ErnoCheung的个人专页

自從疫情後少左出街食飯，番鄉下（日本）番得密左都少左出街食日本野，今次經過記入左去叫左個平目魚藍鰭吞拿魚赤身丼，平目魚係我其中一款鍾意食既魚，平目魚火灸過之後魚油豐富，有淡淡灸香魚肉軟滑。赤身新鮮平衡番平目魚既油脂感，飯既溫度軟硬適中，十分滿足😋…查看更多

自從永順裝修咗之後好耐都冇再去過食，因為假日實在太多人排隊成日滿座，今日難得平日放假，一於扚起心肝去食個靚早餐。我今次一個人去食比較容易攞位並不需要等，叫咗每次都必點嘅沙嗲牛麵同埋凍奶茶，另外加咗塊炸豬扒。佢個沙嗲牛湯底依舊一樣咁濃郁，我忍唔住飲多咗幾啖湯，雖然我都知道係好邪惡。凍奶茶樣都係咁好飲，甜度適中好啱我口味。個炸豬扒上嚟嗰陣都夠熱，本身佢個調味比較偏淡，所以我點埋辣椒醬食。都係一餐滿足嘅早餐🤓…查看更多

最近疫情嚴重，少咗外出食飯，但始終對依間有台式風味嘅小店有種口癮，於是我又再嚟到依間餐廳回味一下，亦都仍然有唔少人幫襯，座無虛席。今次我都係叫咗招牌嘅羅東肉焿湯加大魯肉飯，肉焿湯滲着麻油嘅香氣，肉焿厚實彈牙。魯肉飯肥而不膩，令人一啖接一啖咁食。另外仲叫咗個乾拌麵同埋鹽酥拼盤，鹽酥拼盤有甜不辣，炸花枝丸，四季豆同埋鮮蝦卷，十分香脆入味，入面我最鍾意甜不辣，彈牙有口感。配埋冰凍嘅冬瓜茶真係食得十分滿足😋😋…查看更多

元朗小店好多，台灣菜既選擇都唔少，而依間係我心目中嘅第一位，雖然店面唔算大，菜式種類包括甜品都多選擇，而且間唔中會推出新菜式，我已經嚟過唔少次，但始終隔左一排就會想再食，今次同女朋友食左每次必食既羅東肉焿餐，除咗肉焿湯之外仲有滷肉飯同埋一杯嘢飲，今次我就叫咗杯凍冬瓜茶。肉焿湯濃稠度啱啱好，肉焿又香又有咬口。滷肉飯有油香得來唔會太滯。另一樣叫左新出品既薑母鴨湯米線，鴨肉味濃湯底又夠薑味，冬天食十分暖胃。加埋小食古早味雞卷同埋甜品仙草芋圓+沖繩海鹽雪糕。雞卷皮脆肉嫩，鮮草芋圓甜度剛剛好。正宗台味道實在係大滿足…查看更多

今日陪女友去北角整頭髮,作為男人嘅我,梗係接受唔到坐定定咁等一個人啦😂😂所以我就決定係呢段時間去搵嘢食🤓咁啱經過見到呢一間食日本嘢嘅餐廳,考慮左一陣就入去試一試啦！入到去見到呢間餐廳,唔稱得上係好大同好高級嘅裝修,但係就俾到一種好親切嘅感覺我可能係因為細細地嘅關係,拉近左距離!!睇完餐牌之後我決定叫特上活一鮮丼,帶子海膽蟹棒卷,燒松葉蟹羔😋😋特上活一鮮丼上面..放滿左好多唔同種類嘅刺身,其中較為高級嘅係海膽,食落都係新鮮同埋肉質比較肥美,都可以話係一個人嘅分量👍🏻帶子海膽蟹棒卷可以算係壽司,飯裏面包住左蟹棒,至於海膽帶子就放左係上面,可能係個口大嘅關係啦😂😂我可以一啖就食哂,上面嘅刺身都評論唔到啲乜🤔,可以評論嘅係佢包着蟹棒嘅飯,出面壽司嘅都較酸,而呢到嘅飯就啱啱好👍🏻燒松葉蟹羔方面呢...蟹羔分量非常多,能夠帶出到松葉嘅香味,配搭埋我叫嘅「雪影」酒,簡直係送酒嘅最佳食品🤣🤣如果下次再經過呢頭嘅話,我會選擇食多一次架!!!…查看更多

