SelinaFong1的個人專頁

星期五放工嘅晚上✨同朋友嚟到一間喺蘭桂坊嘅西餐見到呢幢嘢…嘩真係諗起以前zentral😂😂（暴露年齡）餐廳非常闊落，裝修都好Grand✨仲可以睇到香港夜景一坐低侍應會問你想要咩水我哋叫咗一個signature sharing menu😋每人包咗一份餐包🥯❣️前菜：生牛肉他他、脆炸金針菇、棒棒蝦用牛骨形狀嘅容器裝住生牛肉他他，面頭加咗脆片增加口感，調味唔錯～脆炸金針菇好特別🤣有啲似食緊天婦羅同棒棒蝦一樣炸到通脆，加咗少少椒鹽蝦就類似炸春卷咁樣，熱氣to the max🤣❣️烤牛骨髓佢嘅食法係用匙羹潷起啲牛骨髓🙉再配麵包加薄荷葉一齊好特別嘅一道菜🤣完全諗唔到牛骨髓可以咁樣食配麵包同薄荷葉等等嘅蔬菜一齊食會減低肥膩感😉肥得嚟都幾香口🤣🤣❣️和牛臂蓋肉全晚嘅主角嚟啦😍我地叫咗medium rare入口即溶😋牛味濃郁🤩！完全冇筋！！果然係非常出色嘅一道菜☺️❣️蘆筍蘆筍上面加咗啲三文魚子，可以突出返蘆筍嘅鮮味本身個人唔係太鍾意蘆筍但係佢整到好腍而且好大條😂😂唔錯唔錯😎最後甜品係carrot cake☺️滿意…查看更多

每次嚟中環見到餐廳附近係大館，都知又要行上山行死me行完上山之後已經好攰好肚餓，點知朋友話另一邊有電梯⁉️非常傳統隱身喺普通商廈嘅西餐，踏入門口見到一大片好chill嘅室外座位，但行上山太熱決定坐入面嘆下冷氣先><唔係叫左好多野，但啲主菜份量真係大得誇張😳❣️頭盤：吞拿魚醬牛仔肉頭盤就唔係好多，不過每片牛仔肉都有芝士同橄欖橄欖好好食，酸酸鹹鹹嘅頭盤令人胃口大開👍🏻❣️pizza: Gamberi大蝦非常之喜歡Pizza嘅餅底！厚身煙靭，唔會硬到咬唔開，敲過之後有Pizza獨有嘅香味☺️除咗蝦之外，pizza仲落咗水牛芝士同埋布拉塔芝士，兩種芝士加埋嘅味非常香，但唔會令人好滯嘅感覺😋Pizza係蕃茄底，佢講係店家手工製😳如果會飽肚，都係因為份量太大😹略嫌有少少邊邊位烤燶咗，不過唔大影響～❣️pasta: 自家製安格斯牛肉丸意大利麵上枱嘅時候分唔清呢一碟究竟係意大利麵係主角定係牛肉丸係主角😨啲牛肉丸牛龜咁大粒‼️牛肉丸好濃牛肉味，同漢堡扒差唔多嘅感覺😂意粉都係蕃茄底，份量巨多😆加埋Parmesan cheese ，熱量爆表🙉🙉…查看更多

