whysodelicious的个人专页

同家人食飯慶祝小朋友生日，整個過程非常滿意！ 裝修：懷舊港式打冷風格，有上下兩層，上層更有龍鳳裝修小舞台給客人聽歌唱歌，很有情調！我們坐在下層，環境闊落舒服，很有大排檔感覺，餐具和環境都是非常乾淨，場內冷氣充足！ 服務：全部侍應都非常友善，很照顧我小朋友，逗他玩笑，安排兒童座椅，還主動用濕紙巾幫我抹兒童椅（這一點是從來沒有其他餐廳會做到，太細心了！） 食物：拼盤：適合一家大小，餐前開胃小食！味道方面不錯蠔仔粥： 是我今晚的最愛，材料非常充足，熱辣辣惹味粥底，蠔仔新鮮，芫荽夠多。一定要趁熱食，放耐了就無咁正。 乳鴿：皮脆肉滑，味道夠鹹適中，非常之好味，一隻有四件唔夠分，可以再叫多一隻！ 叉燒：餐廳侍應推介，即管試試，我覺得可以切薄一些，肉質可以軟一些，汁可以再Juicy，有改善空間，不過都好食，可以一試。炒花甲：大排檔風味，小炒海鮮及配菜材料充足，味道很惹味，可以多啲汁，賣相很好👍🏻我本身不食辣 ，食到！喜歡辣嘅人，會覺得唔夠辣。驚喜：待廳送上我們自己帶來的生日蛋糕，還驚喜地安排駐場年輕歌手和琴手，專登走到我們檯前，彈奏演唱生日歌，這是我們事前不知情，十分感謝他們的驚喜安排！ 我們是剛從外區搬來元朗居住，感受到元朗人的友善，支持及推介這間小店！…查看更多

聖誕節正日去太古廣場打卡影相，無意中試呢間餐廳，我哋覺得性價比好高，非常滿意！環境：好意外唔洗等位，walk in 直入，不過我哋好早 6:00 pm 開始食。坐在巨型大公仔旁邊晚餐，呢個view都幾得意！坐位好闊落，推BB車都無問題！服務：職員都好有禮貌，見到佢哋人手不足，聖誕節比較忙，仍然保持禮貌和快捷服務！食物：價格非常超值，套餐百幾蚊至二百蚊，食咗T骨牛扒套餐和牛柳套餐，兩個牛賣相擺盤都很好，T骨牛扒大過塊面好驚喜，係好食好juicy ，份量十足，食唔晒，而且唔會煮到好鞋和好硬，配上一大碗黑椒汁，抵食好味！ 一大碗薯條仲要係無限添加，真係好癲！仲有餐湯，試了一紅一白，白湯比較好飲，非常足料！湯配上餐包仔都係普通無特別。飲品：套餐包咖啡茶，叫咗橙汁和凍奶茶，再額外叫杯紅酒（$65），一切正常！ 甜品：雲呢拿雪糕配三粒雞蛋仔，一切正常。一個餐咁平仲有甜品真係唔話得！ 總結：整體來講非常滿意，話晒都係租金貴的甲級商場，聖誕節正日晚餐都算好平，份量十足食到好飽，兩人埋單只需要$550，無投訴！睇過附近餐廳都貴好多，預計$500-$1000每人。最後埋單睇到原來都係美心集團。…查看更多

