久十五 (已結業)

假日偶爾行入大水坑村，發現村內地舖有唔少食肆，見到呢間門面幾有日本特色，決定試一試。環境唔大，keep住有人流，好在到嘅時候有bar台剩唔洗等位。假日有午市套餐（夏）壽司拼盤包烏冬同茶碗蒸：食落新鮮，壽司夠厚身。個人覺得油甘魚最肥美，油脂豐厚，入口甘香，拖羅肉質軟腍，入口即化。茶碗蒸稍為稀，可以更濃味。海膽三色丼：海膽十分鮮甜，份量亦多，口感一流。拖羅蓉軟腍，油脂肥美香滑。日式凍咖啡：上嘅時候咖啡粉未溶晒，搞溶晒之後冇晒冰，味道一般巨峰提子梳打：呢杯係驚喜，好好飲，甜度適中，下面深色係jelly，飲落超級有口感