#Linaat尖沙咀尖沙咀收工繼續搵野食！同朋友嚟到一間酒店餐廳食晚餐，人流好多非常熱鬧餐廳行暗黑路線，裝修都比較工業風職員安排我哋坐吧枱，可以睇到員工調酒😍❣️Cocktail-Pearadise, Wandering Voyage首先先嚟兩杯餐廳嘅signature Cocktail Pearadise 有支玉簪喺上面😂行古典中國風飲落去好特別嘅味道 亦都有淡淡嘅梨味 真係好似飲緊中式嘢飲咁 雪梨水嗰種感覺🤣但係又有酒味Wandering Voyage相對比較甜一啲，以椰子味為主上面有爆谷一齊食，整體都好啱女仔飲呢兩款都係比較創新，但係都睇到Bartender嘅專業，仲好有耐心同我哋介紹兩杯飲品，不錯不錯☺️❣️無花果Parma Ham沙律配巴馬臣芝士、松子仁及黑醋橄欖汁超級大碟沙律！仲有四大舊蜜瓜俾你餸Parma Ham仲有好多蔬菜、無花果、連埋芝士一齊係一個非常之好嘅前菜，酸酸的食完完全開咗個胃🤤❣️吞拿魚牛油果泡沫他他配自製羅勒醬吞拿魚他他好fresh ！牛油果泡沫我都係第一次食非常新奇😆配埋吞拿魚一齊食可以減低有機會出現嘅腥味連埋羅勒一齊酸酸地，又係一道開胃菜🤗❣️香煎牛封門椰牛肉熟度恰到好處，完全唔會韌，可以大口大口咬牛肉食落去好有牛味，點埋旁邊嘅醬汁兩者好夾，可以解到牛肉嘅膩👅❣️和風醬油大蝦煙肉扁意粉呢個意粉好好食😍有少少日本fusion菜嘅感覺但係出奇地原來醬油配扁意粉係幾夾😂😂大蝦都有三四隻，上枱嘅時候仲出緊煙，好好味🤣因為餐廳行呢個暗黑風格打造高貴感，令到餐廳氣氛好好，非常適合約會同慶祝👍🏻員工親切有禮，會主動問我地係咪冷氣太大🫶🏻我地食完喺度吹左勁耐水都冇比人趕🤣佐酒小食都會供應到凌晨2點✌🏻回頭率：4.5/5…查看更多

真係尖沙咀返工真係周圍都好貴💀除非餐餐食米線同事介紹咗呢間食一人Pizza嘅餐廳俾我門面細細唔係仔細睇都會睇唔到，或者睇到都唔諗住去食點知價錢相宜之餘仲非常之好味😍😍😍😍😍佢係可以Cambo咁樣嗌，我同同事都各自嗌咗一個Pizza，一個沙律，一隻雞翼，一份薯條加杯嘢飲😛❣️Crusti Pizza Combo我叫咗海鮮配蜜糖薯蓉pizza ，同事叫咗韓式辣豬肉講真兩個Pizza都好！好！味！😭蜜糖薯蓉做pizza我諗出邊都比較少見😳海鮮份量就唔係太多，都係類似平時買到嘅急凍細海鮮包，不過見到都有隻炸蝦喺面至於蜜糖薯蓉就勁好味！諗唔到可以放pizza上面😍同事嘅韓式辣豬肉都好正，係真係餐廳嗰種韓式辣豬肉😂而且都幾辣🤣Pizza係薄脆底 分開六份一個人食我諗都飽晒最重要你又唔會覺得好Heavy沙律可以選擇甜醋或者涼拌沙律細細杯見到有蕃茄仔有啲雜菜咁樣🥗薯條可以揀普通薯條或者番薯條🍟一定係揀番薯條‼️即炸超熱氣 不過甜甜地點埋佢嘅蛋黃醬簡直係Perfect🔆講起都有啲想食雞翼就係香烤雞翼，得一隻其實都係諗住過下口癮點知佢個雞翼都好鬼入味🤤嘢飲就可以嗌汽水或者嗌啲果汁 我同同事都嗌咗白桃汁正常都係平時樽裝嘅味道咁樣嘅份量只係$64！我係飽到薯條同雞翼都拎咗返公司🤭餐廳採取自助形式，要自己去拎同埋拎返個托盤去回收處～不過呢啲餐廳都唔係食服務㗎啦🤣回頭率：5/5其實佢仲有意粉焗飯嗰啲，不過同事話Pizza係最好食😇…查看更多

