shayingdow的个人专页

好耐無去小漁港報到，今次食咗個貴少少嘅套餐，可以食到龍蝦、象拔蚌刺身等，真係海鮮控夢幻之選😌.✨Parco發板餐（$398/ 2位起）.🔥脆皮豆腐（$38）豆腐細細粒，外層炸到金黃香脆，內裏依然保持滑嫩，完全冇因為炸過而變乾，配埋炸蒜同食好夾，食完一粒又一粒，停唔到口😌🔥象拔蚌刺身拼盤象拔蚌爽口有脆，帶少少海水鹹香，啱晒鍾意鮮味嘅人，配埋其他刺身如帆立貝、甜蝦等，擺盤好豐富，未食已經先打卡😌🔥龍蝦、尿蝦龍蝦加入蒜蓉同蒸，肉質厚實鮮甜，蒸完唔會乾，反而仲保持彈性，之後仲將龍蝦頭加入粥底同煲；尿蝦拆殼唔算難，肉質清甜啖啖肉😌🔥貝殼三寶：花甲、沙白、蟶子花甲雖然細細隻，但鮮味爆燈，蒸完啖啖汁；沙白肉質滑溜，無沙無腥，食得安心；蟶子爽口又多汁，咬落去仲有少少甜，唔使蘸醬都夠味😌🔥元貝、鮑魚、海蝦、海魚元貝蒸完唔縮水，仲保留到原有甜味；鮑魚勁厚身軟腍，有半隻手掌咁大，食落帶煙韌感，口感一流；海蝦新鮮到不得了，彈牙又爽甜；海魚係馬友，肉質滑溜無骨，蒸完仲有少少油香，好有層次😌🔥農家四寶＋蟲草花蒸雞烏冬底農家四寶有蒜蓉蝦乾絲瓜、日本甜薯、南瓜及芋頭，與雞件、蟲草花，配烏冬底同蒸，烏冬吸晒雞汁同蟲草花精華，食落勁入味，雞肉滑嫩唔乾，透著蟲草花獨有香氣，食完有種「被滋補咗」嘅錯覺，暖胃又暖心😌🔥海鮮粥海鮮粥加入龍蝦頭一齊煲，入口有陣陣龍蝦香，粥底呈金黃色，賣相好吸引；建議食到幾飽都要留肚食個粥，食唔晒可打包返屋企繼續回味😌🔥甜品甜品依然係熟悉嘅豆沙糯米糍，口感煙靭唔黏牙，入口軟糯唔太甜，啱晒打邊爐後清清地收尾。…查看更多

餐廳幾雅緻，分別有三個房間，有侍應幫忙掛外套，唔使自己拎住咁論盡，服務好好。.餐前小食有琥珀合桃及甜酸菜，前者甜甜地又脆口，完全食到停唔到；另配功夫茶沖洗味蕾，準備開餐。✨潮味雅饌-傳世盛宴（$980/ 位起）.🔸精·緻🥢潮州滷香凍鮮鮑魚夠晒入味，但又唔會蓋過鮑魚本身嘅鮮味，配青瓜片幾醒胃。🥢潮州滷水豬腳筋豆腐豆腐吸晒滷水汁，豬腳筋軟腍，膠質豐富黏口。🥢黃金三色蝦多士虎蝦大隻彈牙，內有卜卜脆蟹籽，多士底炸得香脆兼鬆化。🔸養·生🥢花膠青欖燉鮮鮑魚湯味道濃郁帶青欖嘅回甘，花膠厚身兼充滿膠質，入口黏住個嘴，鮑魚又夠鮮味。🔸鮮·活🥢胡椒焗阿拉斯加蟹伴長旺蟹肉鮮甜，底部粉絲吸收晒蟹肉精華且帶胡椒香，另小鍋底部有蠟燭keep住溫度，抵讚！🔸禽·戲🥢八寶片皮雞雞皮脆到似玻璃，手撕雞肉和多款果仁撈埋一齊同食，口感好豐富。🥢四式滷水拼分別有鵝肝、墨魚、鵝頸肉、粉腸和豆腐，鵝肝口感綿密滑溜，墨魚爽口彈牙，鵝頸肉去骨啖啖肉，滷水味一層層咁出，唔會死鹹。🔸時·令🥢方魚炸鹹肉炒芥蘭芥蘭炒得爽脆，帶方魚和鹹肉嘅香味。🔸五·穀🥢上海小籠包外皮厚薄適中，內裏充滿肉汁，食到呢度已經好飽。🔸甜·沁🥢鴛鴦甜品豆磚奶酪：豆味香濃，上面啲麥皮脆脆哋幾得意；楊枝甘露：加咗哈密瓜，甜得嚟唔膩，仲有細細粒西米。飽足後再送上功夫茶解膩，飲完即刻冇咁滯，完美收尾。.總括而言，食物由滷水至海鮮都做得好好，又加入咗新派元素，如八寶雞和改版楊枝甘露，另服務和細節位都加分不少，開心食到捧住個肚走！…查看更多

