naturalBB的个人专页

新開試一試， 炸脾未食已藐嘴，請問炸的定義是曾入炸爐嗎？是一隻放入一煲熱水的煮熟雞脾再入油過一過的吧？沙律及雞脾大小是正常的，價格38元，凍飲加3蚊。味道不難食，就是煲熟了再搽了油的味道。餐廳人不算多，環境不差，待應態度正常，茶記一向不賣服務所以沒要求…查看更多

朋友生日當然請她食好野啦, 前輩介紹THE ONE 18/F 新開可以望到維港景的中菜, 但又講唔出咩名, 好彩我醒目去THE ONE 個網度搵到。順手打左去訂枱, 訂左18:30 但我就18:45先到, 真係唔係幾好意思....到埗時都嚇一嚇, 個場好似包起左做宴會, 原來右面留左幾張枱做晚飯, 可能18:45都算早, 開頭無乜人, 坐左一陣都滿左lu。因為唔係坐近窗邊, 要睇靚景, 只要稍移玉步推開門就見, 原來外面仲有幾個位, 不過秋老虎的關係, 都係涼冷氣好了.由於menu 太多選擇, 又款款都好似幾正咁, 我地兩位玩左10分鍾先點到菜:點左一壺花膠功夫湯, 芝士乳豬海蜇, 茶樹姑炒霜降牛, 帶子蒸豆付, 紫薯龍蝦. 嘩, 兩個人食咁多...........好飽先講下個湯先, 我地1個湯兩份, 侍應大哥非常細心幫我地拎左2隻杯仔, 個湯一黎到就已經覺得好香, 因為有花膠, 飲完有黏口的感覺, 而且壺底有個小洋燭, 可以暖住唔怕湯凍.芝士乳豬伴海蜇我覺得係必食, $48/件 ，個底好脆又香口, 中間有芝士青瓜同好似有層蝦滑(唔知自己有無講錯), 食落超有層次, 勁鐘意.茶樹菇霜降牛，牛肉好lum,份量都幾多, 用甜椒茶樹姑炒, 好惹味, 如果有碗飯就仲一流, 但由於太心多要留位食多款菜~嘻帶子蒸豆付賣相一流, 連伴碟我都唔放過, 大大粒帶子配埋勁滑的豆付, 兩樣我的最愛一齊, 無得彈紫薯龍蝦無over cook, 非常爽滑又彈牙, 唯獨炸左的淮山我唔多識欣賞, 所以食哂d紫薯但淮山就食剩左.由點菜到埋單, 前後我都坐左兩個鍾, 我覺得最滿意係佢地D服務, 細心又有禮貌, 問下佢洗手間係邊, 差d帶埋我入去. 同場, 見佢地8點半就執定枱比訂左9點先到的客, 作為客人見到都覺得感動. 另外見隔離枱order左片皮鴨好似好正, 我決定下次再食要order返隻.…查看更多

平時係IFC，總有D人係店外等試食而要等今日係元朗竟然係完全無人當然要慢慢行去買返包二合一既味道啦芝士味配焦糖味。不過咁，不少少失望，因為我無諗住帶左佢返屋企後，芝士味就變林了已經受潮了。。。。。不再脆了。。。。。。。芝士味本身個味好好，所以又愛又恨，掉又不是，吃又不是焦糖味完全無問題，同樣脆口，同樣好味當幾十蚊買左一包有一半林左既爆谷，真係好難覺得唔貴…查看更多

一班朋友搵地方食野，又想地鐵站附近，所以去九龍塘大家都方便而且可以BOOK位，連等位時間都慳返最喜歡係麵包籃，加上橄欖油同意大利醋真係好食除左麵包外，薄餅都好大好好味，餅底夠厚但不是十分脆口意大利飯整得好香口，夠CREAM又夠菇香味，飯是一粒粒意粉反而一般，林左少少，但肉太丸就好好味喇，咬開係有油份既甜品係麵包布甸，4個人一人一件剛剛好…查看更多

