annielwy的个人专页

在將軍澳的屋子，我都幫襯過超過6次，但今次的用餐經驗真是令我非常失望及慨嘆。今日放假下午時份來到屋子計劃飲品野食件蛋糕，一開始我地二人都有詢問過可否坐角位的四人枱，之後店員都說可以，於是我地就坐低，之後想搵店員落單，有一位店員過來，聽了一杯飲品order之後，又話要叫另外店員過來，又話要拎機落單又話搵另外同事再落單，聽完後我都冇問題且我可以等，但之後都沒有安排同事過來，要我呆等？！這是什麼服務？最後再叫了一位帶眼鏡好長髮的女士過來，之後過來落單，部機放在客人枱上，再大聲問我地幾多位，我地話兩位，佢話要拎開你張枱先，你地兩個人，我心想，你地同事又話可以俾我坐四人枱，但餐廳又晤算太多人，真是不明白，如果真是太多人，我都晤會霸你張枱，我一定會放番俾你，最後可能見到我地都好似冇咩反應，佢最後沒拎我張枱，其實我地都晤係太抗拒，但麻煩啲店員對客態度要禮貌啲囉！我又冇話晤俾番張枱你？！:(店員態度好似茶餐廳般點都要先吼下你先，落完單後黑口黑臉轉身走，我以為去咗茶餐廳，冇晒以前文青cafe的風格，之前有活力及有禮貌的後生仔女店員都消失晒，餐廳好似俾人頂手或讓盤？！等待食物飲品時，見周圍都有其他客人舉手都睇晤見，有點怠慢。全餐廳只有一位店員可以落客落單，要人等到頸都長先落到單，難怪見到那麼多負評？餐廳都坐晤滿就知出事。點了一款白桃烏龍茶及草鮮奶咖啡，再加了一個草莓焙茶戚風，以前都出的白桃烏龍茶是大茶包加個壺，現在一個大茶包放落細mug杯，有冇那麼求其？我都是散叫一杯茶啫，好似餐飲般做俾客！？於是問俾拎一壺熱水，又話晤會俾一壺熱水出俾我地，最後又問另一位店員拎杯熱水沖淡個茶包杯草莓鮮奶咖啡更出事，打奶泡那麼水又稀，草莓糖水好難飲，咖啡味又晤出，杯咖啡仲衰過飲即溶咖啡？好甜難飲冇奶香又冇咖啡味，想點？最後個草莓焙茶戚風蛋糕，完全食晤出有焙茶味，戚風蛋糕都偏乾，水準真是比以前差咗好多最後飯後感，如果以前文青cafe ,我都會支持，現在以為自己去咗茶餐廳，服務態度黑臉又冇禮貌，放餐具都已經乒鈴嘭唥，推張櫈都大大力，吵都死，又冇招呼，做到好似發脾氣般，最慘飲品食物水準差咗，價錢都已經不是便宜，性價比低，以後都晤會再來，更不會作任何推介…查看更多

平時都真是好少食潮州菜，心血來潮獨個兒來到銅鑼灣利苑附近的一間老字號的「百樂潮州酒家」食個晚飯。一場來到當然必食招牌菜，店員都熱誠地推介我一試，這就是招牌潮州大魚翅，價錢是$480一碗，真是要試下先。紅燒潮州大魚翅($480)~味道比粵菜的紅燒翅更濃郁，足二兩翅肉，都好粗針又軟滑 ，且湯底好有豬肉甘香，啖啖都好滿足，加點番茜及黑醋更香，又可以清下口滷水鵝肉片豆腐($198)~滷水鵝肉夠腍，好入味，個滷水汁又晤會太鹹，滷豆腐吃起來都好滑。方魚炒芥蘭片($128)~方魚片鹹鹹地又脆香，加上爽身的芥蘭，清炒做法鹹香得宜，夾雜了甘筍片及冬菇作伴，都不錯清心丸綠豆爽($48)~飯後甜品真是不少得，夏天來碗清心潤喉，熱辣辣不太甜膩，馬蹄都好爽口，好正，再呷啖功夫茶消滯，正!服務真是好親切、細心，經常都為我奉上功夫茶，感覺食物質素非常好。…查看更多

