hmmm.eatwhat的个人专页

有冇聽過有間茶樓未開舖之前已經有好多喺度排隊‼️大圍小館我諗所有住大圍嘅朋友都聽過呢個名，連我依個區外人每次踩單車經過都俾佢門口人龍吸引住，原來餐廳係2022年攞咗米芝蓮推介，難怪難怪咁受歡迎🤩終於有日趁着假期，喺舖頭開門之前落去排隊🤣餐廳10:30 正式開門，但我未到十點到已經有唔少人係餐廳門前嘅凳嗰度等緊，我諗我再遲少少到嘅話已經要等下一輪。呢間餐廳最特別嘅地方就係有好多喺其他地方搵唔到嘅傳統點心，有啲我從來都未食過添🤣💛冰花蛋球 (沙翁) $33喺網上面嘅食評話冰花蛋球係限量供應一日得十幾個，好多時去到晏晝已經賣晒😦沙翁分量極巨，店員拎到上台之後會用會剪開一分為四。沙翁好大舊上面鋪滿砂糖，入面好有空氣感，而且做到一層層，食落口感鬆化。不過略嫌佢有啲太油膩，食一嚿好似已經成口油，真係要同朋友仔share先食得晒🤣💛 紙包骨 $46呢樣就係我上面提過從來都未試過嘅傳統點心，睇返網上話以前好多酒樓都會有呢種點心，但係而家真係買少見少。用一個牛油紙袋仔包住入面嘅肉，上到枱熱辣辣，待應會即場剪開。入面用上泰式嘅香茅醃製，配上惹味蒜頭及紹興酒，一打開紙袋香氣四溢，未食已經流口水。紙包骨肉汁豐富，鬆軟可口，送飯一流！💛 奶黃千層糕 $36喺奶黃千層糕同流沙包之間我揀咗千層糕，都係因為太耐冇食過‼️而家越嚟越難搵到酒樓有千層糕。佢啲奶黃係巨多‼️好有香滑嘅蛋黃味，食落去食到粒粒嘅蛋黃，好有口感🥰同以前細細個食嘅一樣，係回憶嘅味道👍🏻💛古早味牛骨髓 $46第一次係茶樓見到有牛骨髓🤩牛骨髓質感滑捋捋，吸收曬沙嗲汁嘅味道。想讚下佢個沙嗲汁，比起出面響噹噹既沙嗲汁有過之而無不及。汁底十分濃郁，食到粒粒花生碎，沙嗲控必食推介。👍🏻💛香煎糯米雞 $43平時我哋都係食開用荷葉蒸嘅糯米雞，佢依度煎嘅糯米雞多咗層脆卜卜嘅表面，做到外面香脆入邊保留住糯米嘅煙韌。加上中間爆多嘅餡料，唔錯唔錯。🥰💛鮮生葵海蜇頭 $88海蟄頭新鮮爽脆，加上生葵更加利口，但略嫌份量太少，定價偏貴。💛茶位每位 $18 餐廳唔止早茶多人等，晚市更加受歡迎，好似話去到一個月後先可以book到 ，受歡迎程度認真誇張👍🏻👍🏻🤤餐廳名: 大圍小館📍地址 : 大圍積福街92號地舖💎人均消費: $150-$200必食推介: ⭐️⭐️⭐️⭐️#hmmmeatwhat飲茶#hmmmeatwhat大圍#食乜好_飲茶#食乜好_大圍#飲茶#大圍 #hkfoodie #hkfoodies #食好西 #美食 #美食推介…查看更多

