yunaysn的个人专页

隔左好耐無食過，由佢舊舖結業到依加重開，的確好期待！雖然新張期比較多人，但無損一眾熟客嘅支持。我同男友二人點左三樣食品，同幾款火鍋配料，基本上餐牌無乜點變過，係價錢好似有少少微調，不過點都平過好多地方。第一道是水煮魚，以前有分兩個份量同兩個價錢可供選擇，依加只得一個，但份量都可以接受，味道不變才是重點！我地點左大辣，好正！第二係麻辣肥腸，唔臭唔會好韌，好乾淨，連上面嘅花生都特別脆，好好吃😻第三係涼拌海帶，同樣非常好吃，香辣可口，而且好大碟，絕對又平又正期待下一次再光顧！希望快啲有海蜇食！…查看更多

星期六晚幫好朋友慶祝生日，早兩日喺OpenRice book位，同埋要求左喺甜品店上面寫生日快樂字眼，去到嘅時候被安排坐係近門口位嘅地方，不過幸好餐廳嘅環境好寬敞，食物嘅水準都唔差。兩個人帶咗四樣嘢，分別有雞翼，海膽多士，牛扒套餐，同埋龍蝦燴飯，我覺得最出色嘅就係龍蝦燴飯，隻龍蝦好爽口而且入味，如果返亦唔會太多汁感覺上啱啱好。比較失色嘅係海膽多士，因為多士堂送俾我哋頭盤嘅麵包係一模一樣嘅，所以感覺上有少少唔抵，而且上面嘅海膽都比較少份量，好彩味道不過不失！值得一讚嘅係服務員嘅態度，有安排入咗去到我點甜品佢哋都好熱心咁幫助我，你睇得出餐廳入面充滿着佢哋嘅熟客。…查看更多

上星期同男朋友慶祝週年，因為經過The one見到個廣告牌，有夜景睇咁吸引🌃，就決定食呢間。🙋🏻到達餐廳，準時有窗邊位坐，不過其實個窗口位真係窗口位，無特別，仲要有行鐵欄杆喺度。所以基本上坐中間反而仲好feel。🙇🏻‍♀️至於食物方面依家就做緊生蠔優惠＄18就有一隻，我哋叫咗十隻，等左差唔多20分鐘先到，食完蠔之後又等左好耐先上沙律🥗同湯🍽。去到主菜，我哋叫咗兩個set dinner,一份係西冷牛扒，另外一份係大蝦意粉🍝。而且仲叫咗個咖喱拼盤🥘。最後係食唔晒嘅😂味道方面，由於三個主菜一齊上，你食得切就已經凍哂。牛扒好出色好多汁，而且外貌亦唔錯。個大蝦意粉就麻麻哋，意粉好硬同好多油。至於個咖哩就比較特別，因為配上好多款醬汁，而且個咖喱夠辣，好正！最後埋單$1314.20 ,即係一生一世愛你。襯晒我哋慶祝周年。不過唔係講笑,我哋準時八點鐘入到去，食到差唔多10點幾先走，食咗兩個幾鐘，有一半時間都係等......…查看更多

星期六係我男朋友生日，因為臨急臨忙先搵餐廳，就黎左OpenRice 搵有情調兼可以網上預約嘅地方。驚喜1,咁我就約左8:30，但職員通知我就話窗邊位已full曬，但結果去到就帶左我地去窗邊位，睇到維港夜景真係好靚！驚喜2,食完晒野，準備埋單走，點知職員無啦啦拎住份插左蠟燭同生日牌嘅甜品比我地，我自己都呆左，因為我係完全無點甜品，剩係係OpenRice book嘅時候，寫希望坐近窗口位，因為男友生日。超級驚喜！講返食物，口味比較重，但我同男友本身愛好川菜，所以都好欣賞！而且賣相好吸引，份量亦適中。首先點左份頭盤，係炸左嘅膳，脆卜卜又唔腥，好味！之後再叫左4樣野辣子雞唔算太辣，雞肉嫩滑無雪味！其次就係呢碟（籃）炸軟殻蟹，下單時職員提醒我地，呢個好辣。而食落又唔係真係太辣，只係香辣級，唔係麻辣果隻。仲有叫左碗擔擔麵，食到有羊肉味，不喜歡！而男友就成碗食晒！至於飲品方面，基本上成場都叫酒飲，不過我就覺得食中菜點都要飲返杯茶嘅！…查看更多