今晚第一次來到大埔藝術中心，入面原來有間幾靚餐廳，值得推薦名叫 Pentola, 室內環境好闊落，坐位之間好舒適，晚上暗暗的燈光充滿情調，帶位服務員態度有禮。我們兩人點了二人餐以下菜式： 餐湯：紅蘿蔔湯帶點薑味，湯味濃郁，口感幼滑，我平時不愛食紅蘿蔔都覺得好好飲。前菜，點了三款包括：白鯷魚茄子蓉多士： 白鯷魚是西班牙特產，非常惹味，搭配茄子蓉多士的開胃小食，配餐湯一流。地中海風味烤多春魚：熱烤多春魚非常香口，也是十分推薦的餐前小食。意大利風乾火腿拼盤：風乾火腿、莎樂美腸、提子，經典的滋味組合。 主菜兩款包括：炭烤安格斯封門柳配燒汁薯條：賣相美麗，炭燒口味非常惹味，我自己比較喜歡偏生牛肉，感覺會更完美，炭烤是偏熟又有另一風味。薯條很好食又香夠脆，配上火箭菜食很美味。新鮮波士頓龍蝦意粉：餐廳推薦的菜式，連菜單也以此為封面。龍蝦是開邊半隻，容易切來進食，有大蝦鉗一隻，蝦肉豐富，肉質爽口，意粉也是很惹味，醬汁香濃，非常推薦此菜式。飲品：加配$48 白酒加配$88 推介特式飲品 Mystical Rosa , 由菠蘿汁、芒果汁、蘋果汁、soda 水製成，玫瑰花冰粒點綴，賣相美麗好好飲！ 甜品： 加配$38 Tiramisu 杯裝份量充足，非常美味幼滑，可可味香濃。整體用餐感覺很滿意，環境舒適，安靜而不嘈雜，可以慢慢享受美食，二人餐$398 性價比高，非常推薦給大家！…查看更多

懷念法國街頭美食Crepe, 所以見到呢間法式crepe 餐廳，就好鐘意。 在舊K11 當眼位置，超方便，位置不多，大約20人座位。門口有飽點及飲品，當然要食signature crepe! 好多款式揀，有咸有甜，我個人鐘意甜crepe, 見到西多士Crepe 好有香港風味，價格$69，可以試吓。 其他款式有勁多材料，價格$100左右，如果叫埋飲品大約$50一杯，一個人消費大約$150 。 我今次叫西多士crepe $69, 花生醬、蜜糖、肉桂香，會甜但好香花生醬味，crepe 皮薄小脆，如果可以熱啲更好，上檯好快已經放涼了，未夠熱。再叫多杯雪糕affogato $48, 溫呢嗱雪糕再配凍啡，夏天飲好正！但味道一般，啡味不夠濃，俾冰和雪糕沖淡。整體來講，用餐體驗好享受，輕輕鬆鬆，嘆個afternoon tea, 環境舒適優美，門口落地玻璃夠光猛，值得再次光顧，試試其他款式。價格是偏貴的，沒辦法這是尖沙咀k11 地舖人工貴，都可理解。 …查看更多

我是鏡粉，特別來支持下影之鳥！但我唔會盲目俾Like , 我以真實食家評一評。 Book 位時，已經睇到好多規則例如：1. 每人最低消費$500 2. book 位時，需要先預繳費用3. 用餐時間1.5 小時4. 食甜品「九龍珠」一定要預先book Book 位已經有點不安感，我唔鐘意餐廳限制我咁多規矩，我是客人來享受美食的。在疫情期，都要set 咁多嚴格條款，我覺得有點趕客。但為咗支持下鏡仔，最後接受！ 6 點到達，準時安排入座！座位好闊落舒適，環境暗黑情調，檯數不多，唔會太嘈雜，環境滿意！ 我以為會有好多m鏡仔裝飾擺設，其實不多。全晚都播放鏡仔歌曲。侍應態度，不夠貼心友善，價格這麼高，我期望有優質侍應服務，但沒有。侍應很忙，沒時間耐性答問題，快來快去，令我沒有賓至如歸感覺，只有茶餐廳感覺。我已經沒有選貴價食材，因價格更加貴，整體菜單略為overprice！ 串燒本身沒有高烹調技巧，價格卻咁貴，有點錯愕。 用餐時間規定只有1.5 小時，對於一間居酒屋是非常錯誤。我想開開心心傾下計，想慢慢飲酒、慢慢食串燒，都唔可以！實在太趕客。6:00 pm 開始食， 6:15pm order完食物，去到7:00 pm 侍應來跟我說last order , :(實在有點趕客，我都未食完，甜品九龍珠都未上，就想提醒我走，感覺不被重視，7:30 準時出單。總結： 整個晚餐感覺不太愉快，趕時間、食物價格偏貴、服務不週到，我覺得去一次就夠了！真實用家評語。以下是食評，大家可參考： 九龍珠 6 粒 ，需要預訂先有得食 賣相好靚，食落係大菜糕味道和質感，唔特別。羊架： 呢個好滿意，嫩滑juicy , 份量夠。牛油果黑松露軟殼蟹壽司 ：都好好味，但奇怪牛油果片係好硬，唔係平時牛油果軟滑質感。 雞肉棒： 雞肉嫩，燒汁juicy 好味香口，仲有蛋汁一齊食，有點咸。南蠻炸雞： 蛋黃醬一齊食，好日式沙律醬味道，炸雞香口又熱又脆，整體賣相靚，蔥條一齊食更爽脆口感，呢個滿意好食。以上是我真實評語，非打手，非惡意批評。最後每人食了$500 。串燒係難度比較低的茶式，而且份量少，食完仲未飽！$500可以有好多其他選擇。…查看更多