餐廳位於大圍圍方，座位為獨立卡座，感覺有私隱。坐下即送上韓式配菜，加$40即可任食配菜😌🇰🇷宮·饗宴（$788/ 2人）.【前菜】🔥韓式蒸蛋賣相金黃色脹卜卜好吸引，一定要趁熱食，否則好快下榻😌🔥大蔥沙律大蔥切成絲，加入芝麻及醬料調味，清新又惹味😌【燒烤】🔥薄切牛舌牛舌雖然薄切，但食落仍然帶嚼勁🔥牛小排雪花紋好靚，一睇就知高質，食落軟腍帶脂香🔥黑毛和牛西冷雪花紋同樣好靚，油分較多且牛脂香濃，非常搶火😌🔥嚴選腹胸肉油分雖然不少，但脂香味重🔥濟州大八爪魚原隻大八爪魚真係唔知如何入手，好彩有店員代燒，食落彈牙又惹味😌🔥豬肋肉肉質經過醃製，食落帶甜且非常Juicy【韓國特色菜】🔥韓式撈起拌麵賣相色彩繽紛，怕辣可加少點醬，新年食會非常啱😂🔥韓式燒雜菌雜菌加入芝士同燒，非常惹味😌…查看更多

餐廳位於啟德airside，裝潢雅致舒適，入座後即送上韓式漬物，另店員會即席加入芝士粟米及泡菜蛋漿製爐邊蛋😌.🇰🇷名物雪花五花肉（$258）五花肉有厚度且肥瘦相隔，店員會幫忙放上鐵板慢慢煎至金黃，及後再剪成小塊，外層焦脆又有咬口😌🇰🇷醬油豬腸（$98）豬腸已煮至入味，中間釀入大蔥，再煎至外層香脆，大蔥與豬腸都幾夾，又可中和膩感，感覺有啲似街頭小食炸大腸😌🇰🇷厚切牛舌（$168）牛舌厚身，蘸少少鹽或燒肉汁已好好味，口感彈牙😌🇰🇷月見牛肩肉（$238）牛肉輕煎後剪成小塊，伴日本生雞蛋同食，口感滑溜且帶蛋香😌🇰🇷韓式炒粉絲（$92）粉絲以肉絲及洋蔥同炒，口感惹味煙韌，食落帶芝麻香😌🇰🇷焦糖布甸（$45）🇰🇷芝士蛋糕配雪糕（$55）布甸口感creamy綿密，有焦糖味但不太甜；芝士蛋糕通常比較膩，但配雲呢拿雪糕口感變得清新，即使已有飽腹感亦食得晒😌🇰🇷菠蘿梳打（$42）🇰🇷荔枝梳打（$42）梳打與燒肉係perfect match，清新解渴又可減膩😌…查看更多