琴日大約8點到店，平日來說都好full,好彩行快兩步，否則相信要等位。點菜時，因同男友第一次光顧，老闆娘亦細心為我倆介紹有乜特色菜可以點，兩人點左6樣(慣性大魚大肉):蟹粥係招牌菜，相信點都要嗌返個先叫不枉此行!份量方面係絕對夠一家4口一同享用，賣相十分吸引，粥底呈黃色似係蟹膏嘅色，但食落又無乜蟹味，但勝在粥底棉，亦不易生水，上枱時仲係處於沸騰狀態!蒜茸粉絲蒸聖子皇，一隻38蚊。上枱時已經係微暖，食落口聖子應是蒸過火，咬唔開兼要成舊塞入口。味道方面唔腥唔臭，蒜茸用生蒜加炸蒜混合成，但味道偏淡。加加埋埋仲貴過鍋粥，老實說唔抵。炒麵亦有很多人點選，炒得乾身不油膩。惟調味不均，一啖鹹一啖無味，粗粗地幾廿蚊所以無需太太大要求。泰式炒蜆，蜆肉鮮甜，唔會成碟得d殼咁搵笨!如果辣少少會更佳。老闆娘誠意推介，老實說味道一般，水晶粉皮一點也不特別，不Q不彈。入面約有4~5隻蠔仔，蠔仔有點苦腥味，整體麻麻有點失望。炸八爪魚丸，十分彈牙，炸得金黃香脆，味道似即食麵嘅調味粉，但38蚊有6蚊，認真抵食!埋單500幾，兩個人食係過份左少少! 其實每碟都幾夠份量，食量細可以點少d~…查看更多

今日放工途經太子第一腸粉，以前食過一次，覺得幾好食!無諗到再食已經失望!叫左一碟蔥花蝦米腸，入面好多蝦米，蔥好大粒，但上枱時腸粉已經降至微暖温度。腸粉比較實身，同昔日既口感已經大大不同!加碟XO醬要$5，足料夠味，但如果能放置辣醬/辣油讓嗜辣既客人作調味會更佳!反而個粥就值得推介，粥底夠綿，不易生水或變稀。粥面上灑上鴨腎碎，如果可以再多少少就正啦! 二十幾蚊一碗，勝在足料飽腹。總結而言，除非佢好平，否則可能幫襯街邊小檔既豬腸料仲抵食!…查看更多

8月尾食完，拖都依加終於寫返篇食評!無乜點影相，因為d野食隔3，4分鐘就要襯熱食，加上店員真係好好服務，過程中只需要不停食就可以!!!!!!我地一行六人，6點30就準時入到座，舖內唔算人多，可能仲早，我地就叫左個套餐，大約加埋1，埋單食左$2800，但係就乜都有得食，蜆有兩款，仲有聖子、瀨尿蝦、大花蟹兩隻、海蝦、東星班、扇貝、安格斯牛肉、墨魚滑釀翠玉瓜、蝦滑釀冬菇、一隻雞、糯米飯、雞麵，最後仲有個粥底。一開始就不停食海鮮，完全唔洗任何醬汁豉油!超級好味，誇張d講句真係從來唔知清蒸貝殼類可以咁好味!最可惜係墨魚滑釀翠玉瓜同蝦滑釀冬菇唔新鮮，翠玉瓜好苦，而蝦滑就好似變左味，所以無食晒!食到雞已經非常飽，期待左一餐既粥底反而食唔落，試左少少覺得好鹹，最後亦放棄左!總結，9月尾再食過!真係好回味!!!!!!!!…查看更多

係團購買左coupon，一心諗住食冷盤回本!6點30就準時入到，行左一圈其實食物種類唔多，熱食亦只得幾款。冷盤海鮮就係得呢幾樣，蟹腳好快就清曬貨，而re fill亦只係每次以添加既形式補上，而非整盤更換。職員勤於將凍蝦盤中既水倒出，但只係打斜將水倒落下面既冰塊，過程中大量蝦隨水而倒出，好老實感覺唔衞生。壽司雖然非主打，但新鮮程度有待改善沙律既配料好多，但醬汁較少。(更見到小蚊子係醬汁上飛翔)甜品就中規中矩，勝在客人斯文，無搞到爛曬，否則更倒胃口!食物真係平庸左少少，埋單都400幾蚊一個人!最值得注意係職員既服務態度，基本上除左著西裝既幾位外，其餘職員都比較冷淡。(我見有人問野，職員係比較cool既)…查看更多