路過長沙灣，打開Open Rice 看看有咩好食😋 長沙灣呢間人氣高、評價高，就去試一試！ 去到店外，被街道牆身字體「見字飲啡」吸引！喜歡coffee 朋友不能錯過！ 進店後，店員有禮帶到座位，這店比較自助，到前台購買餐飲，自己取餐具！ 我點了香辣大蝦卡邦尼意粉 $82 ，上檯賣相吸引，份量夠多夠豐富，有蝦仁🍤加蘑菇煙肉意粉，白汁非常香口惹味，蒜香味撲鼻！ 價格也合理！ 真係非常之好食！仲有其他款意粉都好想試呀！ 因為趕時間關係，我只係點了意粉，其實仲有好多甜品、咖啡，見到隔離枱好靚，都想叫！ 我下次一定會再來啊！ 我坐嘅座位在窗邊，可以感受一下涼風，非常寫意！我鍾意這種開揚嘅感覺。 店內裝修非常精緻，好多都係打卡位，好適合拍拖、約會、傾計打卡！ …查看更多

😍😍😍今日經過銅鑼灣糖街，見到有間印尼美食，門口擺放好多印尼特產、小食蝦片、班蘭蛋糕，好正！門口有餐牌，多款精緻印尼風味小菜及套餐，見到已經食指大動，晚餐時間到，等了十分鐘可以入座，職員很有禮貌，簡單介紹有咩好食。 門口擺放好多印尼小食，即買即食，正！多款精美甜點、班蘭蛋糕、炸物、蝦片好好味！記得買返屋企慢慢嘆！餐廳入面好多圖片，睇相就更容易選擇！花多眼亂，樣樣都想食！我地叫咗幾款美食，介紹下俾大家：😋小食併盤：有齊各類印尼炸物，炸雞一家要食，超級好味，香脆可口，仲有炸秋葵好特別，炸豆腐，炸芋頭餅，炸雞翼超香口！ 😚印尼沙嗲汁東玻肉（牛）配上班蘭綠色飯，汁香味濃，賣相好靚好得意！ 仲有大量雜菜好好味，食完呢碟好滿足！😍炒雜菜：我喜歡食菜，呢個簡簡單單但一樣好味，香蔥蒜味濃、一次過有齊我鐘意蔬菜，正！🥰印尼炸雞飯：呢個不得了！炸雞係超級好味，夠熱又香口，仲有炸豆腐、芽菜、喊蛋黃，回味無窮！炸雞一定要encore , 炸得好出色！ 😎餐後飲品：熱桔檸蜜好酸好香桔仔味，我鐘意酸味，熱熱的，冬天飲好滋潤一下喉嚨！ 總結： 今晚食得好滿足，份量十足，座位不多，要食飯就早啲去，每款都是印尼正宗美食，非常有誠意，賣相好精美，一定要再去！ …查看更多

