢既甜度，我見紅龍果顏色都好靚好吸引。另外，佢地既雪糕 🍨同我地食開有啲煙韌度口感既意大利雪糕有落差，因為佢溶得好快。但店鋪員工服務幾好，見我望住咁多口味，選擇困難咁，就話比我試下啲味，好貼心。總括黎講，我覺得雪糕比較甜，試下都唔錯既，但原價買可能就未必值得。…查看更多

同好友一齊食生日飯，大家提意食日式燒肉，見到booking app 有50%單點優惠🈹，所以就選擇左丸十牧場既日式燒肉，想試下佢啲牛肉係點😋😋😋我地星期六訂左四點半，以為好早無咩人，但店內都已經有幾枱人燒緊肉。坐低左之後我地即刻睇下menu有咩肉好食，其實我一直都想試下個夢幻牛舌，因為睇圖見到好厚又大條，而且顏色又好粉嫩，真係好吸引🤤🤤🤤 所以我地都即刻嗌左黎到真係好靚，店員仲同我地講唔好剪斷晒，因為燒時怕肉汁流失，所以原條燒完再剪先最好味。✨✨幻切和牛牛舌 $588利個牛舌真係一定要叫，係全餐最有驚喜。朋友用大火燒兩燒，然後三成熟就夾起，再落啲喜瑪拉雅山粉紅鹽，食落口係非常軟淋，但又有彈性，好夢幻，好似上左天堂咁👼🏻👼🏻真係好好味！我會因為利條牛舌二訪😋😋牛舌啲肉真係好靚，好粉嫩，真係好誇張🤩🤩🤩我地見到menu 有宮崎和牛，未試過宮崎牛既我地就想試下。所以我地嗌左宮崎和牛三角同肉眼。🐂🐂🐂🐂宮崎和牛三角 $248 100g 大概有六塊左右，牛三角脂肪比較多，而且佢比我地利碟每塊牛既脂肪分佈唔太均衡，有啲特別多脂肪而無咩肉。燒出黎時會非常多油，但都因為油而有牛香同埋軟。放入口會成口都係油，可能有啲人會覺得膩。😛🐂宮崎和牛肉眼 🥩🥩🥩$248 100g 既肉眼都係六塊左右。脂肪相對牛三角就無咁多，食落無咁油膩（但都多油），而且大塊啲，再滿足啲。😋😋個人黎講，我中意肉眼多啲。但如果中意油香同軟淋，可能牛三角會滿足到啲。燒啦燒啦燒啦🔥🥩😋😋另外我地仲嗌左唔同既小食🤪🤪🤪🦢鵝肝 $65一件因為既然有半價優惠，所以就想試下佢既鵝肝，嗌左兩件。鵝肝係廚房煎好拎出黎，係好淋好滑，不過就唔係外脆內軟，屬正常發揮。饅魚玉子燒🥚🥚🥚 $68其實我都幾中意食玉子燒，因為有食過軟綿綿又有蛋香既玉子燒後就愛上左。但丸十利個玉子燒就係比較實，食落似甜既煎蛋卷，饅魚細細粒，無咩食到佢既存在，所以我覺得還好，無咩驚喜。🆗丸十牛肉三文治🥩🥪 $158睇網上人地影啲相，一直覺得好吸引，因為見到佢中間粉紅色咁，又夾住烘好既多士，睇落好好食。但可能期待太大，出到黎同想像中有落差。😬😬中間牛肉有啲乾，食落唔個知點解有啲一絲絲肉鬆咁既感覺🤨🤨，個醬好似係芥末，有啲太出。整體黎講只屬一般。🆗🌅🗻日出富士丼 $188未夠飽既我地，決定嗌埋利個富士丼😝😝。聽講利到既米係有啲特別，經過挑選。加上利個富士丼好似都好多人推薦，所我餓底既我地就嗌埋利個牛肉山丼。結果都幾有驚喜，個玉子吉穿左流出黎撈埋啲芥末同芝士醬，再加啲牛肉，食落好滑好好味！😋😋😋😋😋啲米雖然過係出名既，但我地就唔覺有咩特別。但撈埋牛肉同啲醬一齊食，就好滿足好好味！啲牛肉都唔算少，有啲會係生生地，但我地都中意食唔太熟既牛肉，所以好ok!但有啲人可能會未必接受，覺得過生。🍵🍓丸十芭菲🍨🍨 $78最後最後，食埋甜品就完滿啦。我地嗌左抹茶🍵同草莓🍓芭菲，個人黎講中意草莓多啲。因為草莓口味酸酸甜甜，比較好味。抹茶就比較淡，但入面就多啲配料，有好甜既紅豆同啲coco 可可片。草莓就得啲果醬同草莓，變左成杯都係雪糕咁。最後埋單用埋eatigo 50%off +DBS -$25優惠，結果每人三百五左右。…查看更多