上星期係Openrice Book左830，諗住應該係成功book左，但因為漏左打有人生日想order定甜品，所以打去諗住加，點知電話答覆我已經係後補位，要到前一日先知有無枱。好彩最後都有! 見呢道d食評唔差，就心思思想試!本身打算叫個拼盤，因為乜都想試。好彩店員話個拼盤好大，兩個人食唔晒，叫我地單點其中一樣，已經有配埋薯條。味道方面，岩岩炸起，夠晒脆!魚柳好嫩滑，肉質結實唔會一切就散晒!薯條有調味，食落夠濃味仲好惹味!Nice海鮮相信係餐廳既重點菜式，因為每一枱都會點一盤，店員係上菜後仲會主動提出幫你揸機，非常好客!玩法係有3款($398)、5款($498)、8款海鮮可以揀。而我就聽店員講只點左3款，入面除左海鮮外，本身已經有薯仔，粟米同香腸，基本上食晒呢盤野已經好飽!所以都係食唔嘥~味道方面，佢有4款汁，都係店員推介比我地揀嘅~海鮮份量每款約3~4件，本身應該有調味過，所以食唔到雪藏味或腥味!扁意粉煮得較硬，絕對係西方口味~只可惜太多油，食到底全部都係油。帶子鮮甜，但同個意粉係無乜關連，好似就咁擺上去咁。其實佢大部分食物都夠3~4人份量，而且偏濃味，食左兩三啖就因為個海鮮盤到左而無食，最後淋曬唔好食了呼應返標題，其實店員好細心，落單時又會比意見，對菜式好了解。不過令我少少唔開心，我一早order左朋友既生日甜品(1星期前訂座時)，結果當日有大約6枱人生日，唔係第一張都唔緊要(d人係即場寫紙比佢整)，每枱人都係4~5位店員圍住唱生日歌，我果張係最後，而且只有2位店員行過黎，一路狂笑一路唱，唱到1半其中1個店員仲忍唔住停左問佢同事笑咩，然後兩位互望大笑。當然，驚喜已經係無，畢竟前面已經有5位客人生日，其次係其實唔想唱可以唔唱，令人覺得唔係好重視。…查看更多

5月4號食既，隔左成個月先寫。已經食過無數次，雖然餐牌係無變過，但淨係食魚同絕味鴨已經夠滿足，價錢合理，每次叫到成枱滿曬都只係$300~400左右，如果淨係叫一個煲，$200幾已經夠，味道亦不錯!初初食小辣，後期越食越辣，但大辣就麻麻，辣味蓋過鍋魚既鮮味。今次叫左加大魚中辣，佢有幾種魚可以揀，我就食慣烏江魚片，無骨而且好滑。鍋入面有好多配料，西芹菜、蘿蔔、芽菜、豆卜......等等，基本上唔洗點其他額外火鍋料都已經好夠。仲叫左麻辣豬腸同海帶兩種小食，豬腸無臭豬味，洗得好乾淨，食落口唔油膩!海帶唔腥，辣辣地好醒胃，但可能浸得耐，有d軟，唔夠爽口!仲有啤酒魚，絕味鴨同辣子系列都好抵好好味!打卡仲送左支可樂!哈哈…查看更多

自從係面書見到有條link講全觀塘10大好味野食，竟然新開無耐已經有份，一直心思思想試!直到第一次試完，應該係最後一次!!!叫左一份炸魚薯條，賣相其實唔錯!不過切落去就已經失望左，魚肉同個皮係分開既，雖然魚肉夠嫩，但調味只得咸味，完全蓋唔到當中既雪藏味，而且亦有點油“益”味!前菜係一個煙三文魚沙律，好老實個汁係調得唔錯，酸酸地但又食到蜜糖味，但同個三文魚唔係好夾，煙燻味配上酸味感覺似變壞左，但食菜時就無問題，幾醒胃!…查看更多

一向都係牛頭角街市既擁躉，貪佢夠平又大碟!而呢間泰味屋係短短開張數月，已經吸引我再次光顧!先講食物種類，都係大路泰國菜應該有既野，但價格就十分合理。整個餐牌最多就係菜既款式(不同配搭嘅通菜/芥蘭/椰菜苗)，其次海鮮就以魚為主要(烏頭同鰂魚)。我同男友二人都算大食，而且都好少食淨，所以照平時一樣點4，5樣，結果碟碟都好大，淨係一碟沙律已經占左半個胃!•炒蜆麻麻，蜆有沙，雖然有汁但蜆肉好乾，勝在夠濃味!($88)改用花甲會較理想!•鳳爪沙律，非常大碟，夠辣，爽口!•炸蝦餅($55) 10小塊，中規中矩!•香辣葉炒肉碎 ，其實食唔到個辣，不過肉碎惹味，食唔到雪藏味，送飯不俗!…查看更多