朋友話未食過牛大人，再加上有一段時間無食台式火鍋，正好約埋一齊去打邊爐😌例牌揀返「澳洲極上和牛120分鐘吃到飽套餐」($328)，貪其食到靚牛及每位送澳洲M9和牛牛丸之餘，所有食物揀選更冇限制，另初嚐濃香蕃茄鍋，蕃茄味濃偏酸，夠晒開胃😌牛肉多次encore SRF美國黑牛後腿肉、美國PRIME極級肩里肌、安格斯特選牛板腱及澳洲和牛牛胸爽，特別係肩里肌及牛胸爽牛味最濃；小食必食陳醋涼拌黑木耳及逢甲Q爽雞腳筋，黑木耳味道酸爽解膩，雞腳筋辣辣地好Q彈；其他食品如沙白、水蓮及漿類都係推介；飲品則推薦鴨屎香檸檬茶及少爺PILSNER啤酒，前者茶香及檸檬味濃，後者入口輕盈偏淡，好啱女士飲😌自助區除有多款蔬菜、丸類及飲品外，晚市更有dreyer’s及Movenpick雪糕可免費任食😌…查看更多

最近發現有個潮汕牛肉火鍋套餐好抵食，3-4人食都唔使$500，仲包含多款牛肉部位，有啲部位更係罕有，另每款牛肉都係即點即手切，保證新鮮！🔥潮汕鮮牛火鍋套餐（$498/ 3-4位）.🥩潮汕鮮牛肉1份🥩潮汕牛𦟌1份🥩手切牛胸油1份🥩手切牛嫩肉1份🥩新鮮牛雜拼1份🥩潮汕牛丸10粒附送牛骨鍋湯底.牛肉新鮮即切，所以輕輕灼過就食得，最鍾意係牛胸油，入口牛味重帶脂香，另牛嫩肉入口唔韌有牛香，令人忍唔住不停食；牛雜拼有牛肺、牛膀、牛腸、牛柏葉及牛肚等，並已預先炆熟至軟腍入味；牛丸亦不錯，牛味濃且彈牙爽口，配以牛骨鍋湯底，呢餐全牛宴啱晒牛魔王😌餐廳仲有其他優惠，象拔蚌刺身$598都幾抵食，份量不少且入口鮮甜爽口，放湯輕灼又係另一種滋味😌平日晚飯時段餐廳都算旺場，想食記得book位，另其他店舖都有供應上述火鍋套餐：.📍富城火鍋海鮮酒家太子運動場道21-27號運泰大廈地舖📍富城火鍋海鮮酒家黃大仙環鳳街33號鳳祥樓1樓📍正冬火鍋料理旺角太子道西103-107號地舖…查看更多

餐廳位於尖沙咀，裝潢雅致舒服，入座後即送上8款韓式漬物，有部份漬物更可免費添加😌🇰🇷夏之煙燻盛饌（$1,088/ 2位）.🔥醬油盛盒盛盒有大蝦、帶子及鮑魚，全部海鮮醃得好入味，味道辣辣地又好惹味😌🔥韓牛牛小排・和牛外裙肉・🔥和牛牛肋肉•和牛牛舌•🔥煙燻蘋果木豬五花（配生菜）牛拼盤有4款部位，肉質鮮紅吸引，每個部位味道各有特色，味道焦香juicy；店員即席以蘋果木煙燻豬五花，開蓋後即時煙霧四散，甚有儀式感，豬肉肥瘦相間，入口有陣陣燻香，配生菜及蒜片等同食可解膩😌另想食懶人餐的話，可要求店員代為燒烤😆🔥雪梨水冷麵水冷麵加入醋，與青瓜絲及蘿蔔同食，味道清爽帶酸，好適合夏天食😌🔥是日甜品Tiramisu味道唔會好甜，入口有陣陣咖啡香😌…查看更多