今日晏晝試左係灣仔廈門街利一間日本餃子餐廳。見啲相影住啲餃子🥟煎得好靚，有焦底🙈好香口咁，所以就決定試下。🕐中午一點鐘時間，門口有好多人排隊等食飯，不過好彩我地等左十分鐘左右就有得入😍入到去我地就直接叫左個78蚊既lunch set，係咖啡吉列豬排飯🐷🐷🍛，再跟一客蟹子青瓜沙津🦀🥒同三隻煎餃🥟🥟🥟。🦀🥒個蟹子青瓜好爽脆，啲蟹子都係脆嫁，咬落粒粒卜卜聲。佢利個餐係可以轉烏冬🍜，但冬烏就唔係配咖哩，而係變成鰹魚湯底。烏冬係靚烏冬，滑嘟嘟，配兩塊鳴門卷🍥🍥同腐皮。我最中意佢個吉列豬排，岩岩炸出黎，好熱好脆，雖然個豬排唔係嫩滑個隻，但岩岩炸好熱辣辣，又香脆，真係好好味。🤪🤪🤪要慢慢食，唔捨得食晒佢。本身個餃子應該係前菜，但唔知係漏單唔記得左定仲煎緊，所以變左我食晒成個烏冬先食個餃子🥟，所以都無影到相。 雖然遲左，但變相個餃子就新鮮煎好，熱辣辣🔥🔥🔥。但個餃子就唔夠焦底，變相無咁香口焦脆。同埋個餃子唔知係咪個皮太薄，所以好易散。味道都好味，但又未到非常好味，正常發揮。🙈總捨而言，我會覺餃餃餃子係餃子方面未夠做招牌菜，但味道黎講，其實係唔錯。只係而加係灣仔隨便食餐飯都要成80蚊，對於窮l黎講真係貴左啲。🤧🤧🤧…查看更多

好鐘意食甜野同搵優惠既我，見到eatigo 有半價預訂優惠，再加上popsale-25蚊優惠碼，就即刻預約左用餐。🤓🤓不過半價優惠只可以用係門口左手邊既餐牌，換言之飲品同軟雪糕都好似係唔岩用。個日係星期日咁岩係觀塘，所以訂左係apm 位於2樓既辻利分店。辻利係日本好出名既抹茶品牌🍵🍵🍵，宇治既用餐店都經常有好多人拜訪，但我就未去過，所以就先試下香港店既質素如何。去之前都係openrice 睇下食評，睇下有咩好食，但發覺好多人其實評語都好一般，得抹茶2.0雪糕比較多人推薦，所以都令我有啲失望。但既然有優惠，所以心入面打左個底，唔好食都唔會咁肉痛。🤣🤣所以決定試下佢既店內招牌抹茶🍵芭菲。我地睇左評語話加左錢換既抹茶2.0軟雪糕係好味過原本個抹茶雪糕球，所以我地都加左22蚊換濃郁抹茶軟雪糕。 個芭菲原來78蚊，所以加埋錢換購就係100蚊。我地點餐後，店只就比部機仔我地等拎餐品。店內環境唔大，中間有張大台，入面有兩張四人卡位，適合影相打卡📸。同角落有張四人位同兩人位。我地日店內都坐滿人，所以只可以坐係口門邊對住出面既bar位。但店內利個位提供usb 插頭位🔌 ，所以可以充下電 🔋🔋。我地等左一陣部機就震，然後就去拎我地既芭菲杯😋😋😋其實個抹茶芭菲都幾大幾靚，影相係幾好。個芭菲有好多層，最上面既抹茶軟雪糕就係加錢換既，的確係好好味，好有抹茶味，甜度都好好，我地都好中意。😋😋😋然後有兩粒抹茶蕨餅，都幾好味，有小小煙un ，似日本食到既蕨餅。下面就有層cream 同紅豆，平時好怕食到啲好甜既紅豆，今次既紅豆又唔怕好甜，可能因為抹茶雪糕濃郁，夾埋就岩岩好。然後中間有啲脆米，可以將個芭菲加多啲口感。🥳🥳紅豆下面見到有海綿蛋糕🍰，但其實部分好少，唔係好食得出，如果唔係見到，應該唔知食左。再下一層既麥維他消化餅屑🍪🍪🍪我地就覺得太多啦，令到食晒上面雪糕既我地覺得好乾，好似乾食餅屑咁，同埋好飽。😣😣少少餅屑可以增加口感，但太多餅屑就令到個主角變左餅屑，我地覺得唔太鍾意，覺得令到成個芭菲失色左。