Cathychy98的个人专页

平日夜晚去到唔太多人，唔需要等位。鋪頭採取開放式設計，地方闊落，坐得都舒服。我地總共叫左蝦紅湯拉麵🍜，和牛餃子同埋自家製阿根廷紅蝦雞肉餃子🥟蝦紅湯拉麵 3.5/5湯底濃但少腥，食落都有多種唔同蝦熬製既味道，誠意十足😊 不過有因濃蝦湯既些少苦澀味，可以再有多d蝦油香味。麵底有嚼勁👍🏻份量足夠但蝦既size較細。感覺拉麵風格比較似fusion日式拉麵再加d港式元素，食既時候好似有種去左大澳既感覺🤣 不過overall都係一個好既嘗試，配料的確可以再豐富d。阿根廷紅蝦雞肉餃子 4/5呢個餃子係餃子皮包住雞肉同蝦既餡料，皮薄多餡👍🏻口感豐富。食到淡淡雞肉味，不過味道可以再豐富d，唔係太食到蝦味。和牛餃子 3.5/5有淡淡和牛味，味道中上。服務不錯，nice同有禮貌。味道有改善空間但有十足誠意，如下次經過都有興趣試其他拉麵👍🏻…查看更多

星期六夜晚係旺角行街時，見到有個$128既全日套餐包兩樣主食，睇落好似幾吸引就入左去。入到去嗰職員就話個全日套餐係只限一至五，雖然嗰餐牌無寫明，但係我地都諗住算啦，打算照叫。燒鳥盛合套餐 1.5/5 一開始睇到個擺盤時係覺得幾靚，但係份量好少。雞肉方面6樣有4樣嘢都係軟骨嚟，味道尚可，但係雞翼得一隻雞髀肉又係勁細嚿😐 呢個套餐仲要唔包飯唔包嘢飲，玉子香蔥飯要額外加$15，個飯我諗應該仲細過我個拳頭。就咁睇個樣本身都以為個份量係足夠，但係實質食嘅時候其實係唔夠飽嘅，因為佢係用好細嘅碟裝住啲幾舊好細舊嘅肉。我平時食譚仔堂食係叫少米夠飽嗰啲人，呢個我食完之後應該得五成飽。☹️牛肉盛合套餐 2.5/5呢個牛肉成盒又係份量較少，雖然友人都話食完好似五至六成左右飽，不過都好過燒鳥盛合。牛肉質素尚可，似係牛角平時嗌平餐嗰種質素。綜合而言，佢呢個價錢性價比真係好低，本身都唔算平，仲要係唔夠飽。🙂‍↔️同埋叫得盛盒我哋都預咗會有一定嘅份量，唔包嘢飲同飯都幾趕客。唯一讚嘅地方係裝修都算幾好，我哋叫咗個冬瓜檸檬係幾好飲嘅。…查看更多

食物方面：海老虎⭐️⭐️⭐️⭐️蝦湯濃郁，但層次單一。最主要第一啖食到蝦味，之後就鹹味為主，香氣不足。黑虎⭐️⭐️⭐️⭐️⭐️同伴友人叫左黑蒜油拉麵，黑蒜油香氣撲鼻而來😍 試左一啖好濃郁既黑蒜油同醬油味，亦都非常掛湯❤️ 推介!炸雞⭐️⭐️⭐️⭐️炸雞外脆內嫩，炸粉薄👍🏻 不過唔算好印象深刻，合格以上👍🏻服務方面：雖然係假日中午，但係去到都唔需要排隊。枱面已經擺左一塊濕紙巾，方便客人使用👍🏻…查看更多

