Ivy.t.w.y的个人专页

今日晏晝有少少熱，又有少少肚餓，本來諗住去買杯奶茶飲嘅。但係諗吓好似未試過佢嘅甜品所以就諗住去買一個嚟做下午茶。見到佢仙草嘅選擇都有好幾款嘅，我就揀咗亂仙草1號少冰，因為甜度已經固定左，所以冇得選擇嘅。晏晝時間點8號入面唔算好多人，但係因為外賣好忙碌，所以落單嘅時候等咗一陣，咁耐嘅，只係等咗5分鐘左右。店員都好好知道我一個人，同埋只係叫一碗野，都做咗俾我先。。我叫咗亂仙草1號少冰，攞到返去食嘅時候，打開，見到好大量嘅仙草，紅豆，珍珠，唔記得拎，原來係收埋得非常之埋。撈勻食之後甜到剛剛好，而且食落原來好大碗，呢個下午茶非常之滿足。…查看更多

佢like社交平台buy one get one free 呢個champagne 好吸引用社交平台 buy one get one 試左佢嘅coconut 同阿華田雪糕。椰子味黑色好型，唔係死甜。阿華田相對比較滑啲，小朋友好鍾意。買嘅時候可能真係比較忙，為咗方便小朋友食，要求阿華田雪糕用膠杯裝住，如果可以俾埋蓋，匙羹同紙巾就更加好啦下次會再返嚟試埋其他味道嘅雪糕，同埋佢堂食嘅甜品…查看更多

正常街坊餐廳，食物不過不失抵讚嘅係，坐幾耐，事頭婆都唔會趕你走，送餐速度快，如果要快食快閃，呢度係你不二之選當初係被佢放門口嘅面包吸引，唔坐低都可以帶走食，仲幾大個添…查看更多

是日無無聊聊，諗唔到食乜，諗起好似好耐無食過拉麵，就同老闆講想食拉麵。老闆直接就帶左我嚟呢度。佢鋪仔細細，十零個位，應該係快來快去格，老闆點左我想要的义燒拉麵:(，我唯有揀第二個，叫左中辣肥牛拉麵。一嚟到，嘩，點呀？你係拉麵定油面呀？啲牛肉好似打邊爐“6“老曬嘅咁。就連老闆個义燒拉麵都變左豬油拉麵。。。好慶幸我只叫左細碗，唔係都幾難捱。去嘅時候係下午一點幾，無其他食客，係店員亦匆忙趕收工，係咪令到碗面唔好食嘅原因，我唔知，不過拉麵嘅特質，喺度一啲都見唔到…查看更多

是日一行七人嚟食飯，朋友早幾日已經話呢度嘅乳鴿好好食，價錢都係卅零蚊，不過無得預訂，所以一坐底，人頭鴿先~之後就有人瘋狂叫嘢食，當聽到叫左十幾碟嘅時候，我都擔心食唔曬，但係，一上枱，全部七寸碟，細細碟，portion 足夠乜都食下又唔會好浪費咁，(當然到最後，我自己清左5碟)。傳說中好好食嘅乳鴿，樣貌炸得不錯，但無乜特色，肉質不見得特別嫩，味道乜不特別好，不過以呢個價錢嚟講，可以接受，由於我鐘意食辣，所以叫左擔擔面加辣，可惜，湯底太稀，似普通滾水好紅油on top, 無味道，面質軟沱，無囗感，反而拌面相對好啲。黑色流沙包係全晚high light (大鄉里出城)，佢外型已經好吸引，最緊要係，攤凍左，都仲可以流，諗起都開心。餐酒方面，佢好明顯為有而有，簡左支白酒大家share，可惜，攞三次都未攞啱，同事，睇嚟你好需要多啲product training. 不過總括成餐飯係中上評級，可以翻叮…查看更多

上文提到美國餐廳需要排隊2.5小時, 所以我哋呢度呢一度食晚餐， 是日冇咩想法所以除朋友發板， 朋友一見到cornbread 立即發癲, 堅持要叫。 於是我哋叫做一份contract一份salad一份沙律三份分， 想再前 侍應提供了三款不同的麵包， 份量及味道甚好，十分滿意， 當cornbread 出場時, 朋友十分雀躍，要馬上開餐， 可惜事與願違並不是真正的cornbread, 餐廳所提供的cornbread略為稔左啲，而且有粟米,um....... 別的食物中規中矩 , 適合大夥兒用餐…查看更多

當知道cheesecake factory 會喺香港開業嘅時候，即刻同從前居住的朋友講，他們堅持要去一去，解下思念美國之苦，先講地點，其實有點遠，行到去已經有點攰，望望menu,大約同美國本土的差不多，只是價錢稍為Mark up左少許，畢竟打正美國餐廳旗號嘛，情有可原。但係，嗰條人龍，長到嚇親人，而且不可做reservation, 可見對頭啖湯充滿信心。一問之下要等兩，三小時。。。由於朋友太想食， 侍應畀咗我哋一個電子排隊嘅 裝置 ，同時光顧了其他餐廳 食晚餐。 大約兩小時35分之後我們再回到餐廳， 我哋嘅裝置仲未有提示。 回到餐廳侍應話仲未到我哋😣😣😣😣。 可憐嘅我哋喺侍應嘅提示之下買咗take away。 到店內行了一週， 店內裝修層次完全不像美國本土的cheesecake factory, 反而有點像las vegas的陳設。 環觀四周， 只有兩種顧客， 一時無名而來，二是美國人， 眼見分量頗大， 而蛋糕選擇甚多， 而且都幾大件， 價錢大約80元港紙一件， 相對美國貴少少。 不過想食嘅話就必須要耐性， 因為如果想外賣蛋糕的話也必須要等十五分鐘。 所以是次不能同大家分享主菜的嘅味道及評價。 蛋糕方面未到俾美國首稍淡， 可符合香港人的口味， 下次有機會再同大家分享主菜嘅評語。…查看更多

