Ngmaywah的個人專頁

元朗好多水煮魚，酸菜魚特色小店，今日入呢間搵嘢食，睇過價錢合理，先來一個酸菜鯛魚湯飯（小辣），一大碗酸菜魚，新鮮熱辣炮製，酸辣比例平均，🤔鯛魚新鮮嫩滑，又係超值之選。如果男士嚟食，更加一定超飽。…查看更多

家姐生日大家就想俾個驚喜佢，帶去食呢間唐 .. 位於唐人新村及洪水橋邊，地方好大架日仲可以帶寵物一齊去食飯。白酒煮大蜆，鮮甜白酒唔會搶咗啲海鮮甜味。我未去過西班牙，但係我都覺得個海鮮飯好新鮮，大大隻蝦。德國鹹豬手，睇落覺得好肥膩，但係配上德國酸菜，油膩感即刻降低😆😋。反而個炸蝦墨魚汁意粉，比較平平無奇冇特別驚喜🤷🏻‍♀️。飯後甜品，外面有冧酒，裏面夾雜左雪糕同蛋糕。每位壽星女，都會獲得餐廳一份小禮物，😬雖然係小，但係心意非常之貼心。…查看更多

長沙灣荔枝角我喺呢個地方工作超過20年，只有一班朋友聚會，我哋就會去大中華飯店，佢裏面所主理菜式，真係千變萬化，又能夠配合客人嘅需要。香煎墨魚餅，新鮮熱辣墨魚鮮甜，再配一個泰式雞醬🤗。海鮮豆腐湯，材料新鮮又多，佢會放一啲合時令唧海鮮一齊煲，鮮甜無比。明爐燒鵝，即叫即燒，外皮趣卜卜，鵝肉鮮嫩多汁😆。最好係可以自攜酒水，免開瓶費。請注意，我估呢個服務有機會只提供給熟客仔🤷🏻‍♀️。老實講，🤣🤣每次去呢間飯店，都一定有朋友請，😂😂但價錢真係公道，抵食值得讚許👍。…查看更多

今日係乜嘢日子呀！啲舖頭間間都唔開，唯有求求其其食一餐就算，學記麵家人流都唔係好多，似乎牛什河好出名，先來一碗，再加多一支大可樂。唔🤔唔🤔唔🤔，老老實實味道真係非常麻麻，只係覺得好咸，啲河粉好碎🤦‍♀️。平時都見到人山人海㗎，可能係位置方便啦🤷🏻‍♀️。…查看更多

乜鬼嘢都貴，食碗牛丸米粉成為40大元，真係好貴喎，本來想叫多一碟菜🤦‍♀️，最終都唔叫啦食咗碗米線先至算。其實碗米粉賣相非常唔掂，只係得幾粒冬菜+六粒細細的牛丸。一粒鐘都冇😔。食落口牛丸又真係彈牙😱喎，牛丸味又真係好鮮甜😂，米粉都好爽😆。整體碗牛丸米粉，🤣🤣又真係味道非常好。唔怪知道屹立元朗咁多年，🤔係有道理嘅。…查看更多

雖則我住元朗區，但係好多嘢我都未食過，今日行過呢間潮龍清湯腩，經過好多次聞到都好香，今日的起心肝入去試試。疫情原因客人唔多，雖則係一間小店，店主都為各位客人量度體溫 .. 等等！三寶麵任揀三款，可以一試。我點選左豬膶、滷水腸、墨魚丸米線。見到啲湯底，好明顯係用豬膶滾起再加入米線，湯底好鮮甜👍（一讚），豬潤新鮮嫩滑👍（二讚），滷水豬腸唔會滿滿肥膏👍（三讚）。看似一間咁細嘅小店，為何有咁多讚？真心講以$39的價錢，食到呢碗米線，我真係覺得抵讚。…查看更多

每日嘅食飯時間就頭痛，我又係一個無業遊民，但係我又唔想日日喺屋企食飯，今日出尖沙咀 Silvercord 樓下嘅美食廣場兜咗個圈，決定食餃子。八方雲集分店眾多，應該都冇失望嘅，於是乎叫咗個水餃套餐，加酸辣湯及一碟青菜。水餃如以往一樣，外皮及餡料比例正常，唔會出現皮厚肉少嘅情況。酸辣湯就比較求其，青菜正常。喺 food court 食嘅嘢都唔會有特別，所以係預期之內🤷🏻‍♀️。…查看更多

我成日都係甘，去意大利餐廳就想食美國餐，日本料理就想食韓國燒烤😂😂。入梁記餃子店，🤦‍♀️點解會叫咗碗酸辣鮮牛肉米線呢？仲要加用$3加鯪魚球。🤣叫咗就要食啦，鮮牛肉都OK喎，真係食到有牛肉味，啱啱熟😂😂，個鯪魚球仲鬼死咁大嚿，加入果皮同蔥，爽口彈牙，堅好味！里間梁記餃子店，原來係歷史悠久，😂唔怪得知食物有水準👍。…查看更多

