puikkii的个人专页

Nuttea呢間飲品店已經想試好耐💛雖然市面上有好多各式各樣既飲品店，但呢間係主打堅果奶，佢地係用五種堅果冷壓萃取，變成一杯冇牛奶成份既堅果奶😋素食者都有多一個選擇。四季春堅果奶蓋茶 $35一向都好中意飲奶蓋茶，茶夠清甜，加埋濃厚既奶蓋，超對我既胃口☺️呢度既奶蓋好厚身同綿密，奶蓋明顯飲得出有好香既堅果味，鹹鹹地，撞埋四季春，唔會太甜太膩👍🏻紫米堅果奶 $40男友飲左紫米堅果奶，超健康的😆一飲落去有好濃郁既堅果味道，紫米亦都係滿滿的，一啲都唔慳皮，而且飲落仲好順滑。不過男友飲完話好飽，可能好大杯既關係？！下次黎會想試下其他堅果奶👍🏻而且店員都好親切咁講解點飲先至最正，感覺好良好😋…查看更多

今日同男友行葵芳，又未到晚餐時間，決定去Ocio食少少野先🤤我點左個千層酥，佢既賣相好吸引，好岩打卡。而味道唔太甜，吉士醬加埋一層層既千層酥，好鬆脆。吉士拿破崙千層酥 $52男友好中意食小食拼盤。呢度既小食拼盤好吸引，有炸蝦、炸魚、薯角等唔同既炸物，點埋醬就岩岩好啦🍤小食拼盤 $48抹茶牛奶係我最愛，不過唔係間間好飲。呢杯就好好飲啦！唔會太甜，仲好順滑🍵抹茶鮮奶 $36總括黎講，Ocio既輕食真係唔錯，價錢唔算太貴。有機會要試埋主食同其他甜品先得🤤…查看更多

因為疫情關係，實在太久沒吃火鍋了今天要來吃重慶火鍋過過癮。在香港還未嚐過真正的重慶火鍋，想不到是真的會令味蕾不斷跳動的麻辣阿。店員會先提供一碗紅棗雪耳糖水，清喉滋潤一下。這邊跟其他火鍋店不一樣，並沒有提供很多不同的醬料供客人選擇。他們主要是蒜茸、蔥、香油、醬油，讓客人弄一個香油碟，可以解辣和降低熱度，試了一下，還真挺解辣的。點了個鴛鴦鍋，一邊是大骨滋補湯底，一邊是普通麻辣鍋配料方面我覺得選擇很豐富，可以吃到很多外面吃不到的東西。而且可以選半份，對人數少但又想吃不同食物的客人來說，真是善舉，畢竟吃火鍋就是什麼都要點一遍！我們點了鴨血 ($42/半份)、娃娃菜 ($18/半份)、凍豆腐 ($16/半份)、油條 ($16/半份)、桂花蚌 ($66/半份)、鮮活海蟶 ($39/半份)、美國安格斯肥牛 ($119/半份)。其中我最愛是鴨血，很爽很好吃。而同行朋友覺得海蟶和肥牛質素都很好，很鮮很嫩。油條比較少火鍋店有提供，他是非常入味的配料，完全能嚐到重慶那種麻辣勁第二輪點了炸酥肉 ($32/半份)、黑豚腩肉 ($42/半份)、精品羊肉卷 ($56/半份)、稻田毛肚 ($62/半份)、鵪鶉蛋 ($22/半份)、迷你燕餃 ($32/半份) 等等。這裡的肉類都很鮮，而且肥瘦適中，油份足夠，入口超滿足毛肚亦是必點，爽口彈牙。今天的火鍋是十分滿足的，不但辣得過癮，配料方面選擇蠻足蠻特別的，完全滿足了我想吃火鍋的心！而且午市有一人一鍋，很划算阿，有機會還要再試試…查看更多

今日黎到618上海街，係由百年唐樓活化而成既商場，入面有好多特色小店，好岩文青行。而我最主要既目的就係黎食蟲二啦💛蟲二位於天台，上到去已經人山人海，留低個電話做Booking就可以係618周圍行，呢個安排我覺得幾貼心，不過我都等左差唔多個幾鐘先有得食，好彩一啲都冇令我失望💛我係一個班戟控，食開內面軟綿綿既空氣班戟，第一次食蟲二呢款比較厚實既班戟我點左伯爵茶傳統班戟，入面有海鹽芝士忌廉醬、雜果、牛乳雪糕等。班戟伯爵味淡淡的好香，有少少鹽味令口感更特別最正係班戟入面係有麻糬，真係超夾超好食😋*伯爵茶傳統班戟 $85*寫到黎呢到我已經好想再食，傳統班戟一啲都唔膩一定會再黎支持🖐🏻…查看更多

