御麵 (已結業)

呢個老闆好有性格，🤦‍♀️🤦‍♀️一個星期都唔知開幾多日，見到佢開門做生意，好似中六合彩咁。我今日中咗，要好好記錄。5月5日星期二，御麵竟然開門做生意，12:00都未夠已經要排隊等位，中午12點接近30度，個個都好耐心等候。店主說全部都是新鮮即做，特別是炸雞球，所以等食物嘅時間是比較長。但當我收到這兩碟撈麵，雞球真是新鮮熱辣，外脆內多汁10個讚，基本上我最唔鍾意食煎炸野，但係個炸雞球真係好好味，Juicy🤤。另外個豬手，夠晒火候又淋又滑😋。如果要我選擇，我下次都會order炸雞球撈麵，真好味道。好似好長氣，🤦‍♀️🤦‍♀️但係我仲未講個撈麵啊！粗麵爽滑，撈麵嘅醬汁相信是店主自己研製，與其他麵店相比的撈麵汁，兩個字形容 ... 超班！一定會再幫襯，撈麵真係好好味