ngmy的个人专页

中午冇乜胃口想食粥，附近又冇乜粥店唔想食海皇粥店上網見到呢一間新記，入去試吓啦:)叫咗個套餐魚腩粥炸兩熱檸茶食物質素普通，個魚腩粥入邊啲魚腩係比較細舊炸兩好似係即做嘅唔錯咁嘅價錢可以接受:)溫馨提示，佢啲粥品準備時間比較耐，點餐到上菜都等咗差唔多20分鐘…查看更多

星期日嚟到尖沙咀，難得有小小me time咁就不如去海防道熟食市場啦記得之前同屋企人有時假期會嚟呢間德發食下午茶:)呢幾年都有過過嚟，轉咗裝修但係食味都係差唔多今日嗌咗個牛雜牛丸河粉…查看更多

每次响中環，都會心思思嚟一樂，食咗好多年了，之前每一次都係食燒鵝髀瀨粉今次中午時段嚟，唔使等位直入，冇乜胃口，叫咗燒鵝瀨粉，加腐乳通菜燒鵝瀨粉$65，一上枱，望落去奀咗啲，諗吓總之叫番燒鵝髀，哈哈，不過食落都冇退步，食味都係好好嘅腐乳通菜$29，普通啦，可以不要坐位真係好窄，同埋多咗好多遊客，諗一諗，下次可能揀非繁忙時間嚟比較好…查看更多

星期日入長洲行吓，中午親戚提議不如去附近大排檔買外賣，食茶餐廳粉麵，天氣咁熱梗係舉腳贊成啦睇完餐牌，隨便叫咗個沙嗲牛肉公仔麵，$37，一打開…哇個湯頭咁濃郁嘅食落超正有別於其他店淥咗個公仔麵之後喺上面+沙嗲牛肉醬汁…呢度係成個都係沙嗲湯底食落有啲花生粒同埋啲牛肉好多件好足料食味好濃郁食完之後親戚問好唔好食，我梗係讚不絕口跟住佢話原來好多遊客特登入嚟食，話好出名食完先知，自己誤打誤撞食咗個咁出名嘅沙嗲牛肉麵跟住上網睇食評，原來沙嗲牛肉米通都好出名，下次要試吓…查看更多

今次係第二次嚟經過上次嘅經驗之後，今次好清楚呢間食店嘅流程:)因為今次好近午飯時間嚟，同埋多咗好多遊客，但都只係等咗10分鐘已經可以入座，非常好乖乖地坐低，阿姐就會幫你開茶跟住就啲員工會不定時攞啲啱啱出爐嘅點心出嚟叫賣，你可以睇吓啱唔啱，或者你直接用點心紙點就得咖啦而今次因為太肚餓，所以我選擇咗後者豉汁排骨飯，普通，但係配埋個鳳爪又一流喎豬潤燒賣，有少少薑絲響面嘅三大塊豬潤，好好好好味:)環境係比較逼同埋人多，不過可能係第二次嚟，有晒心理準備:)同埋覺得食物嘅味道先係最緊要加上呢個價錢，覺得超合理…查看更多

今日行街經過:)因為好耐冇食過牛腩牛雜之類嘅粉麵，攞小小勇氣，入去試吓新嘢啦一嚟就試吓佢嘅牛魔王河粉一上枱，見到啲湯嘅色水，已經覺得到位了啲料好足同埋每一款都好諗好入味，牛腩牛筋牛蒡牛肺牛腸牛肚，每一款都好好味價錢$60，性價比高…查看更多

一早去佐敦有啲嘢做，到一點先至有時間去食飯，經過見到呢間榕哥，本身好鍾意食燒鵝，就膽粗粗入去試吓啦叫咗燒鵝飯因為第一次唔想叫燒鵝髀，費事中伏touch wood賣相唔錯咬落第一啖已經好有陳皮味，即刻望吓餐牌原來佢係招牌陳皮燒鵝總括嚟講係好好味不過茶餐廳格局，你想食慢啲都唔得…查看更多