食完乾既餅屑下面再有啲白色既蒟蒻狀物體，我地兩個都唔太鍾意，因為無味，有啲奇怪。反而下面既抹茶🍵果凍就ok 但就唔似官方圖片咁多，只有小小。如果比例多番啲就好。最後我地埋單，用左半價優惠加個扣25蚊既優惠碼，姐係100/2-25=25。所以我地係用左25蚊黎買左杯雪糕🤩🤩🤩。咁既價格我地就覺得好抵，因為杯芭菲都幾大杯，加上啲餅好飽肚，所以我地即使兩個人分都覺得好飽。但如果要我100蚊買既話，我就覺得都幾唔值，因為仲有部分改善既地方。提提大家，用餐後要將餐具拎番收銀處，因為地方唔大，但有客流量，咁先唔會令到店員太辛苦，而大家又可以快啲用餐。😜…查看更多

購買左klook優惠，可以以21蚊享用價值69蚊既細雞蛋仔雪糕。我地未到另外一間餐廳既用餐時間，所以就係餐前加插個甜品時間😋😋 個日係大約夜晚七點半左右，店入面無人，可能大家都食緊晚餐，所以我地就可以舒舒服服咁係店內享用。店內主打雞蛋仔同意大利雪糕，我見雪糕都有好多款口味。我地買左優惠劵，可以用優惠價格換購一杯雞蛋仔雪糕🍦。利道有五款口味，分別係 朱古力為主既night wolf, 抹茶🍵雪糕做基底既the mob, 蘋果為主既 woods, 曲奇🍪妙脆同濃郁巧克力雪糕🍦做基底既 kido 同 花生醬為主既 Fancy pants.咁我地最後決定左要有抹茶雪糕 🍦又有麻糬雞蛋仔既the mob 。The mob 最下層係牛奶雪糕，然後中間有一層黃色既係蘋果柚子果凍，上面再一球抹茶雪糕，再蓋上一啲威化脆脆，最上層就係牛奶意大利軟雪糕🍦。我地好中意個雞蛋仔雪糕有好多層次同唔同既口感。啲蘋果柚子果凍，唔太甜但就有啲唔同軟軟地既口感，加埋啲雪糕食，好好味！啲威化脆脆又係令個雪糕有更多層次同口感😋😋😋😋。牛奶意大利軟雪糕真係好軟，食落口好soft，甜度適中。抹茶 🍵雪糕就唔係好濃郁抹茶味，偏向清清地，幾好味。而個芝麻麻糬雞蛋仔做到脆既效果，但麻糬就無煙靭感，可能係雞蛋仔機太熱，結果令麻糬熔左，令口感偏向糊狀，利點有啲失望。但因為雞蛋仔幾香脆，所以整體黎講都係好食。我同朋友兩個人好快就ko 左成杯，兩個女仔當小食都幾唔錯，又唔會太飽。…查看更多

今日同朋友襯restaurant week 最後一日，預約左係荷里活道入面一條小巷入面既法國小餐館。🇫🇷🇫🇷🇫🇷利間餐廳既位置都幾隱蔽，經過左先知原來餐廳門口係小巷入面，附近係百子里公園。行落樓梯就係餐廳門口啦。我地一入到去，坐係一邊既外籍老闆即時招呼我地，安排坐位比我地。今日係星期日，我地入到去有幾台客，但都有幾多位置空左。我地預訂左restaurant week lunch 既餐牌優惠，所以老闆都拎左指定餐牌出黎同我地介紹😆利個午餐係每人148再加10% 服務費，咁就可以點一道前菜，一道主食同甜品。因爲我無影低，所以係網站到直接截圖落黎。😛😛老闆好好介紹左當日既餐牌菜色材料比我知。我地餐前菜揀左 Spinach panacotta with blue cheese🧀. 佢係一個用菠菜整成既布甸，然後上面有層 blue cheese 加啲脆片係上面。啲blues. Cheese 咸咸地，夾埋啲布甸好好好味。本身睇落杯布甸唔係好大杯，但食完都幾飽肚。然後Main我地就叫左 classic boeuf bourguignon with French fries, 姐係紅酒燉牛肉🐮🐮。