男朋友好中意食拉麵，好多著名過江龍、本地薑都食過。今次試下佢想食好耐既阿夫利我本人一向就麻麻拉麵，拉麵湯好多都過濃，食兩啖已經覺得好漏，今次食阿夫利既柚子鹽味拉麵又唔錯柚子清新，鹽味亦適中，兩者相輔相成，中和左湯既油膩。最後我竟然可以食曬成碗麵都唔會覺得太漏，果然夠Fresh而佢既溏心蛋我都好中意，不過佢既豚肉我覺得太硬了話雖如此，阿夫利都榮升我同男朋友心目中既Top 5拉麵🍜而且環境夠曬開揚，坐得舒舒服服，一定會再食*柚子鹽味拉麵 $98*…查看更多

估唔到係旺角鬧市都有一間咁浪漫既西餐廳❤️餐廳位於大廈既頂層，落地大玻璃可以一覽城市景色！咁岩個日睇到日落，真係又浪漫又寫意🌹餐包有香草，加埋醬，溫溫熱熱，好食😋點左脆薯角，唔好睇佢好似平平無奇咁，其實香香辣辣令人食到停唔到。而且炸得外脆內軟，恰到好處😆*香辣脆薯角 $58*好少食鵝肝，今次一於試一試。鵝肝好肥，入口即融，配埋酸酸甜甜既醬汁同蘋果，絕對唔會太膩！*香煎鵝肝伴焦糖蘋果、紅桑子黑醋燒汁 $178*最令我驚喜係龍蝦湯😍首先會上左雲吞先，侍應會慢慢將龍蝦濃湯倒入碗中，成個過程真係好治癒！而且味道仲好濃郁，龍蝦味係口迴蕩，可以話係必食之選😋*龍蝦濃湯伴煙肉海鮮雲吞 $138*黎到主菜啦，點左個帶子蟹肉意大利飯，意大利飯飯質係偏硬，帶子、蟹肉、甜粟米令味道好豐富👍🏻*烤香草帶子伴蟹肉甜粟意大利飯 $198*朋友係食肉獸，每次去西餐都一定要食牛扒，今次就點左西冷扒伴脆炸牛肝。塊扒厚既時候，火候真係好難掌握。今次塊五成熟西冷扒都唔錯，肉質嫩滑，牛味出眾👍🏻*烤美國特級安格斯西冷扒伴脆炸牛肝菌百里香汁 $328*總括黎講，呢間西餐真心高質，氣氛浪漫，味道同樣貌都唔錯，值得再黎😻…查看更多

一直都好想食好味既壽喜燒，而唔係坊間既牛肉鍋扮壽喜燒。男親就搵左呢間Fire Bird，滿足我食壽喜燒既心願一入到去環境都幾好，好岩飲下酒食下野傾下計。本身想嗌個拖羅試下，店員就推薦我地叫成條金槍魚刺身，咁就可以一次過食曬赤身、中拖羅、大拖羅。去揀左刺身之後，店員會係我地面前磅一磅。一條大概有240g，$1.5/g，大概$360左右。由淡至濃食，赤身肉質比較結實有咬口；中拖羅脂肪比例高啲；最正一定係大拖羅，一入口軟綿綿，魚油即刻標曬出黎我就覺得油脂剛剛好，而男親就覺得再肥啲會滿足啲橫切藍鰭金槍魚三色刺身 $1.5/g跟住點左個蟹味噌甲羅燒，蟹膏鮮甜，包埋壽司飯感覺更豐富，因為仲有好多蟹膏既關係，我地加多$8叫多一Set壽司飯，岩岩好撈曬啲蟹膏蟹味噌甲羅燒 $78終於到我最期待既壽喜燒，首先壽喜燒汁幾甜，濃度剛好，配料好豐盛。不過最正係佢個日本產霜降A4和牛，油脂分佈平均，牛味十足，入口軟滑。壽喜燒配飯食真係一流日本產霜降A4和牛壽喜燒 $278因為佢啲Cocktail賣相好靚，點左一杯黎試下，味道就不是我喜歡的Fuji Mountain $78食完呢餐覺得感覺良好，環境、食物都係中上水平，好滿足…查看更多

D2 Place除左有市集之外，仲有好多野食。今日就黎食下酸菜魚呢個小食好特別，叫酥炸無臉男。其實係炸豬肉條，炸出黎唔會乾，啖啖肉仲好香口，點埋乾碟原來好夾，仲惹味*酥炸無臉男 $80*另一個涼菜都好吸引，叫不開心的黑木耳。呢個黑木耳用醋、唔同既辣椒浸住，酸酸辣辣，好開胃！連我一個唔食木耳既朋友都覺得好好食，推介*不開心的黑木耳 $40*主角當然係酸菜魚，有三種份量可以揀，仲可以揀辣度。我地兩個人點左一個小份既小辣酸菜魚。魚既肉質好滑嫩，冇咩骨。而配料都好入味，特別推薦午餐肉、寬粉同青筍片而酸菜魚既湯都係比較重口味。*小份老壇酸菜魚 $300*最後，我地點左紅糖冰粉。侍應話食完酸菜魚再食冰粉可以解辣。一試，果然比飲水黎得有效。好似食緊啫喱咁，冰凍而且甜而不膩除左解辣之外，仲好爽。不過如果唔食得太甜，建議可以叫侍應走左面層既黃糖。*紅糖冰粉 $20*總括黎講，呢間酸菜魚都係我食過數一數二好食既酸菜魚。整體味道較重口味，小菜都精緻用心…查看更多

