涼艾菲公主的个人专页

約咗朋友8:30pm，我們準時入座。叫咗東波肉幾香，肉質鬆軟，未發現原來有白飯墊底，所以唔小心叫多一碗白飯，不過都ok，呢味餸用多啲飯去送係好味啲。還叫咗幾味，朋友都覺得幾好味，可能因為係外國生活多，食返中菜係有一種温暖感，這是我特意訂呢間餐廳原因。不過唔夠一鐘後，大約7:25pm，食物還未食完下，待應主動提議我們叫甜品，大約來回提了我們2,3次，但我們自以為覺得時間尚早，所以諗住慢慢食，加上太耐無見朋友，真係好想傾計聚下。然後突然待應就叫我哋埋單，話用餐時間已過，雖然外面無人等位，唔覺座位好緊張，發覺餐廳好流水式，欠缺靈活性和人情味，如果係茶餐廳，當然個個人一心係以食野醫肚為大前題，但係希慎高層的一間餐廳黎講，我對佢要求點都高過茶餐廳嘅。3個人又90分鐘，10個人又90分鐘？我諗一入座個個就食食食，講多句野都浪費時間呀，咁同飯堂有乜分別？餐廳定位係乜？結果我們走下場，去食雪糕，唔食留係度食甜品啦。唔會再俾呢度影響心情。…查看更多

情人節同男朋友唔知食咩好, 周圍d餐廳都好多人, 而且d情侶套餐都好貴, 平平地都要400幾蚊, 肉痛呀本來想去試天后個間住吉, 個度無咩人, 靜靜地本來都幾好, 可惜又係迫人食情侶套餐, 又貴...唔明白點解地區咁偏, 都有情侶套餐, 望下入面又無咩人係度食, 入面個d又唔係情侶, 親子乍喎! 都要人食情侶套餐??同男朋友由天后行到北角!!!! 頂唔順係條街度上網去openrice search下北角有咩好食啦, 搵到間叫櫻壽司的日本料理, 好平都幾多, 唔理咁多就沖去搵呢間食店啦<櫻>附近條街都幾靜, 正正乎合我求啦! 一入到去好有家的感覺, 而我覺得入面d食客, 應該係住在附近的居民, 所以感覺分外親切menu都好多款式揀, 又有d推介咁, 對於少黎o既人, 可以有帶領的作用冷烏冬+6件壽司d冷烏冬好味道, 咬落唔會即碎, 有咬口又清新, 要加d蔥和蘿蔔溶係d汁度, 吊起d味道, 果然要一讚呀壽司塊魚生夠厚, 而且長, 少少暖暖的, 勁鐘意滑蛋吉列豬扒飯最重要係d飯有足夠的肉汁去送碗飯, 塊豬扒炸得脆脆的, d雞蛋半生熟咁蓋住塊扒:)黃金雞軟骨炸得好脆, 又唔會炸到硬到咬唔開, 好香口, 連男朋友都讚總括而言, 質素都算高, 服務生快手, 有好家的感覺, 大廚會周不時出黎上茶, 會同d熟客傾計, 環境幾好, 唔會好嘈, 傾計食飯一流, 如果好似我和男朋友咁, 專登黎食飯o既話, 感覺好似去左外地旅行咁, 哈哈…查看更多

每逢星期五都會約埋d同事出街食lunch, 之前見到crossroad呢度個menu, 見到d餐都幾吸引喎, 於是就去試下啦餐湯: 甘荀粟米cream湯味道都幾好, 但如果d粟米唔好整醉哂, 有返d咬口會好好多 :)p.s 佢另一款湯係羅宋湯主菜: 顯肉雜菌意粉有好多雜菌, 同埋有好多白汁"張"住d意粉, 如果鐘意食得creamly d o既意粉, 可以試試. 喜歡的話, 係意粉上面加少少黑胡椒粒, 會野味好多. 意粉上面有大量生菜蓋住, 本人覺得會影響賣相, 唔講都唔知邊碟打邊碟, 因為人人個餐都蓋左勁多生菜係面. 我覺得將d菜放埋一邊會好d, 同埋如果d菜係生o既, 唔好煮熟佢會更好:)餐飲: 苿莉蜜茶以為係花茶, 應該有d花花係杯茶上面, 結果原來係茉莉茶包+蜜糖, 有d失望....:(總括而言, 都算唔錯, 服務都ok, 曾經去過其他cafe shop食lunch, 呢間中規中矩啦, 唔係至好亦唔係好差, 係鰂魚涌太古坊附近, 平時lunch都幾多人等位, 因為佢d位唔算多, 要食o既話要早少少黎等(如果lunch時間係彈性的話)…查看更多