利份燉牛肉份量都幾多，應該有六、七舊牛肉。味道方面，我覺得紅酒味好重，可能我唔太好紅酒，所以覺得味道還好，未到好喜歡。而薯條就好好味，因為我中意食炸物。佢既薯條係偏幼同軟，但都有點咸，如果無咁咸就perfect!完成左主菜後，老闆好好咁留意到我地已經完成，然後幫我地安排上甜品。🥧🥧🥧我同朋友各點左一款甜品，我叫左 pear 🍐& almond bourdaloue tart, 而朋友點左 cherry 🍒 tiramisu. 老闆仲細心咁比埋刀叉我地，預我地可以大定分享。個甜梨撻都幾大件， 食落個撻好似蛋糕既口感咁，我中意佢上面焗到脆脆地。但整體個撻偏甜，會有啲膩既感覺。 但味道同口感係唔錯的。 而朋友叫既Cherry tiramisu 同平時我地食開有層可可粉既tiramisu 唔同，佢無咁大陣咖啡味，似係奶油，而入面係有好多車厘子 🍒🍒🍒，朋友幾中意。利一餐我地食得好飽，因為份量好夠。味道方面我地都覺得係好食既，但就未到十分好味，可能係因為個人口味關係。而餐廳老闆既服務都好好👏，keep住上餐都同我地有互動同埋好細心，可惜我地英文一般般，大多講thanks only😂😂😂不過去到最後，老闆主動拎張單比我地埋，利點我地覺得似有啲想人走，所以就心底裡扣左少少分。over all 整餐黎講都算滿意。…查看更多

朋友約左午餐既時間一齊係apt 午餐🍴🍴，因為大家都鍾意食麵包🍞🥖🥨，而佢又鍾意食素🥗🥗🥗，所以佢揀左一間可以因應自己喜好揀唔同配料既cafe一齊享用午餐。餐廳好簡潔，室內地方唔大，大約容納四張桌子左右，但戶外面都有部分桌子同bar位，可以係出面慢慢食，但夏天可能就辛苦啲。☀️☀️餐廳主打咖啡、toast 🥪 and salad 🥗 。食物都可以因應自己愛好，自己mix& match。例如：1）配料數目：可以揀2-4款 2️⃣➖4️⃣2）麵包： 發酵麵包 或 毛花果核桃麵包 🍞3）抹醬： 紅菜頭鷹咀豆 或 檸檬忌廉芝士🥄4） 配料：就揀番自己鍾意食既配料😋而沙律 🥗方面，基底：可以揀西蘭花🥦或 藜麥，然後揀自己既醬汁：有蜜糖芥末🐝、香草醋🌿或中東芝麻醬🍋🧂之後唔夠可以再想再追加配料➕💰:🥑🦃🐟再唔夠仲可以追加埋三文治🥪或者甜品 🍨但餐牌上既野食其實都想試，所以我地都諗左一段時間。 最後，鍾意食包既我地揀左toast。我揀左三款配料，要左炒蛋、牛油果🥑（+15）&雞胸 （+12）。然後揀左多士fig&walnut 加beetroot hummus 紅菜頭鷹咀豆抹醬。朋友就揀左poached egg 🥚🥚, mushroom 🍄 & avocado 🥑. 配發酵麵包同都係 beetroot hummus 抹醬。野食上到桌面好靚，有少少擺盤，仲放左幾朵花同堅果做裝飾🌸我個份啲牛油果好滑🥑，佢將牛油果用左兩款處理，一個係切片，另一邊就係變左蓉，滑既牛牛油夾埋脆既多士真係好夾。滑蛋 🥚🥚都好滑好好味。🐔雞胸都唔差，因為本身雞胸瘦唔會太滑，所以加埋啲醬同牛油果就好好味。之前唔太中意紅菜頭，但利個紅菜頭醬無咩味，但係就有紅色，睇落幾靚。食到淨番一半好飽，要慢慢食。我地估唔多兩片多士加埋配料咁飽🤰🏻🤰🏻，所以食左好耐，重點係好味，地方環境又舒服💆🏻‍♀️💆🏻‍♀️，所以值得再去。😋😋…查看更多

