奇蹟嘖嘖的个人专页

成日落雨，心情難免低落，經過April Coffee Lab經常滿座，今日難得有緣，飲杯好啡，舒一舒心情。點了杯Piccolo，咖啡師特意問鍾意 fruity or nutty d既豆，個人喜愛nutty，與cappuccino有著相同份量濃縮咖啡，整體份量減了一半的魔笛，奶的份量要掌握得非常恰當，細小的杯口拉埋花，奶泡濃厚又沒有蓋過espresso，同時又balance到espresso的濃郁，沒有讓他太霸道，看似簡單，但頗考功夫，效果相當唔錯，難怪經常滿座，心情暢快了一刻！…查看更多

即日經openrice訂座，餐廳有禮地confirm booking，去到獲派鳥寵位，驚喜驚喜雖然今次唔係第一次黎，但第一次黎都因為$10蠔，上次都係法國蠔，但無講邊款，今次特地問肥仔侍應哥哥，係st martin，黎到又有驚喜，好大隻，大隻過上次好多，我諗應該係no. 2，什至係no. 1，但入口味道偏淡，可能沖水沖得太勁，自己又心急，未等得切佢出水，好快就食曬一打主菜叫左個軟殼蟹牛油果意大利飯，唔係好見牛油果，同埋有點咸，上次個甲羅燒正好多。叫左杯海洋沙冰，都唔錯，但差唔多埋單先知happy hour白酒都有，早知叫黎送蠔太太叫左個羽衣甘藍沙律，佢話係因為個沙律，所以再黎，但今次漏左單，又太多醋，佢話酸到拿喉另外叫左個蕃茄水牛芝士薄餅，呢個素食首選，因為太太食素，餐廳聰明地有素食選擇整體唔錯，侍應哥哥又有heart，$10蠔真係堅吸客，贏晒樓上個間，讚！…查看更多

見住開張，坐車經過都好吸睛，想試好耐，蠔谷見谷友分享，趁假日專誠坐車過來一試。午餐大約百幾蚊，加$40有兩隻聖馬天尼生蠔，兩個人去加夠4隻，質素唔錯，篤邊位都仲識郁$80食到4隻法國生蠔，真係好過自己買黎開。沙律，面包＆餐湯都不俗，特別喜歡沙律酸酸甜甜既醬汁，餐湯都濃郁。由於太太食素，早在網上看了menu，可惜lunch唔可以叫main menu，但lunch menu衆多選擇，卻沒有一個是素的，但待應很nice，與廚房溝通過後，可安排這個意粉，如果意粉轉意大利飯可能更好。自己點了這個扒，薯菜很好，南瓜煮得可以連皮吃，扒上果醬與肉十分夾，豬扒略嫌乾身左d。整體質素唔錯，生蠔出色，主菜略遜色，但環境＆音樂加分，營造到relax氛圍，建議可將每日menu加入一個素菜，困難不大又可增加另一類客源。…查看更多

3條友去打冷，旺角試新野，明記潮館夠膽開係一個死寂商場，必定有返咁上下！職員係咁推介大眼雞，睇怕應該係因為近來染色事件影響，無咩人食掛雖然有特價$168一條，但一來驚驚地，二來唔大條，烏頭又唔太鍾意，:)結果揀左條馬友，大size$2xx，細既$188，3條友要係細啦，估唔到咁正，肉質嫩得黎唔會削，滑得黎有鮮味，認真高質鹵水拼盤好味，唔會太咸，份量又夠多，當中鵝片＆鵝腸超卓豬耳就差d.....另外點左碟鵝肝，夠晒肥美超級邪惡，3個人食都有點膩仲有點左個粥，但都幾多蠔殼碎:(唔滿意，連相都無影。最尾唔係好夠喉，叫多碟椒鹽鮮魷，味道可以，但唔係好突出。要讚既係環境唔錯，打冷未試過坐得咁舒服，侍應又服務好…查看更多

Facebook見到介紹，個樣好似好吸引，專程入元朗嘗一嘗。午飯時間唔見人龍，選擇不多，10款以內，寫明甜度無得揀，無叫到招牌，沙冰又沽清，於是點了咖啡撞奶。其實唔係好明點解叫撞奶，就係一杯有珍珠既咖啡，沿杯內灑上黑糖。珍珠係不錯，軟硬度適中，咖啡都唔差，幾濃郁，但就被黑糖蓋過，有點太甜，似泰國d奶茶和咖啡，$29杯相比起連鎖咖啡店就唔算過份，相比起外賣飲品店又有點貴，舖位好細，每次只可容納一人落order，經過買杯都可以，專程去試就不值了。…查看更多

行開利東街，唔太餓又諗住坐下，去左奇華茶室食少少野。叫左過菠蘿油，等左成5分鐘先到，上到枱已經甩左4分1既菠蘿皮，有冰鎮住舊牛油，當你以為係即叫即做啦，玩埋外熱內冷咁啦，點知個菠蘿包係凍既，裡面未至於空心，你比d壓力，再咬落去，係會見到內容既，但攞上手係外面硬殼咁，咬落去裡面乾過紙皮係我從出生都現在，食過最絕望既菠蘿油！睇落杯凍奶茶幾正咁，杯又靚，諗住係補償啦，點知一飲落去，澀到以為飲緊涼茶睇下張單真係嚇死人，菠蘿油＋杯奶茶，仲要加一，共$66！！！突然想問自己係去左酒店or去左外國旅行？今年中秋都唔敢買奇華月餅。…查看更多

