孤僻的美食家的个人专页

假日係澳南搵食，行過呢條小巷發現而家假日lunch hour已經唔洗排隊等位。ig見到post，被呢間90後夫婦經營嘅餐廳吸引左，決定一試。一入餐廳，見到每台都係一家大細兼bb車，所以選擇坐bar台。餐廳有空間放玩具比小朋友玩，父母可以係一旁一邊食一邊睇住小朋友玩，有空閒時間嘆下野食。假日有lunch set，先上沙律。沙律十分似法國風味，菜新鮮，配上醋，不膩且開胃。主菜係Carbanara（$98），見到成座山咁高嘅芝士，就知道重料。最欣賞佢用自家制嘅豬腩片，比起一般煙肉，味道更濃郁，而且醬汁creamy，溶左d芝士，整體口感極佳。餐飲加$10配熱咖啡，咖啡味道偏fruity，好飲。唯獨係落單嘅時候冇講話奶唔冇分開上，因為咖啡奶多，有點似latte，食carbanara嘅話飲latte感覺太濟。欣賞呢間餐廳用心經營，店員有禮貌，食物質素唔錯，食物與碟嘅溫度亦見有細心位。…查看更多

假日偶爾行入大水坑村，發現村內地舖有唔少食肆，見到呢間門面幾有日本特色，決定試一試。環境唔大，keep住有人流，好在到嘅時候有bar台剩唔洗等位。假日有午市套餐（夏）壽司拼盤包烏冬同茶碗蒸：食落新鮮，壽司夠厚身。個人覺得油甘魚最肥美，油脂豐厚，入口甘香，拖羅肉質軟腍，入口即化。茶碗蒸稍為稀，可以更濃味。海膽三色丼：海膽十分鮮甜，份量亦多，口感一流。拖羅蓉軟腍，油脂肥美香滑。日式凍咖啡：上嘅時候咖啡粉未溶晒，搞溶晒之後冇晒冰，味道一般巨峰提子梳打：呢杯係驚喜，好好飲，甜度適中，下面深色係jelly，飲落超級有口感…查看更多

中秋假期，12點前黎到餐廳，慶幸唔洗等位仲有窗邊位坐，中意陽光嘅話不妨早dd黎，坐玻璃窗邊望住海食個brunch。餐廳scan qr code用電話落單，限時90分鐘。Egg Benedict with 28 Months Iberico Ham首先一讚 hollandaise sauce 加上蛋汁個包仍然係脆，egg benedict 配火腿呢個經典不敗嘅組合幾有水準明太子忌廉意粉配烏魚籽creamy但唔漏，咸度辣度剛好，口感唔錯，個人建議明太子個量可以多dDirty 擺係台影相都聞到濃烈嘅香氣，第一啖感受到微酸嘅Espresso味，下一啖凍奶就平衡返個酸甜感。夏天坐窗邊都幾熱，影相後飲覺得奶唔夠冰…查看更多

入座&服務：食過其他地方嘅beans，今次第一次食馬鞍山呢間。排隊方面，1點半到排左大約15分鐘，以beans黎講唔算耐，不過就要坐走廊位。服務方面，一舉手就有職員落單埋單，職員有禮貌。食物：黑松露軟殼蟹意粉 （$98）- 招牌菜，意粉煙韌，份量對女生黎講剛好，黑松露醬稍嫌太少，食到最後唔夠醬。重頭戲軟殼蟹還好，係炸得耐左少少，有d油。鵝肝意大利飯 （$138）- 呢個第一次食，真心驚嘆。首先個汁望落好似好濕，實則入口非常creamy，義大利飯稔度適中。重點係個鵝肝，煎得勁香，入口即溶，連埋個飯每一啖嘅口感都十分豐富。黑松露薯條 （+$25）- 薯條即炸，好脆，黑松露醬真心夠濃郁，推介…查看更多