呢間餐廳相信大家都唔陌生😙水準不嬲都好高不過我都好耐冇嚟食過今次嚟到見佢啲Menu都轉晒同埋食晚餐又同食lunch唔同，所以叫咗啲主菜同大家分享～❣️慢煮八爪魚墨汁燴意大利飯（$138）雖然個樣黑蚊蚊，但係我很醜但是我很好味～個飯好濃郁👍🏻比較濕身 所以每一粒飯都充滿住個汁嘅味道八爪魚份量好多，不過略嫌煮得唔係好夠腍可能慢煮就係比較咬口？不過總括嚟講個飯都幾特別☺️❣️輕煎北海道刺身帶子蟹黃意大利麵（$158）好食！帶子刺身及好鮮甜又大隻🥰意粉每條都掛汁，本身擔心會有啲漏但係完全冇呢個問題調味都10分恰到好處😊❣️西班牙豬鞍架配柚子蛋黃醬（$198）豬鞍超級大塊‼️可能有我一節手指公咁厚🤣煎得乾身但係又唔會好柴，切開仲有好多肉汁配嘅柚子蛋黃醬非常新鮮，仲好Fresh令到食肉都唔會覺得好肥膩👍🏻啖啖都係肉咬到牙都攰🤣今次就淨係試咗三樣，因為都飽飽地就冇特別試佢嘅甜品聽聞開心果疏乎厘係最出名，等下次個胃有返多啲空位再嚟試啦☺️…查看更多

上海有間好出名嘅生煎包叫小楊生煎佢嘅皮脆多汁真係好出色😍但係估唔到而家香港都有一樣咁出色嘅生煎包🥹呢間爆紅生煎包之前大排長龍今次嚟到屋企附近嘅元朗分店試下先～一坐低已經有免費豆漿非常香濃嘅豆味 低糖配方飲完可以無限任添☺️❣️原味生煎包❣️蟹黃生煎包❣️瀨尿蝦生煎包真係一咬爆汁‼️‼️‼️‼️差啲焫親個嘴😖原味豬肉新鮮，蟹黃味真係食到黃色蟹黃鮮甜🤩新嘅瀨尿蝦味更加特別，我諗第二個地方都食唔到😂不過調味都幾重手 我覺得可以淡返少少🫢個皮當然都係煎到非常脆！❣️蔥油拌麵上海麵食，有蔥油同豉油，仲有啲乾蔥絲簡單調味都好好食，面好似係用咗油面，而且可以揀少油嘅option👍🏻❣️雞湯小雲吞呢個亦都有驚喜，雞湯鮮甜唔會鹹雲吞雖然唔係好大粒嗰種廣東雲吞，但係皮薄餡多😊爆紅都係有原因！食2個其實已經好飽🤣大隻過小楊生煎🤣…查看更多

完全唔知道諾士佛臺有間隱世韓式居酒屋！喺普通商業大廈樓上嘅佢由韓國人主理～可以食到正宗韓國味道👅❣️前菜6小碟（free)有6款嘅小菜可以添～最驚喜係有辣魚糕🤩其他仲有泡菜菠菜小魚乾等～❣️辣醬炒豬肉超級惹味😍😍😍不過都真心幾辣唔係講笑🤣送飯真係一流！除左豬肉仲有金菇洋蔥用生菜包住食減低油膩感我最鍾意就係連埋生蒜一齊包😋❣️鮑魚人蔘雞湯好明顯呢個係非常適合香港人嘅味道☺️人蔘味唔算好重 但係雞湯好鮮甜仲有少少糯米好似食粥咁雞肉好嫩滑 鮑魚亦都好彈牙❤️店員會幫你剪好晒隻雞同埋鮑魚全部都可以一啖就擺入口‼️❣️炸雞拼八爪魚 蜜糖味呢份無骨炸雞拼八爪魚炸得好香口炸雞Juicy 加上蜜糖味甜甜地 令人忍唔住一嚿接一嚿八爪魚唔會好韌 見完都係會幫你剪到好細粒食得好方便🤗❣️荔枝沙冰叫咗一jar兩個人share食完辣豬肉再飲啖沙冰完全解晒所有辣😊可惜因為病緊唔可以飲酒店家有非常之多種cocktail同燒酒好適合收工之後過嚟飲番杯呢😇回頭率：4.2/5…查看更多

