foodieStefC的个人专页

10點開門，不過如果唔想食all day breakfast 其實冇乜早餐選擇，當然唔介意嘅可以10點食個pizza或者意粉。。。🥲一心諗住點waffle，點知12點後先有，toast甚至要2:30，有啲不能理解里個menu🙃草草食左個唔會伏嘅nachos (作為早餐係有啲怪異)，吸收兩杯咖啡因~ 環境幾好，一早人唔多，可以睇下樓下路人進進岀岀朗豪坊，有wifi~侍應都好attentive，加多啲早餐/brunch選項就完美🥲…查看更多

十二味又開新分店啦🥳梗係要即刻支持下！今次唔食香辣嘅川菜，食下酸菜魚🤭餐廳裝修走簡約路線，掛左啲紅燈籠，帶少少中國古典風🏮講番野食，先黎左酸辣木耳，份量好多，$38黎講性價比高，爽口惹味🤗另外亦叫左川式口水雞，少少辣都幾過癮👍🏻主菜就係酸菜魚啦～酸菜魚嘅魚肉新鮮滑溜，最滿意就係酸菜真係夠酸，令湯底相當加分！酸菜魚裡面嘅粉條都值得一提，係走彈牙路線，唔會好易斷開😎食十二味真係冇試過失望，份量大又抵食，大推！😆…查看更多

疫情下嘅新開餐廳，真係需要支持下🥳位處中環嘅中心位置，非常方便，再加上餐廳主打香辣嘅川菜，係逐漸寒冷嘅天氣下食番個暖身嘅辣鍋，真係人生一大享受🤭餐廳有兩層，除左地舖一層，仲有地牢，裝修超靚，行現代風，大玩燈光同霓虹燈，稍稍貼合附近蘭桂坊嘅酒吧風格🍻講番野食，話明川菜，都係香辣風格居多，我同朋友就叫左經典香辣鍋，香辣鍋係自選配菜，最少揀5款🤗我地分別揀左蓮藕、午餐肉、椰菜花、金錢肚同寬粉，份量非常充足，味道上雖然我地叫左小辣同小鹽，但都惹味非常，麻同辣都掌握得好好，見到香辣鍋用上好多不同款式嘅辣椒、花椒，非常足料，值得一提係蓮藕真係必點，脆口帶清甜，對上麻辣係一絕😋另外仲點左乾煸四季豆，CP值滿分，肉沫香、四季豆新鮮脆口，最重要係份量足啊，對於我一個超愛四季豆嘅人係👍🏻👍🏻👍🏻再者飲品都好岀色桂花冰釀走清甜路線，內裡有桂花提味亦有酒釀嘅米粒，係解辣嘅良品😛欲望酸梅則係類近酸梅湯，非常大杯，黎到時服務員仲話好抵飲架🤣雖然已經食得超飽，但都要再點個冰粉🤣冰粉都係行清甜路線，主要都係為解辣同清口氣而設，為里個火辣晚餐畫下完美句號🥰…查看更多

覓得高質黃店居酒屋💛令人垂涎嘅美味隱身係銅鑼灣嘅高樓裡面☺️和牛蛋卷同明太子沙律伴炸紫菜係最令人驚喜嘅😛和牛蛋卷以薄切和牛包裹流心蛋，牛嘅油脂混合流心蛋嘅蛋黃，堪為一絕🥰明太子沙律將切為方形嘅明太子粒粒拌入帶少許wasabi嘅沙律醬，可以放上天婦羅紫菜上一齊食😛雞先定蛋先(雞肉串)由師傅自己打同調味，帶軟骨嘅脆粒口感，沾上蛋黃醬油，咸甜咸甜咁😋燒日本魷魚筒質素好好，爽口彈牙🦑豚肉蒜芯卷以甜辣嘅蒜芯解去豚肉嘅油膩🥓鹽燒黑豚豬腩肉則配以柚子胡椒🍊香脆炸蝦仔同雞泡魚干都係一等一嘅下酒菜🍺臨尾都千其唔好miss左烏冬，大概係近黎食過最好嘅，又滑又帶咬勁👍🏻服務員都非常有禮，食物質素又高，值得一提係里度有啲outside位，飲杯酒享受下微風都不失為一樂事🥳…查看更多