今日放工約左男朋友去維園行年宵，但因為肚子太餓關係，我們決定去食o左晚飯先！成日係銅鑼灣都諗唔到食咩，雖然話銅鑼灣好多食店，但每次都好傷頭腦。今晚唔同啦，一望到「和民」便想去食啦。我們叫了二人餐，都唔係貴，$2xx。原本男朋友以為唔夠食架，因為和民都唔係大碟頭，還諗住如果唔夠，就叫多個飯添。首先上左個沙津先，普通一個生菜沙津，望望menu，原來呢杯小小的沙津價值$20大元！嘩.....一定要將佢食哂先得。跟住上魚生，有三文魚、吞拿魚和冰蝦，真係超好味超新鮮，d肉有咬口，好正^^。跟住上加州卷，無咩特別。跟住上牛油燒牛，自家燒的，很過癮呀，不過我燒得太熟>.<。再來是海鮮炒飯和炸豆腐，炒飯炒得幾香口，d飯剛剛好，唔會好"林"；d豆腐就外脆內軟，質感幾好，不過可能炸過，無左d豆味。上埋天婦羅和麵豉湯，已經飽飽啦，天婦羅都幾多油，成張油紙濕哂咁滯。最後還有一小雪糕球，綠茶味好正^^。原本以為實唔夠食，點知逐小小咁食，又會好易飽。同男朋友提早一齊食團年飯，平時都唔會專登去和民的，諗起都只係拉麵，原來其他食物都唔差。不過d待應成日都望住我們張台，剛剛食完隻蝦，條尾都吐出來，佢已經收左隻碟....雖然叫上雪糕，都唔洗咁快收左我碗湯呱？講慢o左一秒就無左碗湯啦，真係.......係咁無時停收野，同男朋友講下野都阻住啦。:-P…查看更多

我住係筲箕灣咁耐，都未知吉野家係食咩時，就對吉之家首先有認識。依家乜都話加價，但吉之家好似未受影響，價錢一樣。有好多食店都因為經唔起時間考驗，品質都keep唔到，但吉之家竟然可以！老闆似去過日本參加過d咩煮食比賽的，大大張證書掛係牆，好似要話比人知，佢唔係普通係屋企出來要開間日本餐廳的人。雖然佢d餐並唔係正中日本食物，但真係有誠意。佢d下午茶係好抵食的，$20有好多款拉麵、咖哩飯/飯比你揀，最受歡迎應該係咖哩豬扒/雞扒飯，$20已經是全日供應了，大大碟，d咖哩好香，塊豬扒/雞扒大大件，炸得香脆乾身。我至鐘意食佢o既日式赤冷麵，$20下午茶價黎講，個賣相算唔錯，有板有眼，有哂工具，味道還要唔錯添。另外佢o既辛辣雞粒拉麵都好受歡迎，收銀姐姐還會有溫馨提示，會問你要唔要小辣，依家凍凍地，食碗真係warm哂o架。地方不大，有食堂feel，所有野都係自助，綠茶烏龍茶任飲，汽水$5。有好多學生都好鐘意黎呢度食，因為可以平平地食日本野麻，包括我，當年學生時代都好鐘意呢度，有好多回憶^^…查看更多

星期日下午同男朋友食lunch，之前係太子的寶太郎食過咖哩雞飯，男朋友一試便愛上。知道樂富附近有間寶太郎，就開開心心咁陪佢\\\醫肚啦。一入到去就比待應帶入座，但態度一d都唔熱心，因為他們雙眼都望著電視，看緊張嘉輝和周星星個齣「千王之王」(sth like that)，我已經覺得佢\\\地好似無皇權咁。同男朋友分別點左咖哩牛肉飯和咖哩海鮮飯，其實個心一直都心慌慌，因為來之前去過openrice看過呢間舖頭的食評，係無好評的！都有d懷疑，因為太子那間真係好好多，無理由同一間食店會差咁遠啫.....點知真係！首先我的海鮮咖哩飯上先，個賣相超級唔得，可以想像到廚師係幾咁求其咁放d食物落隻碟度，d飯和咖哩只係微暖，d咖哩好水，幸好還有味道，d海鮮先正，好明顯係同d咖哩分別煮的，因為d海鮮上係無咖哩汁的，好似落蔥咁.....成個餐\\\都冷冷的，是旦的，但價值$45！男朋友的咖哩牛肉飯到，哈哈，我取笑他那碟是茶餐\\\廳都食到的咖哩牛腩飯，因為那些牛的確係牛腩，日本咖哩牛肉飯就係咁？d待應又係度傾計，大聲到我都聽到d內容，講銀行打薄....發生咩事？街坊到呀。食完咁滯，突然有人收碟送上雪糕小球，行動好神不知鬼不覺，心中只有驚慌而無驚喜。都係自己唔好，明明無好評都要去試，我估連男朋友呢位fans，都唔會再去....…查看更多

