Sherlemonlilili的个人专页

見沒有人在這家等位已經覺得奇怪，點知早伏！員工態度非常差，炸雞點了有骨的，但點知俾上黎嘅係全骨，感覺就好似俾啲頭頭尾尾咁，非常失望！對比葵芳，荃灣，真係差天共地。…查看更多

呢間餐廳系半山算系中位價，今次考完試就黎試試佢！個門口睇落都好高級，而且好有外國風味，簡約風。內在環境有分室內同外，室內用格仔布裝飾，有一幅大油畫，好似意大利感覺，而且人流唔多，推介同另一半黎，有情調得黎又唔會太暗，都幾好！室外就好有feel，但係都係bar位或者2個位，同埋冬天會大風。呢個撻撻有驚喜，開頭以為前菜會好少，但係呢個有2塊好香口既包，上面有2仲味既topping，一個系碎蛋，一個系三文魚，我覺得2個都好足料同埋三文魚唔會好腥，呢碟都有沙律，上面系用左意大利黑醋同埋有幼芝士條！朋友覺得個醋有d酸，但係我覺得比起其他沙律黑醋，呢個入口較甜，個經理話有個婆婆每個禮拜都會黎買一支，哈哈！呢個龍蝦湯好夠味，鮮味，裡面有蝦肉，雖然系普通蝦肉唔系龍蝦，但係都幾有誠意，因為普遍龍蝦湯都唔會由蝦系入面。呢個鵝肝拼牛柳，好得意佢系會配小小茄汁意粉，可能就返香港人口味，飽d哈哈！個鵝肝外脆內軟，好juicy，同埋好有餘香！個牛柳就係medium，唔”鞋“口，入面粉紅色，肉汁多，外表都幾香口！甜品呢我就點左tiramisu, 都幾大舊既，雖然無真正意大利食既咁地道，但係個人認為比唔少鋪頭或者酒店都做得好，但係個海綿蛋糕可以濕潤返小小就perfect啦！除左牛柳之外都有其他既選擇，我系叫左呢個餐牌。仲有其他set dinner可以選擇，所以都有幾多選擇既。另外值得一讚系佢真係意大利人擔任經理，而且佢本身都係大廚，成餐飯由湯到甜品都會問你覺得如何，覺得好高級既感覺哈哈！而且佢會周不時走黎同你傾下計，服務同環境都唔錯！…查看更多

呢間放題就系葵芳地鐵站隔離，行完葵廣同媽咪見到就試試。因為見到個門口好似幾得意咁哈哈！😝入面既設計都好得意，好復古同埋好多閃閃燈，各種擺設，好有工業風既味道，打卡一流！同其他放題一樣，呢度都係自己填紙仔，如圖所見，好多選擇，仲有印度薄餅tim！見天氣凍凍地，媽咪叫左個火鍋，有各種丸，菜同肥牛揀，d蔬菜好新鮮，我地揀左個豬骨湯底，都唔錯，如果可以加湯唔系加水就仲好！門口既位置都有d小食可以自己選擇，例如咖喱角，小丸子等等，我就試左小丸子，入面有彈牙章魚，而且木魚碎都好多系面，好有日本風味！再隔離有爆谷同雪糕櫃，呢個真係不得了，有至少10款雪糕，可惜琴日天氣太凍，我同媽咪凈系夠膽試2款哈哈，同埋系有韓國雪糕架！！！講返食物，因為實在太多，所以就揀幾款分享下！呢個花之戀同三文魚壽司好正！個花之戀好足料同埋三文魚好厚身，好有口感。同埋呢度有參加唔浪費食物既行動，所以寫幾多件就黎幾多，唔會浪費食物！刺身方面都好多選擇，仲有三文魚腩tim！！每份都會有冰一齊上！好新鮮，而且都算厚身！三文魚腩都好有油香！因為個人不太喜歡蠔，但係放題都想試試佢，呢個都算creamy，沙律都新鮮同個分量岩岩好！我就好鐘意食蜆既！呢個分量都好多！有十幾隻，夠鮮甜！呢個天婦羅，熱辣辣，薄身炸粉，外脆內軟！飲品可以話我食過咁多放題裡面最多！港式朱古力奶，熱麥精，韓國飲品，日本差，碧泉，甚至各款啤酒都任君選擇！總結呢間放題唔算貴，而且好欣賞佢個唔做大嘥鬼既參與，咁就可以確保唔會浪費食物！！…查看更多

