chingyiwong的個人專頁

原本唸住去屯門另一間出名拉麵，真係誤打誤撞搭左去田景，醒起YouTube 見到呢頭都有間拉麵，反正黎到就試下。好彩有入去黎試，蟹白湯拉麵驚為天人，夠濃夠鮮，食到最後有少少🤏濃得制，但整體湯底完美，推介！麵底不過不失，未算大亮點，糖心蛋都算淡味，呢2部分可以試下再調整，昇華成個拉麵體驗。最後要讚個叉燒，火炙過油香味俱全，半肥瘦適中帶少少油香，正！總之推介，好好食…查看更多

附近觀塘工廈多咗好多小店，因為當日想去嘅餐廳都full哂，就隨便揾一間食lunch。既然呢間Boon有位，咁咪試下囉，點知就中哂伏。環境舒服嘅，裝修都好唔錯，想坐下飲杯野都ok，但性價比真係太低，食物質素較差而價錢又唔平😓😓當時同行兩人，叫左一個左口魚意大利飯，一個油封鴨腿。個飯就真係好普通，放得入口但連女仔都食唔飽，半碗飯都唔知有無，咁就$1xx另外嘅鴨腿，就好似普通煎完嘅鴨腿咁，醃得唔夠，薯蓉泥無味，食落似隔夜再翻整，椰菜花硬到好似無淥過咁，個汁就明顯hea整，0特別😓😓飲品都係普通smoothie 囉，無期望太多，咁又$5x。如果食物質素ok或者feel到餐廳用心煮呢幾道菜嘅話，$35X食lunch係絕對無問題。可惜，食完只係覺得餐廳揾人笨，當人水魚咁劏囉，仲要收人加一，水都無一杯😓😓😓真係試都唔洗試。…查看更多

網上見唔少人都推介泓一嘅拉麵，個日放假就決定試一試是否名乎其實的高質拉麵🧐當日同男友因為驚要排隊，已經6點左右就到，可惜已經有5、6人係前面等緊，原本都無唸過翻枱速度可以慢到咁，最後都要等足一個鐘先可以入座(都無辦法啦地方淺窄，真係豆腐膶咁大)到一入到去，一陣不知名嘅臭壓味直沖去我鼻到，唔知係雞鴨嘅蘇味？定係衛生嘅異味，搞到要閉住氣咁落order😐🤨坦白講，拉麵係好食，價錢都唔貴，個麵底係自己鋪頭打，而唔係周圍都食到嘅普通野，湯底都好濃味，味精味不重。可惜肉就每種得一塊，感覺孤寒左啲😓但因為店舖空間同衛生問題，都真係幾趕客下😥坐得又唔舒服，坐得耐啲下一枱又有排等🥶可能呢到啱啲有充裕時間嘅人去會比較適合，只會納入考慮再去嘅選擇吧，未必會eocore😶‍🌫️…查看更多

行開荃灣想食港式早餐，醒起係街市附近嘅嘉樂冰廳，就即刻同朋友起程。當日應該係閒日關係，一入到去就有位坐，只不過需要搭枱坐(如果擔心疫情及衛生問題就要考慮下啦) 場內都係好標準舊式香港冰室嘅設計，唔算好大。同朋友各自叫左兩碗公仔麵，再加左半份脆爆華田西多😽☺️聽個名都知邪惡！豬扒麵不過不失，不過特別在係分碟上，煎得香口之餘又唔怕個湯整淋哂🤣🤣個華田西多士就真係無得彈啦！好彩叫左半份，食落就知半份其實都好多！華田脆脆同西多味道好夾，記住要搽多啲脆脆一齊食😽中午食完，飽到下午茶都無食到，大件夾抵食！幾好 可以一試✅✅…查看更多

行過Donki，見到之前食過嘅 ’緻’ 竟然有生蠔食！心思思又想食串燒，水準都仲Keep得幾好，不錯！鋪頭設計十分有日式居酒屋風格，打卡一流！首先上碟嘅，就係今餐MVP: 日本產地直送的岩手蠔🦪肉質肥美又juicy，仲要真係好大隻兼厚肉🤩🤩朋友食完一致大讚非常新鮮☺️一啲腥味都無👍🏼另外加左六本串燒、味噌茄子同油甘魚鮫😽質素有保證，配合唔同的特色調味料，令到串燒味道唔單一，食極都有驚喜💯💓油甘魚都係朋友讚不絕口嘅菜式之一，一黎肉質燒完都唔乾，keep到油香，二黎點醬同蘿白泥食又夠清新，食到停唔到口😗😗朋友另外都order左唔同嘅串燒，掛住食都無影到相🤣職員都好好service，keep住留意有無空碟，就算我地叫左咁多野食都夠位擺🤣🤣今次都係食到抱住個肚腩走，好滿足🥳🥳相信好快又會encore👍🏼👍🏼好欣賞小店都咁用心做，食物質素一直都保持到水準😽💓值得更多人認識🎉…查看更多