今日來到紅磡觀音廟附近，本來想去黃埔那邊找個地方食下野，行到半路突然想停下來飲杯咖啡輕鬆下，有點不想行到那麼遠，最後選擇了一間Laffee， 都見是一間新開的cafe，而且都好想試下他們的食物及咖啡，幸好店舖都晤太多人，安排座位後店員奉上杯水及餐牌給我，選擇好食品之後去到收銀位置先落單及付款。:)平時我多數都是點黑咖啡冇糖，今日原來好想飲cold blew ，可是已經售罄，但都好想試下他們的特色咖啡，所以我點了杯桂花黑咖啡($48)，一杯冰水加入了桂花釀，杯上掛了些桂花花瓣，自行加入espresso, 味道散發淡淡桂花香，咖啡的味道又不會太苦瀝，微甜滋味與咖啡都好平均，冰涼透心。店中咖啡主要味道都是偏nutty, 產地來自危地、巴西及埃塞，不過我個人覺得味道都晤會是太nutty ，酸香及nutty都好平均。先來一份主食，選擇了食個pasta黑松露姬松茸意粉($120)，它加入了忌廉、洋蔥碎、黑松露醬、姬松茸及野菌去烹煮，意粉都好掛汁濃稠，好有咬口，嚼中有陣陣野菌香，黑松露味反而晤太重 ，姬松茸及雞脾菇都好爽口，整體都不錯好食。最後少不得一份甜品，從蛋糕櫃內選出了一件烏龍茶寒天捲蛋($50)，海棉蛋糕部份有點不夠濕潤，但當中的忌廉的茶味都重，有微微茶香及天然烏龍茶的苦瀝，寒天都有茶味爽口，整體都不會太甜，都不錯。服務都不過不失，餐廳環境地方都不算好大，但座位與座位之間都不會太迫，都有些high chair 位置及corner 位置可以打下卡，從落地玻璃窗下有柔和天然光進入，不論坐室內或室外拍照打卡都好適合，樓底都算高都有空間感不會焗促，淺粉色色調木系裝潢及枱櫈，四周配搭了不少假花花束，讓人有一個舒適及悠閒的感覺，真是好relax。整體食物水準都真是不錯，咖啡都合我心水，都會推介給我朋友及我都會再來光顧。…查看更多

莎巴馬來西亞菜餐廳今次終於在灣仔重開，結業三年後終於等到你回來啦!!不過今次的新地址是位於灣仔道，餐廳的地方比以前細了一大半，座位與座位之間都比較迫，以前因為舊址的莎巴馬來西亞菜餐廳的位置位於我公司附近，所以都有經常光顧，覺得不少食物的風味都好不錯又正宗。特別是海南雞飯、咖哩炒大蝦、肉骨茶、海鮮喇沙等.......都是我最愛的。下午茶時份，我們二人都是選擇了下午茶的菜式，下午茶的選擇不算好多，只有6款，都是同一價錢$72，我選擇了一碗雞肉喇沙，也妹妹點了個海南雞飯，餐飲點了杯柚子香茅茶及檸檬薏米水。店員都好熱情地招呼我們，同店員都講之前灣仔舊鋪，他們都好健談，另外都好熱誠地推介我柚子香茅茶及檸檬薏米水，因為都真是放了不少心機，都是他們自家製煲的飲品，又不會太甜膩，而且都是新鮮炮製真材實料。我選擇了個雞肉叻沙($72)，麵底只是米線，湯底味道都稠滑，喝起粉口都吸附著濃椰香，有少少甜香且微辣，湯底混合了惹味芳郁的香料，米線都好吸汁，夾起米線的口感滑溜又讓人吃得回味無窮。而妹妹選擇了一份海南雞飯($72)，始終都是那麼好吃都是以前的風味，有伴兩色醬，可是欠了個海南雞的黑醬油，雞肉份量十足，皮薄肉嫩，米飯都有香茅味，粒粒分明帶油香，有咬口都不會過硬。下午茶時段有粒泡芙甜品送，都幾好食。下午茶時份都不會太多人，環境都好舒適，食物水準依然風味不變，不過選擇真是比舊鋪少，但聽聞在灣仔重開還可以繼續吃到他們的美食真是一個天大的好消息，好開心又可以吃到好東西。…查看更多