一路都覺得日本動畫嘅鬼好得意，所以見到門口嘅鬼金棒同鬼怪公仔已經好心動想黎試🤣里度主打麻辣拉麵，入黎已經預備左圍裙，保護我地啲靚靚衫😂麻度辣度都有得揀，第一次黎揀左中辣中麻試試水溫炒豆芽菜辣麻味噌拉麵🥳有超級多豆芽菜，幾乎每夾一啖都有🤣本身仲有跟一條粟米荀、一塊大肉🤪貪心嘅我仲加左一粒味玉!湯底非常濃郁同帶黐性，麵條又好掛湯不過最驚喜都係大肉，大肉好似扣肉咁，好淋，脂肪微微有少少融融地咁，好邪惡又好味😛朋友作為芫荽控就當然叫左芫荽辣麻味噌拉麵，芫荽鋪滿拉麵面，夾下夾下都幾有趣🤣另外同朋友都追加左個大肉飯將大肉整爛撈落飯又係一個新口味噢不得不提，食完留意下隻碗，都有鬼怪架四周圍都有添，近天花嘅鬼怪面具都好得意…查看更多

係上環嘅一個街角最近開左間好吸引眼球嘅餃子店🙌🏻紅色為主調嘅裝橫配上石屎，新派中菜嘅樣貌🥳內裡亦有一股東主有喜嘅喜慶氛圍諗住要儲足精力ot，所以都食得比較多🤣麻辣雲耳青瓜，清新開胃嘅前菜，少少辣，惹味非常~麻辣滷蛋，用上蛋黃較大嘅雞蛋，所以蛋香非常足👍🏻骨膠鮮魚湯韭菜鮮豬肉餃，里度嘅餃子非常飽滿，皮薄但不破，做得非常好，根據店員講，餃子都係每日現做，保證新鮮😛食嘅時候店員亦推薦試舖頭自家制嘅菜脯，微辣帶咸香😋骨膠鮮魚湯粟米香菇鮮豬肉餃，係我平常都非常鍾意嘅組合，粟米嘅甜配上菇嘅香，令人著迷嘅味道，另外里度嘅鮮魚湯底嘅鮮甜都襯托到餃子更富層次😛放縱的吃🤣再黎一個煎素餃🙈煎餃實在邪惡，叫素嘅感覺良好少少，餡料有木耳、粟米、椰菜等，富爽脆嘅口感，本身餃子皮煎得香脆，亦唔會因為餡料蔬菜帶水份而變淋，很不錯👍🏻飲品選擇都幾多，我同朋友就被樽仔奶茶同冷泡茶吸引，樽仔奶茶嘅茶奶比例好好，仲做到茶餐廳嗰種好厚嘅口感，impressive!冷泡茶係店員推薦，用上電解還原水沖泡，唔知係米因為用上電解還原水，口感順滑👍🏻里度鄰近文武廟同上環一啲賣古董、文藝品嘅店舖，假期過黎行下食個飯都好不錯嘅❤️❤️…查看更多

天氣漸漸轉涼，又係飲湯食餃子嘅季節☺️今次黎到老字號上海弄堂🥳我幾乎食過哂咁多間分店🤣最近岀左幾個幾抵食嘅上海手工餛飩組合，今次亦點左兩款試試😛元貝豬肉蝦仁餛飩🦐衝著蝦蝦而叫，一啲都冇令我失望，蝦仁彈牙又大隻，元貝味亦足👍🏻法國鵝肝有機紫洋蔥餛飩🧅鵝肝咬落去時呈現半溶嘅狀態，油香足，紫洋蔥則增加口感😚而家叫餛飩可以加$20換響螺蟲草燉雞十全養生湯🍲里個天氣飲湯就最適合🥳我同朋友仲另外叫左兩個小食，分別係鎮江肴肉同脆皮素鵝😛肴肉爽嫩脆皮素鵝材料飽滿又大份非常值得一試啊😌…查看更多