.唔知你地有無試過，去到旺角太多野反而諗唔到食咩。有見及此，我同男朋友已經約法三章，諗夠一個鐘都未諗到食乜就去我地既食堂，丼燃食堂係我地有一日衝左入之後，成日都會返轉頭再食，好似食極都唔會厭咁🤪 個menu簡單易明，仲有大量型格插畫，感覺係你要同金睛火眼既獅子一樣大大啖咁食曬你想食既野！個menu吸引到會令你好想試每一樣食物，不論係壽司丼定火炙壽司。講緊你仲會睇到隔離食緊啲咩喎，我對上一次黎既時候，見到隔離張台上左大大隻蟹上枱，梗係唔執輸叫返碗黎食。主菜 乜蟹都有丼 $138知唔知點解叫乜蟹都有丼，就係因為佢有齊蟹棒、蟹肉、蟹膏、蟹鉗、蟹籽、蟹蓋，簡直係落足重本，誓要大家攬住個肚走先安樂咁款！重要一上枱，就大大隻蟹蓋係上面，咩都唔好講，第一件就梗係⋯⋯打卡先🤣🤣🤣！ 隻蟹蟹望住，勁似同你講「一啖都唔準浪費呀！」既然係咁，就恭敬不如從命，揭開個蟹蓋，啖啖都係蟹肉同蟹籽，再夾起條蟹棒，慢慢品嘗，啖啖滿足！主菜 虎燃四皇丼 $118你以為得個乜蟹都有丼就介紹完咩？其實仲有呢個虎燃四皇丼，有3隻手指公做推介添架！剩係佢個表面淋落去既海膽醬，就知呢間鋪頭真係一啲都唔吝嗇，重手到成碗都係！比海膽醬遮住左既有左口魚邊、三文魚、蟹棒、赤蝦，仲鋪左層蟹籽係上面，個量同岀面比，真係大滿足des🤤🤤重點係仲要一啲都唔貴！性價比勁高！！一開始我都驚伏，魚生飯好易伏，一係個飯好似擺咗幾日，一係就係舊魚生係溫暖的，好似拎左岀室溫一段時間都未有人食咁。但呢度好唔一樣，所有魚生都勁勁勁新鮮，食落去要爽口則爽口，要海鮮味有海鮮味！點解我會咁講？因為呢度長期都要排隊，就算到9點左右都有人排，岀貨量咁大，肯定新鮮啦。 記住如果想黎就早少少黎排個短靚隊了！講起又想食了🤤🤤🤤 即刻約人食先🤪🤤餐廳: 丼燃食堂 (旺角)📍地址: 旺角花園街3-5號鴻威大廈地下6號舖💎人均消費: $100-200必食推介: ⭐️⭐️⭐️⭐️⭐️#hmmmeatwhat日式 #hmmmeatwhat旺角 #日式 #魚生飯 #旺角 #食乜好_日式 # 食乜好_旺角#hkfoodie #hkfoodie #食好西 #美食 #美食推介 …查看更多

大角咀有好多隱世小店，依間小店鋪仔細細，位處於大角嘴一條小巷入面。每次晏晝或者夜晚時間經過店外出面都會有唔少嘅食客排隊。💛月見蚵仔滷肉飯 $65 必點必點必點重要嘢❗️，要講三次 ❗️唔係講笑，呢個滷肉飯係我係香港食過咁多個其中覺得一定要推介嘅滷肉飯🤤🤤好吃到連同行嘅朋友都咁樣講🤩🤩味道香濃而且啱啱整到唔會太油膩但又夠曬入味👍🏻「月見」即係生雞蛋嘅意思，舖頭選用日本雞蛋，蛋味香濃。至於面頭嘅餸可以蚵仔或者鮮蝦(雙拼兩樣要晒又得) 蚵仔嘅數量多到差啲食唔晒，而且每粒都肥美飽滿😍啱晒我呢個蚵仔愛好者🥰💛鹽酥雞滷肉飯 $63鹽酥雞炸到又香又脆，會唔會落太厚粉去炸而且每一件都大大件又juicy唔會得幾粒雞粒👍🏻👍🏻💛起司粟米肉鬆蛋餅 $43身為蛋餅超級fans，一定要推薦大家食依個蛋餅，因為味道接近台灣口味❗️蛋餅嘅餡超豐富，而且皮薄同帶煙韌嘅口感🥰💛無冰芋泥鮮奶 $26 /熱芋泥鮮奶 $22叫呢杯嘢飲嘅時候，純粹見到隔籬枱個杯好「打卡able 」，估唔到都有個小驚喜🤩特濃嘅鮮奶加上芋泥，棉密柔滑😍。如果叫凍飲都唔會有冰，所以亦都唔會減淡味道🤤呢個都係必點嘅嘢飲🫶🏻‼️溫馨提示: 舖頭座位唔算多，而且人氣爆棚，大家要有心理準備要排隊🤤餐廳名: 好吃吃光 (大角咀)📍地址 : 大角咀博文街4號地舖💎人均消費: ~$100必食推介: ⭐️⭐️⭐️⭐️⭐️#hmmmeatwhat台灣菜 #hmmmeatwhat大角嘴#台灣菜 #大角嘴 #食乜好_大角嘴 #食乜好_台灣菜 #hkfoodie #hkfoodies #食好西 #美食 #美食推介 …查看更多