每次路過都被這間餐廳的名字吸引，雖然想試好耐但係每次都好多人排隊。今次終於有機會比我食到，餐廳有室內同室外，室內嘅可以望住吧枱睇到調酒師調酒，另一邊又會見到廚師烹調美食，環境休閒寫意。我同朋友點左澳洲M5和牛內腹牛扒同埋set dinner 三文魚子八爪魚檸檬忌廉汁手工闊條面，個set仲可以加$48食煎鵝肝，包埋餐湯，沙律同埋蒜蓉包。嘢飲方面我叫咗兩杯mocktail, sour soda同white sangria。和牛扒份量很足，味道十分出色，我和朋友不停搶住咁食，配菜炸薯條亦都十分可口。另外意粉清新嘅檸檬忌廉汁令到個意粉唔會太滯，加埋新鮮嘅八爪魚海膽同三文魚子令味道再提升一個層次。mocktail都調得好順喉好好飲，伊間餐廳絕對值得一食再食。…查看更多

難得星期五放工想搵間餐廳食好嘢，嚟到就發覺自己登上左大雅之堂，餐廳環境好Grand好典雅。餐廳分咗兩邊，一邊有酒櫃有吧枱，而另一邊就係正常西餐廳嘅格局。餐牌好多種類樣樣都好吸引，我點左北海道帶子魷魚意大利飯，一邊有勝瓜同玉子豆腐，加上少少鹹香嘅蛋黃醬，配搭十分之好又唔會太滯。另一樣係威靈頓美國特級牛柳配菠菜同埋烤薯。牛柳好嫩又有肉汁，酥皮鬆化又唔會太油。另外叫咗兩杯嘢飲，一杯係烏龍茶蜜糖牛油果奶蓋同埋朱古力爆谷厚鮮奶，特別之餘又好飲。最後我仲忍唔住叫咗個甜品蘋果批配雲呢拿雪糕。總括嚟講餐廳食物質素高，環境舒服，侍應服務得都好周到，係Happy Friday好嘅選擇😋😋…查看更多

話晒車仔麵都係香港嘅特色美食之一，平時我都鍾意周圍試吓唔同鋪頭嘅車仔麵，平時經過都見佢鋪頭多人食，今日一於嚟試吓。鋪頭入邊都算乾淨座位唔會太逼夾，最特別嘅係入面有一部夾公仔機。佢性價比都幾高， $38有四個餸一面。佢有好多唔同餸選擇，竟然連花膠都有。所以我叫咗花膠，腐皮蝦卷同埋滷水雞翼。另外佢有自家製嘅辣汁同埋辣菜莆，落咗少少個湯都昇華咗，個花膠都好厚身，吸埋啲湯汁辣得好過癮。另外佢仲有啲特色小食好似炸鵝肝同柚子雞翼，個雞翼炸得好香脆仲有淡淡的柚子味。整體黎講味道唔錯，有機會諗住試吓佢其他唔同嘅餸…查看更多

我和女朋友都喜歡吃辣的東西，所以泰國菜是我們比較想吃的菜式。今次來到這間觀塘工廈裏的泰國菜，位置比較隱蔽，但到了餐廳範圍已經看到有不少人在門外排隊。大約等了10分鐘便到我們入座。餐廳裝修外觀雅緻整潔，菜式飲品也有不少選擇。我們這次點了泰式海南雞半隻，豬肉雞肉沙嗲串燒，青芒軟殼蟹沙律和泰式鮮蝦炒金邊粉。整體味道都10分不錯，調味不會太濃，吃完也不會口渴。海南雞配以三款醬汁調味，各有特色。沙律爽脆清新，軟殼蟹炸得恰到好處。是我們比較喜歡的兩道菜，其他兩款味道也不錯，埋單$385價錢合理，會想再次到這間餐廳試試其他菜式。…查看更多

