PatrickTam1481的个人专页

今天早上9：48落單早餐，咖啡及芫茜牛肉米粉都到了，只剩下炒蛋多士一路都冇踪影，連對面後落單嘅煎蛋多士都上檯，吾通炒蛋比煎蛋難得很多？問過幾位不同嘅服務員都話會跟，但睇住同佢地講完都冇見佢地去了解，只係敷衍完就去做其他嘅野，到最後10：05離場都仲未見，埋單嘅時候同個收銀講，佢都扮聽吾到，真心勁，下次吾敢再幫襯囉！…查看更多

今朝大約10點45分見到肥仔伙記吾夠衛生，吾帶手套去沾食物，當佢處理外賣飯盒時，啲飯滿過個飯盒時，佢用冇帶手套嘅手指直將啲飯壓下去，都幾吾衛生，見到咁嘅情況，下次我就吾會再去食野囉🙏（只是分享見到嘅野，總之大家去吾去自己決定）另外近來去過間餐廳兩次，食物水準係一般：上次下午四餸車仔麵盛惠55元；而今朝早餐盛惠40元；講價錢同附近嘅餐廳吾算係平；講食物質素對比價格亦都係好一般；服務員嘅工作態度，大致上好一般之下，懶個蛇。…查看更多

朋友推介嚟依度，佢地話閒日嚟嘅happy hour吾算多人，但最重要係生蠔非常正及抵食。今次即管來體驗一下，果然係不錯的推介：多款不錯的生蠔選擇，有貴又有較經濟的，酒類都有好多選擇。而且服務態度好好同專業，值得下次再來嘅地方！…查看更多

疫情之前，我都嚟試過幾次，出品次次都水準之上，除左燒鵝，佢地嘅糯米飯都好好味。今次2月28號，見疫情放鬆下，都再來嚐試下，個冰皮燒鵝仍是水準之作，服務水準ok，但稍稍有一點要挑出就係：燒臘部三位師傅，其中有一位全程切肉吾戴口罩，佢仲當冇事不斷同事吹水，當佢前面舊燒肉冇到！講真句，冇疫情都吾可以詐佢型，但而家每日都仲有雙位新確診，啱啱尖沙咀食店先大爆發，真係吾出聲吾得囉，唉....希望佢地睇到依段會改善吧🙏🙏🙏…查看更多

不受時間與社會的約束，幸福地填飽肚子，吃飯時不受任何人打擾，也不需要照顧他人的口味。時間や社会にとらわれず　幸福に空腹をすとき　誰にま邪魔されず　気を遣わずものを食べるという　孤高の行為。不時路過新蒲崗都見到有兩間點心專門店，今晚突然想飲夜茶，即管搵依間比較小的店嚐試一下。今晚嚐左5樣野 : 陳皮牛肉腸 - 色香味俱全，陳皮味夠但吾會太多而搶左牛肉味，腸粉外皮夠軟，啱啱好吾厚但又吾易爛 ;三星餃 - 其實即係蝦餃、韮菜豆苗餃同粉果各一件而已，三種餃的皮都做的吾錯，啱啱好厚度，入面啲餡幾好味 ;魚茸粟米餃 - 亦都係水準之上，蒸得啱啱到位，冇過火嘅感覺 ;义燒包 - 入面啲义燒餡吾錯，絕對吾差 ;醬皇蒸鳳爪 - 依過我就反而覺得差左啲，色、香吾係好靚，味道就算勉強！反而服務算一般，可能熟客多，有時啲服務員掛住同啲熟客打牙較，冷落左我依啲生客！…查看更多

疫情害我都差不多成半年冇打過邊爐，咁啱知道佢6月1嘅重新開店，馬上約埋老友去幫襯。依間店係依度都好多年，我幫襯都好多年，亦都推介個吾少朋友去試，佢地亦都以熟客為主。佢地拿手好戲當然要嚐，今日湊夠人數，當然試個條 深海池魚王，貪佢油脂夠，口感又好，又係海魚，剌身會非常正！今日難得人強馬壯，難得見有咁靚嘅大蟹，見到佢已經食指大動，凍食啲肉夠甜，出色！食完未夠喉，再叫埋份中型象拔蚌，今天食三款吾同嘅海鮮，全部係水準之上，當然價錢吾算便宜，但吾係日日食，一次半次值得付出嘅。食飽剌身當然要番碟 手切本地牛肉，不嬲我鍾意 肥位多啲，但今日都食左好多剌身，就改食 肉味夠重嘅脊位啦，肉嘅質素冇食咁耐仍保持在水準之上…查看更多