雖然我唔係食肉獸，但係韓國燒烤唔係食肉獸都會好喜歡。因為今日只係自己一個人，唔好咁大食，食一個lunch set就算。我打咗一個牛排骨湯 set。食韓國嘢係最有排埸，先來四小碟前菜，嘩一大個蒜頭及韓式紫蘇葉，其餘都係一般嘅韓國前菜。紫蘇葉好難食。但係個蒜頭就有驚喜，韓式做法嘅蒜頭比起中國式嘅蒜頭😂😂好味啲。牛排骨湯到啦，好多牛排骨啊，五大大舊，舊舊叫骨嘅物體都好多肉🥰，好鮮味。但係個湯就比較淡味左D。但係無損食慾😊。下次一定再嚟過，因為我要食韓燒。…查看更多

[炻］板燒店 ... 好奇怪:(一個字，但又非常搶眼，店舖非常細，但都坐得舒服。店內放置好多支持黃店嘅字句。我哋一坐低，店內服務員就好細心同我哋講邊種牛肉最好食。服務員仲講今期有特價，食第二碟半價，既然係咁當然叫兩碟牛肉。再加多個蟹子軟殼。一個熱辣辣嘅石火爐仔先送上，先放舊小牛油在石爐上，食牛肉當然先食淡味，後食濃味。牛肉細細片，但肉質嫩滑，燒起上嚟就聞到牛肉香味。套餐跟左一碗飯及一碗烏冬。唔好諗住跟餐嘅飯同烏冬好求其，啲飯又香又軟，飯面再加入一啲紫菜粒芝麻粒，連同牛肉一齊食，味道好夾，又好味道。蟹子軟榖蟹新鮮炸起，又係諗住平平哋試吓，點知有另一個驚喜，新鮮熱辣，本身隻蟹都非常新鮮，蟹肉鮮甜，炸漿厚薄適中。每一道菜嘅味道都非常驚喜，一間非常低調嘅小店，我相信小店買嘅真係食物嘅質素，超贊。…查看更多

一間好奇怪嘅餐廳，入邊嘅食物係一啲港式嘅lunch 套餐，又夾雜一啲韓式嘅 lunch套餐。進入餐廳嘅目的，係因為條街太熱，只想除低個口罩，飲杯凍野食個lunch。蒜香牛肉飯，碗飯其實冇特別，但係蒜蓉好香，牛肉都好林，牛肉放滿飯面，我覺得最估唔到嘅係啲飯好煙煙奀奀。絕對唔係一啲頹飯。個套餐成為$40.00，凍飲只加$3。超值抵食好食。…查看更多

呢個老闆好有性格，🤦‍♀️🤦‍♀️一個星期都唔知開幾多日，見到佢開門做生意，好似中六合彩咁。我今日中咗，要好好記錄。5月5日星期二，御麵竟然開門做生意，12:00都未夠已經要排隊等位，中午12點接近30度，個個都好耐心等候。店主說全部都是新鮮即做，特別是炸雞球，所以等食物嘅時間是比較長。但當我收到這兩碟撈麵，雞球真是新鮮熱辣，外脆內多汁10個讚，基本上我最唔鍾意食煎炸野，但係個炸雞球真係好好味，Juicy🤤。另外個豬手，夠晒火候又淋又滑😋。如果要我選擇，我下次都會order炸雞球撈麵，真好味道。好似好長氣，🤦‍♀️🤦‍♀️但係我仲未講個撈麵啊！粗麵爽滑，撈麵嘅醬汁相信是店主自己研製，與其他麵店相比的撈麵汁，兩個字形容 ... 超班！一定會再幫襯，撈麵真係好好味…查看更多

朋友仔知道我失業，就介紹我去食一啲平靚正餐。魚一價錢相宜，我當然要點個平靚正餐，QR code點菜，抵讚！減少侍應同客人之間接觸👍👍。今次是豬軟骨拉麵。先來一個三文魚湯，😱😱😱大大件三文魚在湯裏面，一啲都唔腥，又熱辣辣，飲得出冇味精。沙律菜正常，豬軟骨拉麵老實講🤙🤙🤙一般般。我會再嚟食😂，但一定會三文魚湯（加大），唔該😙😙。…查看更多

好掛住台灣嘅美食，街頭小食，鮮榨白苦瓜汁，軻仔麵線，牛肉麵啊😍！好想食呀！飛唔到去台灣，喺香港可以食到碗好味嘅牛肉麵，已經非常滿足。見到大大間台灣麵當然跑入去一解相思之苦。先來一個台灣原味牛肉麵，再加一杯豆漿。牛肉麵牛肉超鮮味又夠淰😋😋。香港嘅台灣味、台灣嘅台灣味，似乎差唔多、😆都咁好味。豆漿都唔錯，唔會太甜。只有一樣最唔欣賞，就係冇要求都奉上膠飲筒。…查看更多

好味道嘅雲吞麵已經買少見少，俾我發現到一間叫深仔記雲吞麵店，入去試吓囉🤔。間間餐廳都係做緊嘅嘢，探熱呀、消毒劑啊、等等齊備🤷🏻‍♀️。我相信全間店最特別係啲服務員😂😂，佢哋嘅熱情款待，精心介紹，等我可以食到馳名嘅雲吞麵，麵質超爽👍，雖然湯底冇濃烈嘅蝦子味，但肯定冇味精😙。另外order 左一碟青瓜海蜇絲，青瓜係酸酸甜甜+爽脆，超大碟。好食加抵食🎉🥰。…查看更多