.成班同事難得夾到假期岀黎食飯，OpenRice左好耐，有人提議食呢間，又有人話想試好耐，咁就梗係最好啦！一入門口就比一大片花海包圍住，成個天花板都係乾花，仲有好靚打卡able既壁畫😍😍，不時都有人瘋狂影相打卡。望左個set menu一陣，諗緊究竟包唔包野飲既時候，個店員就行埋黎解答係包任何價錢既野飲的，鋪頭細細就有呢個好處，店員仲好friendly會幫客人打卡。四人Set $1298 💛 是日餐湯+麵包麵包鬆軟，但餐湯蘑菇味不太重，略嫌有啲稀薄💛前菜 （四揀二）我地揀左水牛芝士蕃茄沙律同意色巴馬火腿烤茄沙律，兩款寫到蕃茄好似一個有烤過另一款無，不過都好似差唔多🤣🤣呢兩樣嘢令到我對餐廳有啲失望，但係後面係有挽回唔少既分數，一樣比一樣好味！💛頭盤 包括日式三文魚籽蟹肉多士四件同巴馬火腿迷你薄餅。個蟹肉多士夠脆身，feel到個蟹肉凍凍地都無倒汗水整腍到個多士係幾好既，蟹肉上面除左大大粒三文魚籽，仲有啲蟹籽粒提升口感。巴馬火腿迷你薄餅正常水平，夠多芝士可以拉曬絲咁，幾邪惡既🤪💛意粉&意大利飯 （四揀二）我地揀左明太子岩燒蟹棒貓耳朵同埋北海道帆立貝海膽醬扁意粉純粹個人喜好，我係貓耳朵既忠粉，menu上面有我十成九都叫，因為鍾意佢軟糯既口感，煙靭又彈口，佢係完全fulfill到曬既。上面既蟹棒燒過有炙燒既風味幾好🤤🤤 個扁意粉拎上枱既時候用左個大石碗，厚實又有分量，令你充滿期待，而北海道帆立貝大大隻係面頭再加埋鰹魚片飛下飛下，即刻食指大動👍🏽👍🏽💛主菜 （四揀二）我地揀左香煎挪威三文魚拼大蝦配阿根廷香辣醬同埋慢煮紐西蘭羊架都係配阿根廷香辣醬睇返menu先知原來兩樣都加左同一個醬，好在個醬唔係好辣，反而係令到三文魚同個羊架既香氣同味道都突顯岀黎。份三文魚啲魚油令到個肉質好嫩滑又好juicy，係岀邊餐廳食黎講，我覺得都可以排入top five👑。仲有個底既薯蓉幾好味，smooth得黎唔會好漏。💛甜品 宇治抹茶紅豆自家窩夫，紅豆多到好似唔使錢咁，瀉到一碟都係。窩夫暖粒粒又香噴噴，配抹茶雪糕同紅豆簡直係暖心又sweet sweet既組合😍😍😍💛飲品自家制草莓醬梳打，紅寶石巧克力，柚香菠蘿檸檬梳打，玫瑰抹茶，我啲fd仲特登排到三杯野飲放埋一齊就好似紅綠燈咁，又可以靚靚打下卡，又好飲。總括而言，有靚靚打卡背影，又有少女心飲品，連姨姨級都識約到黎，你地唔係唔識呀嘛🤪🤤餐廳: 走過十萬八千里找到你📍地址: 旺角彌敦道575號Ladder Dundas10樓💎人均消費: $300-400必食推介: ⭐️⭐️⭐️⭐️#hmmmeatwhat西餐 #hmmmeatwhat旺角 #hkfoodie #hkfoodie #食好西 #美食 #美食推介 …查看更多