食物方面：兩個人叫左威靈頓牛排set，份量十足👍🏻 味道都係中上水準😋 Set 可以揀四個starter，二人份威靈頓牛柳同埋甜品🍮自家製香草包⭐️⭐️⭐️⭐️⭐️非常好食! 外脆內軟，第一啖食時香草味直衝口腔，煙韌有咬口，鬆軟有彈性😋第一個starter 法式肝醬與肉醬⭐️⭐️⭐️⭐️好食! 入口嗰下好濃牛肝菌味，口感都幾特別，平時醬質地再有肉粒係入面🤣 不過作為starter有少少heavy，佢份量唔細同埋有一定鹹度，食完都飽一半🤣第二個starter 法式洋蔥湯 ⭐️⭐️⭐️湯好濃郁牛骨同洋蔥味👍🏻 中間有輕微苦澀味，有機會係某種香料造成，個人覺得可以，不過怕有苦味既人可以避免叫呢個。第三個starter 風乾帕馬火腿香梨沙律 ⭐️⭐️⭐️⭐️加🍐係沙律入面真係好夾! 帕馬火腿唔會太鹹，沙律菜再加🍐更加可以中和到火腿既膩感同之前較heavy既starter👍🏻 第四個starter 阿爾薩斯四方薄餅⭐️⭐️⭐️⭐️⭐️非常好食! 麵糰係自家製好脆，上面有白芝士，煙肉同洋蔥😋 有d似卡邦尼意粉既感覺🤣 所有嘢都夾得好好👍🏻主菜 威靈頓牛柳⭐️⭐️⭐️⭐️⭐️非常好食! 服務生會比我地睇一睇影相再擺入焗爐。 外型同出面食既會唔同，聽主廚講返係設計適合二人用。酥皮又薄又脆，牛排熟度啱啱好，肉味濃又唔韌😍 再配上紅酒黑醋汁，簡直係絕配👍🏻 令到成個菜色味道更有層次😋甜品 ⭐️⭐️⭐️馬斯卡邦忌廉. 薄荷朱古力雪糕配百利甜酒清新味道，加埋一齊食酒味都頗濃。環境服務方面：主廚好有heart，feel到好認真對待每個客人需求。好多時都會主動介紹菜色，令我地知道係每件食物既背景👍🏻 環境溫馨，因為唔多枱所以唔會有壓迫感覺，適合三五知己聚會聊天或者慶祝生日地方😍…查看更多

食物方面：四個人叫左6樣點心，味道都係中上水平😋假日黎講每人唔洗$100，價錢合理👍🏻煎釀虎皮尖椒⭐️⭐️⭐️⭐️⭐️推介! 上菜時熱辣辣🤩 炸粉薄魚肉厚，青椒唔會太大舊影響口感同味道😍 三樣嘢夾埋好balance👍🏻黑金流沙包⭐️⭐️⭐️⭐️⭐️推介！ 佢既流沙係一粒粒脆脆既口感，並唔係平時出去食入面液態嗰種，非常驚喜🤩 鹹鹹甜甜，真係有種鹹蛋黃起沙既feel😍 食完真係胃口大開🤣叉燒蒸腸粉 ⭐️⭐️⭐️⭐️皮薄餡靚👍🏻 叉燒有少少韌同甜，不過都十分推介🤩水晶蝦餃王 豉汁蒸鳳爪 鳳爪排骨蒸飯 ⭐️⭐️⭐️合格水準👍🏻蝦餃皮非常薄，每隻蝦餃入面都有三隻蝦，味道就無其他咁驚艷，不過都唔錯👍🏻環境方面：冷氣略嫌不足，比較焗。比出面茶樓乾淨少少，坐得舒服d。…查看更多

