tammy2219's Profile

今日終於試咗一直想試嘅旺角咖哩屋以前成日見到佢個員工喺路口度叫叫咗咁多年 終於我鼓起勇氣入去食由於疫情嚴重關係餐廳入面堂食一個人都冇只有三兩個人間唔中會入嚟買外賣咁我今次點選嘅係 set B 咖哩牛腩套餐 （54元已折）由於疫情關係佢有85折套餐包括餐湯 咖哩牛腩 飯同薄餅可以揀是但一樣咁我就揀咗薄餅 另外套餐亦都有包嘢飲 我就叫咗一杯印度奶茶餐湯係一個開咗芡嘅三色雜豆湯只有鹹味冇乜特別至於主角咖哩牛腩 牛腩有四五舊 都幾軟稔爽口食開印度咖哩嘅我覺得佢香料味欠奉反而蔬果味就比較重 咖哩入面亦都有好多蔬果嘅顆粒但個人認為咖哩嘅調味酸咗少少 如果可以多番啲香料味咁呢個咖哩就好食不過勝在咖哩嘅溫度都好夠熱另外佢個薄餅好軟熟又熱 好好食切開都有四塊咁多 成餐最好食係個薄餅最後飲埋佢嘅印度奶茶個人覺得奶茶嘅味道偏淡味道比較似港式奶茶多過印度奶茶事關應有嘅印度奶茶香料味都唔太明顯整體呢一餐不過不失無乜特別得閒就入去食下咁…Read More

咁岩尼幾日行過尼間小店見到門口做緊每日特價見到有想食嘅辣拌冷麵做緊每日特價賣35蚊就入左去試試佢黎到大大碗咁仲有配以韓國冷麵常見到嘅雪梨片 好清甜麵條食落清爽彈牙 實屬消暑佳品每條麵都沾滿左甜辣醬汁十分過癮食到中途 老闆娘仲問我要唔要加泡菜沒想到小店也會有加泡菜的福利哈哈聽老闆娘話仲會送外賣 一個都送真係唔話得佢地都好堅持自己嘅食品質素務求客人食到最好味嘅韓國料理就算客人漏左個拌飯醬佢都話要去親自送返個醬俾客人這個態度真是十分欣賞！！這頓飯好滿意 絕對會再回頭光臨的！…Read More

去北角見到有尼間印度餐館就入左去醫肚，坐位距離都幾逼，動作大d都會撞到隔離檯。而且尼間餐館提拱是維他樽裝水，我地以為餐館咁好又幾方便，但原來結賬時發覺要計錢，須則是十元一樽，但餐館必需向客人提供水，尼樣系餐館最基本招侍，真心講句，佢地連水都要計真系好縮骨囉…Read More

自命縱橫樂富多年都無發現到尼檔手撕雞經同事極力推介一試之後實在無法自拔首先味道方面手撕雞染上秘製麻辣醬汁食落麻麻香香咸咸辣辣再加上辣粉簡直將辣味昇華到另一個層次叫你又愛又恨雖然佢嘅辣度有譚仔嘅中小辣咁辣但係令你好想好想食講到雞肉比平時食開稔身嘅雞肉係有分別相信佢用嘅係走地雞肉質彈牙爽口咬落有勁係意想唔到嘅驚喜位食尼個大辣加辣粉嘅手撕雞就好似染上左毒癮一個星期唔食個心已經好唔安樂食到果陣真係無比咁滿足唯一我嫌佢嘅就係份量太少所以強力建議買半隻或者一隻咁先夠喉佢仲去埋骨岩曬唔鐘意啃骨嘅你邊個話平野無好食過尼個手撕雞你就知…Read More

之前喺街收到日滿屋街派傳單見到下午茶唔洗加一 三十幾蚊 算係幾抵食就同朋友入左去試食下午茶唔算好多人唔洗等位入面大概得十幾二十個人於是我地分別叫左地獄餃子烏冬同北海道番茄湯豚肉拉麵一見到個樣已覺得不妙仲以為佢黎錯左點知個員工有講得出我地叫左d咩蕃茄湯完全冇番茄湯應有的顏色飲落完全無番茄味豚肉超鞋 非常似煲完湯既肉無味好彩拉麵都尚算彈牙不過友人已經食到喊咁口而我個烏冬就遲遲未到望落個樣都算ok食落一d都唔伏本來以為佢會用圓形包裝烏冬估唔到係用彈牙嘅讚岐烏冬飲落鼓湯唔算好鹹辣味唔係齋用辣椒油總括都算食得過d餃子仲炸得好脆係棒狀餃子可憐的朋友不斷 用匙羹不走我的地獄湯底撈落佢個拉麵度食佢話痛苦到極估唔到蕃茄湯都可以中伏…Read More

