drummer1028的个人专页

好常會途經厚福街，但街上實在太多食肆了，所以都唔覺開咗呢間港式粉麵。今日突然見佢攞張牌出嚟做試食價，$20一碗牛腩粉仲有得外賣，咁對於未試過嘅我嚟講，正是好時機試試佢。老實呢頭尖沙咀有好多食肆，但做正宗粉麵嘅鋪唔多，有嘅都似係做遊客生意嘅，一向有介心。咁有多間喺附近如果靠得住就可以長期幫襯。老實今時今日要$20一餐當然係唔真實嘅。但信佢用呢超做宣傳吸吓人氣，同埋俾返啲信心好似我呢啲懷疑派，所以都寄望係碗正常嘅牛腩河。但由收銀，跟單，到派外賣都唔似係做長遠生意。店內都唔算多人但員工面口都幾黑吓。重點係，碗$20粉一打開只有食有好孤獨好瘦弱幾件腩，個湯底好咸但唔覺係牛湯味，因為係試食連青都要走埋？當然明白今時今日食肆難做，但新開張搞試食，都係希望啲客有回頭。如果得幾件咁細嘅牛腩都冇乜嘢好試，咁希望啲客點樣會返轉頭或介紹俾朋友？…查看更多

太子集團出名排𨋢大廈，一般等5分鐘先入𨋢好閒，星期日更唔洗講。呢間嘢定咗位6：30上到去6：42居然話枱留10分鐘所以而家只俾你吧枱。同佢講要等𨋢喎居然耷低頭都廢事回應你。Sorry我係嚟幫襯唔係嚟睇你面色。咁嘅態度唔通講英文就飽？除咗以後永不錄用，一定要提示開飯同路人避免踩坑！大家要上20樓就準備貼錢買難受吧！…查看更多

牛三寶間間粉麵都有唔通真係間間都好食？留意到海豐新開張一排但好多時買外賣又醒唔起。今日終於喺適當時候去適當地方試適當嘅嘢。雖然係小店但裝修企理。雖然我係外帶但見堂會啲人都坐得幾舒服。三寶米份量不大中年人啱啱好，後生就可能要加底。三寶中牛根彈，牛腩腍，牛肚爽，湯底牛味濃，比起附近名牌老字號有過之而無不及。會再食！…查看更多

今晚一人前打算揾壽司外賣，但因購物原因要在深水埗區，本來在老區冇乜寄望。靠Openrice又發現呢間就喺附近，咁就過去睇吓。鋪面好細只有立食同外賣，店主一人打骰但裝修唔馬虎，牆上大量圖片話你知有乜嘢可以下單。初嚟報到只選了個一人餐，壽司+魚生。由於身住新界買完仲有頗遠路途，老闆熱情地為食物加冰及包好！現今香港食店已好少有人情味可言，因此懶如我也𣎴得不出po。食物質量中上，壽司用的魚塊比一般大，用料足。小建議店主沙律汁可分開上，我回到家梅子汁已漏晒出嚟。在三餸飯+茶記林立的汝州街開間有誠意的壽司店，自己尊重自己的出品，視顧客如同路人而唔係水魚，一人店喺今時今日實在需要多啲支持！請各路食神去多啲幫襯！…查看更多

今日生日正日，咁難得梗係嚟試吓咁有名嘅生日優惠。嚟之前都懶小心，睇吓食評人會唔會已經冇咗。見上一篇都係9月份，但同系尖沙咀10月19都仲有人出Po, 諗應該都穩陣。現實當然唔係如生日所願，坐低先話只有尖沙咀店仲有。各位貪心人如我自己睇路了…查看更多

食快餐本來就冇乜期望，但都希望正正常常。既然問我飲乜，我點咗檸茶你又求其俾杯可樂我，咁問嚟做乜？個兩片牛内，薄到風都吹得起，連茄醬都咁慳，洗唔洗呀？之前都已經冇乜好感，以好唔會再食。…查看更多

今日第一次食佢外賣，之前一路都係堂食，味道環境都OK的。外賣套餐包飲品不過用一個細到無論嘅膠袋去裝，只係過一條馬路返公司食已經倒咗半杯Lemon tea出嚟。根本就冇放好杯嘢由得佢一路嘔出嚟。豆板醬撈麵味道都一般。…查看更多

外賣一個簡單湯+飯套餐，都要70幾蚊。想要嗰樣又冇嗰樣，又唔喺餐牌講清楚。買完返公司食但居然個湯蓋都蓋唔緊，行到返去都已經唔見咗半杯。咁嘅服務有冇搞錯！差差差！…查看更多

雞年開工第一餐中午飯，諗住中環未返齊工會少人啲，以前嚟過印象中又幾好食，所以諗住再幫襯。估唔到嘅係餐廳做嘢嘅人就真係少咗！一坐低，5個主菜選擇嘅菜單有3個冇得揀，甜品又係冇得揀，原因係...今朝雪櫃壞咗！咁高檔嘅消費，係咪應該打嚟訂檯時就講清楚，俾返個選擇顧客?坐到差不多2點，主菜都仲未出到，揾個侍應跟跟單，佢就直接幫我打單找數!到有主菜出場，啲客都走得七七八八，啱啱先開始食，突然甜品嘅雪糕又馬上出場，放喺檯面等你望住佢溶!最後埋單2位要4佰幾，咁嘅經歷真係好難會再去!…查看更多