放假無聊，走下走下，突然想飲杯咖啡，見到這間的的適適的咖啡店，就決定試一下。店舖一眼睇哂，裏面個度就係個bar啦。餐牌一眼睇哂，熱凍同價，一個size，價格不算太貴，我地決定叫一杯凍大人玫瑰咖啡，及一杯熱生薑蜂蜜咖啡玫瑰咖啡非常特別，玫瑰酒比較濃味，喝之前攪拌一下，避免第一口已經喝了玫瑰酒。另外，咖啡亦很香，而且不會太甜，推薦！另外，這杯是生薑蜂蜜咖啡，生薑味不會太濃，而且蜂蜜不太甜，冬天喝可以暖一下身子另外，旁邊有一排登可以坐，行得攰到的朋友可以坐一下。…查看更多

旺角出名多韓燒，今次揀左間樓上韓燒，估唔到質素又幾好！韓燒位於樓上，一出電梯就見到reception，已經有餐牌可以睇下。座位都尚算寛落，雖然凳系無靠背，但係下面系一個大既儲物桶，而且好似韓國餐廳既燒肉店咁，好有風味！同其他韓燒一樣，呢度都有生菜，醬汁，豆芽同泡菜提供，但係路邊蛋有一圈架！比其他半圈既多！我地budget有限就揀左個Standard buffet.但係已經有好多款肉類，蔬菜，小食，韓國料理選擇。將食物編號同數量寫系呢張卡仔，好快就會上菜！我地都試左幾款牛肉，其中覺得辣醬牛五花肉，照燒牛五花肉，烤牛肉同烤牛肋骨肉最好味！牛肉薄薄一片，醃得好入味！都有點海鮮炒辣年糕 年糕好有咬口,魚糕煮得入味,份量岩岩好,大推!辣泡菜湯 有豆腐金菇,細細碗,兩個人一人少少,岩岩好海鮮純豆腐辣湯飲品任飲，大部分系韓國飲品！總結:環境舒適, 食物性價比高既韓燒, 大家不妨一試!…查看更多

今次同朋友去觀塘行街，見到呢間餐廳好似幾吸引就上去試下，門口都好四正，而且人唔算超級多，傾計好去處！餐廳環境都好有feel，寛落得黎，周圍既燈仔裝飾到好有氣氛！而且座位餐具檯面都好乾淨，好高級既感覺。呢度都有好多類型既野食野飲！仲可以升級做套餐試多幾款野！呢個沙律系升級左揀既沙律，佢有個酸酸地既汁，入面有菜，情歌，黑橄欖同埋番茄仔，仲有d好似系荔枝味既珠珠，好fresh!同埋好創新！個兜兜都好靚！我地叫左個牛排，好大件！我地要7成，岩岩好，唔會”鞋“，而且口感扎實，好有牛香，下次想試下叫5成，可能會更加juicy! 最出色既配菜系個番薯蓉，平時都係薯仔蓉多，呢個好特別，而且好滑，其他配菜都燒得香口！呢個薄餅好足料！好多海鮮！口感好豐富！而且系用新鮮菠蘿！非常有夏威夷活潑既感覺！是日甜品系美國芝士蛋糕，雖然餅仔細細，但係好多新鮮水果伴碟！個蛋糕唔會太膩，有芝士味，為成餐飯畫龍點睛！整體而言，呢間樓上西餐廳環境好，食物大份新鮮！行開呢頭不妨試下！…查看更多

夜晚放工，走在大街，突然想吃拉麵，於是和男友進去試一下。環境：一進去，地方比較乾淨，餐廳最前面就是一個開放式廚房，我們被安排坐在bar枱，算是舒服。其他位置都寬闊，整潔。食物：首先這一碗黑蒜拉麵，湯底味道比較濃醇，黑蒜香味四溢，椰菜滾得剛剛好，麵度我選了硬，亦符合預期想像。最重要的是叉燒佢本身有火炙簿叉燒同厚切叉燒，我選了火炙，超級香口，肥而不膩。外加了一個厚切叉燒，它淋上醬汁，比較濃味，感覺配飯更好😂另一碗海老拉麵，用上不少櫻花小蝦乾，鮮味十足，喜歡海鮮可以一試！麵則選了普通硬度，不錯.薯片雞翼：用薯片當外皮炸到脆一脆，正！😋最後總結：如果想吃拉麵又不想四處尋找，這間在大街的餐廳不防一試，可能會有意外驚喜。…查看更多