母親節食飯決定揾返啲高級享受既餐廳🍴好彩早兩星期book位，呢到經常性full booking‼️一入門口感覺非常舒適，環境光猛。職員全部都好有禮貌，一坐底都即刻倒熱茶比我地，不過因為舖頭有落地大玻璃，出面啲陽光打入嚟非常之熱，所以最後都選擇冰水🤣🤣我地分別揀左: 極上A5和牛燒肉盛合、日替A5黑毛和牛盛合、醬汁薄燒A5黑毛和牛牛小排，另外仲追加左一碟牛舌🤩🤩。三個餐都有伴碟、飯、茶碗蒸個啲配埋。驚喜既係呢啲睇落咁細微既食物都整得咁出色。蛋非常滑溜，用料上乘、湯入面既牛都好軟淋，牛味都仲keep到。唯一要彈既就係職員一上碟時無介紹邊一份係邊個盛合，亦無介紹碟上既牛係咩部位，幸好後來有位應該係經理的男職員過來逐樣簡介😋👏🏽牛肉一放入口即化，牛味出色又有，油香味既有，肉類真係非常高質，睇來由日本入口的牛肉又真係無花無假☺️而最驚喜嘅竟然係追加的牛舌！厚切4片，一啲都不孤寒！肉質厚實爽口，既不韌亦不羶😋😋😋抵讚‼️我地真係一路食，一路嘩嘩聲🤣的確水準很高，體驗一流☺️☺️💓價錢方面就真係唔平，不過想食質數保證，又想食得舒服、service既，呢到又真係幾滿意🤣🤣記住要黎既早啲book位啦！好似係無得walkin架~~…查看更多

都市人都係離唔開日式燒肉，朋友推介呢間環境舒適既隱世燒肉店比我，果然好值得一試！🤪👍🏼一入門口，鋪頭環境光猛，空間又闊落，坐落好舒服😌員工service一流，好有禮貌會主動介紹food items😋👍🏼聽佢地介紹，就揀左晚市二人餐🤩每人大概都係$250左右！另外有a lá carte menu 任君選擇~前菜有麵豉湯、茶碗蒸，同埋鰻魚沙律🥗所有食品都唔馬虎，質素有保證😋仲要熱辣辣，好新鮮呀！食完前菜，staff會主動收碟，準備餐具比我地食燒肉~望到呢碟肉，未食已經流哂口水🥺🤩🤩每款肉都好新鮮，牛肉油脂平均，好食💯👍🏼配埋鋪頭提供既3款醬汁(燒肉汁、清酒檸檬汁、柚子鹽) 效果有過之而無不及！仲有個蔬菜拼盤跟埋，食得多肉可以消滯一下🥰不過就算係菜，燒完都係非常juicy(可能我地燒得好食啦🤣🤣)揸車既朋友泊係鋪頭出面都ok ge，小心星期六日會抄牌！(ps我唔係鼓勵咁做架) 不過鋪頭有大玻璃，可以放心睇住架車食🥰元朗好難得有咁高質既燒肉店，未黎過既朋友可以try try！包你唔會後悔🤩🤩…查看更多

出完西貢玩，決定入將軍澳食好西！朋友眼利見到TKO Donki同層有間日式串燒屋，即刻就walkin 試試佢👍🏼心大心細乜都想食，就order晚餐二人前+ 9串盛合，仲驚唔夠喉，加多個油甘魚胶💯，味噌茄子& 汁燒魷魚🦑！樣樣都睇得又好食😋 二人餐已經有10串串燒，加埋menu 既9本盛合，就樣樣可以試下！豬、牛、雞、菜，乜都有得食🤣🤣推介牛舌芯&豬拖羅🤩🤩🤩🤩牛舌芯味道出色，一點也不韌，無野可以挑剔~👍🏼🤫豬拖羅十分Juicy，油脂十足，完全不油膩，師傅厲害💯小食方面完全出乎預期咁好食，直頭覺得係今餐既焦點😂油甘魚鮫油香出色，皮脆肉滑，我食到停唔到口🤩味噌茄子十分不俗，味噌唔會過鹹，茄子又唔會乾，燒完都keep到水分😋啱哂茄子控~汁燒魷魚非常高質，鮮味十足，份量又夠多，醬油味同魷魚好夾，同朋友share就Perfect池💯💯直落就係二人餐既鰻魚炒飯+醬油燒青森比目魚🤪😋食到好飽都忍唔住手繼續食，因為真係無唸過會咁出色，都無唸過自己可以咁鍾意食魚🤣🤣飲埋啤酒，食埋跟餐甜品，畫上完美句號，飽到上心口！終於夠皮啦🤣🤣最後埋單每人都係$300鬆啲，一啲都唔貴，仲要一定唔伏先🤪👍🏼bf出到聲會再encore 🥰十分推介💯💯💯識食 想食返啲有質素保證既朋友可以一試！…查看更多