話說掃完一輪街諗住買杯野解下渴見到尼度啲野飲咁平就試下佢地嘅朱古力香蕉明明價錢牌寫6蚊杯佢死都話7蚊杯雖然只係一蚊我唔同佢計但係已經好影響消費者對你嘅誠信囉飲落嘩真係失望到爆首先已經無朱古力味蕉味仲唔係甜會飲到口都喼埋果隻成杯野淡過水垃圾真係買水都好過買佢以後都唔會再幫襯…Read More

喺現崇山開左咁耐都未試過今次就同家人去左試估唔到啲野又煮得幾好食【海南雞飯】雞肉食落熱辣辣唔會好似其他舖頭咁擺到凍曬食落好嫩好滑雞皮仲唔肥好薄可以過下口癮油飯唔會太油但有油香仲好大碗添以晚餐尼講價錢幾經濟仲唔洗加一【福建蝦湯麵】超多隻蝦愛蝦人仕必點飲落個湯有蝦嘅鮮甜但係你話超濃就唔會麵底用左油麵食落索滿湯汁又爽口加埋啖啖蝦肉正呀【咖喱羊扒飯】羊架食落幾juicy但係燶左少少同埋羊架得兩支唔係好夠喉好彩有帶橫香嘅咖喱咖喱唔辣而且偏甜仲俾左好多咖喱你撈飯【豬頸肉喇沙】先講豬頸肉燒得岩岩好外皮帶微脆內裏Juicy鬆化加上甜甜蜜汁唔會過咸就咁食都得至於喇沙湯底好濃帶椰香仲唔辣架加上索湯嘅米粉同爽口嘅魚片真係可以勁快食曬不過叫多碗就免唔好睇佢細細碗食完會好飽唔會有唔夠汁嘅問題…Read More

朋友話要揾個地方可以坐得耐啲又可以唔俾人趕唔限時就跟左佢地入一品螞蟻見個環境裝修幾好諗住食物都係點知原來我錯了Casual Dining 果然係Casual Dining 無論賣相同味道都好Casual所謂嘅香茅豬扒唔香無香茅味無豬肉嘅鮮味得落得太多鬆肉粉嘅質感同埋得個咸字一舊無靈魂嘅物體所謂嘅椰汁海鮮辣湯底無椰汁味更加無海鮮味當然亦無辣味我覺得係食緊濃縮版嘅史雲生豬骨湯所謂嘅米線都好彩仲有米線嘅形態但係眼見得果幾條食多兩啖就無其實係咪想人叫多幾碗仲有菜真係咁貴咩？以上失敗之作價錢一啲都唔Casual lol …Read More

同行四人經友人介紹就入左去食【冬蔭公湯河】賣相唔係咁吸引但係食落又有基本嘅冬蔭公嘅酸同辣不過對比其他泰國餐廳佢味道偏淡可能因為加左白蘿蔔【泰式無骨鳳爪】個酸辣汁超正係我食過最好食嘅泰式鳳爪個汁夠酸夠辣爽口鳳爪索曬啲汁不過我食得辣都辣到狂飲水辣度應該有譚仔中辣至大辣愛辣人仕必點菜式不過得幾舊唔係好夠喉喎【泰式炒飯】唔係難食亦唔係特別好食幾香口但係炒得乾身啲會更好【炭燒豬頸肉】豬頸肉偏咸如果有多啲甜味會好啲不過豬頸肉邊唔脆有啲失望個汁就唔洗點只係豉油點左會咸上加咸價錢偏貴【泰式小食拼盤】炸得好香口外脆內軟好正雞翼好嫩唔點泰式辣醬都好好食仲有蝦餅肉丸春卷同辣辣泰式鳳爪滿足樣樣都想食嘅你不過就算叫左咁碟野最後四個人都係夠飽要去食甜品…Read More

忽然想食酸辣粉見到滇二哥有得食而且價錢合理就入左去食之後係惡夢嘅開始成碗野簡直不知所謂無任何可取之處話明係重慶酸辣粉可以完全唔辣完全唔酸湯底清晰如水但係可以勁咸勁鮮味除左味精我諗唔到佢個湯仲有啲咩個薯粉煮到過曬龍稔到糊仔咁樣口感似食緊鼻涕至於豬紅無味一夾就散仲要係凍嘅想問有無煮過？成碗都係垃圾以後都唔會再黎…Read More