今日是我這個長假期的休息最後一天，也改變了我今日的口味，妹妹都覺得出奇地我沒有選擇飲咖啡，特意來到大坑的一間單品朱古力的cafe 飲朱古力，始終都是過了復活節假期，下午時份來到都不會太多人，此店名字是「CHOKOHOOD」，主打是單一產地的朱古力飲品，此店都有食物供應，主打早午餐及自家製甜品。例如有全日早餐、蕃茄多士、泡芙、麵包布甸、特濃朱古力蛋糕等......店方都有一塊塊的英國精品朱古力賣，也可以試食，不過就要向店員查詢。🙂😆妹妹選擇了厄爪多爾的單品朱古力($53)，可可濃度72%，店方介紹此風味有布冧、帶花香的黑加侖子，但它味道較容易接受，因為味道的果仁香較濃厚，好似花生的味道，反而好微酸，而且都不會太甜膩，她都好快一口氣飲掉了。😋🍫☕台灣屏東朱古力($56)味道層次會較為複雜，可可濃度是70%，店方介紹此風味有提子乾、拖肥、果仁、熱帶水果、甘草及雲呢拿，我個人感覺飲落果酸味較重，好似食緊提子的味道，好有熱帶水果風味，後有少少的果仁香，味道好似平時食的乾果朱古力塊般，個人口味都是較喜歡前者的☕🍫甜品選了Tiramisu ($65)，選擇它因為覺得會與飲的朱古力的味道好搭配，有咖啡酒的味道，咖啡味香濃甘醇，蛋糕都是好濕潤，質感幼滑香軟，蛋糕面上還有一粒粒的朱古力粒，好有咬口的感覺。🎂🍫🥰😀環境地方都好舒適但晤太大，都好企理好乾淨，播放著本地的歌曲，一邊食甜品一邊飲朱古力都是人生美好的享受。…查看更多

復活節一連四天假期，四周街道都好多人，正在是下午3點幾時份，在土瓜灣舊區開了不少餐廳，剛看到一間新開的茶餐廳，從外面看起來都幾企理，所以吸引了我們排隊試食下這間「春田冰室」，門外有5、6個人等緊位，我們等了10分鐘才入座，店中都有常餐、三文治、茶餐、焗飯、咖喱、粉麵等......價錢都合理，食物上枱都不算太慢，以下是我們點了的食物......:)🥪🍳蔥花滑蛋厚餐肉三文治套餐($53)本身有雜菜沙律配胡麻醬～另外可以選擇薯條或雜果沙律，夠晒勁量，餐肉微微脆口，蔥花炒蛋勁厚又多蔥，而雜果沙律加了粟米粒及紅腰豆，沙律都好新鮮。🐽🥗吉列豬扒配沙律($38)(下午茶)~雖然看起來好大塊，未見過塊豬扒那麼薄身，同時炸得個火喉猛太燶，口感較實又乾柴，而且好多油，切了一件來食已經想放棄，那麼大塊豬扒但碟邊的沙律醬少得真是好可憐，最後都要問服務員拎多少少，不過那位男服務員都好效率給我們一碟沙律醬。:)🧈🧇花生醬西多士($34)(下午茶)~看起來食炸野真是好晤穩陣，個塊牛油先係焦點，半塊三角形的牛油真是細片仲要超薄,感覺好吝嗇，塊西多士炸得好燶。餐飲點杯熱奶茶都夠熱有茶味，不過服務就真是晤多友善，見有些客舉手好耐都冇人理，只是幫客落單就走咗去應都晤應人，問員工取杯水，之後叫我自己出面斟，都晤緊要，自助形式出外面斟都無所謂，其實只是想要杯熱少少的水，她一句已經拒絕我話冇，堅持地叫我斟櫃面上那壺微暖的水，其實佢地都懶得拎俾你。還有錯單情況超嚴重，我一邊用餐已經遞咗最少5次不是我點的飲品及食物給我，一邊用餐一邊回應佢地接著走來拎我張單都行過來睇3、4次，我都答都答到累另外服務員幫我地收錢時，佢帶著口罩都看得出板著臉，一句說話、謝意都冇，服務都真是令人概嘆，明白都只是一間茶餐廳及人手不足，但服務方面真是有不少進步的空間，整體食物質素都只是一般…查看更多

中午時份來到土瓜灣馬頭圍道啟岸地下的《鳴虎》食個lunch, 此餐廳分兩邊，一邊近馬頭圍道是食拉麵、飯丼及小食，另一邊入到裡面啟岸是食石燒或日式定食，最後選擇了後者，以下是選擇了的午餐🐷炙燒鹿兒島赤雞定食($98)🐔信州味噌厚切黑豚肉眼定食($98)兩款的定食都包個沙律、味噌湯及白飯，雞肉都好滑雞味都濃厚，而黑豚肉扒肉質爽口有嚼勁，肉味也濃厚，兩款定食的食物質素都不錯，此店都有另加一服務費😅…查看更多