呢間翻新既冰室，主打系大大份常餐，個喇沙參參好特別，有油麵同米粉一齊，個湯底都唔錯。另外仲有櫻花蝦炒蛋，好少可會有冰室用櫻花蝦炒蛋，創意值得嘉許啊！但係個牛角酥呢，就麻麻地啦，好似壓扁左咁而且好乾，唔太香:( 但係個雞比飯就值得一讚！我媽咪本身好驚雞肉陣味，但係呢個佢覺得唔臊，而且個汁都入味！碟飯好大碟子！重點推薦個奶茶，果然舊餐廳奶茶系無得彈，茶香奶濃，而且好滑，即使凍飲都好正！…查看更多

呢間日本餐廳，有次朋友意外發現，以為旺角人多車多，食咩都要排一大餐，點知呢間寛落得黎，仲要好味，而且食物種類多，價錢較其他日本餐廳低！今次食既小食拼盤船，有炸蝦，壽司🍣刺身！而且有隻船上，好得體！刺身新鮮，蝦炸得香脆！高質！另外既刺身飯同埋三文魚壽司都好新鮮，而且分量都好多！刺身鮮甜，飯又唔會太酸！…查看更多

潮州打冷雖然話系大排檔，但係而家既價錢都唔平，呢間長沙灣小店，勝在價錢比附近潮州餐廳平，佢既蠔餅炸得香脆，而且足料！有好多蠔仔系入面。另外鹵水就普普通通既，可以再重味小小，花生同鵝都可以再煮軟dd。韭菜豬紅都唔錯既，豬紅唔會一咬就散開，韭菜爽脆，唔錯既。但係座位就偏少，平日都唔算太多人既！…查看更多

今日放lunch, 見到有間新茶記，又冇乜人排隊，就入去試下。本身佢有午餐套餐，42蚊-58蚊，包野飲，仲有湯送。 不過午餐吾岩食吾緊要，散叫其實一個都係42蚊左右，加5蚊就有凍飲，於是就叫左個生炒雞絲飯。不過可惜，個飯係幾乾身，不過係沒味！我要夠我朋友叫個咖哩黎撈飯，咁先有D味。不過個咖哩係幾正。總括而言，環境新淨，價錢合理，服務不錯，係可能我叫個生炒飯失色，其他都幾正。…查看更多

午餐時間又到，今次係囍帖街附近的一間兩層餃子店。見到咁多人排隊就走去試下，點知等左幾分鐘就有位。叫得餃子店，餃子就必點既，不過佢可以跟烏冬或咖哩飯。前菜個椰菜值得一提，幾新鮮，又爽脆。今次點左個九条蔥餃子，皮薄得黎D肉超香，一咬下去D汁就飛出黎，最後有D蔥香，prefect! 吾想食原味可以試下。總括來說，味道一定冇得輸，不過價格偏貴，同量少。…查看更多

大熱既黑糖鮮奶終於有機會試，本身以為系珍珠奶茶既一種，原來系鮮奶加黑糖珍珠，但係都好夾！佢既珍珠煮得唔錯，而且黑糖唔會死甜，反而有種清甜。但係稍有遜色之處就係個奶味唔夠重。整體既設計都係好靚既，好文青！…查看更多

午餐12:30高峰時間，見到尼間冇乜人就入左去。點知有驚喜。點了個和風牛肉丼加明太子雞翼。個牛肉丼普普通通，牛肉汁䶢甜適中，洋蔥甜甜地，牛肉都不過不失。不過個明太子雞翼外脆內軟，超正！如果午餐想食日本野，尼間不失為一個選擇。…查看更多

呢間小店一開就大排長龍！都排左十幾分鐘架！今次就唔系鹿角，系牛角啦！佢既手炒黑糖珍珠都唔錯既，幾香，不過就有小小偏硬同埋太甜，另外我就好鐘意個奶啦！因為呢個個奶既比例較多，所以好香好滑，而且價錢唔算太貴，亦好有髒髒的特色！…查看更多