Café Crêpe (K11購物藝術館) (已結業)

懷念法國街頭美食Crepe, 所以見到呢間法式crepe 餐廳，就好鐘意。 在舊K11 當眼位置，超方便，位置不多，大約20人座位。門口有飽點及飲品，當然要食signature crepe! 好多款式揀，有咸有甜，我個人鐘意甜crepe, 見到西多士Crepe 好有香港風味，價格$69，可以試吓。 其他款式有勁多材料，價格$100左右，如果叫埋飲品大約$50一杯，一個人消費大約$150 。 我今次叫西多士crepe $69, 花生醬、蜜糖、肉桂香，會甜但好香花生醬味，crepe 皮薄小脆，如果可以熱啲更好，上檯好快已經放涼了，未夠熱。再叫多杯雪糕affogato $48, 溫呢嗱雪糕再配凍啡，夏天飲好正！但味道一般，啡味不夠濃，俾冰和雪糕沖淡。整體來講，用餐體驗好享受，輕輕鬆鬆，嘆個afternoon tea, 環境舒適優美，門口落地玻璃夠光猛，值得再次光顧，試試其他款式。價格是偏貴的，沒辦法這是尖沙咀k11 地舖人工貴，都可理解。