wing_yee16的个人专页

叫左$64燒鵝併燒腩仔，份量少都算。最慘燒鵝比埋啲下欄位，得啲皮同骨，一啲肉都冇，我估係啲pat pat附近啲位，仲衰過啲肋位，咁唔捨得比肉人，好孤寒，咁一係set高啲個價囉，成碟野都只係食皮，啲皮又唔係燒到脆個隻咁靚，不知所謂。燒腩仔又燒得唔係脆，每一層肥肉又太多，瘦肉好少。:(我諗佢啲靚位用黎賣比人斬料，如果咁樣買飯，佢只會比啲下欄位同比好少份量你。求其搵間酒樓買盒四十蚊嘅燒味飯斬好過佢十倍。店員啲態度斬黑口黑面啲，有一個男客入黎，人地斬識做咁坐啲二人位（個到冇一人位，只得二人以上位） ，都仲要喝狗咁喝問佢幾多個人，驚死人地一個人都坐多佢啲位咁。總結，大埔好多野食，又有出名燒味食，唔洗真金白銀黎呢到食啲咁嘅野。…查看更多

星期六黎到，見咁多讚好就黎試下。試到黎見到，九成都係大陸遊客多，都知道專做遊客生意。舖頭好細、啲枱擺到好迫，冷氣又唔夠，好熱好焗，似茶餐廳枱局，同好嘈。都唔係適合飲茶傾偈嘅地方。所以食左一個鐘都走人。點心全部都凍嘅，好似一早蒸定晒，擺左係到好耐咁。味道仲衰過x記。侍應服務又麻麻，呢間話社交平台post相可以有九折優惠，所以咁多好評。啲點心睇落大大籠，但唔地就龍似都唔好食，平均六十蚊一籠，價錢都偏貴但質素差。…查看更多

Hyatt話晒都五星級，收費唔平，但lunch buffet奇差。餐廳唔算大，擺野食地方都細，所以款式都好少。冷盤嘅凍蟹，紅花蟹肉淋同霉嘅，仲好開心以為有蟹食，拎左幾隻返黎，食少少都冇再食。 魚生吞拿魚好似啲膠咁，冇魚味，唔知食緊乜。中式燉湯又好咸。熱盤選擇好少，都唔記得有咩食了。 基本上個buffet食個半鐘都食完走得。冇咩野係好食，冇野值得encore。可能唯一燒味係叫好食啲。 甜品睇落好靚，但啲酥皮淋嘅，好似擺左好耐。楊枝甘露都幾好飲。成餐buffet都冇咩野食過，因為款式真係好少，野食又唔突出。如果食buffet唔會揀hyatt。十分後悔黎左食。…查看更多

食完飯，就搵糖水食，原來佢係連鎖糖水台黎。唔怪之得啲野食咁hea咁冇heart啦。野食款式係幾多嘅，花多眼亂。最後揀左什果豆腐花同豆腐花芝麻糊。以為個豆腐花係自家製。但食落發覺同超市買到嘅豆腐花係一樣。又唔滑又冇豆味。咁早知係超市買黎食好過。最慘係九點幾去到都冇咩客，但啲店員都黑口黑面，冷係好忙好多野做咁，叫成落單又扮睇唔到 ，佢地應你啦 ，又話等陣先。態度又夫衍。食甜品係想開心，唔係黎比錢睇佢地黑面。…查看更多

$398 任食a4和牛喎！見到有雜誌好積極咁推廣，又影到啲野食勁高質，性價比好高，就走去試下啦。去到 ，比啲勁多肥肉嘅牛，而且肯定唔會係和牛，係街市買個啲七十蚊磅肥牛都好過佢。最犀利係辣清酒煮蜆，係真係加一埋辣椒粉係啲清酒蜆到。之後睇到新聞話呢間野食到十幾人食物中毒，就知呢間野伏到冇人性。所以係到勸大家小心啲媒體咁積極咁報導一間食店。睇一間食店係點，我睇左佢啲差評係講咩先，睇佢一篇差評，好過睇十篇好評。而個啲差篇可能有真有假，咁就要自己分析下係啲人冇中生有，吹毛求疵定真有其事。同埋發覺宜家好多食店唔會追求食客再有第二次幫襯，只求呃左你黎食第一次，劏你一次就夠生存。畢竟香港有好多水魚，被報導誤導左。…查看更多