係第一次嚟，想試吓不同食材，就揀咗“十全十美”，配油麵，麻辣湯:)首先試吓個湯，夠味食材例如雞中翼，雞翼尖，大腸也好足鹵水味，夠味有驚喜蘿蔔入味冇渣魷魚另上小小沙爹味最開心係嗰隻日本糖心蛋，必食啊總括係，啲餸係有心機做…查看更多

中午去旺角辦事，趕時間想買埋外賣返公司繼續工作，就試吓你啦揀咗麻辣冷伴刀削麵+豬大腸滷水豬大腸好入味，有好多件叫咗大辣都唔太辣，反而發覺加咗好多麻醬，好香但係感覺肥肥囉望返個刀削麵，好厚實…食咗呢個午餐搞到夜晚都食唔落飯配菜有青瓜絲同埋花生，食落清爽總體感覺可以，下次試吓熱湯嘅刀削麵姐姐有禮貌同快手，外賣只等了兩三分鐘，加分…查看更多

上堂之前响佐敦搵地方食嘢，同事話呢間唔差坐低諗住第一次嚟就先試招牌拉麵，同事就食佢好鍾意食嘅黑熊拉麵好啦唔該點知侍應話係因為（唔記得咗咩原因）今日只供應特色拉麵算啦費事行嚟行去，就試吓你櫻花濃蝦湯拉麵湯偏濃，麵質普通，叉燒揀咗半肥瘦片，唔太淋可改善，加兩隻唔知咩餡料嘅扁雲吞有少少搞笑，反而係隻溏心蛋有水準大阪燒風味餃子普通煎餃子加啲toppings做到大阪燒風味，都幾特別總括係，普普通通但價錢偏貴…查看更多

好耐無嚟，今晚响佐敦上堂，到差不多十點，就來一個quick and a decent dinner啦:)南乳豬手撈粗足四件豬手好喜歡那濃濃的南乳味但要留意番個豬手係好有咬口（唔係太淋那款）my favourite 九菜花+腩汁其實加$1可以有個濃味腩汁真心抵同時可以用嚟撈麵掛住品嚐嗰幾隻豬手，其實都唔算係一個quick dinner…查看更多

一間响葵廣都幾出名嘅台灣食店今日食佢個招牌肉燥伴麵encore伴麵醬料我揀咗麻辣(可選小辣/大辣)配料有招牌肉燥滷豆腐小酸蘿蔔絲同埋…登登登登…滷溏心蛋另外仲有一個推介…响等緊外賣嘅時候，店員在門口烤住盤貴妃烤雞卷超香呀我上次已經試過都係必食…查看更多

其實已經食過呢間蔡記重慶小食好多次，見之前都寫咗兩篇關於涼皮嘅食評，咁就寫埋呢一間啦今次食手工涼皮，加雞絲涼皮薄，正雞絲量多，撈埋麻辣，吸味，正個涼拌本身有脆豆，花生，同青豆做配料同埋周圍咁多間，都係叫做四川小食乜乜小食，認住佢叫蔡記，就唔會認錯因為我都成日幫襯佢哋响荃灣南豐中心嘅分店暫時得呢間蔡記可以響葵廣最長人龍嘅四川風味相比，純個人意見…查看更多

今次和同事食午餐，set lunch揀咗周打魚湯，跟餐蒜蓉包，不過不失燒羊鞍(或者可以揀牛扒or西班牙豬)，我揀羊鞍五成熟，嫩口唔羶啲薯蓉都好好味另外試咗同事揀嘅西班牙豬，超正同埋主菜係有暖碟嘅，加分另外加錢叫咗三個甜品share，apple crumble同埋crème brûlée就普通，係個tiramisu值得一試…查看更多

第二次食佢嘅手工涼皮，今次加咗豆皮，海帶，全素因為覺得本身個粉味濃，配齋啲都好食:)涼皮薄，入味配料惹味，有少少豆腐碎，最鍾意佢個脆豆豆皮又薄又爽脆海帶普通下次選青瓜應該會更好惹味但也清爽，味道有層次，夠辣之餘亦不嗆口，在3樓現最長人龍，係有道理嘅:)…查看更多