今日撞啱中間有多啲時間午餐，再訪依間我重點推介嘅小店，又係非繁忙時間到埗，又係我包場✌上次第一次來初嚐佢地嘅 酸菜魚寬粉，非常令我滿意個麻酸味道。今次來到當然吾會照辦煮碗啦，今次一於叫個 四川招牌 水煮魚拉麵，雖然我俾起好多好友，我食辣程度都係一般，但為左試出大廚嘅手勢，通常我都吾會主動要求中辣定少辣，全部由廚師發辦。魚係用鯇魚，都好滑。至於個辣度我覺得好棒，香得嚟好吸引，愈食愈起勁，好似有種追住食嘅衝勁，果然係以前成都食到嘅感覺，吾會辣到人嘅味蕾失效，依啲先叫做《正宗》!今日好似狀態特佳，撻著左個turbo，一於叫多個 紅油抄手，外面好多麵店都有賣紅油抄手，但你食完依度嘅，你就會知道乜野係 《地道同正宗》囉！後記 : 我講得咁起勁，吾好以為我有股份或同老板認識，我重申我只係一個《過客同食客》而已。…查看更多

不受時間與社會的約束，幸福地填飽肚子，吃飯時不受任何人打擾，也不需要照顧他人的口味。時間や社会にとらわれず　幸福に空腹をすとき　誰にま邪魔されず　気を遣わずものを食べるという　孤高の行為。諗起都成差不多5個月冇嚟幫襯過囉，之前都嚟過三幾次食午飯，次次都叫不同種類嘅湯粉，因為佢地個湯頭非常正，食後完全吾會口乾要追水飲，佢地話用新鮮牛骨冇落味精，我絕對相信！今次嚐 順化牛骨湯檬，入面嘅料有生牛肉、豬手同札肉，個湯頭仍同之前一樣係在水準之上。…查看更多

不受時間與社會的約束，幸福地填飽肚子，吃飯時不受任何人打擾，也不需要照顧他人的口味。時間や社会にとらわれず　幸福に空腹をすとき　誰にま邪魔されず　気を遣わずものを食べるという　孤高の行為。大角咀區而家多左好多新樓，附近舊區都逐漸活起來，愈來愈多食肆，乜野國1家食物都有，可以講多左個 #尋食 嘅地方。依間賣星馬嘅都算中型店，地方夠大、檯都夠多。第一次入來就揀依個拼盤，貪佢可以一次試多樣吾同嘅出品。個椰漿飯底做得吾錯，其他炸雞炸豬排就正常，吾會有好大驚喜。至於服務我都覺得合格。…查看更多

大埔都好耐冇入過來，今日約左人係依度，就索性早啲過來尋食，睇下有乜特別嘅小店 ( 又係個句，連鎖大店，商場大店完全吾係我杯茶 )。跟感覺遊走，終於逛到啲舊樓範圍，離遠見到依間個名幾特別，行到門口仲見到有啲介紹佢嘅舊剪報貼係玻璃上面，睇真啲仲有佢同 蔡瀾 影相，但通常依啲太多名咀名人嘅店我反而覺得掉忌，通常都中招，應該係我嘅咀巴吾及佢地！行多個圈見到冇乜比佢天更令我想入去食，最後決定回來食。叫左個 客家鹹雞飯套餐，再另加一碟 清炒萵笋。個鹹雞套餐，味道啱啱好都吾錯，但如果用 走地雞 就更絕配。反而我比較欣賞個清炒萵笋，愈簡單嘅菜有時愈考功夫，好多地方炒出來都好求其，以為炒兩下就上檯，但好多都失手！…查看更多