見到呢間野啲碟牛肉咁靚，而且二百幾蚊一個人，都幾抵，諗住就算真係好似啲差評咁講咁伏，都試下啦。去到就會比碟牛你，幾大碟牛，顏色好靚。但問題食落去都冇牛味，都唔知呢碟係咩野肉黎。而且又好un.明明色水同雪花都好靚咁。我估係啲雪藏左好耐好耐好耐嘅牛，好平咁大量入貨，所以先乜肉味都冇晒。而且比你點燒肉知碟醬，本身都得勁少比你點，你又叫唔到店員比多啲你。點完一兩舊都冇晒醬。啲肉又淡如水，唔點醬完全唔知食黎仲咩。而且店員又少，服態差又差，係咁叫佢地都冇人幫你落單，放題，食兩個中，但冇人幫你落單，有龍躉你食都冇用。最受氣我個次去訂左位 ，本身訂七點，之後我打去改左7:30。咁我地7:15去到，個店員勁串勁冇禮貌話：你地遲到wo 張台比左人。我話下 我地打黎講左改7:30，我地宜家係早左三個字黎wo!佢知道佢地店員根本冇幫我地改到個時間，佢地做錯 ，就話好，帶我地入去坐。重點係成個場7:15都冇咩人，有六成都係空位，係食到九點幾先多人黎食，咁其實都有空位。咁仲咩要比說話我地聽，話我地遲到呢？仲要佢自己錯左，仲好意思理直氣壯話個客？不知所謂，貼錢買難受囉。又唔係冇空位，有位迷比位我地囉，冇迷我地食第二間仲好啦。啲野食其實都唔好食。唔值二百幾蚊一位。個泡菜豆腐湯整到好肉羅宋湯咁 ，入面有西芹紅蘿白，味道又好蕃茄，好怪。人參湯都正常嘅。但其實係為左碟牛黎食，但碟牛都味淡如水，所以好失望，要差評。其實想要食啲好少少嘅野嘅人都唔好黎食，我見黎食都係啲一大班嘅學生，因為佢地唔會太重視食物質素而又價錢平可以一大班人幾嘈都得。其實大埔好多店都好伏，我區外客專登過黎，食過幾間啲人氣店覺得都唔好食，仲要排隊等好耐。…查看更多

午餐黎呢到打邊爐。去到坐低，叫左半隻椰子雞火鍋，等左七個字，都冇動靜，問佢地點解咁耐，佢地先話啲雞未返，要等貨返。既然都黎到，就等埋佢。再等多半個中，啲雞返左貨。個椰子湯底係幾清甜。飲完如果加椰子水就要比四十蚊，所以加水算。叫左兩杯咩荔枝特飲，係啲色素水 ，唔好飲。椰子菠蘿特飲先難飲，成杯都係冰又淡，完全唔知咩黎。 侍應個個都黑口黑面咁，收錢個人又係咁。同埋叫極都冇人黎。成班企晒係門口水吧個面傾計。環境坐得幾舒服同埋好文青feel.。係啲服務差啲囉。…查看更多

沙田呢間利苑幾大，星期日黎都好多人幫襯。叫左個荷葉蒸雞，碟野味道好淡，係雪藏雞又冇雞味，自己屋係屋企煮都好食過。 之後食個牛展又唔知仲咩整到好咸。蒜蓉炒白菜又係好淡。係個燒鴨幾好食，個皮幾脆。蟹肉粉絲煲都差,得啲好少好碎嘅蟹肉，完全唔好食都搵笨。總括啲野食其實都好淡，唔好難食。呢個價錢但係低質野食。食茶餐廳都有水準同多款過佢好多。燒肉個皮都脆。海哲一般。唔明點解咁蛋人幫襯，啲野都唔好食，好似都冇落鹽去煮野食咁。呢個價錢寧願揀第二啲酒樓好食過。真係唔會再食第二次，…查看更多