已經食過嚴打製麵所好多次，係常客，約一兩星期就必定要食一次，同個老闆都好好傾，仲記得我係次次都會叫地獄湯底，好有親切感，宜家淨係得返十幾日有得食覺得好可惜事關佢個地獄湯真係好有水準，拍得住別府嘅濃味，譚仔小辣咁辣，咸咸香香，辣味齒甲留香，係由濃郁嘅豬骨湯再加特辣醬製成，配上彈牙嘅拉麵真係好食到唔洗要餸都得呀，次次都要飲曬啲湯，因為真係好好味又唔渴證明無咩味精咁當然要配返杯凍奶茶多奶少甜少冰解下辣就更加刺激啦哈哈由於食左好多次，淨係得第一次有影，所以飲品會同描述有所不同難得揾到間咁好食嘅拉麵，價錢又大眾化，點知佢要搬，我無左個飯堂啦嗚。。。…Read More

已經係第4，5次食尼間放題  因為佢真係又平又好食，之前有張每人減十蚊券未用，所以順便尼食用左佢。當我詢問男職員張優惠券仲用唔用得,個男職員都好有禮貌咁答我話可以,事關佢張優惠券係無有限日期.入座後就即刻叫野食,不消10分鐘就尼齊,效率真係幾高!唔少得就當然係刺身拼盤啦! 好新鮮好肥美三文魚好新鮮肥美,可以清楚見到一條條嘅魚脂,好似三文魚腩咁正,仲有冰底墊住,唔會話食到未解雪.虎蝦同樣新鮮,爽脆可口,送啤酒一流呀!馬刀貝都好甜好脆口又夠凍,好好食~!墨魚好有光澤!食落鮮甜可口!之前食都無貝柱,今次見有就試下,不過嫌佢唔夠甜.朋友叫嘅司華力腸,個樣睇落都應該幾脆口.我同我朋友都鐘意叫嘅炸雪糕糯米糍,不過如果雪糕可以再雪硬D咁就唔會咁快溶,可以考慮用款甜品店用嘅現成雪糕球可能就可以改善問題.尼個冷烏冬次次都會叫,但係尼個今次整得最好食,夠凍,個汁唔會太淡太咸,烏冬軟硬適中,睇得出佢嘅食物質素係有進步牛油燒粟米一放上枱就超香牛油味,仲夠熱,令我食慾大開,唔洗5分鐘就K.O.左魚生沙律嘅水準都一時一樣,因為佢有時會落沙律醬,有時就落沙律醋,次次都唔同.不過今日個沙律D菜都好翠綠好靚,所以都幾好味,上面仲有舊厚厚嘅三文魚,原本有舊好厚嘅三文魚腩,但係未影相就已經俾我忍唔住食左,好正!何況食下沙律又可以消下滯再食多D朋友叫嘅金針菇,一向麻麻地尼樣野,不予置評 個豬頸肉係幾香口,食到豬頸肉應有嘅油香,仲幾鬆化,略嫌咸左少少,個醬汁咸咸香香都算好食三文魚好食到要再叫!!!!蜜桃炸蝦卷算係一個新驚喜,之前食都無,個蜜桃同炸蝦出奇地夾,蜜桃提升左蝦嘅鮮甜味,本來想食多幾件,可惜太飽啦!啤酒有咁好嘅美食又點可以唔啤啤佢喎~!總括而言,佢物美價廉,當然你唔好諗住有大喜屋嘅水準,但佢算係平民放題,唔想大出血嘅話可以一試 …Read More