中環最近開左充滿少女風嘅yogurt飲品店裝修不乏大量嘅彩繪同baby colours，係一個非常好嘅打卡點😛店舖名叫take your time，為好似我咁努力OT嘅人帶黎點點心靈慰藉😂里度主打使用yogurt製嘅飲品，所以大部分都係配以新鮮水果，我同朋友分別叫左紅火龍優格果昔同熱情果優格蓋茶😀紅火龍優格果昔賣相好靚，用yogurt配合紅火龍果果昔做成杯上嘅斑紋狀，紅火龍果嘅味道扎實、質地濃厚，用料充足，yogurt嘅酸度亦同店舖自煮嘅桂花冰糖平衡，唔會過酸或過甜👍🏻熱情果優格蓋茶係以熱情果肉加自選茶底作基底，再蓋上優格奶蓋🥳比起果昔酸度稍高少少，係清新之選🥰熱情果份量好多😋除左比起一般手搖飲品健康外，輕時光嘅定價都非常平易近人，經過一定要試下😛…查看更多

颱風後嘅第一個工作天，加上天陰陰，心情有啲鬱悶，所以決定OT前買番個靚靚外賣慰藉下自己，襯住天氣仲未太凍，食番個魚生飯因為有選擇困難，所以點左四色魚生飯，由廚師幫我揀外賣預備速度都好快，另外仲有85折😛外賣另配有沙律同面豉湯，雖然係配嘅，但一啲都唔馬虎~沙律係麻醬蟹籽醬伴沙律菜配以甜甜嘅哈密瓜☺️面豉湯有別於一般好咸嘅味道，反而帶新鮮菜嘅甜度，等你保持清新嘅味蕾食魚生飯終於黎到主菜😍刺身大大件，有三文魚、帶子、甜蝦同油甘魚，三文魚嘅油脂紋理超靚油甘魚同帶子都鮮甜美味另一樣值得讚賞係醋飯加入左炒過嘅芝麻，唔會咁單調👍🏻臨走見到有beer tower 🤣下次同朋友黎盡興一下…查看更多

長假期度度都冇位，就黎左grand cafe食個tea，本以為酒店嘅cafe都應該起碼乾淨，衛生做得好啲，奈何情況堪比茶餐廳🤢一坐落枱發現成地都係飯、麵包碎住左咁多次酒店，食左咁多次酒店飯，真係連3、4星酒店都唔會咁。。。隨便叫左3件蛋糕，價錢係幾平，不過咁嘅presentation，里個價錢真係差不多，唔講以為去左樓上cafe，仲有個小插曲係黎錯左其中一件蛋糕好在味道不錯，尤其係朱古力蛋糕，味濃仲有不同口感嘅配搭~Peppermint tea，杯外面有頗多類似茶葉碎嘅黏附物😓peppermint tea係好冇誠意嘅茶包，味道不過不失(某程度上係因為茶壺都好細個，所以味道算濃)唯一值得讚賞嘅應該係個景吧…查看更多

中上環係cafe嘅密集度頗高，所以捱得住嘅通常質素都唔錯😛今日就試試蘇杭街嘅on time~輕食類例如croissant、主食類例如飯意粉都有提供，配合不同時段、客人嘅需要☺️叫左牛油果煙三文魚牛角包配黑醋沙律菜🥐-牛角包酥脆，整體感覺清新，係brunch嘅好選擇白酒蒜香辣蜆肉(連殼)意粉🍝-香辣惹味，帶有xo醬嘅香氣，意粉彈牙主食可以加$25升級午餐，配番飯品同薯條或沙律，薯條香脆~Piccolo latte☕️-以espresso杯serve，奶嘅比例比latte/cappuccino 都要低，適合需要濃厚咖啡味道嘅小編🤣白桃梳打🍑-梳打加忌廉非常邪惡🙈白桃味濃，仲要放左冰凍左嘅新鮮桃粒係上面👍🏻…查看更多