連續兩天要到大坑，美食之地當然要做足功課，睇落順興最吸引。可惜，午飯時間勁多人，排極條隊都唔郁，Lunch時間有限，唯有放棄。翌日來食早餐，有位坐，但order做唔切，只好外賣，邊行邊食。叫了腿蛋治＋熱奶茶，兩樣都唔係推介，但就因為唔係推介都做得出色，才是真正的出色。面包軟，蛋夠厚但依然嫩滑，能夠想像得出聞名既义燒滑蛋飯有幾好食！加上個塊燶邊火腿，夠晒香，就算個外賣等左15分鐘都值回票價。食完個腿蛋治，杯熱奶茶依然燙口，水滾茶就一定靚。茶味與奶味十分平衡，沒有搶走對方地位。忙到踢晒腳都有咁既水準，算係近幾年食過最滿足既蛋治。…查看更多

大約10年前，受托試食了富豪旗下5間酒店的buffet，可以話係劣食!九龍富豪近期獲大量好評，加上食評人推推，於是決定重遊故地，看看有沒有驚喜!主題係龍蝦，唔係澳洲，唔係波士頓，係緬因州! 肉質有彈性，雖然無澳洲龍蝦咁濃郁蝦味，但都算唔錯最緊要係有專人不斷refill，保證唔洗輪米咁大排長龍!仲有面包蟹，面包蟹最引人次處在於充滿蟹膏的蟹蓋，可惜這裡沒有提供，連有蟹膏的蟹身都不多澳洲和牛未煮熟時很吸引煮完後味道都唔差，賣相就差少少。大量羊架提供，薄荷醬料任加肉質鮮嫩!!湯有兩款，一款係龍蝦海鮮湯，嫌龍蝦冷盤太凍，可用龍蝦湯伴食，增加暖暖感之餘，龍蝦味更濃厚。另外一款燉湯，蟲茸菇燉螺肉，夠晒熱略嫌螺味唔夠。鴨肝多士夠脆，鴨肝唔油，面包無吸到油，所以夠晒脆，鴨肝厚得來唔膩咖哩出奇地讚一般食buffet的熱盤都唔太吸引，這裡的熱盤算水準之上。蟹子三文魚飯係當中最美味的燒菠蘿比生菠蘿好食!!呢個幾有新意!!蜜桃生炒骨，呢個係最出色既，如果無咁酸就完美刺身都其實幾好，吞拿魚無筋!!另外，雪糕有movenpick & dreyers，movenpick雲呢拿雪糕係無敵既!!dreyers有我最愛既開心果味!!生日優惠，加埋10%，每人約$400，性價比唔錯!! 果然有很大進步!…查看更多

趁天氣凍凍地，香港地一年無幾多日，去食蛇暖暖身補補身置樂蛇王輝，原舖在新墟，搬舖後好似大左。但唔見有蛇在舖面急凍蛇肉?點了蛇羹加糯米飯，收費比其他蛇舖貴。之前在元朗食過其他蛇舖，呢個價錢已是三寶，即有埋蛇/龜湯。但蛇肉頗足料，另加脆脆，份量自己選擇，脆脆都好脆。臘味糯米飯有潤腸臘腸，花生幾好食，唔太油，份量足，個羹加埋飯都幾飽。個人覺得糯米飯什至比蛇羹更出色!香港0既蛇舖愈來愈少，屯門真係無幾多間，無競爭環境下，質素都算唔錯了!…查看更多

挾着尖東秘密花園的稱號，boxing day 閒來一試。經openrice訂座，去到攞位，待應唔知係咪新人，book左2位，比埋名佢，話我地訂左張大枱，好在大枱個位客隨即到左，唔係又攪一大輪。用英文名book，聽唔明都算，但你餐廳成張menu都係英文喎叫左個tea set，個menu list左好多野食，黎到就係咁，原來每樣只係一粒，無錯，係要用“粒”黎形容真係唔知點樣寫食評，因為食左好似無食過野咁。包兩杯香檳，香檳都係普通野。甜品就酸到爆咁樣就$5××，只能慨嘆香港真係租好貴!!講返環境，又未去到咩秘密花園咁囉。…查看更多