今天和朋友終於試到很久以前已經很想嘗試的養心殿火鍋，我們一早已經訂坐，不用等便可以進去開始大吃大喝，這間餐廳的裝修古典雅致，座位不會很迫。我們首先點了美人鍋和祕制姜母鴨鍋，兩款火鍋湯底都很足料，美人鍋主要以烏雞為材料湯底清甜美味，建議在打邊爐前先喝幾口嘗試。而火鍋材料方面，我們點了手切肥牛，自製水蓮餃，魚皮餃，墨魚滑，即炸脆響鈴，蔬菜拼盤和千層凍豆腐。最為驚喜的是肥牛和響鈴，肥牛肥瘦適中，油脂分布均勻，響鈴新鮮即炸，爽脆可口。其他食材亦比一般火鍋店的品質較為好。最後結帳時還有甜品贈送，我們點了榴槤雪糕， 濃郁香滑，感到十分美味和滿足。…查看更多

今日和朋友放工後來到觀塘吃晚餐，由於朋友想吃西餐的關係，我們便來到這間位於活化工廈中的餐廳。等了大約10分鐘到便可入座，餐廳環境舒適寬敞，設有梳化座椅，還會聽到旁邊餐廳的註場歌手唱歌，增添了不少氣氛。剛剛坐下職員已給我們一份薄脆作為餐前小食，之後我們每人點了一份set dinner，包括沙律，湯，主菜，飲品和甜品，十分豐富😋我點了香烤澳洲寶雲蘇羊扒拼法蘭克福腸，而我朋友點了炭烤美國牛肉眼扒拼黑毛豬肋條。沙津份量比正常多，湯也很夠熱。羊扒沒有羶味，肉質鮮嫩。肉眼扒烤到medium, 沒有overcook令扒太乾，另外配菜有紫薯泥十分特別。之後加上飲品和朱古力mousse 蛋糕, 十分滿足。係happy Friday 想輕鬆嘆好食物之選😄…查看更多

今天我和朋友打完波後十分肚餓，就來到這間餐廳吃晚餐。餐廳的裝修以船為主題，放置了許多特色的擺設，環境不錯座位也很寬敞。由於很肚餓的關係我們點了很多菜式，有紐西蘭極級鐵板牛扒$78, 我哋叫咗七成熟，牛扒十分厚身，而鐵板亦夠熱，加上其他配菜味道配合得很好，第二樣係船長龍蝦汁海鮮異色會珍珠飯$85，海鮮也很足料，如果龍蝦汁更為濃郁會更加好。其他小食包括韓風芝士焗青口$29，蜜燒葡萄柚子雞翼$28，白酒汁煮珍珠硯$33同埋椒鹽魷魚酥$38，其中以魷魚鬚最為出色，炸得香脆可口新鮮熱辣。而飲品我哋點左一杯鮮檸巨峰梳打$13同埋荔枝玉露得飲$12，買單計埋都係$300左右，真係抵食夾大件，推薦各位來試試。…查看更多

今日嚟到旺角試咗依間台式飲品，佢嘅招牌有兩款第一係黃金珍珠奶茶，第二係芋圓奶茶，我點左一杯半糖少冰嘅竽圓奶茶，佢仲有分中杯同小杯，我點左中杯價錢係＄25。由於門口嘅人好多，我杯奶茶最後大約等左10分鐘。佢飲品唔算好大杯但十分足料，有好多芋圓，亦都有啖啖既竽頭味，間中食到芋粒，唯一比較唔好嘅係個茶味唔夠濃。…查看更多

今日放工同同事打算去呢間食炸雞放題，佢係＄148每位食90分鐘，飲品價錢另計，如果四位以上會送一個主食，我哋揀咗鐵板芝士公仔麵，另外每位都會有一客沙律，前菜就有粟米同埋酸蘿蔔，佢一共有七款雞俾你揀，每款一份有四件，我哋一共七人所以就每款都叫咗兩份，佢除咗有柚子炸雞冇得點之外其他都可以選擇嘅，佢嘅炸雞都十分新鮮，出到嚟都係好熱嘅，另外都要睇佢個大韓總廚炸雞，佢辣得黎十分之過癮。推薦大家一試…查看更多

今日黎左伊間懷舊傳統裝修嘅糖水舖，佢以中式糖水為主，例如比較少有嘅桃膠同埋潮式嘅清心丸，再加上台式既芋圓。今日我點左清心丸配綠豆爽外賣番屋企食 ，係十分清爽嘅選擇，清心丸煙煙靭靱好有咬口，糖水底十分之清爽唔算太甜，仲有粒粒去皮既綠豆，同我地一般食開嘅綠豆沙既綠豆唔同，另外我仲加咗芋圓，仲有好多其他嘅配料可以自由加落去，夏天食十分解暑。…查看更多