係灣仔返工已經有2年幾時間啦，平時lunch都只係有得揀食茶餐\\\廳，或者去食上海雲南粉麵咁，食到悶和有點麻木了！最近知道附近開了間浦和日本餐\\\廳，嘩！有得揀食日本野，緊係去試試啦！不過對於慳慣家的我，又身處在金鐘灣仔一帶返工，落街食飯真係唔野少，所以都只會耐唔耐去下，平時帶飯會慳唔少^^約左2位同事試新野，對於由深山出城市的我來說，面對一間裝修日本的餐\\\廳，都寄於極度高的期望，未入門去食，就已經想像到一陣有個雙眼發光拼命狼食的我，實在太期待了。被安排上二樓角位坐，地方唔算大，不過都算清潔整齊，可能因為新啦，不過幾特別係bar台係面壁的，椅子是矮矮的，像小朋友排排坐食飯仔咁。lunch都有幾多餐\\\供選擇，拉麵、鍋物、定食、壽司飯等等....有成2張餐\\\牌，你話多唔多呀？哈哈！價錢由$4x-$9x都有，鍋物至貴，本人覺得至平係壽司餐\\\，因為$48有自選10件壽司，都有魚生個d選o架，同埋有罐汽水或麵豉湯。我諗極都唔知食咩，望左餐\\\牌好耐，又望下隔離台d人食咩，d賣相無叫人有種衝動去揀，好似無咩吸引力咁，所以我期望的那團火都關細了.....我叫左自選壽司餐\\\，要麵豉湯；同事們分別叫了鰻魚餐\\\和雞鍋餐\\\。等左都幾耐，我的壽司餐\\\最遲上台，好奇怪，我那餐\\\無托盤，只係送上陶瓷碟壽司十件，好似叫外賣咁>.<，興奮程度冷卻了一半。賣樣真係好一般，似買返來比客人食咁，或者吉之島個d會靚d，有舊魚生有雪味的....幻想破滅。同事H的雞鍋賣相好少少，有點氣勢，因為那鍋還熱烘烘的出煙！佢\\\有埋三文魚生，但薄得有點可憐，眼見菜比雞肉多；同事F的鰻魚只得2小薄片，又唔係大件喎，試問呢2小片鰻魚點樣補充我地呢d打工仔o既精力呢？覺得呢間舖頭樣樣野都差少少，味道一般，賣相一般，品質一般，平平無奇，比唔到滿足感！好多有誠意的日本店，個餐\\\賣相起碼會令人嘩然四起o架麻，呢間做唔到，有無下次呢？有進步再諗諗。…查看更多

從未諗過會身在一個80年代feel的餐廳食dinner,首先要多謝一班有心思的同事, 幫我預祝生日呀我們諗住食扒, 見到個"特餐"算最平$72,有湯,主菜和餐飲. 唔係特餐那些, 唔記得係咩餐, 只係多我們一塊魚塊^^v$8x我揀左蘑菇牛柳, d牛都幾好味, 唔難切喎, 不過d汁就淡左d, d薯條炸得唔夠脆, 碗蘿宋湯很大碗, 女仔可以兩份分. 我們還叫了紅酒, 本人唔太好酒, 覺得很難飲, 唔明白點解咁難飲o既野都有人飲...最尾係雪糕, 勁, 用不銹鋼杯放一圓雪糕, 有幾舊菠蘿伴著, 很可愛呀^^環境雖然唔及其他餐廳咁靚咁大, 但勝在個feel好, 好似去返小朋友時候般親切, d待應又好人, 幫我地存放好個b day cake, 又比哂碟仔咁, 服務幾好我們幾個人傾計傾左好耐, 傾到12:xxam啦, d待應都食緊晚飯啦, 有d燈還關了, 我們還在傾得興高采烈, 他們都由得我們坐, 走時還叫好有禮貌咁說再見, 真係好呀, 哈哈!…查看更多