雖然我地晤係404，又不是33老婆，我地都是鏡仔自然都會來支持下Error成員193嗰間Tanuki Coffee順便打下卡，店中裝潢以簡潔的白色太空艙作主題，加上黃色的狸貓的吉祥物，也會見到好多圓形天花及牆身，也真是好像狸貓挖的洞真是好可愛，😃店前空間寬敞及bench seating，增加了開揚的感覺，讓人感到好relax。咖啡的house blend是來自埃塞俄比亞及洪都拉斯，我點杯美式咖啡($40)入口都有強烈果酸，咖啡味道醇厚有甜香都幾好飲易入口，另外一杯是pineapple ginger soda($45),菠蘿味都好出，但整體都好清新!😋😋Tanuki Coffee地址：紅磡馬頭圍道63號啟岸地下18號鋪 (崇志街與庇利街交界內街入)時間：星期一至日 11am-6pm…查看更多

飯後來到位於紅磡啟岸地下的日系咖啡店「伊間珈琲」嘆咖啡，先來選擇了小山圓抹茶鬆餅($35)超好食，店員好細心幫客人用焗爐翻熱，內有不少nuts，表面外脆有少少甜味，蛋糕本身味道晤太甜膩都吃起來鬆軟，抹茶味濃而清幽，有少少自然的抺茶苦瀝，個人口味較喜歡。:)飲品選擇了杯美式咖啡($34)，咖啡豆是主打南美洲及其他的產區，不過店方主扛都是日系咖啡，所以都是深焙為主，較重朱古力味及較苦少少，喜歡nutty 咖啡的愛好者會較喜愛。還有點了一杯抹茶鮮奶($46)及一杯焙茶鮮奶($46)，兩者牛奶味都偏重，茶味都還可以平衡，拉花圖案都好美，店員都好nice又健談，環境地方細，所以座位不太多，整體最讚muffin 真是幾好食。…查看更多

今次真是要大控訴，同家人去飲茶選擇了旺角的【倫敦大酒樓】，味精超重的點心😫😫，價錢都幾昂貴，只是懷舊下可以見到點心姐姐推點心車、大排檔、用點心紙去拎食物等......，三樓及四樓都好大分別，原來點心車、大排檔都是主攻三樓，難怪我地四樓不見太多點心車，於是問下職員，原來要我地客人自己到三樓拎食物及搭lift,要客人自己搭Lift上上落落，食物都好易受污染。😥到約1：45pm已經沒有太多點心推出，差晤多約接近三點時樓面及點心姐姐已經開始執拾及沒有新出的點心推出，唯有去三樓看看有冇其他食物可以叫，衛生情況晤算太乾淨，例如的紙牌整日搖搖欲墜已經好危險，我們已經陣未跌已經扶了幾次，差點趺落我們點心上面，勝在服務都不錯😄，都好主動斟茶及收碟，😄點心姐姐都好helpful，幫我們用個tray 放點心，我地選擇了的點心有以下……我們4人埋單六百幾元，晤太抵食，食完都好口渴了整日，攪到晚上條脷都好渴，最後要去其他食店食點雪糕解下膩😔😮‍💨✨️咖哩魷魚魚蛋~晤太辣，整體都OK，咖喱味都不太差。✨️豬大腸~夠腍身都彈牙入味，份量都多。✨️蘿蔔糕、馬蹄糕～煎得好燶，糕都好削，是馬蹄糕味道較好食，粒粒馬蹄都爽口，糕身都Q彈。✨️煎腐皮卷～雖然是即煎，但入口已經超鹹，已經放棄晤想食。✨️叉燒包～個包身硬到晤想食 ，叉燒餡都晤好食✨️叉燒腸粉～內有芫茜，叉燒切粒，腸粉皮都夠薄，正正常常。✨️煎青椒～我就冇食，所以冇意見✨️椰皇燉鮮奶×2～有點略甜，奶都香滑，價錢就$35一個✨️蝦餃、燒賣～兩款味道偏鹹✨️小籠包～超難食，是有湯汁，但豬肉好霉又削，一pat pat 的肉質，太重味精。✨️醬汁鳳爪～正常，醃料都晤太過重，夠腍✨️鹹水角～正常，一共四件，外脆晤太油，都不錯。✨️炸春卷～普通，咬落是脆，但餡料食完都晤知自已食過咩✨️雞札～最貴的點心要$43，魚肚、冬菇、雞肉都好大塊，不過好重味精，真是食晤到。✨️桂花腰豆眉豆糕～有桂花鋪面那層不會太甜，不過冇桂花香，腰豆及眉豆的內饀都好甜膩。…查看更多

