同事突然話想去呢間，好啦，行遠少少去食啦
門口已經好多人，入到去當時仲要等，以為1點半先起行，去到無咩人啦
點知仲係好多，因為有好多不是附近返工既人
真係好鬼得意，門口侍應講國語，但講真，台灣女仔好少甘粗魯，所以我地評為假台灣人
到我地喇，埋到張木台，張木台係搭搭搭台，幾個細group既客人
自己去買野食，拎住個震膠牌等野食，到喇，就自己去取
買野食時，我照講廣東話，而收銀又好有禮貌用國語，心想。。。。呢個真係台灣人？
但..........
找錢時用廣東話問： 你有無兩蚊呀？，就算係台灣人講廣東話都吾係甘啦
OK，拎完野食返埋位，餐具係取餐時自己拎埋既
凍檸茶好淡，但不苦，茶底不錯
麵既份量夠男仔食了
雞排味道幾好，只係皮厚左D，但都算幾好食，可以再食多次
