La Parole

雞年開工第一餐中午飯，諗住中環未返齊工會少人啲，以前嚟過印象中又幾好食，所以諗住再幫襯。
估唔到嘅係餐廳做嘢嘅人就真係少咗！一坐低，5個主菜選擇嘅菜單有3個冇得揀，甜品又係冇得揀，原因係...今朝雪櫃壞咗！咁高檔嘅消費，係咪應該打嚟訂檯時就講清楚，俾返個選擇顧客?
坐到差不多2點，主菜都仲未出到，揾個侍應跟跟單，佢就直接幫我打單找數!
到有主菜出場，啲客都走得七七八八，啱啱先開始食，突然甜品嘅雪糕又馬上出場，放喺檯面等你望住佢溶!
最後埋單2位要4佰幾，咁嘅經歷真係好難會再去!