川菜開到成行成市荃灣算係比較多競爭嘅一個區～嚟到悅來坊幫襯一間比較隱蔽嘅川菜館估唔到得幾有驚喜😍❣️老壇酸菜魚（小）（$218）可以揀小辣！上碟嘅時候都已經非常大碟‼️魚嘅份量好多～配料仲有萵筍同薯粉☺️講真啲魚多到我哋兩個人都差啲食唔晒😂薯粉同萵筍都係出色嘅配料👍🏻唔使額外加錢我覺得佢嘅味道比起連鎖店更加好食！！❣️天府雲吞菜膽雞($158)本身想叫冰鎮咕嚕肉，可惜賣晒🤣咁就試吓呢個雞啦～估唔到都好好味🥰首先個雞好靚 肥瘦均勻其次雲吞都有七八粒，大大粒嘅鮮蝦雲吞個湯好清甜 食咗啲重口味嘅酸菜魚食返呢個湯喉嚨就好c服😻❣️清炒萵筍絲($88）菜嚟講其實有啲貴，不過師傅炒得好有鑊氣除咗萵筍仲有菇，唔經唔覺就一啖接一啖😋❣️紅糖糍粑（$58）有六大條勁粗‼️啱啱炸起嘅糍粑連埋黃豆粉同黑糖漿為呢一餐畫上完美句號🥰回頭率：4.3/5…查看更多

荃灣不嬲多餐廳，今日嚟到一間小店食西餐本身都係隨便搵，見佢有非常多好評果然質素真係唔錯😆首先一嚟係免費餐包🍞餐包配左黑松露牛油 好味好味😋❣️V8田園沙律 （$138）本身覺得138一兜沙律都幾貴但上到枱就發覺其實份量質素都起返到沙律菜好新鮮，沙律菜都唔係普通嘅生菜仲有落咗大量牛油果、無花果同蕃茄仔簡單以醋調味，開胃又健康🩷❣️椰菜花龍蝦汁燴意大利飯 （$258）呢個意大利飯都好好味😍首先佢個汁好濃郁有龍蝦味亦都有芝士 但又唔會好滯😙個飯仲可以拉絲仲有一大嚿龍蝦肉😍😍❣️蘋果木燒西班牙黑毛豬鞍扒 （$80）全晚嘅重頭戲就係呢塊扒！做緊優惠只係$80‼️豬扒勁好味！有燒出嚟嘅木香味，肉質彈牙配埋隔離嘅薯仔洋蔥（餅）都好好食食到有啲牛油香同埋忌廉 個皮仲係脆脆的餐廳推介芥末籽汁，好似仲有紅酒燒肉汁可以選擇～配菜仲係甘筍而唔係紅蘿蔔！全晚餐廳服務非常好，時不時都會幫手斟水食完都唔會俾人趕走，侍應都笑容滿面☺️回頭率：4.5/5…查看更多

天水圍終於有一間出色糖水🥹住左喺度咁耐 睇住啲糖水鋪係咁執😂趁住母親節同阿媽行街，發現開左間新野😂😂可能都唔新 唔知開左幾耐呢🤣❣️椰汁桃膠芋圓（$40）椰汁好香濃，桃膠有咬口唔會煲到冧晒😍最出色都係芋圓！竟然有綠茶味！綠茶味都幾濃 比番薯同芋頭味更濃👍🏻👍🏻份量仲好多添🩷❣️蛋白杏仁露（$41）杏仁味好香好濃，同埋都係超多蛋白！加咗$5要多隻雞蛋，食完飽到上心口！😍❣️朱古力窩夫($30)熱辣辣嘅窩夫上面鋪滿朱古力醬同oreo 凍熱交融咁口感好好🤪同埋窩夫都好脆❣️牛肉球燒賣雙拼（$18）牛肉球超大粒 燒賣係豬肉燒賣唔係魚肉燒賣爽口彈牙😚有埋辣油喼汁就更好味本身諗住過嚟食少少嘢，點知食到飽晒🤣終於天水圍都有一間出色又多嘢揀嘅糖水舖啦🥹餐廳仲有綿綿冰食！不過今次就飽咗冇試～…查看更多