餐廳位於灣仔樓上舖，有日籍師傅坐鎮，環境亦令人感到舒適😌最吸睛係門口擺放各款生蠔及時令海鮮，睇到都令人流口水🤩🇯🇵特上刺身盛合（$490）盛盒好colorful，有深海池魚、鱸魚、鰤魚、牡丹蝦及海膽等時令海鮮，刺身亮麗光澤，單憑賣相就知一定新鮮，入口鮮味甘甜，味道一流😌🇯🇵鐵盒燒廣島生蠔（$240/ 半打）生蠔由店員以鐵盒代為烤熟，火喉控制得啱啱好，入口鮮嫩多汁，其中3隻更加配raclette cheese，多咗一份濃郁芝士口感😌🇯🇵鰯魚伴明太子（$118）鰯魚即沙甸魚，魚肉燒至外皮焦脆，加少少檸檬汁及與明太子同食，清新且帶鹹鮮口感😌🇯🇵雞心（$38）🇯🇵雞頸肉（$38）🇯🇵五花肉（$38）串燒烤至微焦，入口香脆又不失肉汁，當中以雞心及雞頸肉最為好食😌🇯🇵薑葱醋鯖魚卷（$98）鯖魚卷內有大量薑片，口感爽酸帶少少辣，味道好清新😌🇯🇵栃尾油炸豆腐（$78）豆腐炸至外脆內鬆軟，面層有大量白飯魚，食時配少少薑蓉，令味道更突出😌🇯🇵山芋明太子鐵板燒（$78）將生雞蛋與山芋蓉拌勻，與魷魚等配料同食，口感滑溜且又咬口😌…查看更多

九龍城新開左間手工Pizza店，裝修幾有特色，見到二人餐多款食物都有齊，價錢又唔貴，一於試一試😌🍕二人餐（$268）.【小食】🍤藍青口天婦羅（+$10）初嚐藍青口製成天婦羅食法，粉漿唔厚且熱辣辣，配自家製他他醬好惹味😌【沙律】🥗煙三文魚凱撒沙律生菜好新鮮，份量都唔少，味道發揮正常😌【意粉】🍝鵝肝直通粉（+$40）直通粉煙靭有口感，醬汁有好濃郁牛肝菌香，配粒粒煎鵝肝，整體好match😌【9”薄餅】🍕Margarita （升級至12” +$20）額外點醬及配料：- 蒜及香草（+$15）- 開心果腸（+$15）- 巴馬火腿（+$15）- 車厘茄（+$10）- 松子（+$10）- 菠蘿（+$10）- 羅馬生菜（+$10）- 牛肝菌（+$20）- 白蘑菇（+$10）Pizza本身有Buffalo Mozzarella Cheese、Basil及蕃茄醬，另外再加左不少配料及升級為大size，口感勁豐富😌【飲品】🍹椰子水（+$6）🍹Oreo雲呢拿奶昔（+$25）奶昔與oreo一定係絕配，加埋cream更加心心眼😌【追加甜品】🍪Pizookie（+$30）軟曲奇即叫即整，所以最好預早叫定，口感軟糯熱辣辣，配埋雪糕一冷一熱😌…查看更多

餐廳主打日式燒肉，菜式多元化又質量高，而且抽風系統良好，身上衣物不帶油煙味，全程更有店員幫忙烤肉，值得推介👍🏻.🔥和風沙律沙律好新鮮，又可減輕燒肉膩感，而且可無限refill，nice👍🏻🔥名物！菠蘿漬鑽石和牛胸腹肉（$288）牛肉軟嫩juicy，菠蘿燒過後更加香甜，兩者配搭同食又可減低膩感，perfect match😌🔥鹽燒特上三角牛小排（$198）牛小排烤得啱啱好，油脂較重，有入口即化口感，加少少鹽已好好食😌🔥超名物和牛牛舌盛盒（$288）盛盒有角切牛舌、上等牛舌及厚切牛舌，每一款口感都唔同，各有特色，令人回味😌🔥龍蝦尾（$258/ 2隻）龍蝦尾厚肉彈牙，配特製蒜蓉牛油調味，令味道更出色，令人無法抗拒😌🔥和牛壽司（$125/ 4件）以火槍輕燒和牛片，入口呈半熟口感，更有焦香味😌🔥櫻花抹茶鮮奶（$58）🔥巨峰提子乳酸梳打（$42）抹茶鮮奶比較重奶味，抹茶及鮮奶味道完美結合；巨峰提子乳酸梳打有微微酸甜口感，好清新😌…查看更多