預早book好位，早左去都可以入去坐了早左15分鐘去，店內近乎滿座我們飲住啤酒等齊人，一直飲呀飲......我地去呢度，呢間野買點係任飲嘛，包括啤酒，竹庶水同橙汁庶汁倒入水杯，要3/4是開水，1/4為庶汁才可以接受甜度，而橙汁未知供應的品牌，但味道是果汁XX再甜少少......沒有選擇餘地，唯有飲啤酒啦放左工，個人開住Turbo甘，飲下啤酒放鬆下先都會好D，不過聽日仲要返工呢.......叫左個set夠12人用，我地再叫埋螺，因為怕同一時間太多野上台，所以一早先叫廚房分開上乳鴿夠曬入味，龍蝦平時食既都係一件一件，而呢間係全部細細隻，大概2/3手板甘大隻cut開一半芝士汁好香好濃，而且放左15分鐘後，沒有令汁同麵痴埋一團炒膏蟹，蟹的橙色膏好似咸蛋黃甘甘香，味道真係一流至於蝦碌，豉油味好重，遮左蝦味，而且豉油似無再調製過東風螺只係白卓就120蚊，錢真係易俾出去了.......賴尿蝦比較細隻，比手板仲要短，仲要cut開一半，真係有D失望，但味道仍然可以的煎魚，熟與生之間，仍未離骨，肉質新鮮因為啤酒任飲，我地應該會再去既…查看更多

因為3點就要搭車去見客，無可能有時間食lunch，唯有2:40出去食個麵就搭車啦，因為間野近地鐵站，所以快既方法就係呢度食10蚊淨粉麵，再最少點2個送，價錢係6,8,10蚊一個2個6蚊加一個8蚊送，同埋10蚊麵，總數30蚊味道不會太濃，但不知為何感覺很油，湯汁好似同油混合了而在表面不擦覺甘或者係因為油麵的緣故豬紅不太差，但好碎，魚腐只是凍肉店的那種鳳簽都係凍肉店那種，但調味做得不錯，成碗野最好食就係鳳爪了不過....要快的話，一般都是沒有什麼可以選擇的…查看更多

朋友搵定位，過去食飯，其實每日lunch個人都係好呆，朋友叫我點野食，我叫佢點，因為lunch時間要用腦好似有D辛苦結果佢一手包括，而我就講野都懶，其實影相都懶，直至我開始食到串燒時.....第一碟食左番茄沙律，其實係成個番茄去樣雪凍，加沙律汁第二碟係八爪魚配醋，第三樣就係食呢個芝士汁豬肉串，個汁安係好芝士，豬肉既燒汁浸出來，簡直絕配之後仲食左餃子，煎到個底好香，同平時食既真係好有分別，正呢個燒餅，入面係菜，麵粉，外面加左好似八爪魚丸既醬，又係好好味既野就係呢個lunch, 令我返到公司想訓覺…查看更多

朋友預先BOOK位，而我又放工後去所以遲少少，所以不用我等位，其實食物叫左十幾碟，但因為人多既關係，傳到埋來已經走曬樣而無影相，生蝦質素無咩驚喜，因為不夠鮮甜，但肉質好好，一碟8隻，好似一碟88蚊，個雞都幾好食，應該係低溫煮，因為好滑，口感一流，但雞味不夠燒魷魚，完全不會咬得辛苦，剛剛熟，鮮甜有汁，好好食煙三文魚配泰醬，我自己就真係覺得好一般，因為三文魚太凍，入口不夠魚味，加上泰醬蓋過，一般與素條魚好好食，先炸好再加泰醬，酸酸甜甜整體不錯…查看更多