係日本食過Omakase之後念念不忘，趁聖誕Book左一間香港既Omakase，真係又精緻又好食，高質之選我係食Lunch $800既廚師發辦。前菜︰沙律新鮮可口，呢個沙律醬亦係我既最愛。仲有魚蛋、梨同沖繩麵，酸酸地，好爽口開胃。創意刺身︰賣相好精緻，佢係柚子赤身，驚喜配搭。五點刺身︰刺身超新鮮，師傅好細心叫我地由淡到濃味順序食用茶碗蒸︰食完刺身後，上左個茶碗蒸比我地。呢個茶碗蒸同出面好唔同，佢有一層啫喱，好滑，個人認為好好食六貫壽司︰我最印象深刻絕對係海膽壽司，非常鮮甜，唔腥，係香港好難食到，正手卷︰食埋手卷真係飽曬最後當然唔少得湯同甜品啦總括黎講，今次食Omakase既體驗良好，可能中午時間人流較少，可以係一個寧靜既環境享受美食，真係人生一大樂事。以$800係香港黎講可以食到高質既Omakase，我覺得都值既。…查看更多

呢間快餐店黎左香港已經一段時間，最近先有機會試。我地叫左兩個包，分別係Shack Burger同Shack StackShack Burger其實係芝士漢堡配生菜，配料很新鮮，味道都不錯，但整體黎講就係冇咩特別。而Shack Stack反而有啲驚喜，有個大啡菇味道更加豐富見佢既芝士薯條都頗出名，但味道卻不似預期，芝士唔係好香好食個種，亦硬得好快奶昔我地點左雲呢拿味，好濃郁，好香滑，都可以一試。總括黎講，我覺得味道係幾好，但又唔係特別到要去排隊或者比咁多錢食，一試就好…查看更多

韓國老師推介既韓式餐廳相信有一定既信心保證今日就黎試一試，又真係幾好食喎。餐廳係希慎既高層位置，幾就腳，適合聚會。首先點左一個釜山炸軟殼蟹，有冇釜山風味就唔知啦。但呢兩隻軟殼蟹都炸得好香脆可口，有少少似炸雞既皮。而軟殼蟹仲要係有膏，真係喜出望外呢個一定係必點小食！釜山炸軟殼蟹 $87韓式食物點少得炒年糕呢，點左一個韓式海鮮炒年糕。有韓式辣醬同卡邦尼醬可選，今次食左韓式辣醬，其實不太辣，仲有好香既蕃茄醬。而且配料好多，有粉絲、煙肉、青口、蝦、魷魚等，唔錯韓式海鮮炒年糕 $89Pizza方面口味都幾多，試左個韓式海陸，主要係烤肉同蝦。佢既芝士好香同好拉得，而配烤肉亦都好新鮮辣辣地一點都唔油膩哦！韓式海陸（9吋） $148總括黎講，呢間餐廳真係好食，而價錢都合理的，推薦…查看更多

小火焰呢間韓式餐廳好耐之前已經聽過，今日收工咁岩想食炸雞就黎試試佢先﹗晚上七點半去到要等一陣位，期間已經聞到好香既食物味，真係流曬口水我同朋友點左牛肉水冷麵。香港夏天咁熱有時都想食下清涼啲既野，麵質好有韌度，加埋芥末，好清爽而牛肉好香烤味，食落比較有韓式風味。最驚喜係蛋有溏心效果牛肉水冷麵 $78炸雞既選擇繁多，好多都好想試。今次就點左半份韓式甜辣年糕炸雞。半份既份量有四件雞，雞既醬汁甜甜辣辣，好過癮的﹗一開頭覺得個辣度太勁，後尾有甜味中和番，好吃。而年糕煙煙韌韌，推薦韓式甜辣年糕炸雞（半份） $88順帶一提，餐廳有好可愛的手套供應最後一定要食埋韓國好出名的雪花冰，我地就點左草莓3.6牛乳雪花冰。雪花冰幾足料，有芝士蛋糕、雪糕、草莓等，口感豐富，如果啲冰冇融得咁快會更好﹗草莓3.6牛乳雪花冰 $68總括黎講，小火焰係一間幾多選擇既韓式餐廳，味道都很好，值得一試…查看更多