地點方便，店細細都是做外賣，今日唔多人等，一入去就叫到。但是看到一大盤麵包放在地上，感覺不太好，容易會吸引曱甴老鼠爬上去，雖然麵包有膠袋，但唔衛生。連鎖外賣熱狗店，價格合理大眾化，不會有太大期望！唔想食咁多肉，今次就試一試素肉腸+$15，配德國酸菜口味熱狗$40 再加$12 有薯條和粟米。但有兩件事比較奇怪：1. 一條小酸青瓜放在熱狗旁，很怪！因為有人唔鐘意食？ 點解唔切片放入熱狗內？ 2. 第二件事：茄汁和沙律醬溝埋一起在膠盒內，兩種味溝在一起唔係咁好，想慳個膠盒？ 唔明白點解溝埋一齊。支持黃店，有連豬公仔裝飾薯條 香脆好食 價格都抵食店鋪小小，只做外賣。 總結：熱狗都合格水準，嘉頓麵包乾身唔太好味，用料豐富，香腸即煎，薯條夠熱夠脆。整體都ok! …查看更多

今日想清清地，食得健康，叫咗沙律和ginger latte , 非常滿意！ 大家可以試試！ 一大盤素菜沙律🥗大滿足！好飽！有南瓜、牛油果、紅菜頭、沙律菜、蕃茄仔、紅洋蔥、藜麥，沙律醋汁，每樣食材都好新鮮，整體非常配搭好味，賣相打卡一流！素食朋友推薦！Ginger latte 我喜歡薑味，好暖心，帶甜，好飲！ 環境舒服，店員有禮，會再encore! 價格方面偏貴，沙律$78 飲品$49 希望價格能調整一下，始終呢度係大埔唔係中環區…查看更多

無得去旅行，就行下西九Element shopping ！經過天天海南雞飯，介紹新加坡風味料理，即時感到肚餓好想食。 好想去新加坡玩呀😅😅😅我地兩個人，職員好有禮貌帶我們入座。打開餐牌，好豐富超多選擇。睇咗5分鐘，好多野都想食，最後我地有選擇困難症，選了二人餐，睇落好抵$428 兩個人份量，個餐有好多野食，唔洗左揀右揀。有齊靚湯、前菜、主菜、海南雞飯、甜品！又肚餓，好期待！ 等咗十分鐘左右，好快上菜！靚湯：⭐️⭐️⭐️⭐️好足料，有瓜有肉又鮮味，非常好飲！唔會太喊太味精，又有老火湯味道！最鐘意佢夠熱辣辣上檯，仲用古色古香湯碗，感覺好宮廷，好有霸氣！ 前菜：⭐️⭐️⭐️⭐️⭐️未食過呢種口感的海蜇，好特別、冰凍、爽脆、令人胃口大開，係一道好好食前菜。好正！ 前菜：⭐️⭐️⭐️少少辣原來係粟米條、爽脆、惹味配上椒鹽粉點綴，都係一道好惹味前菜，我鐘意有蔥，一齊食口感更好。小菜：⭐️⭐️⭐️⭐️呢個蔬菜🥬係感覺有點喊，但喊得嚟係好惹味，有馬拉盞風味，用嚟撈飯一流，最鍾意白椰菜花夠爽口。主菜：⭐️⭐️⭐️⭐️⭐️海南雞飯招牌菜，果然名不虛傳，雞肉夠嫩滑，肉質新鮮唔會鞋，非常有咬口。配上油飯，真係完美！個雞汁無得頂，唔會太油太喊。蒜蓉汁、辣汁、豉油，點雞多重口味，用嚟撈飯真係好好食。比平時食多兩碗飯😅😅😅甜品：⭐️⭐️⭐️凍燕窩豆腐花，滑滑的感覺，好香豆腐味，咬落仲有燕窩口感，感覺非常滋潤！秋冬食最好，如果係熱食，我會覺得仲正！ 最後自己叫多杯奶茶，呢個二人餐無包飲品。見到佢地出名手沖奶茶、咖啡，係人手用靚茶葉沖出來，特別有馬拉新加坡風味！所以我叫一杯試吓，熱奶茶非常香濃，我夜晚飲奶茶可能會瞓唔着，不過我都要試吓！真係好香茶味，略為帶甜，加咗煉奶落茶底。可以下次叫少甜！總結：⭐️⭐️⭐️⭐️⭐️非常滿意的一餐，基本上無投訴！食得好滋味，每款菜都做得有心思。上菜速度快，環境舒服，下次再試其他野。…查看更多