食物方面：是日餐湯及甜品⭐️⭐️⭐️叫一個主食加$68有沙律，餐湯同甜品。蘑菇湯正常發揮，可以多返d鹽味會更好。烤美國安格斯肉眼扒⭐️⭐️⭐️味道Ok，肉味都濃，不過本身叫5成熟但塊扒接近7-9成熟，食到最後有d柴。黑松露薯條⭐️⭐️⭐️薯條好熱辣辣，黑松露味唔算濃。龍蝦汁意大利飯⭐️⭐️⭐️⭐️⭐️呢個上菜時好有驚喜，半隻龍蝦已經起左肉，啖啖肉真係好正! 隻龍蝦好新鮮，有埋d膏好好食😋 意大利飯有口感，有龍蝦味唔錯👍🏻服務方面：侍應態度有禮，不過成日都想收走我地d食物，有種趕住收工既感覺。環境方面：裝修幾靚，不過安排我地兩個人坐係一張唔係對住坐既位置，係坐係隔離既位，坐得有d逼。…查看更多

今日下晝想買杯嘢飲，一開始都見到嗰店員係入面沖緊嘢飲。咁我係門口等左大概一分鐘，見佢都冇諗住過嚟我就諗緊可能佢見我唔到，所以就叫咗聲唔該 ，之後佢完全無反應。咁我諗可能佢忙緊啦，雖然我見到隔離都無人買緊/等緊，咁我就等左一分鐘，佢都係無諗過過黎。我有諗過會唔會係我講嘢太細聲，所以我再叫多聲唔該，之後嗰男店員就好炆咁話唔該都要等我沖埋d嘢先啦…其實你忙緊都可以同我講聲等等先囉，我又無催佢，我又唔係佢心入面條蟲，我講聲唔該都比人鬧🤷🏿‍♀️我明做服務業會做到炆，但係都唔係發洩自己d情緒係d客人身上囉。…查看更多

環境：我地兩個人餐廳安排左入面梳化位比我地😊 空間都幾大，食得幾舒服，加上嗰位置比較靜，好適合情侶過黎食👍🏿食物質素：👉🏿原味鮮肉小籠包評分：9/10小籠包皮薄多汁，咬落後非常Juicy😽 餡料都好滑嘟嘟，十分推薦比大家😍👉🏿蜜汁頂級西班牙黑毛豬叉燒評分：10/10呢款叉燒要預先訂先有得食😊 價錢不菲，但係因為好多人推介，我地抱住一試既心態去食🤣一咬落後簡直驚為天人，肉質軟嫩又因為厚切唔會無左叉燒既咬口。半肥瘦部位掌握得好好，脂肪位同瘦肉一齊咬時非常正，呈現到肥瘦達到最適合位置既感覺😍 醬汁係正常蜜汁既味道，我好奇如果外皮可以燒到脆脆地會唔會更加正🤣但係所有嘢加埋一齊就啱啱好👍🏿 雖然睇落好似得幾舊，但係因為厚切既關係，其實份量我都覺得足夠，3-4人食都夠食😊 👉🏿42天飼養北京片皮鴨評分：8/10片皮鴨都需要預先訂，我地早兩個禮拜book已經book唔到星期六日食🥲 所以想食既朋友記得早d book喇～師傅分左三部份比我地，一開始黎比左一碟鴨皮我地沾住砂糖食😊 鴨皮非常酥脆，入口即溶，口腔內圍繞住鴨香既味道👍🏿之後就比左鴨胸連皮同鴨髀連皮既位置，兩樣味道都唔錯，我十分欣賞係即叫即整，所以上菜時都仲係熱👍🏿 餅皮比左兩籠我地，份量十足😊 仲有一個發熱包keep住餅皮既溫度，非常貼心👍🏿 只係可能因為餅皮蒸得耐左，個邊邊位有少少硬，少少影響左個口感🤔 隻鴨我認為偏瘦dd，如果肥d再好食d😋 醬汁有提供青瓜條，京蔥，砂糖同特製既醬汁（含有花生醬）。總括黎講我覺得嗰片皮鴨味道中上，但係價錢偏貴，味道好食但係未至於驚為天人，可能間中食就ok😊我地另外再用$160加左嗰鴨鬆炒飯，本身無特別期待，但係味道就十分驚喜😍嗰炒飯一黎到就好香，色澤鮮明。一咬就不得了，嗰飯炒到粒粒分明，佈滿住鴨油香既味道，中間仲有d脆脆地鴨皮係度，成個飯好有層次😋❤️❤️真係非常推介大家加$160食👍🏿服務💕服務貼心，就算坐係入面都唔會驚搵唔到人🤣上片皮鴨時都好認真介紹👍🏿推介指數：9/10✨食物好食有驚喜，環境同服務一流，但價錢偏貴，特別日子慶祝係一個唔錯既選擇😊…查看更多

