GoldenCat的個人專頁

好多5星級酒店已經冇生蠔食，Garden Café 就主打龍蝦。凍龍蝦有波士頓、澳洲龍蝦，忡有好少見嘅薑蒽焗龍蝦添！我覺得薑蒽焗龍蝦最好味，熱辣辣好香薑蒽味，同埋龍蝦肉又夠厚身，啖啖肉，正！:)其他海鮮都唔少，有長腳蟹、蝦、蟹、青口、三文魚、北寄貝……。當中以蝦最新鮮，隻隻都好彈牙。:)燒烤吧係佢嘅另一賣點，但其實燒烤吧地方好細，得一個人燒。有腸仔、羊扒、迷你漢堡包、雞翼、老虎蝦。燒雞翼，我當然鐘意食啦，不過最好食都係老虎蝦。老虎蝦真係好大隻，燒得濃濃地，特別香口。但羊扒就稍為燒到過火，黑左:(至於比較差少少嘅係甜品, 唔係話佢唔好食, 只係品種比人少左D姐。佢最無聊係炒雪糕，原來只係雪糕加D果仁、糖果撈埋一齊。其他甜品都係細細件，方便試多幾樣，水準好普通，冇咩值得食完再食嘅。…查看更多

星期六, 3點3左右去到已經排晒隊, 好彩等左5分鐘已經有位. 最好彩忡係安排到去D角落位, 比較清靜, 如果唔係同格離張枱嘅距離忡近過同自己對坐嘅friend.叫左個$268嘅tea set, 包一壺茶, 三件三文治, 2件Scone 或 Muffins.waiter 介紹佢地嘅TWG signaturers tea, 有green, black, white. 我地叫左green 同white, green 香好多, 有淡淡嘅檸檬葉香味. 三文治有5款, 有三文魚, 鵝肝, 雞肉, 燒牛肉, 野菌. 每人有三款, 我覺得最好食係燒牛肉, 因為好嫰口!! 話係三文治, 其實係多士一片, 但好脆, 好得!Scone 同 Muffins 都好好食. scone 忡係熱辣辣, 將d cream 加上去即溶, 一d 都唔"溜". 佢忡有個茶味jelly, 真係jelly, 唔係jam, 就咁食都得 個muffins 好多朱古力粒, 略為甜了少少, 但都好好味!!…查看更多

為左個window seats, 要3個月前9:00就打電話嚟訂, 但都值得, 因為個景都值成百蚊啦. 雖然唔係最靚景觀, 但點都好過坐走廊位.食物方面真係好少, 熱食真係一碟拿晒啦. 好彩味道好補救返. 個黃金蝦唔太膩, 燒牛肉最好味, 好嫰口, 加埋個汁味道就一流. 其實食得精比食得多好, 起碼唔使令個胃咁大負擔.頭盤就出色得多~- 湯有中 西二款, 我飲左西湯 – 磨菇湯, 好creamy, 好香!- 沙律吧最豐富,有羅馬生菜, 火箭菜, 菠菜, 紅蘿蔔, 紅腰豆sunflower seeds, walnut, cheese, 忡有蒜頭添!- 凍海鮮都唔少, 有開邊龍蝦, 去殼龍蝦鉗, 蟹蓋, 蟹鉗, 田螺, 去殼蝦, 連殼瀨尿蝦. 全部都好新鮮, 好甜, 同埋最好係唔使剝殼麻!!全場高潮就係甜品, 種類起碼有10款以上, 忡有好多五彩賓粉嘅Macaron, 同埋多種口味的朱古力. - 我最like 係奶油朱古力, 但唔鐘意朱古力嘅人會嫌棄佢太膩太甜, 但佢上面個層朱古力醬真係好rich 好滑, 朱古力味好重, chocolate fan 不能錯過!- 另一個like 係荔枝誘惑, 好清新, 一d 都唔甜, 荔枝香味係慢慢滲出嚟, 好正!- 最唔like 是Macaron, 太甜同埋黐牙囖! …查看更多

個環境好歐洲feel, 個天花板先潮,有幅畫喎!太早到, 點杯野飲hea下先, 叫左杯apple mojito, 幾香薄荷味!一張meun, 選擇唔多, 叫左個鮮蠔湯, 蟹餅, 肉眼扒.個湯好濃, 正宗西湯feel. 個蟹餅係waitor介紹, 真係ok wor, 外皮是脆架, 入面熱辣辣, 好得! 個扒叫左6成, 個廚煮都幾好, 唔會太熟, 又唔會有血水, 但味道不過不失啦.…查看更多

地方明明係好寬敞, 但係枱與枱之間又好鬼近喎, 近到聽到晒隔離枱講咩. :(自助餐6:30先開始, 但我6:15已經去到忡好肚餓, 好彩每枱都有麵包姐. 係合桃麵包, 唔知係咪肚餓關係, 覺得佢好好食.:)佢放嘢食嘅地方都好多, 同埋好多嘢都係廚師即場煮, 有即燒羊架, 牛扒, 帶子, 即滾嘅粉麵, 即煮嘅pasta, 即開嘅生蠔…..海鮮種類好多, 長腿蟹、生蠔、青口及龍蝦. 雖然生蠔好細隻, 但好重海水味, 好新鮮. 凍蝦都好靚, d肉夠實. 龍蝦就麻麻地,, 雖然係好多膏, 但無咩味, 忡要一出來就一掃而空, 不過酒店會隔一段時間就補貨, 唔介意遲d 食就唔使同人爭囉. 龍蝦拑都算好食, 好厚肉架, 但用個夾係夾唔開, 最後用交剪先ok.我最欣賞係佢嘅咖哩, 真係好似係印度餐廳食個d咁, 好香但佢就冇咁辣囉. 北京填鴨都幾好食, 佢係皮肉各半, 鴨肉唔太肥但都唔會好乾, 最正係佢d青瓜京蔥任加!Movenpick 雪糕, 正!! 但味道選擇唔多, 得4種, 但最好係佢有人幫你 “筆”, 咁樣衛生好多!! …查看更多