同家人在旺角酒樓飲完茶後，與妹妹二人走到去何文田飲咖啡歇下腳，今日終於來一試【半路咖啡】，今次選擇熱飲美式咖啡($40)，上枱時用了隻【囍】字的鳳凰咖啡杯，聞到咖啡都好香，風味偏fruity，開頭感似黑莓的味道，果酸味重，待放涼一會開始有nutty的味道，層次感都豐富持久，產區主要是巴西、哥倫比亞、印尼及埃塞俄比亞，但真是值得飲的一杯，而Earth Juice($55)飲落都好fresh,內有蘋果、紅菜頭及薑汁，飲落有少少果渣夠凍，夠晒健康，可是地方環境晤大，座位之間都坐得好近，所以感覺都好噪吵🤣…查看更多

中午又是吃飯時間，來到屋企附近的新都城l中心一期的Coffee Art 順便飲杯咖啡☕，Set Lunch🍽只有星期一至五供應，時間由11:30am~18:00pm，一共有三個Course ，分別有頭盤、主菜及飲品，也可以用優惠價追加配飲品及小食。😁今次我點了兩個set lunch ，頭盤可以選擇是日餐湯或柚子汁雜菜沙律。我們頭盤選擇各一😊柚子汁雜菜沙律🥗有清新的柚子香，幸好味道都不會太酸，沙律菜都好爽口，不錯。🌽🥣粟米忌廉湯味道都不會太鹹，粒粒粟米都好香甜，質感都不會太濃稠，味道也不錯。😄🍝🍳溫泉蛋煙肉白菌忌廉汁意粉($75）~有好多配料包括白菌、煙肉加上自家制忌廉汁和意粉一起制作，再配上特色半熟溫泉蛋，醬汁頗多、拌勻溫泉蛋再舀起意粉，意粉都好掛汁且夠份量，值得推介。😄🥩🐷英國無激素豬扒配焦糖菠蘿九層塔汁、炸薯角🥔🍟（$128）~豬扒都好大塊有咬口帶肉汁，煎得又不會乾柴，火喉適中，肉質也更鬆軟，吃起來啖啖肉，皮骨位置帶肥肉，煎出脂肪都香，炸薯角都好脆口又沒有太多油。🙂Matcha Latte(+$38)🍵~抺茶味都好清新，馥郁茶香及滑順口感，店中採用明治鮮奶，所以幼味都十分濃厚香滑。🍵🥛😛Sea Salt Caramel Latte(+$28)~少少甜香也有鹹味，牛奶與咖啡的份量都好平衡，拉花的圖案都好美。☕🥛飯後追加多份蛋糕及咖啡，店員都好熱誠協助我們落單，幫我們轉了個Cake Set，而且當我行近看看包裝的咖啡豆，都好細心介紹了一些咖啡豆給我，店員服務真是好殷勤又nice。😀🎂☕冧酒提子提拉米蘇($45)~酒味都好重，不過咖啡味都好濃郁，質感軟滑美味。🥰☕Americano(+$25)~點了個Cake Set 配杯美式咖啡,來自埃塞俄比亞的咖啡豆，咖啡帶有花香及微酸，酸中帶甜，整體平衡感佳。😛整體食物水準高、服務都有禮又有熱誠，環境都好舒適，坐近落地玻璃窗有自然光線引入，座位都好寬落，嘆杯咖啡食個lunch 都是不錯的選擇。😊😋…查看更多

位於何文田的嘉多娜麵包店，每日下午時份都會有人排隊買麵包，所講的當然不是雞尾包、吞拿魚等……而是人氣熱潮都未退過的法式布甸麵包，🍞🥯🍳約2：30pm出爐，我剛早10分鐘排隊，有6、7個人已排緊，可是都要遲多15分鐘先開始可以購買，因為店員正在忙於包裝麵包入盒，每人可限買4個法式布甸麵包，每個$15，店員話可以存放雪櫃內。😄可是此分店沒有京都抹茶紅豆麻糬嗰款，🍵今次唯有試下品嚐原味，個雞蛋漿好流心也澎湃，本身是凍食，有朋友教路返到屋企可以用焗爐烤焗下會效果更佳，麵包會更脆香，😆可是家中沒有焗爐。不要緊都不妨試下凍食的口感，入口個蛋漿質感好稀身略帶甜，凍冰冰且好creamy ，🥯似食緊吉士般，同時蛋味晤夠重，室溫的麵包咬下煙韌要點力撕開，帶嚼勁，覺得試一次都可以，但回頭的次數不會多，感覺一般，沒太大驚喜。😏…查看更多