入座：星期六嘅中午12點左右黎到，室內唔洗等位，之後到到1點開始室內陸續full，開始有人揀坐室外職員有兩個，其實full晒嘅時候都真係幾忙，職員都有求必應，想要杯水，refill水都冇甩過，值得讚一讚食物：因為係brunch時段，冇試到豬手，反而試左個all day breakfast - holiday set brunch 1&2。味道正常發揮，份量多，飲埋杯咖啡夠晒滿足。brunch 1同2條德國腸係唔同嘅，個人覺得brunch 1個紐倫堡腸有芝士餡好味d。大蔥油雞髀扒配意粉，雞脾肉幾嫩滑，份量多，味道不錯。總括來講，brunch食物質素可以，望住呢個風景食brunch，係好舒服。…查看更多

入座：平日夜晚7點左右到，本身有訂位，但見到唔訂位都唔洗等位。餐廳門口排隊叫嘢食，職員會幫你點餐，先付款後入座。食物：自助醬料+沙律吧乾淨企理，沙律菜新鮮美國極級黑安格斯牛隔肌肉本身腍身，油脂唔算多，燒完之後有咬口美國極級黑安格斯牛頸脊對比之下，牛頸脊得油脂分佈更佳，肉質更加嫩滑環境：燒肉冇燒烤味救冇可能嘅，而且係係你面前到自己燒。個人建議餐廳可以比多張紙巾或者自己帶多幾張紙巾，以防油跡彈到件衫總括黎講，以牛的份量黎講，呢間性價比極高…查看更多

環境第一次黎Alva，見沙田唔多有戶外brunch同tea嘅餐廳，所以揀左呢間。一入大堂左手面就係餐廳，同酒店裝修一樣，都係現代風，落地大玻璃，充足的陽光，完全脫離隔離一堆工廠大廈嘅氛圍。餐廳環境舒適，十分適合食brunch順便同友人吹水談心，同友人1點食到3點，預先有booking唔洗等位。服務坐室内，可能過左酒店住客食早餐高峰時段，staff反應都快，服務有酒店水平。食物大約等左20分鐘左右，假日lunch hour唔趕急，一邊吹水一邊等都算寫意。食物質素healthy breakfast ($138) - 有omelette，煎三文魚，牛油果，蘆筍，大啡菇，小麥包同沙律。總括黎講每樣野正常發揮，特別係煎三文魚不會過熟有口感。之前見過食評講食物溫度，溫度方面的確可以再熱一d。慢煮羊膝 ($138) - 本身個羊質素唔錯，整體好食，燒肉汁味道都夾，不過稍微嫌削。薯條配菜正常發揮。sea salt caramel cake - 本身海鹽同焦糖嘅配搭就係增加口感層次，同時帶出鹹甜適中嘅味道。呢個cake味道濃郁富層次，就係連本身食得甜嘅我都覺得略略甜左d。hot coffee (+$10) - 咖啡唔錯，香醇夠滑。如果下午茶黎食cake飲咖啡相信係一個不錯的選擇。…查看更多

等候時間：第一次係平日brunch大約12點左右到，比門面色彩繽紛的裝飾吸引到，見環境舒適又唔洗等位，食左個brunch。今次帶友人星期日lunch time再訪，因爲怕冇位，所以早一日預先訂座。一去到見到有幾台等緊，好在有book位。brunch menu及食物質素：平日menu同星期日menu一樣，不過平日包餐湯及嘢飲，所以價錢上抵好多。食物質素與第一次一樣都係高質，而且擺碟有花花裝飾，十分適合女士們打卡。avo lover - 顧名思義係好多牛油果嘅一味菜，整體配搭牛油果多但係唔會膩，尤其陪三文魚同蛋十分出色竹炭麵包手撕豬漢堡 - 首先竹炭包身脆，值得讚。豬肉唔韌，有肉汁加流心蛋汁，唔乾，整體味道唔錯latte - 第二次飲，咖啡控的我鍾意呢杯夠滑，咖啡味唔算濃，飲完早餐一杯再飲呢杯都可以velvet latte - velvet其實係紅菜頭加奶，冇咖啡因，適合d飲唔到咖啡嘅友人。紅菜頭味道唔濃，偏甜，配上鹹點嘅brunch就十分適合。如果係黎食甜品嘅就要睇下自己鍾唔鍾意飲甜野了…查看更多