同朋友一齊食大排檔揀咗好耐冇食嘅妹記，都唔知佢尖沙咀原來開咗舖頭價錢唔算好進取 諗住都係大學嘅味道點知上碟大家都嘩嘩聲因為真係少到離譜黃金蝦球呢度多謝$128😅😅😅真係得幾隻 又唔係大隻會唔會太離譜西蘭花炒帶子$118影落去好似帶子都唔少 但其實個碟真係好細望吓個蠔油碟都可以佔咗¼碟就知啦基本上可以講碟頭飯嘅量都多過佢仲有其他黑椒薯仔牛柳粒 冇影到夾埋唔知有冇五嚿牛柳味道唔算好差但係冇咩特別 薯仔冇炸過食大排檔都係想食個風味但係呢個份量真係嚇親大家 我諗我哋都唔會再嚟🙏…查看更多

記唔記得以前細個阿爸阿媽大時大節帶自己去舊式餐廳鋸扒飲酥皮湯嘅日子？呢種舊式西餐真係買少見少🥹今次嚟到佐敦一間懷舊西餐，入面嘅員工都係有少少年紀嘅哥哥仔🙊打哂煲呔著埋西裝非常之有feel🤩❣️Prosciutto Crudo Di Parma Con Melon蜜瓜同火腿份量都好多～仲有好多生果‼️見唔見到連青瓜都切左心型🤣❣️Zuppa Di Pesce Con Sfoglia呢個湯好好味🥹酥皮鬆脆，周打魚湯好濃郁入面仲有唔少海鮮（有好大隻蝦！）酥皮連湯一齊食好正☺️❣️Gamberoni Ai Ferri大蝦好大隻 😍食得出唔係普通貨色，蝦頭仲有膏完全冇腥味餐廳用左咸蛋黃醬一齊燒，好特別又好香口仲有一大兜生果解油 好豐富🥰❣️Pizza al SalamePizza新鮮出爐 皮薄又脆😍熱辣辣嘅芝士仲有拉絲效果簡簡單單唔使太多配料都已經好好食😋❣️Sorrento Lemon Sorrent檸檬味蛋糕～好濃，不過都偏甜，螞蟻人一定鐘意😂❣️Cocco椰子雪芭用椰子殼裝住，冰凍又fresh🥳鐘意呢個甜品多啲😙❣️Summer Lover主要由多種莓類打成果汁，非常健康又新鮮❣️Fruit Paradise都係多種生果打成果汁，果汁入面仲有條雪條，造型好特別😙呢餐非常之滿足😝而且食物質素同氣氛都好好，無論拍拖慶祝都好適合，仲有真.燭光唔怪之得平日都咁多人啦！…查看更多

二訪‼️夜晚更有氣氛😜之前已經介紹過尖沙咀呢間居酒屋，今次收工過嚟再同朋友食個飯😋估唔到撞正有busking😍十分驚喜‼️今期佢哋出咗啲特色Menu，過嚟試下😝❣️產地直原條魚刺身（鯛魚）原條鯛魚超級新鮮😋上枱仲有乾冰好有儀式感😂完全一啲都唔腥 份量都幾多👍仲有幾隻醬汁可以點 有柚子辣汁同酸酸地嘅汁不過我覺得都係豉油Wasabi最啱口味🫶❣️煙肉粒牛油燒蠔仲有買一送一優惠😁 同朋友一人一隻試試佢雖然好多牛油但係都冇肥膩嘅感覺仲食得出蠔嘅鮮味👍❣️火焰滋味A5宮崎和牛粒上到枱之後和牛都喺你面前點火 保持牛肉嘅熱度🔥牛肉熟度啱啱好，仲見到少少粉紅色😙牛味濃郁肉質爽口 果然係靚牛✌️❣️藍蝶花佛手柑熊茶❣️百香果荔枝梳打兩杯飲品都非常清新🥹特別係荔枝梳打‼️仲有兩大粒荔枝肉熊菜就造型得意😍茶味都好清新😋聽住歌食飯真係特別開心～唔使去酒吧都可以聽到live😍仲可以同歌手點歌 當晚真係唱咗好多歌🤣聽餐廳講好似成個三月都有架！有時仲會有live Band添回頭率：4.5/5…查看更多