銅鑼灣新開嘅漢堡店😛設計比起餐廳更似酒吧😆長長嘅吧枱，仲有播住足球嘅電視📺同朋友叫左兩個lunch set同一個appetizer ☺️黑松露鵝肝法式多士-份量比想像大🤗油香十足，加入左黑醋減低膩感，再放上黑松露提香👍🏻經典之堡 Classic MOO(+$12肉汁薯條)-麵包鬆軟帶烘烤過嘅焦香，漢堡煎至微微粉紅色，舖上芝士同洋葱煙肉碎☺️而家諗番都流口水🙌🏻肉汁薯條淋上gravy，惹味😛牛油果柚子沙律-清新輕怡嘅選擇，牛油果熟度完美，非常creamy🥑柚子酸酸甜甜，好開胃奶昔-跟lunch set加$10可以轉奶昔🥛我叫左士多啤梨味🍓，朋友則叫左藍莓味，整體creamy，質地又唔會太厚，所以飲哂成杯都唔會好膩😋我好鍾意里度有好多窗，採微微半開放式，有種度假嘅感覺🥳…查看更多

早前疫情冇咁嚴重嘅時候走訪過一次，人潮好多，應該係因為抵食又好食🤣同朋友夜晚9點左右食都仲係超級多人，而家實施左9點後冇堂食，反而可以考慮買番屋企食啊😛又或者食lunch/ early dinner點左眷村白玉 酸菜鍋最令我印象深刻係自助夾蔬菜嘅部分超級衛生整潔，有店員係旁邊隨時睇住有冇蓋冇關，或者夾要換等👍🏻除左自助夾嘅野食外，scan QR code點嘅食物都好，上至澳洲和牛M5牛下至好有台灣特色嘅甜不辣、蛋餃都有😛 有樣野不得不提，澳洲M5和牛牛丸真係好惹味，如果唔係食和牛餐嘅，都建議你單點黎食，集彈牙同juicy於一身，正！另外，都唔好錯過一人一客嘅movenpick 雪糕🥳…查看更多

Staycation 後食番個靚靚brunch 🥳難得黎到仲有最後一張枱，食物選擇唔算太多，價錢亦都算係中上~我就叫左all day breakfast，幾鍾意里個甜甜地嘅bacon🥳雖然係厚切，但唔會好硬，咬唔開咁~燒烤菇菇都好moist，其他就不過不失啦朋友叫嘅沙律都好靚仔飲品叫左magic SOE，配備一個espresso一杯奶啡俾你試到豆嘅原味，又飲到加奶後嘅味道變化，個人覺得幾岩對飲咖啡有興趣嘅人去了解不同single origin嘅特性😛…查看更多

同朋友lunch搵地方搵到黎井巷子非常驚喜~本身揀食時仲同朋友講佢只係精緻化左豬扒飯、叉雞飯個名，呃我唔到，但原來佢仲精緻化左佢嘅味道！我叫左手抓羊肉雙太陽卵飯，朋友就叫左麻辣大排麵😛飯跟例湯，麵則跟羅漢果茶，我本身唔好飲湯，同朋友交換左杯飲品酸酸甜甜咁好開胃，如果大杯啲就更好😂手抓羊肉雙太陽卵飯黎到時好香羊肉似乎係羊腩同肋骨位，部分帶骨，但好淋，加上辣辣地嘅，帶啲孜然，好惹味太陽卵就唔太特別，見人地啲相係燶邊🤔應該會好食啲~…查看更多