餐廳主打新派韓國菜，環境高級雅緻，落地大玻璃感覺闊落又開揚，與朋友傾偈聚會最適合不過😌入座後就送上幾款韓式前菜，味道都唔錯😌🇰🇷泡菜煎餅（$198）煎餅賣相呈橙色，又香又熱辣辣好吸引，味道辣辣地又有泡菜爽脆口感，若粉漿再薄少少會更好😌🇰🇷韓牛大蔥卷（$880）韓牛片肥瘦均勻且有光澤，卷住大蔥同食可減低膩感之餘，蔥香亦令味道會更豐富，另店員會幫忙代燒至要求生熟程度😌🇰🇷韓國鮑魚釜飯（$220）鮑魚烤至表層帶焦，切成薄片較易進食，口感煙韌帶嚼勁；按個人口味加入拌飯醬後，再與多款配料拌勻同食，口感豐富又惹味😌🇰🇷Pineapple Soda（$48）🇰🇷Lychee Soda（$48）菠蘿與荔枝梳打均加有薄荷葉及水果，味道清新又解渴，更令整杯梳打更豐富😌…查看更多

又到咗火鍋季節，每年入冬必到呢間高質蒸氣海鮮火鍋嚐鮮，店家多年一直選用高質靚海鮮，而且仲有專人蒸煮海鮮服務，真係食足咁多年😌.🌟脆皮豆腐（$38）豆腐切成一粒粒，並炸到金黃色，外脆內軟又鹹鹹地，香口又惹味😌🌟是日廚師智選套餐（$318/位）.💥刺身拼盤：油甘魚入口鮮美；三文魚甘香又好食，另馬刀貝及北寄貝等都唔錯😌💥八款時令海鮮：🔹扇貝、海蝦、馬友魚、鮑魚仔馬友魚油分多又啖啖肉，海蝦及鮑魚仔夠晒彈牙，扇貝與蒜蓉粉絲又好match😌🔹蟶子皇蟶子清潔得十分乾淨，清蒸後鮮味十足，清甜又彈牙😋🔹沙白、花螺兩款貝類都無沙，清蒸時間又控制得剛好，全部都係啱啱熟，最讚係沙白，脹卜卜又Juicy👍🏻🔹肉蟹最後係每人一隻肉蟹，蟹蓋已一早放入粥底熬煮，清蒸肉身則啖啖肉又鮮甜，食得出絕對唔係死蟹👍🏻💥四款時疏及主食：蟲草花蒸雞烏冬絕對係必食，烏冬入口煙靭軟糯，充滿蟲草花及鮮雞精華，真係百吃不厭，另四款時疏分別有粟米、甜薯、南瓜及絲瓜，味道清甜。💥海鮮粥粥底充滿蟹香及海鮮精華，賣相呈金黃色好吸引，無論幾飽都一定要留肚食，食唔哂亦可以打包😌💥甜品豆沙糯米糍味道唔會好甜，口感煙靭😌…查看更多

餐廳環境幾闊落，卡位坐得舒服，店員十分有禮，入座後即送上泡菜及芽菜兩款韓式前菜，食物味道亦不錯😌🇰🇷和牛三文治（$398）和牛厚身，炸過後帶香脆口感，肉質又juicy，與烘過麵包同食，脆上加脆😌🇰🇷牛肋骨（$520）原條牛肋骨起肉切片，肉質軟腍入味，份量又夠多，啱晒食肉獸😌🇰🇷白切肉拼生菜包飯醬（$240）白切肉肥瘦相間，入口唔會覺得油膩，反而帶Q彈口感，配新鮮生菜及包飯醬，好食到停唔到口，推薦😍🇰🇷燒香蕉配朱古力醬（$88）香蕉面層有焦糖薄脆，奶凍口感滑溜，飯後一點甜真係好滿足😌🇰🇷荔枝梳打（$48）🇰🇷菠蘿梳打（$48）兩杯梳打分別有荔枝及菠蘿肉，味道清新解渴，而且又唔太甜😌…查看更多