聖誕節的下午, 我和男朋友選擇來沙田行新城市, 貪食二人組一來到便諗食店了揀左藏人, 至鐘意食日本野, 因為有好多選擇和o岩我口味麻叫了牛肉烏冬+加州卷定食和牛肉鍋紛線飯定食, 2款都好香, 牛肉好好味, 連男朋友都讚口不絕, 清左自己的, 還幫我清埋那半碗烏冬, 咁的確佢d牛肉真係整到好入味o既, 但就油d, 所以我好快就飽哂.無乜服務可言, 可能因為快落場呱, 但眼見d人又真係幾清閒o既$5x一個好味的餐, 都可以接受o既.…查看更多

平安夜同男朋友黎呢度dinner之前未聽過呢間餐\廳, 亦唔知出名食d咩野店內氣氛好home feel, 光線都係靠台上的燭光, 好浪漫, 唔會太嘈, 有個外國店員, 好有聖誕老人feel....眼見差不多每圍台都order左芝士火鍋, 就清楚知道哂啦. 不過我個晚無乜胃口, 一諗起芝士都飽哂, 所以都無order.我們各要了魚和牛, 普普通通無咩驚喜, 不過男友話佢\碟牛好味, 還讚口不絕添呀, 而我碟魚, 以為幾啖食哂, 點知原來佢\都幾溜, 剛剛好收手^^前菜鵝肝沙律和帶子天使麵都幾好味, 鵝肝好香, 係油左d, 同埋d菜食一流呀.成個餐\最敗筆應該係佢\個牛展湯, 事關碗湯真係有好強烈的牛展味, 似飲汁多過湯, 用來煮牛展麵應該好正, 但用來當湯飲就....太濃...可能我們飲慣羅宋湯和cream soap呱....哈哈!不過眼見有好多人都飲左一半先放棄, 我們飲了幾啖便收手lu甜品係一絕, 未試過一個甜品有咁多種味道, 有酒味, 有mango味, 有朱古力味. 瑞士出名朱古力, 所以用6片朱古力砌成一間小屋, 好有聖誕節feel, 又好味, 我們飽哂都要盡把它食光^^餐\飲又有幾粒朱古力送, 好別緻呀, 但我太飽了, 唔捨得掉低d朱古力, 所以把它們帶回家^^…查看更多

係某個星期六，本來放假，因為應承左要陪男朋友食午飯，所以返去灣仔找他一齊食lunch...見佢放工好累，都唔想落銅鑼灣尋食了，我一諗起就去呢間野食越南野。平時極少去呢間，因為永遠係排長龍，連個門口都望唔到個隻，今次難得無咩人咪去試下囉。原來個舖頭係勁細的，唔怪得d人等極都有啦。男朋友叫左個沙爹牛肉飯，我叫左個三絲撈檬。首先講個沙爹牛肉飯啦，個賣相無乜特別，個感覺有d似去大家樂食柱候飯咁，第一個印象唔太好，但食落又ok喎，首先d牛肉食極都有，還以為佢下面個d全是芽菜托底，原來有很多牛肉，d汁有d椰子味，但我比較好辣少少，如果可以多d辣會好d。到我個撈檬，一向食越南麵都會看看他們有咩撈檬，呢間都算多款o既，熱熱地天氣，食酸野至醒胃。其實都包無走雞，都好難會唔好味，除非d配搭唔o岩自己。三絲有雞絲、扎肉絲和蛋絲，上台時個碗都好嚇人，因為都幾大碗，2個女仔可以share，悶熱天氣至o岩食呢款！價錢方面，我覺得都唔係平o架，$3x-$4x，對於打工仔來講，lunch算貴了。…查看更多

星期六同男朋友慶祝生日，佢好少食中華料理的，咁咪去呢度試下o囉。之前同朋友都去過呢度一次，係食佢o既火鍋，感覺好好，因為d服務員都幾照顧周到，環境都幾清潔，d火鍋料又多，價錢又唔係貴喎，真係幾好。不過今次我o地就叫食，其實整體都好ok，其中叫左個"自家燒(牛肉和雞肉)"和"牛展掛麵"，自家燒都還可以，因為好互動性麻^^"，有得玩有得食。但個牛展掛麵就好麻麻啦，送上黎個時唔係熱的，咁我未食過掛麵，以為佢係冷麵之類o既野，點知用筷子一夾落去，成餅野咁，夾唔到d麵出黎，再食落口，又唔係凍的，又唔係熱的，但又唔可以話暖喎....d麵好粉，佢有d類似沙茶醬係上面，食最多汁個度都可以完全無味！個心會諗：「其實d麵係咪唔熟架呢？佢係咪比少左d熱湯我o地呢？」只係食左一小碗...不過d牛展粒好味道，有味了！咁大舊牛展都唔會痴牙，好野！d飲品都好好味，可能我當時口渴呱，叫左柚子甘桔梳打，好解喝呀！…查看更多