今日同朋友慶祝佢升職加薪，好耐無見，搵個可以傾計食串燒飲啤酒的地方！就試一試屯門市廣場呢間串燒店！店舖位置好方便，就在市廣場地下電器街旁邊，都很容易找到！ 晚上8:00 到達，兩人已訂檯都不用等，店員很有禮貌帶我們入座。店內日式裝修、日本畫作、酒瓶裝飾，而家無得去日本旅行，暫時能化解思鄉的感覺😭😭拿起餐牌，選擇太多了！😍有肉類、蔬菜類、海鮮類串燒小食，2個人傾計飲啤酒，串燒小碟！好享受！燒三文魚鯕：我鐘意食三文魚，呢個內軟外脆，少少鹽調味，加少少檸汁，送啤酒一流，好好食👍🏻好味指數：⭐️⭐️⭐️⭐️⭐️冰菜沙律： 天氣咁熱食冰凍菜真係好爽，脆口彈牙，加上胡麻醬汁，好清新口感！ 推介！ 好味指數： ⭐️⭐️⭐️⭐️支豆： 送啤酒又一推介，鹽鹽地仲熱熱地，傾下計，食下豆，好享受好開心 ！ 好味指數： ⭐️⭐️⭐️⭐️豬腩肉卷葡萄（提子） ：好特別的組合，豬腩肉片包住青提子，食落好爽好清新，有提子就唔會咁油，感覺健康！肉類水果的配搭，互相呼應。 好味指數： ⭐️⭐️⭐️⭐️..大蔥卷：我鐘意食蔬菜，大蔥燒完會有點乾身，會痴牙，但我本人喜歡蔥味，好香好濃蔥味！正呀！朋友就唔食蔥，我食晒😍好味指數： ⭐️⭐️⭐️..燒雞皮： 雞皮唔洗多介紹，燒完脆脆的，有硬口，又係送啤酒推介！ 佢整得好，唔會多油！ 口感爽脆👍🏻好味指數： ⭐️⭐️⭐️⭐️炸蠔：呢個最愛，鐘意食炸野 因為自己唔識整，香口脆脆外層包住軟芯蠔肉，一咬就停不了，食咗兩碟！ 好味指數： ⭐️⭐️⭐️⭐️⭐️炸紫薯餅： 又係炸物，同樣外脆內軟，紫薯肉泥好香好軟，好好味，食多兩件都唔怕！😅😅😅唔會熱氣！好味指數： ⭐️⭐️⭐️⭐️甜品：燒菠蘿呢個俾5星星好評，好味指數： ⭐️⭐️⭐️⭐️⭐️本人好鐘意食菠蘿，燒完熱熱的，又香又甜，仲好細心切好粒粒，方便客人食用。呢個強烈推介！ Encore ！ 總結： 這是和朋友傾下計，飲下啤酒，食下串燒的好地方。坐位舒適，唔會太迫太嘈雜！一定要再食燒菠蘿！…查看更多