人少少想打邊爐，朋友帶住小朋友，大家想坐得舒適，空間多一點。睇過近期興起的養身鍋，似乎很合適，可以一試! 湯底點了美人鍋+寧神養心鍋，選美人鍋係因為有桃膠，從來只係食糖水先食桃膠，今次試下用來做湯底會如何。白色湯底係寧神養心鍋，有川芎，當歸，天麻等藥材，聽中醫講過，對頭痛有幫助，另有鮮魚，份量絕不欺場但個人比較喜歡美人鍋，有南棗，杞子，桃膠，烏雞，由於有南棗關係，湯底愈滾愈甜，與桃膠杞子等非常配合手打丸類新鮮，有幾款特別口味，如梅菜豬肉丸，黑松露蝦丸，鵝肝墨魚丸等，但並非特別突出，與其他火鍋店差不多。有人唔食牛肉，肉類點了豬和羊，豬比羊好，都ok，但這個價格，份量太少了。相對來說，餃類很出色水餃雲吞等都是水準之上!總體優勢在於環境，服務&湯底，由於地方比較大，枱與枱之間相隔距離很滿意，即使set埋BB椅，都一點不覺迫，亦由於距離遠，所以唔會太嘈雜!服務很好，set BB椅很專業，人手算充足，要幫忙唔洗等了又等。湯底主打，不負眾望，桃膠食到尾都仲有! 鮮魚&烏雞真係食唔晒，但飲完好似比較口渴。食物質素唔錯，但份量與價錢不符，個人認為有點貴，份量卻太少，4人埋單$1400，無叫牛肉。…查看更多

好耐之前食過榮安的鹵水雞翼，絕對係第一次食過最好味既鹵水。可惜，今時唔同往日，企在店內話事既係一個30來歲的男子，一入店內已被佢呼喝，其實我連有咩餸都未睇得切!成個過程好似得罪左佢咁，攞起個湯匙求其撥d野落碗，就成碗飛在枱面，好似唔洗比錢，向佢乞食碗面細到爆，首先，個碗已經細，d豬腸少到睇唔到，魚旦+豬腸都麻麻，豬腸有陣味，好似無洗過咁除左鹵水雞翼叫做可以，其他只係一般，同第一次食既鹵水雞翼完全兩回事，價錢又唔係特別平，真係純粹地點方便，但全程食氣多過食面!!…查看更多

元朗鬼巴士，聽個名真係完全唔知賣咩，由於排長龍既關係，一邊等一邊睇個電視仔介紹，終於知道原來係因為老闆拍過一套戲叫鬼巴士，因而得名。所有鹵味，除了墨魚和尤魚外，全部$6串，另可選擇小雜錦$35或大雜錦$55。初時只叫了生腸和脆腸，個人覺得生腸係一流，夠爽唔un👍👍😋脆腸可以，略嫌唔夠鹵水味，但醬汁補救一開始落左一種唔知咩調味，估計係鹵水,蠔油or麻油??再加上甜醬&芥辣，唔太咸，芥辣攻鼻得黎唔太攻!由於太好味，再排左個小雜錦，雞腎太少份量，無鹵水柏葉，只得普通柏葉，好爽，但同脆腸一樣唔太夠鹵水味，總體都好滿足!!果然係食了心思思，成日想去食!…查看更多

大時大節，唔想出去同人迫，facebook見寶達d廣告好勁，又見佢有銅蠔Belon，仲要堅平，於是諗住叫到會。可惜Belon未返貨，返貨日就係聚會正日，趕唔切送貨，唯有親自到門市買。全程經電話都覺得佢地唔錯，好nice，但門市d員工反而好冷淡。買左3款蠔，第一款係佢地推介既pinky，果然唔錯，拍得住我最愛既Gillardeau，味道有層次，No.2 size算好大隻。第二款係Gillardeau，No.2 但勁細隻，好似未發育咁，同我食開既No.2唔同，加上唔新鮮，d蠔全部都未死，但全部都頻死邊緣一開d邊位就已經唔郁咁濟。到主角Belon，三個零，唔算細隻，都係唔係好新鮮，以咁既價錢，算唔錯。最差係澳洲西冷扒，d色水已經唔靚，成塊扒得d邊有少少油脂，知道煮耐d都死，於是猛火燒一燒，可惜最後都係咬唔入，放入口趙，好似香口膠咁，真係第一次食到吞唔到既牛扒之後有朋友話之前都同寶達買過牛扒，又係趙唔到，同佢地反映過，估唔到都係繼續照賣…查看更多

以前讀過室內設計，最好玩係設計茶餐廳，金記又係一個好例子。用現代物料復刻懷舊設計風味，照雞蛋既紅色罩燈，舊式既花紋屏風，用色配搭一流，有味道!Menu係乒乓波拍形狀，有趣!叫左個雪菜肉絲米，竟然有蝦米，蝦米，肉絲和雪菜都先炒過，所以香氣撲鼻無冰奶茶味道濃郁，夠滑!豬潤面d豬潤夠嫩，剛剛熟面無煮過龍，唔會太林!!唯一美中不足既係杯熱奶茶，唔知係咪隻杯既問題，杯奶茶好快就凍晒多士無影相，水準唔夠一致穩定，時脆時林，好多時烘焙時間唔夠，似白面包多d。但出爐波蘿包係必食，包軟而有口，熱噴噴，面層脆皮堅脆最可惜係經常漏單，去過多次，超過50%係會漏單，要你再次追單，先記得落! 其中有次晚飯等左45分鐘都未到，結果埋單都食唔到…查看更多