一直都唔知葵芳有放題食，直到朋友帶我黎先發現呢度有間抵食放題。我地食既係午市放題，都只係$148一個人，比起出面其他同類型既店，性價比算高了。餐廳以工業風為主，裝潢好有特色，而且夠曬寬敞呢到既食物種類繁多，壽司、刺身、揚物、小食、串燒等都有，最勁係連火鍋都有，真係咩胃口都迎合到。而餐廳既自助區亦都好用心，即使係中午時間，都已經有各式各樣既蛋糕、甜品，飲品選擇都唔少，好多都係支裝。放題最重要一定係食物啦，以下呢五款料理都係高度推介大家試火焰XO醬和牛壽司︰和牛好細嫩，一啲都唔嚡，加埋XO醬其實幾特別。芝士牛油什菌︰什菌一向都係我既最愛，加埋牛油同芝士，好香濃。而其他既小食，例如炭燒雞肉串、鹽燒秋刀魚都係有水準之作蒜味單骨雞翼︰單骨超方便食用，而且炸得好酥脆，加埋蒜味，好香口蒜香燒蠔：蠔唔腥，好新鮮。加埋蒜都係比較惹味既配搭！刺身：食放題一定要點刺身啦，基本上刺身好食已經加好多分。而呢間既刺身都好有水準，我地點左三文魚、鮑魚片、甜蝦、甘鳥貝等刺身，味道鮮甜、色澤亮麗總括黎講，呢度既放題性價比高，食物選擇多，漏單少單既情況基本上都冇發生，值得一試…查看更多

以鍋物為主既餐廳係香港好似唔算太多，今日就比我發現左呢間好有誠意既石鍋餐廳睇一睇餐牌發現好多選擇，除左烏冬、飯，仲有好多小食同炸物。我揀左吉列豬扒石燒手打烏冬配魚介豚骨濃湯。烏冬一上枱既時候仲係超滾既狀態，如果冬天食一定超正首先烏冬煙煙韌韌，加埋好濃郁既熱湯，令人忍唔住一口接一口咁食。而吉列豬扒亦都超出色，炸皮夠薄夠香脆，肉厚仍然保持鬆軟。吉列豬扒石燒手打烏冬配魚介豚骨濃湯 $64如果夏天想食得清涼啲，冷烏冬都係一個幾好既選擇。冷烏冬既醬汁同配料可以自由配搭，我地就揀左芝麻雞翼同汁燒牛仔骨配胡麻沙律汁。烏冬冷食好彈牙，好有口感。最驚喜係芝麻雞翼，炸得非常酥脆，好有肉汁雪國冷手打烏冬 $75小食方面岩鹽燒鯖魚同蜜蜜芥末籽牛都唔錯鯖魚好嫩滑又唔會太油。而牛串配芥末感覺比較清新，而且刺激味蕾。岩鹽燒鯖魚 $32蜜蜜芥末籽牛 $45總括黎講，石鍋堂既食物都好有驚喜同水準，而且價錢都唔太貴，值得一試…查看更多

今日黎到雅蘭中心，見到呢間意粉狂熱價錢唔貴又幾多選擇，一於試試先原來以家既餐廳已經好先進，用QR Code點餐，又幾方便，而且送餐速度都好快。點左一個豪華三式拼盤，可以係五樣小食中簡三樣，我地簡左海蝦牛油果法包多士、意式炸魷魚圈配他他汁同芝心帕爾馬火腿薯茸球。超級推介芝心帕爾馬火腿薯茸球，入面啲薯蓉好有口感，外皮金黃酥脆，加埋醬汁，非常可口。另外兩款小食都非常推薦，如果一班人黎，點小食拼盤係一個幾好既選擇豪華三式拼盤 $108呢度既Pizza亦都好出色，我地點左鮭魚牛油果羅勒Pizza。首先個餅底係類似印度薄餅，比較鬆軟同薄，而牛油果令Pizza好清新。整體黎講，呢度既Pizza值得一試，唔會好膩同飽濟。另外亦可以簡一人份量或者二人份量，好貼心。鮭魚牛油果羅勒披薩（二人前） $108店名叫意粉狂熱就一定要試下佢地既意粉，點左一個雙重辣味煙肉蒜香魔鬼意粉。意粉好夠香辣，蒜味唔算好突出，不過不失的一個意粉。雙重辣味煙肉蒜香魔鬼意粉 $58最後，仲點左一個海老忌廉芝士焗飯。焗飯好足料，超多蝦同菠菜，而芝士係一粒粒既芝士，配合埋忌廉好香口海老忌廉芝士焗飯 $78總結黎講，意粉狂熱既CP值幾高，價錢唔算太貴，味道好，而且部份菜式仲可以簡份量，好貼心。…查看更多