.朋友仔話今次想試啲佢未食過嘅菜式，於是我就帶左佢嚟依間人氣東歐餐廳，聽人講有時人多起嚟要book一個月後先有枱😱所以大家記得要預先book好枱! 老闆勁用心佈置，佢話餐廳入面嘅裝飾品都係喺外國買返嚟😍💛傳統烏克蘭羅宋湯 $68同我地平時飲開嘅羅宋湯好唔同，主要嘅材料係用紅菜頭、薯仔同椰菜絲煲成，比平時飲開嘅蕃茄羅宋湯更加清甜開胃🤤！表面仲有一層酸忌廉，將佢攪勻一齊飲勁多一層柔滑口感🥰大愛🤗💛地道香燒豬肋 $198店員會淋vodka 在豬肋骨上面🥃，之後點火，唔單至場面震撼仲會令豬肋骨多一重炭燒嘅酒香味👍🏻👍🏻👍🏻💛馳名基輔炸雞扒 $188鍾意牛油嘅朋友一定一定試吓，圓柱形嘅炸雞扒炸到外脆肉嫩🥰，一刀落去不停有牛油流出來！勁重牛油味🤤配埋嫩滑嘅雞肉，真係勁夾👍🏻伴碟有新鮮薯仔炸成嘅薯片，💛招牌芝士牛脷盅 $98依個牛脷盅性價比極高，入面有成差唔多10塊牛脷，每件都厚切同煮到超腍，入口即溶，大推👍🏻👍🏻入邊仲有蘑菇同芝士，芝士嘅奶味偏重加埋佢嗰個酥皮一齊食都好夾😆🤤東歐餐廳📍 中環雲咸街63號巴力大廈1樓💎人均消費: $300-400必食推介: ⭐️⭐️⭐️⭐️⭐️#hmmm.eatwhat異國 #hkfoodie #hkfoodies #食好西 #美食 #美食推介 …查看更多

.鍾意鋸扒嘅人對La Vache依間餐廳一定唔會陌生，一入到餐廳見到簡單又浪漫嘅法式裝修，加上餐廳嘅燈光，去拍拖就最適合🥰依間餐廳好簡單主菜得一個set❤️包咗餐包沙律牛扒同薯條，啱晒我呢啲有選擇困難症嘅人🤪只要揀牛扒幾多成熟就可以，仲有薯條係任食! 🤤💛招牌牛扒配特製醬汁香脆薯條及有機合桃沙律每位$398前菜首先個餐跟咗餐包，上到枱仲熱辣辣，用外脆內軟黎形容就最岩！有機合桃沙律加左醋，食落去幾開胃😋！主菜重點緊係件牛扒 ！我地叫左medium rare。肉眼肉質鮮嫩牛味勁濃勁Juicy🤤，外面仲帶有少少焦香！另外會有蘑菇汁跟👍🏻。餐廳好貼心會預先將牛扒切好，碟下面仲有蠟燭哄住，慢慢食都怕牛扒會凍曬🤤。所以建議大家牛扒可以叫比平時食開嘅生少少嘅😋。配菜薯條係幼身薯條，無限任食，每次都新鮮炸好，熱辣辣嘅送到你嘅碟上🍟茄汁係一支全新迷你樽裝茄汁，保證乾淨衛生。💛甜品 Flan Parisien $128餐廳會推甜品車，想order甜品直接喺上邊揀就可以！我地今次揀左法式傳統甜品Flan Parisien ，食落有少少似布甸嘅口感，上面有層焦糖同下面有曲奇餅底，配合得岩岩好，唔會太甜同太漏 。☺️如果需要慶祝生日可以預先同餐廳講寫定甜品，餐廳仲會播埋生日歌勁有氣氛🥰🤤餐廳: La Vache!📍地址: 尖沙咀赫德道12號地下 中環蘇豪卑利街48號地舖 金鐘金鐘道88號太古廣場LG1樓007號舖💎人均消費: $400-500必食推介: ⭐️⭐️⭐️⭐️#hmmmeatwhat西餐 #hkfoodie #hkfoodies #食好西 #美食 #美食推介 …查看更多