自從佢一月幾無做放題，淨係做散叫之後，都無心機去再食，怕會唔抵食，但係今次食完之後完全扭轉左我尼個觀念等位果陣順便睇下佢個餐牌，發覺都唔算貴，20幾蚊就有得食4隻吉列蠔啦，但係每人平均消費要80蚊又唔用得會員卡有啲失落坐等之後都考慮左好耐要叫咩，一來擔心會中伏，二來食開放題細細份唔知宜家散叫有幾大份，餐牌又無圖片。最後我地三個人就叫左三文魚芒果卷，醬燒三文魚腩加州卷 ，泡菜雞肉鍋，鰻魚炒飯，海鮮拉麵，吉列炸蠔同三文魚頭。唔洗二十分鐘啲料理已經陸續上枱最先黎嘅就係泡菜鍋估唔到係未煮嘅同埋都幾大份下有成半鍋雞肉都係賣46蚊，計晚市尼講叫幾抵食下未熟啲雞肉煮完都好嫩又唔肥，啲菜都算新鮮仲吸收曬啲湯汁。個湯嘅味道就偏甜帶微辣，怕辣者都應該可以接受到無難度，不過如果可以酸返少少就好啦，總算足料幾惹味燒三文魚頭燒得岩岩好啲肉好嫩滑，咸咸香香仲有汁好濕潤，唔會燒到乾曬，加埋檸檬汁酸酸地真係好夾！三文魚頭仲俾埋個鮫位都好滑好稔，真係好好食，送啤酒一流都係賣27蚊咋鰻魚炒飯真係好香燒汁味，上枱果陣仲有隻生蛋黃俾你撈埋尼食，個飯入面仲有粟米，生菜同鰻魚粒，每啖都食到嫩滑嘅鰻魚粒又唔腥真係好滿足，唯一係個飯炒得有啲濕，乾身啲會好啲49蚊咁大碟都唔算貴海鮮拉麵都唔野少啲帆立貝青口都大大隻仲唔會有沙仲好鮮甜，唯獨隻蝦嘅賣相一般，啲麵嘅軟硬程式又岩，好爽口彈牙，成碗麵嘅質素瞬間提升，個湯飲完都唔口渴，雲耳仲好脆好爽口44蚊大大碗，正呀！炸蠔啲炸粉好薄唔會成口粉，食落鬆化可口仲有蠔汁流出尼，隻蠔仲好肥美唔會係蠔‘毛’，二十幾蚊食到咁嘅質素真心抵呀醬燒三文魚腩加州卷係全晚最好食嘅卷物之一，輔滿被燒過，流住魚油嘅三文魚腩真係好creamy肥美，上面仲有蟹子卜卜脆加強口感，配加州卷真係中和返一啲都唔滯好好食一定返轉頭再食，事關得尼度先有得食好有特色最後係三文魚芒果卷，生果同魚生好似格格不入，但係三文魚加芒果真係好襯，芒果嘅酸甜味豐富左三文魚嘅鮮甜，當日啲三文魚仲要好厚好肥美，二十幾蚊抵食啦哈哈尼餐真係好滿足！每個人都係食左80蚊左右就已經可以食到咁多款美食仲唔會有份量不足嘅問題，啲服務仲好好會問你尼齊啲野未同問你岩唔岩食，叫錯左仲即刻去追單，香港已經好少有咁好服務態度嘅餐廳所以我一定會再尼幫襯架，今次令我再次愛上光臨尼間餐廳…Read More

見尼度啲午餐幾平又唔洗加一仲有麵豉湯就同朋友一齊去試下，又見到之前啲食評講啲卷物好有創意好正就專程試下。我同朋友都係叫左自選卷物，誠惠58蚊麵豉湯係開粉果種，有種一味咸嘅感覺……飲完仲會好口渴我諗大家都知入面加左咩……到卷物，份量的確好足，有六款卷物俾大家揀，仲可以揀兩款，每款八件，計係一個午餐尼講叫做幾飽下我地一共試左三款卷物，三文魚卷，牛油果玉子卷，炸雞芝士卷。三文魚卷，其實係三文魚壽司多左幾粒芝麻，只係轉左個型態，好彩三文魚都算爽口新鮮，但係味道平平，無話特別到會專登返尼食。牛油果玉子卷，兩者配撘得麻麻，壽司飯本身無咩味，再加上兩種味道偏淡嘅配料變相有啲浪費，將玉子換做炸蝦或炸雞味道會更好。炸雞芝士卷，味道似麥樂雞加軟芝士，好彩啲雞都唔係翻炸都算有口感，尼款加左啲燒汁算叫做三款卷物入面最好食嘅一種。（麥樂雞竟然係最好食……唉）總括三款卷物味道一般，壽司飯硬左小小，夾落仲好易散……不過等尼啲卷物都等左成20分鐘，如果太肚餓又唔等得就最好唔好叫尼款，講真有啲失望食唔到啲靚靚卷物，不過總括尼講咁嘅價食咁嘅野我無話可說，平有平食，貴有貴食嘅道理，填得飽個肚就算，可能食得太多飯，個胃頂住頂住幾噤飽。不過唔會再因為個lunch set 而返轉頭，食完臨急臨忙仆去買野飲……有機會可能會試下佢其他更吸引嘅卷物但係唔會食lunch set同tea set 啲卷物,咁平仲想點，不過點都好過食明將嘅………Read More