呢間泰國嘢已經第二次食啦！仍然係咁平靚正😍今次叫嘅嘢同上次有少少唔同，同大家介紹返～❣️冬陰功湯(小） $78標榜鮮蝦嘅冬陰功湯，酸辣味都好足！入邊仲好多菇～加上有三隻鮮蝦，唔係雪藏蝦！🦐每人都飲到兩大碗🥰超級開胃❣️馬拉盞炒通菜 $68基本上食泰國嘢必叫嘅菜，出品穩陣👍而且好有鑊氣🤯份量超多😋❣️泰式串燒 6串 $88豬同雞各半，如果有埋牛就更好～沙嗲味香濃仲食到少少花生粒串燒都好大串基本上食完都飽咗一半😂😂❣️鹽燒鯽魚 $148呢味餸上一次已經食過，因為實在太鮮甜太好食所以encore💕超大條魚啖啖肉😍基本上啲骨都好分明，唔使擔心有碎骨簡簡單單就咁鹽燒再點泰式醬汁已經好好食唔點汁仲食到魚本身嘅鮮甜味😋呢條魚其實成家人食都夠，但我哋兩個人都清晒🤣🤣不過都記住燒魚都要等返30分鐘以上～回頭率：5/5 食第二次就知啦😙…查看更多

去完首爾返嚟再燒燒佢🙂‍↕️🙂‍↕️其實到底係韓式定日式見佢有泡菜當住韓式先😂小菜5碟，食完可以添個人最鍾意醃蘿蔔同埋泡菜，係好適合香港人嘅口味🤣仲有生菜都係，係比等陣燒肉嘅時候冇咁油膩係包住啲肉食😇❣️八爪魚柚子醋沙律🥗（$88）八爪魚份量非常多，柚子醋酸酸甜甜咁令到個人開胃面頭仲畫咗好多芝士粉，不過我嫌芝士粉重手咗少少🐒本身係應該開胃嘅沙律突然之間變咗滯住嘅感覺😗❣️薄切A5和牛後腰配壽喜燒汁（$169）和牛真係唔同啲😍油花均勻🤤香濃嘅牛肉味滿佈成塊肉點埋佢嘅生蛋壽喜燒汁真係Perfect match😙如果可以有兩塊就好喇🤣❣️蒜蓉牛油烤帆立貝（$158）講真隻帆立貝真係好大隻🤯同埋見到塊牛油同啲蒜都好驚🤣因為一定肥到hi hi最後燒完之後會將個白飯撈埋啲蒜油同牛油一齊食呢個簡直係我食過最肥嘅飯🤣🤣好彩兩個share就冇咁肥膩不過蒜蓉牛油帶子基本上都冇得輸✨❣️超長日式牛仔骨（$188）雖然佢係牛仔骨但其實成條都係肉，只有一舊大骨黐住起個尾預先醃好嘅牛肉輕輕燒到啱啱熟就已經好足夠😋不過對於燒肉嘅技巧我諗我仲要加強😂😂有兩舊都比我燒到燶咗仲跌埋落地🥲如果有專人幫手燒就好啦🤣🤣❣️手工啤酒 芒椰奶西 夠姜唔記得咗幾錢🤣但係呢兩支手工啤真係好好飲❣️😙個人覺得薑味出色過芒椰奶西不過其實兩支都好好好味😍燒肉配啤酒真係一流👍呢間舖頭好似新開冇幾耐，覺得食物質素都OK但係要改善嘅地方係座位同通風我哋坐喺門口位其實吹唔到冷氣😷 同埋啲座位冇得挨感覺坐得唔係好舒服🙁希望餐廳之後可以照顧吓門口位嘅客人🙂‍↕️…查看更多