呢度個鋪面真係毫不起眼，行過100 次你都未必會上行入去嘅， 終於有一日食到都唔知食乜嘢好就搵咗一間算啦都係冇食過嘅嘢就入去食啦。 入面係完全冇裝修嘅街坊茶餐廳。 基本上佢係唔會有餐牌畀你㗎因為呢所有嘅菜式呢已經寫曬喺 牆上面。 呢度呢有蒸飯，有點心，同埋一啲茶餐廳應該都會有嘅大眾化食品。 價格呢係都係非常之抵食嘅。 叫咗個常餐嗌咗個奶茶穩穩陣陣嘅選擇。 點知呢杯奶茶真係非常之有驚喜呀。 可以用埋奶茶廣告嘅形容詞去形容呢一杯奶茶： 茶香奶滑。 真係會唔覺意就留咗落個喉嚨到㗎喇。 所以而家間唔中，唔去食嘢都會想去飲番杯奶茶。…查看更多

是日過嚟做嘢，，見到係老字號，又就腳就碌入嚟試下。一入到嚟，見到嘅係老舊兩層茶餐廳嘅陳設。被老店員叫左坐樓上雅座。玻璃枱zip住下午茶優惠，一問竟然有，星期六喎~卅零蚊有碗粉，好不錯的價錢。點了生牛肉河同粉卷，其實兩樣都唔算好食，粉質有啲厚，湯無乜味，粉卷同樣，塊皮太厚了。招呼方面，老店嘛，茶餐廳，加上佢地自己都講，做左幾十年，做熟客，所以。。。你是懂的。好得意嘅係，呢度係越式茶餐廳，不過每枱都會奉上普洱一壺…查看更多

經過此處無限次，但從來無入去過。因為不是關了門，就是覺得人太多，好迫夾。今日一來，原來從前誤會太深：首先，此店係開下午3點嘅，同埋，晚飯之前，只開前半部份。後半部分晚飯先開。而且裡面別有洞天，稍後再講。雖說3點先開門，但係2:30嚟到，老闆/經理已經好好咁叫我地坐下先。下午2,3點嘅Soho,好寧靜，舒服。呢度主打啤酒，特別個比利時啤酒。今日想飲啲清清地，老闆介紹我飲水果啤，（當時心諗：又係葯水味:(，我唔會中伏嘅）老闆話呢隻係手工啤，而且用新鮮水果做，而並非糖水，見老闆一臉誠懇，好就信你一次。味道選擇繁多，首先試左椰子味。效果出奇清新，而且好飲，仲嘅presentation 亦好funny. 之前再試左peach, 好girly,無葯水味。ps happy hour 送大大份fries, 好底食物方面，叫左一份carbonara, 同一份燉牛肉，意粉好油，面質太稔，而且無乜味。。。唔係咁好食，牛肉用燉嘅方法煮，味濃肉滑好味之前提過，餐廳後半部份夜晚先開，嗰度可以掟標，相信好多人聚集喺度就係咁解…查看更多

朋友同我貪方便走左入去食lunch,點了肉燥飯同“老水“飯，份量小不特止，仲好油，感覺不太健康。再每人點左各一杯飲品，一杯珍珠奶茶一杯Taiwan breakfast cocktail, cocktail 味道不太balance酒精較濃，朋友的珍珠奶茶無茶味又無奶味，珍珠好硬。。。。不會再來…查看更多

同朋友食lunch,lunch set 都幾底，包括appetizer, main同dessert，一個set其實都夠兩個食。大部份店員都係外籍度人士，對住不諳英文嘅朋友都有細心講解，底讚！裝修後地方更見開揚。…查看更多

個人比鐘意舊址，呢度靠近馬路，有點嘈雜，食物依舊好吃，cocktail 亦不錯，只是有啲店員心不在焉，搞到啲單遲遲都未做，等左好耐。去洗手間較遠，如果有需要，要早啲出發。…查看更多

方便嘅意思係方便我唔洗諗，因為晚餐menu 只有一個，每人行入嚟都會食同一個menu. wine.menu亦丰富，啤酒，sake,champagne, red,white 都有，選擇亦多。1500 per head食八道菜。雖然每人只係兩啖，但係都好多，每道菜的賣相，都令你唔想食，廚師技巧高超，能夠把食物的天然鮮味發揮得淋漓盡致。上每道菜都會由店員解釋，提高食物的欣賞價值。另有露台睇风景同private room. special osscation 可以一試…查看更多

食物小炒好夠鑊氣，好似生炒骨，乾炒牛河都好好食，仲有夜茶點心，上水獨有。開得又夠夜，幾夜去都有嘢食， 夜晚去食飯仲可以見到人情百態，好有香港味。 難得而家仲有百零蚊可以兩個人食兩個飯餐再加一支啤酒， 食耐啲，啲店員又唔會趕你走， 係值得支持嘅本地食店。…查看更多