今早來到觀塘裕民坊的商場裕民坊YM² ，位於三樓的平台花園🌷🌼☘🌿，都有不少食肆，但現在9時，大部份都未開，行過有間小店的cafe, 供應早餐set、咖啡等，下著雨🌨🌂☂又晤想周圍走，最後都決定在此食早餐，環境都好寧靜，可以坐在開揚的位置一邊欣賞下綠油油的植物食個早餐，而餐廳環境都不錯，播放著柔和純音樂，但坐的櫈全部都是高櫈，所以都要留意下適晤適合自己坐先選擇堂食或外賣，除了早餐套餐，雪櫃都有供應蛋糕的muffin,🍮🍩 一場來到，對我來說最緊要是杯咖啡😃🍽☕咖啡都是以拼配豆做base , 產地來自埃塞俄比亞、巴西及哥倫比亞，味道主要都是較朱古力味,我選擇了美式咖啡(跟餐)☕,味道偏苦且醇厚，評價一般，aroma晤夠，😥飲落層次都單一，而matcha latte 奶味偏重，反而茶味晤夠突出，matcha latte跟套餐要另加＄10🍵🥛食物選擇了牛油果煙三文魚配酸種麵包(＄118)🥑🥙及班尼迪蛋配巴拿火腿(＄118)🥙🍳，前者牛油果好軟熟，上面灑上了酸香的洋蒽及彩椒的汁醬（salsa dressing），吃起來讓人好開胃，味道都清新，煙三文魚反而晤夠煙燻香，魚質偏瘦晤夠魚油香，不過整體味道都晤錯。😊而後者的班尼迪蛋就需要即時製作，荷蘭汁都是即時打起，用刀割開蛋汁已經馬上湧出來，Parma ham有適中的鹹香，配上煙韌口感的muffin，真是好有水準，兩款早餐set都配有新鮮的雜沙律菜配黑醋汁，早餐份量夠晒飽，又夠健康🥰,再讚環境真是一流，早上時份真是夠寧靜，可以遠離熱鬧市的市區，在觀塘都有這一片的靜土花園，😘🌷🌳服務員都好有笑容又有禮貌，好主動幫我們收走我們用膳後的杯碟，食物質素都好有熱誠的作品，賣相又靚又夠份量，😍但飲品方面的水準真是有待改善。😂…查看更多

仍然繼續放假中，下午來到將軍澳海濱公園散下步😎🕰，🌟再來到【屋子】chill下食點茶點先，【屋子】這間cafe☕️ 我曾經去過大圍的分店，多數我就會食梳乎厘及飯糰，不過此店就冇飯糰。今次我地選擇了食大版章魚丸($59)、小倉抹茶紅豆戚風蛋糕($65)，而飲品選擇桂花烏龍茶($45)、白桃烏龍茶($45)及屋子的美式咖啡($35)☕️，美式咖啡主要的產地是巴西，帶點少少nutty且味道微酸，而兩款的烏龍茶各有特色，桂花烏龍茶味道較清，而白桃烏龍茶味道較濃厚，最讚抹茶戚風蛋糕🍰🍵的質感都好鬆軟，表層配上抹茶忌廉及軟甜的紅豆粒粒，味道不錯，抺茶味都好清新，吃起來又不會太甜膩，蛋糕上的忌廉🍦都有陣陣的抺茶香，配上蛋糕來食更添香滑口感，紅豆粒都好軟腍，值得推介。😋而大版章魚燒一共有5粒，即叫即整，外表脆香內軟滑，🐙內餡的章魚粒都好煙韌，蘸上沙律醬更錦上添花地方環境都好寬敞，舖頭樓底好高,有空間令人感到舒服😚，裝潢主打白色而簡潔風，木系的枱櫈, 也有榻榻米的座位，盡顯日系和風格局，服務員都好主動幫助客人，熱誠服務樂於解答客人問題，佢地都好有禮，值得加許。🙏🏻💕😚…查看更多