係買一送一的吸引下，而來。七點黎到排了一個鐘，好多人排隊,叫了招牌的雞白湯拉面。雞湯濃郁，杰身，好好喝。牛蒡有甜味而且脆 ，幾好食，不過係油左啲。但個拉面好難食，唔係一般拉面店個啲拉面，係好似超市買到個啲鹼水面咁，聞同食都好難入口。試過一次唔再食了。因為拉面好差。出面好耐湯同拉面都爭食嘅店，唔會純粹為左呢到個湯好而食。但個廁所好靚好乾淨，好似商場啲廁所咁靚咁清潔。估唔到個廁所打理得咁乾淨呢個要讚。服務態度一般啦，食完好急咁收左我個碗，飲埋杯水都唔得。…查看更多

見佢好多好評，就走去試。聽講佢啲炸雞介好食過好多出名嘅連鎖韓式餐廳，就走去試。試左個咩甜酸芝士炸雞。樣幾靚，但份量少，粉漿好厚，而且粉漿鬆散，咬落去雞肉同粉漿分開嘅。個芝士牛肉飯卷就一般韓式餐廳水準嘅， 冇咩驚喜。總括來講係可以唔洗專登黎食。因為冇啲人講到真係咁好食。都係食返出面山名嘅韓式炸雞店啦。而且服務都差。叫佢加水佢都唔記得，但個時只係得返幾張台。佢唔洗加一，啲野食有分lunch 同dinner唔同價錢，大約差十元。…查看更多

見到啲人個個都讚呢野好食。星期六book左檯食。去到個接侍員yanmi 態度好差，同佢講book左位，佢就好晦氣咁話我知啊，仲差十分中先到。佢當我地係walk in客 就埋黎乞檯咁，因為佢同其他walk in客話咩book左位都唔一定有檯。去到食野 叫左個養生鍋，個湯好似酸酸地咁啲味，唔知係啲魚湯同藥材係咁定點。兩個人食左五樣普通野都成$800蚊。啲野食唔係特別好食 質素好一般,唔值呢個價。個湯底食完勁口渴，好重味精，唔係啲人咁講到咁養生囉個湯底，迷又係味精野黎。食完要主動問佢係迷有甜品，因為見隔離人學都食緊雪糕。侍應唔夠 佢地好忙，叫好多次先有人應同拎野比你。埋單都埋成幾個字。都唔知間野搞咩，完全係貼錢買難受。…查看更多

星期五黎到叫左pizza 同推介嘅辣炒蝦仁。兩樣野上到台都係凍嘅。pizza又唔好食，pizza hut 仲好食過佢好多。推介嘅辣炒蝦仁味道淡，唔好食。自己炒都好食過佢。黎過一次都唔會再黎。而且餐牌選擇少。想叫支紅酒又冇貨。係得個風景靚 係酒店三十樓 。其他一冇是處，野食真係難食，求其搵間西餐都好食過佢。…查看更多

上星期五夜晚 兩個人食左一碗芝麻豆腐花同煎豆腐 共32蚊。呢啲舊式舖頭又唔開單比人 個事頭婆五十歲啦 仲以為自己好醒 張張台叫過乜 幾多錢都記得晒 。食完埋單 個事頭婆話36啊 ， 我話下 加左價咩啲野 ?佢話 你地食左紅豆豆腐花麻 廿十蚊㗎同埋炒面啊 迷36。我迷話我地係食芝麻豆腐花同煎豆腐。 佢知自己記錯左先冇出聲。我心諗 佢啊開單比人 啲遊客又唔知 真係佢話收幾多記照比幾多錢㗎wo 咁呢啲錢都好易賺囉 👎🏿👎🏿…查看更多