食物質素：👉🏿古琴酒糟烤北京填鴨呢間餐廳都係片皮鴨界中尚算有d名氣，不過真正食落就比較普通。叫左半隻份量都ok，三個人食都可以每人食4塊左右。賣相唔錯，但係就欠缺鴨油香味，就算一塊餅皮加兩塊鴨皮同肉都無嗰種油香係口腔爆發既感覺。而且可能整定，上菜時已經凍曬。值得一讚係餅皮非常煙靭，仲要有蒸籠焗住，可以保持餅皮既溫度，係難得好食既餅皮。👉🏿鐵板蔥爆牛肉比普通更加普通，完全無蔥爆既感覺，似炒完擺上鐵板。香味欠缺，似普通茶記味道。👉🏿瑤柱蛋白炒飯味道都可以，炒得乾身同有粒粒分明既感覺。驚喜係瑤柱既份量都幾多，每一啖飯都食到幾多瑤柱。口味較清淡，無咩香味，整體普通再好d。服務質素：普遍員工都友善有禮，不過收食物速度都幾快，有時都未食完就問定可以收得未，少少趕客。環境：環境都乾淨，地方唔大，可容納人數唔多。…查看更多

因為朋友就黎生日就諗住搵間西餐廳食下飯😆 見openrice咁多好評就book左夜晚食。一入到去waiter就安排我地係門口隔離坐，靜靜地都唔錯。🤣因為想試下威靈頓牛柳，所以前一日就預訂左。Waiter都有問我地話要等45 分鐘，咁我地都無咩所謂就話OK，不過其實3個字已經到左😂威靈頓牛柳 $788 6/10一層層酥皮包住牛柳，中間夾左松露同鵝肝醬，真係好邪惡🥰 牛柳都算嫩，酥皮香脆。可惜係唔夠熱，有可能係預先整定但係無即刻出餐🥲 個味道我覺得普通左d，唔係話好有香濃既感覺。嗰份量都夠大，食完都飽左一半🤣我地仲有叫到一個Dinner Set黑松露烤農家鮮三黃雞佐黑松露雞油😍 $278 跟埋餐湯同一杯無酒精飲品😃🍄蘑菇忌廉湯 9/10忌廉湯入面有一粒粒嘅蘑菇碎，入口順滑兼且有好香嘅蘑菇味，唔錯😋😚黑松露烤農家鮮三黃雞佐黑松露雞油 9/10呢個真係非常有驚喜🥰 有好香嘅黑松露味，雖然一開始食嘅時候味道唔係好特別，但係食食下就越食越香，雞油同黑松露嘅香味慢慢散發出來😋 雞入面仲有啲薯蓉同蔬菜，令口感更加豐富😍 美中不足就係唔係好夠熱🥲如果過嚟食我真係好推介Dinner Set，有餐湯嘢飲包埋，甜品仲可以半價食，真係好抵😍最後就上埋甜品焦糖燉蛋🍮 食完main dish waiter就好醒目好快咁插埋蠟燭同寫生日祝福語上甜品，仲主動幫我哋影相📸️ 呢個真係值得一讚👍🏿 加上佢哋會留意我地需要，好快就幫我哋加水同收走食完既碟👍🏿總括而言，喺情調氣氛同服務方面真係100分，食物方面都OK但係唔算話好好食。…查看更多