朋友仔生日，壽星仔話想自己揀餐廳，咁梗係最好啦🤪 就係鍾意啲朋友咁爽朗，咁我都唔介意岀到去中環陪佢食啦。我循例問左句使唔使dress up下，點知去到係宮廷式既裝潢，好似貴賓一樣既服務。💛前菜 Keema Pav 碎羊肉配餐包 $198印度文唔好，上網查Keema係解絞爛既肉，其實就係將餐包放少許洋蔥，再點以羊肉同薯仔製成既醬，仲有鵪鶉蛋係上面。重點係佢既餐包一拎上手撕開就知道係好酥香鬆軟，4件包同fd share 一人2件都點唔曬個醬，雖然話係醬，但更加似送飯一流既餸，羊肉味好突岀，唔羶又惹味。所以我地點唔曬都留低個醬，叫埋個Naan黎配，簡直正爆！💛主菜 Malai Chicken Tikka 烤雞肉塊 $218印度菜大部分入過佢地既傳統窯爐就好似全新既樣貌岀黎，硬係覺得好食啲咁。依家佢仲要有2座Tabdoori窯爐，放正係你眼前！一個減肥一直唔成功又要瘋狂食雞肉既人，未免有時見到雞都驚驚地。呢個烤雞塊岀面烤到鎖住曬入面既肉汁，一咬開juicy到震，真係好好味。仲要加埋佢鋪頭既Chutney醬，簡直係提升一個層次，再加埋檸檬汁打開你所有食慾，令你胃口全開。💛主菜 Achari Beef Short Ribs 牛肋骨配Achari醬 $268Achari醬就係咖哩醬，蕃茄味好岀，上面topping仲有啲石榴粒上面。另外聽講個牛仲炆成12個鐘，唔硬身仲煮到軟腍腍。將個軟腍腍既牛肉蘸落佢個Achari醬，配埋有超級濃郁既蕃茄味。你自己黎試下再講。💛配菜Truffle Cheese Naan 黑松露芝士烤餅 $58留意返，佢既烤餅係好大份，叫一份已經夠我地2個人分。勁厚實又要有咬口，好鍾意啲食物可以咁好咬口，黑松露係個面度，又聞到又睇到，反而可能黑松露好搶就食唔岀芝士既味道，仲好減低少少罪惡感。🤪💛甜品 Passion Fruit Coconut Cake 熱情果椰子蛋糕 $108個蛋糕一層一層咁由外至内，首先岀面第一啖係勁椰子既，之後就有酸味味既熱情果醬，再入面仲有一浸椰絲甜入心。我同fd都飲左杯Mocktail，無影相就唔特別share了，每杯$88。係食飯既途中都有幾次全間餐廳既員工連埋廚師都會岀黎唱生日歌既快閃活動，我望一望我朋友，佢講左句thanks but no thanks🤣唔講笑，印度咖哩食得多，食完呢餐係打開我既視野，第時去食印度餐廳，起碼都識叫一兩樣。🤣🤣🤣🤤餐廳: Chutney Tandoor House📍地址: 中環雲咸街75-77號嘉兆商業大廈4樓💎人均消費: $ 500-600必食推介: ⭐️⭐️⭐️⭐️⭐️#hmmmeatwhat印度餐 #hkfoodie #hkfoodie #食好西 #美食 #美食推介 …查看更多