里度主打麻辣拉麵，入黎已經預備左圍裙，保護我地啲靚靚衫😂
麻度辣度都有得揀，第一次黎揀左中辣中麻試試水溫
炒豆芽菜辣麻味噌拉麵🥳有超級多豆芽菜，幾乎每夾一啖都有🤣本身仲有跟一條粟米荀、一塊大肉🤪貪心嘅我仲加左一粒味玉!
湯底非常濃郁同帶黐性，麵條又好掛湯
不過最驚喜都係大肉，大肉好似扣肉咁，好淋，脂肪微微有少少融融地咁，好邪惡又好味😛
朋友作為芫荽控就當然叫左芫荽辣麻味噌拉麵，芫荽鋪滿拉麵面，夾下夾下都幾有趣🤣
另外同朋友都追加左個大肉飯
將大肉整爛撈落飯又係一個新口味
噢不得不提，食完留意下隻碗，都有鬼怪架
四周圍都有添，近天花嘅鬼怪面具都好得意