好開心今日有朋友可以帶我去尼間餐廳慶祝生日，淨看餐廳嘅門面，黑白色配上簡約線條和圖案，再加上一大片落地玻璃。除了給人清新輕鬆嘅感覺之外，更特顯餐廳嘅獨有風格，不像其他嘅日本餐廳以紅色紙燈籠和木色牆身作為主要嘅佈置和裝修。給人眼前一亮嘅感覺。剛坐下，看到餐桌上放上灰黑色嘅餐墊配上深灰色的餐桌和盛滿七分熱茶的黑色水杯，更顯餐廳的風格。木色嘅筷子躺在深啡帶碧綠的小圓石上，給人優雅嘅感覺，再加上店內柔和的燈光和從外照入黎嘅自然光，令用餐環境變得格外舒適。侍應放下餐牌，看到約十款的午市定食，每個定食都附有小食，沙律，主菜，麵豉湯和甜品。定食亦有熟食和生食之分，我與友人都不約而同地選擇了生食，我們分別叫了‘北海魚生飯’和‘壽司定食’。侍應禮貌地收過餐牌便替我們準備小食和沙律，更附上豉油，感覺格外衛生。今天的小食是‘高湯浸薯粒’，因為不是一般日本餐廳所給的‘味付螺肉 ’和‘中華沙律’令我感到十分新鮮。小食十分精緻，微温的薯粒煮得半軟同時有口感，再加上高湯的浸泡，薯粒帶點咸和清甜的感覺，是一道非常清新的前菜。沙律是清新的羅馬生菜，切好片的車厘茄，紫生菜和晶瑩剔透的蟹子伴上日式芝麻醬，生菜新鮮至極，鬆脆可口，再加上麻醬，酸酸甜甜的叫人特別醒胃。朋友叫的魚生飯賣相十分吸引，魚生肥美得蓋滿整個飯不消十分鐘，我的主菜也來了，侍應小心翼翼地放下‘壽司定食’，並露出一個温柔的笑容，温柔地說：慢慢享用，便離去，服務算是十分貼心。‘壽司定食’附上吞拿魚碎卷物，帶子，海膽，三文魚，油甘魚，火炙吞拿魚腩，熟蝦等壽司。賣相吸引，每片魚生都有自己獨有的光澤之餘，每件肥美的魚生都能覆蓋整件壽司飯，簡直叫人垂涎三尺。先品嘗吞拿魚卷物，味道不錯，吞拿魚配上葱是一個不錯的組合，但要是壽司飯能調低一點點味道，更顯完美。當中最得我歡心的非帆立貝壽司和海膽壽司莫屬了，帆立貝十分肥美軟滑，咀嚼時鮮味即時湧出 ，鮮甜充斥整個口腔，頓時覺得十分幸福，有被治癒的感覺。海膽亦非常鮮嫩味美，海膽一整片地覆蓋整件壽司，海膽和飯的比例是四比六，可想言而海膽有多肥美，在此餐廳我終於食到最美味的海膽，不存一絲苦澀 ，但帶有口感和叫人感動的鮮甜，這客‘壽司定食’我很滿意，吃得很滿足，唯美中不足的是，要是熟蝦能換成甘海老，白蝦，赤蝦又或是虎蝦的話就更貼我的胃口了。吃過‘壽司定食’，侍應遞上一碗麵豉湯，湯汁呈奶白色 ，不像一般餐廳的麵豉湯。果然，不負眾望，湯汁可口味美，飲過不涸喉，實屬好湯。最後附上甜品，顧客可以選擇三款口味的雪糕，分別是芝麻，抹茶，紅豆，我這個抹茶控當然選了抹茶雪糕，味道頗清新宜人，為午餐畫上完美句號。另外值得一讚是餐廳十分細心地先將盛雪糕的碗子雪凍才盛上雪糕，這樣可以減慢雪糕的融化時間，非常貼心。由於當天是我的生日，壽司師傅特地問我本餐合不合胃口，更給我說了聲生日快樂，此舉很窩心，對於今次生日能在鮨善用膳我很滿足。…Read More