第一腸粉專賣店

今日放工途經太子第一腸粉，以前食過一次，覺得幾好食!無諗到再食已經失望!

叫左一碟蔥花蝦米腸，入面好多蝦米，蔥好大粒，但上枱時腸粉已經降至微暖温度。腸粉比較實身，同昔日既口感已經大大不同!
加碟XO醬要$5，足料夠味，但如果能放置辣醬/辣油讓嗜辣既客人作調味會更佳!

反而個粥就值得推介，粥底夠綿，不易生水或變稀。粥面上灑上鴨腎碎，如果可以再多少少就正啦! 二十幾蚊一碗，勝在足料飽腹。

總結而言，除非佢好平，否則可能幫襯街邊小檔既豬腸料仲抵食!