依家大閘蟹當造，食放題就最適合不過，一個價錢可以無限任食，啱晒蟹痴😌.🤩2小時無限追加時令大閘蟹放題（一至四 $498；五、六、日及公眾假期 $568；2位起）.🦀大閘蟹大閘蟹有3款味道可揀，分別係清蒸、油鹽焗及花雕蒸，每款都公乸兼備，照顧晒不同偏好食客。雖然蟹身唔算好大隻，但每隻蟹都爆晒膏，呈金黃色勁吸引，質素非常好👍🏻.清蒸最能品嚐蟹肉本身鮮味，油鹽焗味道鹹香惹味，花雕蒸則帶陣陣酒香，三款味道各有各好食😌每位奉送：🦀花膠濃雞湯花膠份量不少，味道香甜帶雞肉香，湯底好足料😌🦀生拆蟹粉扒豆苗豆苗翠綠且份量多，蟹粉帶鹹鮮味，炒得好食😌🦀蠔皇原隻鮑魚鮑魚尚算厚身且有質感，味道不錯😌🦀菠蘿生炒骨生炒骨唔會好厚粉，味道酸甜惹味😌除大閘蟹外，以上幾款食品均不可再追加，但可追加其他主菜、小食涼菜及甜品，如京式片皮鴨、臘味糯米飯、手拍青瓜及薑茶雪耳紅棗等，另指定啤酒及汽水都可任飲，性價比相當高👍🏻…查看更多

生酮飲食有助減肥瘦身就聽得多，但生酮火鍋就真係少見，一於約埋朋友試吓🤭餐廳環境闊落，座位全都係舒適軟座，牆上公雞壁畫特別搶眼😌生酮火鍋海陸空極上4人餐（$1,688）.🔥鮑參翅肚雞鍋餐廳一向出名無味精養生雞肉麵食，但呢款以名貴食材與雞隻同熬嘅湯底一樣出色。鍋內有鮑魚、海參、魚翅、花膠及半隻雞，金黃色湯底香甜好飲，食埋鮑參翅肚就更滋補，其後店員更會幫忙將隻雞斬件，並排得靚靚上枱😌🔥牛摩皇拼盤 拼盤有日本A4和牛、牛小排、牛舌、牛白肉和五花趾，擺盤呈玫瑰花狀。和牛、牛小排、牛舌屬正常發揮，油脂平均有口感；牛白肉及五花趾比較特別，牛白肉係牛胸前肋骨上一塊脂肪，含豐富骨膠原，油香極重及口感爽脆，五花趾則係牛大腿中間兩條肉，口感更為嫩滑脆彈😌🔥時令海鮮拼盤 海鮮拼盤有鮑魚、帶子、青口及海蝦，全部海鮮都好新鮮，配上雞湯鍋底更能帶出海鮮鮮味😌🔥玫瑰松阪豬松阪豬是豬頰連接下巴比較珍貴部位，肉質有韌性唔會過腍，而且油花均勻😌🔥大埔振興生酮牛丸振興丸類一向出色，生酮牛丸多汁彈牙且口感紥實，質素有保證😌🔥鴨血 鴨血絕對係火鍋好拍檔，除可補鐵外，熱量低又有飽足感，絕對係減肥恩物🥰🔥生酮菜籃菜籃有萵荀、金菇、冬菇、娃娃菜、唐生菜及油麥菜，種類都唔少😌🔥日本蒟蒻麵 蒟蒻麵有麵嘅質感，但比一般拉麵及即食麵等更低醣及熱量，與雞湯好配搭😌🔥生酮友善飲品有4款無糖飲品可揀，分別係羅漢果茶、青檸梳打、ZERO可樂及烏龍茶😌現惠顧生酮火鍋，即可參加小遊戲，透過生酮機呼氣探測氣酮值，換取對應獎勵，大獎係好好味招牌花膠翅雞湯鍋及生酮牛丸！…查看更多