第一次團購時，簡直係好想間野快D執，而且成班朋友排排坐無野食，錢照比自從個一次後，我真係對團購失去信心今次團購係因為個朋友話想請食飯，問左我得吾得就在5分鐘內俾埋錢一同行4人去食個lunch, 迷戀韓燒既我第一個到左，個地下好多油，普住布鞋好驚，行去洗手間一步一驚心坐低左，左望右望全部印尼人....個下真係諗住又笨左朋友齊曬就叫野食喇，當食物一碟一碟到，就掛住食了但都要先講一講差既野先....因為抽油既風口應極少清洗，有綠綠黑黑既油倒流，好彩見到用紙巾清一清，否則真係食曬落肚，水杯一注入水後，油在面層至於食物，可以選牛豬雞蝦, 豬皮或牛舌，我們選了牛豬雞豬皮，已經好夠味了不用再調味有生菜配上，一個菜沙律，牛骨煲，飯除左衛生問題要改善外，其他方面都做得不錯，不論食物及服務都很好…查看更多

今日自己食lunch，偏去了簡陋既餐廳，連餐具都要比自己屋企用既簡陋好多豬頸肉上海麵，配豆腐花分開3樣來評吧麵：好林，比起自己煮既林好多，應該係同浸太耐有關，真係無牙都仲食得豬：油，油，油，而且熱，簡稱失敗豆腐花：香滑，正其實只係賣豆腐花真係可以架，因為豆腐花好味，但其他食物就真係填飽肚吧了…查看更多

食完野，當然要搵野飲，呢度附近無咩選擇，呢間算係好D架喇今次點了微糖，因為成日都太甜，令到真正既味道無左其實，味道真係無預期既好，味道太淡，不是因為糖份問題珍珠奶茶不是用港式方式沖，所以不能說奶同茶既比例，而係整體配合得比較慳而珍珠就煮得未夠耐，略硬左少少，當時，最近我真係無食曬D硬野啦飲完去做body massage, 有D後悔，因為訓係度按壓時，仍在胃度流來流去，下次都係自己就一就時間先…查看更多

見到人不多，就食呢間啦，份量不多，女仔食其實勉強夠，男仔應該要食2碗先得配菜無乜，有幾條芽菜，味道靠調味料，不是在配菜上但酸度合適，呢度無檸茶飲，所以不會太OVER薯粉夠彈牙，夠入味，因為其形狀能勾得住湯汁海帶同平時食開既無咩分別，只係湯汁帶起味道因為呢度飲品無咩選擇，所以飲品都係要去第2度買…查看更多

同事突然話想去呢間，好啦，行遠少少去食啦門口已經好多人，入到去當時仲要等，以為1點半先起行，去到無咩人啦點知仲係好多，因為有好多不是附近返工既人真係好鬼得意，門口侍應講國語，但講真，台灣女仔好少甘粗魯，所以我地評為假台灣人到我地喇，埋到張木台，張木台係搭搭搭台，幾個細group既客人自己去買野食，拎住個震膠牌等野食，到喇，就自己去取買野食時，我照講廣東話，而收銀又好有禮貌用國語，心想。。。。呢個真係台灣人？但..........找錢時用廣東話問： 你有無兩蚊呀？，就算係台灣人講廣東話都吾係甘啦OK，拎完野食返埋位，餐具係取餐時自己拎埋既凍檸茶好淡，但不苦，茶底不錯麵既份量夠男仔食了雞排味道幾好，只係皮厚左D，但都算幾好食，可以再食多次…查看更多

食過呢間的粉麵，好處係清清地，今日一於再清下....手撕雞米粉湯仍然好清，呢個係優點手撕雞同菇的份量都不多不少，大約一隻雞比份量，手撕雞真係無骨，夠滑成碗野好清得來又有味30蚊，如要加飲品加11蚊(凍飲)想清的時候可以再食…查看更多

在很肚餓，而又沒有時候可以出去食飯的日子，外賣是最好的可惜....等了45分鐘先來到，好彩不是趕去見客簡稱魚旦粉應該合適吧湯底好清，分不到是咩味粉不是廣東粉麵那些的滑同油，魚旦好爽，當然沒有魚味的，但爽同彈牙的程度會令人想再食30蚊，差不多了吧有幾條菇配一配其實整碗粉沒有什麼特式就是最大好處，因為不會失望也不會有什麼驚喜因為已經餓到over左，所以份量剛剛好送到來時，沒有甩皮甩骨，湯沒有溢出，此乃送外賣人員既功勞!不錯…查看更多