中午12:30 見到最近新開coffee shop, 唔洗等位直入，環境好優美，日式簡約環保設計裝修，俾人舒適自然感覺！😉😉😉前座隔開有3張檯可以俾小狗一起用餐，貼心！ ✅入座後自己出去買東西購票，咖啡有很多款選擇，食物價格偏貴，每款都是$80- 100+左右，再配咖啡飲品（有半價）人均消費約$150 ✅我叫了Green Day ， Dutch Baby Pancake 我以為是好像All Day Breakfast 🍳 咁樣，上菜時原來是像Pizza 模樣，看起來我真的不能接受。Menu 上沒有圖片，是我自己會錯意，無辦法更換。 即管試一試，Green Day 是素菜食材，包括牛油果、芝士、大啡菇、薯仔、菠菜、忌廉汁、7.5寸荷蘭鬆餅。表面鋪滿香濃芝士，切開入面，就是芝士包住很多食材 ，食落好快好飽。但是，荷蘭鬆餅麵包實在太難食，味道完全不配食材，我放棄了乾身麵包底。好了！我叫了熱朱古力，細心地畫了獨角獸🦄️圖案，影相一流！ 味道方面有待改善，唔太熱，唔夠甜（我ok, 我怕太甜） 飲到一半，成杯朱古力起泡，唔算十分好飲。 總結： 環境優美，適合打卡影相 但食物偏貴，味道有待加強改善。 …查看更多

中午lunch 到鑽石山荷里活廣場，好多餐廳要等位。😢呢間竟然唔使等，地方闊落，可容納多客人。入座點餐，職員都好有禮貌！ 😍😍😍😍Set lunch 價格$50 - 80 都很抵食 👍🏻👍🏻👍🏻我叫了套餐： 餐包仔、主菜、南瓜湯、飲品。✅餐包仔：唔熱，凍的，配上黑醋汁食。好過無！ ✅主菜： 紅咖哩雞扒意粉咖哩唔辣，意粉無味，西蘭花無味雞扒好大件抵食，兩邊煎香咖哩汁唔似咖哩味，有待改善。✅南瓜湯：色澤鮮豔，賣相不錯可惜淡而無味，如果加強味道更好。 ✅飲品： 熱奶茶普通水準，不過不失。總結：一間裝修很靚，位置優越的西餐廳，食物水準卻就是茶記快餐咁樣，有點失望！ 希望日後有改善！…查看更多

平日day off 行完旺角想食tea , 路經桔梗去睇睇有咩下午茶！ 結果係無！ :(:(:(無試過，所以試一試，入座唔洗等，因為好多座位，地方好大，還有第二層 地方夠闊落。 電話落單，都好多定食，有台灣文青cafe 感覺，朋友點了東坡肉飯定食。上菜大約等十分鐘左右，都算快！職員送上月餅試食，味道不錯！ 整體賣相吸引，東坡肉好味，如果多汁更好，而家肉質比較乾身。 飯好好味，還有紫菜碎點綴，配菜有滷水蛋、支豆、蕃茄！配菜一般，無太大驚喜。 個餐仲唔包飲品，百幾蚊，價錢少少貴🥲唔係太抵食。 我就點了巴士克芝士蛋糕及凍朱古力咖啡。 凍的芝士蛋糕，有點失望因為比較硬，但賣相精緻！食落都唔錯，一個人食唔晒都好大件。再叫杯凍咖啡😀咖啡好飲總結： 地方夠闊落🧑🏻‍🦰👦🏻同朋友坐左一個下午🤣🍴☕️舒適的文青cafe 📷 推介 …查看更多

去尖沙咀厚福街食lunch , 我12:00 入座，場內大把吉位。 坐在冷氣風口位置，我覺得好凍，我自行要求換位，長髮年輕女職員好無禮貌，黑面大聲對我說「呢度唔凍」，示意唔俾我換位。 而家我覺得凍，為什麼唔準換位？ 而且店內好多吉位，場內只有3 檯客。為什麼店員這樣沒禮貌？ 我很驚訝。 食物性價比高，上菜快，食品質素滿意！雜錦魚生刺身飯😋好好食，刺身材料很多，夠大件，性價比非常高！刺身有啲色澤看上去未夠新鮮，但幾十蚊一個套餐都算很優秀！ 蒸蛋好滑夠材料，麵豉湯沙律正常品質！Bar 檯師傅製作認真而且快手但侍應女職員如此惡劣態度就算食物好食，下次唔會再幫襯。 做日本餐廳，要有日本人最基本禮貌 ！ 惡劣員工只會破壞品牌，食物幾好食都無用。…查看更多