忽然非常想食越南湯粉，雖然附近係有一間大嘅連鎖越南餐廳，但大店我不嬲冇興趣 ( 除非冇得揀 )。 諗起之前路過紅磡附近係有一間好吾起眼嘅非常小店，今日一於去造訪依間非常小店吧！去依間非常小店十，因為得6個似吧檯位，所以首要條件係時間安排，我特登2:45先去到，果然猜中沒人跟我爭位，一個人包場，差不多食完一樣再叫一樣，咁就可以真正慢慢嚐試佢地嘅手藝，同埋啲野吾會攤凍左啦。食越南野，我第一款必定係生牛肉湯粉，佢地嘅生牛肉同個湯頭都好得！再來第二樣係 春卷，問心講真係水準以上，炸得啱啱好。反正仲有啲空位，就試埋佢推介嘅 炸蠔，但依樣我就覺得一般般，未係想像咁厲害。…查看更多

諗起都幾耐冇食貴州燃麵，一心諗住過來旺角探下主理貴州沙溪麵食嘅老師傅，點知原來佢地三月退休了，而家已經轉了一手，變成牛肉麵店了。既然一場嚟到，冇理由過期門而不入架，好歹都入來坐低嚐試下佢地標榜嘅招牌牛肉麵。入去第一感覺佢地服務講野嘅語氣都幾好，我就揀左個 五香牛筋麵 啦。先試第一口湯頭係基本動作，湯頭入口香濃係好重要，之後就係有冇嗆喉同埋口渴嘅感覺，我個人覺得好好。牛筋雖然色水比較深色，望上去吾係咁好睇，但我印象台灣嘅牛筋好似比廣東同港式嘅深色好多，但吾講個賣相，個味道口感就吾差。…查看更多

路過依條街都好幾次，但每次行過時間吾啱，都係比較多人在食午飯。我個人比較鍾意清清靜靜同吾想同人逼嘅環境食野，所以好多時都會安排兩點半後食飯就冇障礙。我吾係算食得好辣，但都係好鍾意食四川麵，尤其是水煮魚或酸菜魚，用得好材料同手藝好總會有酸味、辣味，仲冇少左啲魚嘅鮮同滑！今次先嚐試個酸菜魚同揀選寬粉，咁就可以一次過試幾樣野啦。先講過酸菜湯頭，我覺得個酸度同辣度好好( 雖然我吾係嗜食好辣，但一般我吾會要求大辣、中小辣之類，我覺得咁總會限制左廚師嘅手法 )。魚肉夠滑 同 寬粉夠韌口，兩樣都啱我胃口…查看更多

今次係第二次來依間店食，一般名星藝人或者米豬蓮介紹嘅，我都吾會去食。但上次無意中坐低左先發現係某某藝人介紹嘅，既然坐低左都要繼續落單食落去。佢地都算幾貼潮流，落單都有IT影子，簡單用智能電話搜描一下，就可以在手機上直接落單，咁就可以等服務員送餐來，幾方便的。上次同今次都係一樣揀個 四餸粗麵，再配個羌湯底，雖然兩次嘅餸吾一樣，但兩次嘅餸、麵同個湯都冇甩拖，最正就係會有一小碟 辣菜甫跟上，我覺得依小碟先係靈魂所在，一邊招呼碗麵，一邊品嚐小碟，簡直係絕配。…查看更多

依間麵店係無意中發現，上次早到紅磡閒逛，第一次行到發覺都有幾間吾同嘅食店。今次專登來試佢地嘅牛肉麵。上次喺佢門口見到介紹話師傅仔每天自己親手揉麵，令我值得期待，咁就揀個 大塊牛肉牛腩麵 同 蒜蓉菜芯 嚐試。牛肉牛腩真係吾錯，好有牛味 ; 但個寬麵就吾係好啱我，太淋同吾夠彈牙 ; 反而個湯頭都算有睇頭，清得嚟同吾覺得有加師父喺入面。菜芯佢地用蒜蓉，吾係同出面用蠔油或腩汁，配合埋都吾錯。佢地除左 牛肉同牛腩之外，仲有另外一些不同部位，我最想試係 牛筋，再試埋第二款麵就完美。…查看更多