妹妹係pizza hut 會員，所以生日有滿HKD 100減HKD 50的回饋優惠。咁我地就諗住唔好浪費，所以就去pizza hut食個晚餐。我地兩個人揀左個HKD 261 （另加一）既鬆厚批二人套餐。 （台上面得兩個大餐牌，我好似見到人地拎住晚餐餐牌，但我地無為意到，所以無問佢地拎晚餐餐牌，但如果有，而佢無放出黎都幾唔公道，好似要人揀啲二人套餐。但唔肯定係唔係。）套餐包：🍵兩客餐湯🥙前菜二選一 （薯蓉/葡汁焗蔬菜）🍕pizza 三選一🍝飯或意一客🍹餐飲兩杯咁我地叫咗兩客蘑菇湯、然後揀咗葡汁焗蔬菜、千島海鮮批同香草白汁意粉。🍵蘑菇湯👌首先黎咗個蘑菇湯，其實都OK都幾濃，但我阿妹就覺得好鹹。🍝香草白汁意粉👎🏻😫佢好奇怪咁嚟咗意粉先黎個前菜。個意粉一睇，見唔到香草。但好明顯見到意粉同雞肉同火腿完全分開煮，一啲撈埋既感覺都無，係無味。我同妹妹都覺得個感覺好差，差過茶記啲意粉。係feel到好似車仔麵咁煮熟個麵，然後求其加啲白烚雞肉、無味椰菜花、紅蘿蔔同火腿（好有雪藏既感覺），然後最後pat 啲所謂既白汁就上台。可能有啲人覺得餐廳做野就係咁，要快，但pizza hut 食個意粉 唔會期望係咁。完全感覺係意粉、雞、火腿、紅蘿蔔同白汁幾樣個體，個意粉完全無味唔好食，我地係唔中意浪費既人，都食左一半就放棄。🥙葡汁焗蔬菜👌Pizza同葡汁蔬菜一齊黎。因為個意粉有啲崩潰，所以就去食下啲蔬菜。佢個葡汁幾好食，有椰汁味，但知道應該都幾肥，但加埋啲無咩味既西蘭花同翠玉瓜就幾好。主要係個肥汁好味🤣🍕千島醬海鮮鬆厚批👍其實我地對pizza hut 既薄餅唔大期望，因為覺得Phd好食啲，所以我地都覺得普通食就好了。然後黎左之後，覺佢個pizza係幾好食，因為pizza熱食都唔差，有好肥又熔緊既芝士，可以拉芝。加上千島醬，個薄餅底又脆，好似生煎包岩岩用油煎炸起左咁，所以好岩炸物控我既口味。但食完就知勁油，因為個底盤全部都係油，啲油多到可以再煎蛋，不過食得pizza都預左肥。老實講個pizza係幾好食😋最後我地用埋HKD 50減價，HKD 287.1埋單，但其實service charge都26蚊。 要300蚊食個唔好食既套餐，我情願唔要優惠，出去茶記食都無咁傷心。我覺得個敗筆真係係個意粉到，令到成餐感覺好差，可能我地揀錯野，揀其他可能就無咁差。…查看更多

放左工之前同同事係銅鑼灣食飯，係附近搵到一間有特色既餐廳。個陣兩點幾，可能因為餐廳位置唔就腳，所以就得兩桌人。但對於想靜靜享受氣氛既人黎講就岩晒。當日點左一個set lunch ，包一碗餐湯+炸芝士魚腐？（我都唔知係咩，但有魚腐或魚蛋既口感，中間有芝士🧀，好食）同餐飲。個餐湯幾好飲，好有濃郁感，口感有啲似好薄既薯蓉，上面仲加左啲應該係橄欖油，所以會好滑。配係隔黎既炸物都好特別，中間包住芝士，對於鐘意食芝士既我覺得不錯！我叫左個all day breakfast（$128+1）。一上到桌就覺得勁靚，所以即刻打卡。個全日早餐好豐富，有一個香脆既牛角包🥐、（佢唔係鬆軟，而係偏脆，我幾鍾意）火腿（偏鹹）、砌左花既煙三文魚、炸薯餅、有芝士🧀係中間既香腸（幾好食）、炒蛋🍳（正常發揮）、半隻蕃茄🍅、啡菇🍄、沙律菜同茄汁豆。食完之後非常飽🤰🏻🤰🏻所以飲番杯玫瑰花烏龍。總括而言，餐廳有格調，氣氛好好，播住音樂會覺得好舒服，適合三五知己聊天。野食都好好食，但餐牌上既lunch set大多都一百蚊左右，對於長期糧尾既我，覺得有點小貴。但野食同環境都對得住個價錢，所以都算值得。👍👍🤓…查看更多