Concard 下午茶, 有英式及西班牙式選擇, 見西班牙式比較特別, 所以咪試下囉. 但d野食來嚟到時, 其實同英式分別不大, 最大分別係佢個件凍火腿, 但唔係幾好食囉:(不過, 佢嘅鬆餅就唔錯, 鬆鬆化化. 而甜餅就一般啦, 最好食都算係Creme Brulee , 唔太甜, d蛋夠滑.個環境好grand, 同埋人唔多, 所以好清靜吓! 服務方面, 酒店服務當然good 啦!!…查看更多

ALL U CAN EAT 原來只得6款意大利粉, 2款PIZZA, 同凱撒沙律. 因為我得2個人食, 而每碟都是正常份量, 即係唔係細細碟得二啖個D, 所以叫左一個意粉同一個PIZZA, 同埋叫左好多次沙律, 因為佢嘅沙律好新鮮!!意大利粉都煮得相當正宗, 麵身少少硬, 有咬口. 醬汁都唔會太多, 恰到好處. 而PIZZA餅底好脆口如果多D人來, 可以試晒咁多種意粉同PIZZA 會覺得抵D. 但係120元當食個SET LUNCH 價都OK啦!…查看更多

半島嘅afternoon tea成日都要排長龍, 但對面嘅Sheraton 個view 又靚, 又唔使等位, 價錢忡要平一截添!!不過, 論食物質素則一般, 只係大大件夾抵食, 但無一樣嘢係好好食, 令人一試難忙.個scones味道OK!! 夠鬆軟~ 個波菜酥都唔錯, 唔太咸, 個皮脆脆地! 炸蝦好味, 外面嘅炸絲吾油膩忡好脆.三文魚包麻麻地, D三文魚好凍下. 另外個手指三文治嘅餡都係凍凍地, 唔係幾好食. D tarts 略甜, 唔係太吸引.總括來講, 個view係好過D嘢食. 用HSBC咭有85折, 咁嘅價錢, 抵囉!…查看更多

友人7月生日, 6月時已經打定電話去BOOK 枱, 點知已經fully booked 啦 原來, 要3個月前book枱架, 最後我book 左9月去e間傳聞中好好食的buffet.當日去到餐廳, 先知道為咩咁難book, 因為枱數唔多. 但食物種類就唔少喎, 攞野食的地方好忡好寬敞下..果度最多是海鮮, 生蠔是即開架, 忡有少少海水味, 正!佢D蝦好大隻好好味, 但我朋友就話有D梅, 唔知係咪我好彩, 我食隻隻都好新鮮.忡有佢d叻沙, 好有地道風味, 同在香港的新加坡餐廳食的味道一樣, 都叫得好正宗, 好少食自助餐的湯麵咁得架!我最欣賞係佢D甜品, 好精緻, 唔係太甜, 好多款式!! (完了)另外再補充下佢嘅沙律吧有菜, 蕃茄, 青瓜. 全部都好新鮮, 蕃茄咯帶酸, 菜同青瓜都𡙁口. 忡有海南雞飯, 細細碗過口癮就幾好, 但唔見得特別出色. 至於佢嘅中式湯, 好重藥材味, 少少甘甘地, 都唔錯! …查看更多

日航9月份主打加拿大海鮮, 話有登格斯蟹、雪花蟹腳、翡翠螺、藍青口, 事實上佢都冇呃人, 係有齊咁多野食, 但唔見得肥美囉. 登格斯蟹比想像中細, 雪花蟹腳偏瘦, 有D失望. 不過另一主打的加拿大肉眼扒則交足功課, 好有肉味, 又嫰口.另一驚喜是天婦羅, 現場即炸, D蝦又夠大, 又夠脆, 好味!!佢嘅雪糕是Movenpick, 真係好開心, 係我最心儀的雪糕. 佢嘅甜品都ok, 細細碟, 可多試幾款.…查看更多

W 係高級嘅大酒店, 對佢嘅buffet當然有D期望. 一去到見到佢的所謂海景已經大失所望, 因為是對住西九龍海景, 只望到D舊船和地盤.食物種類不多, 但擺放食物的地方則好精緻, 每件食品都擺放得別出心裁, 有點藝術感, 可惜食物味道一般, 不算難食, 但談唔上是好味道 :(小龍蝦肉唔多, 但咁細的龍蝦都唔會預佢多肉, 但連鮮味都冇, 就有D遺憾囉. 甜品款式尚可, 亦都唔太甜, 啱香港人口味, 但可惜唔多見有水果. 最值得讚嘅沙律, 佢唔係淨係得D菜同沙律醬俾你夾下, 而係有一杯杯日式,泰式嘅沙律, 味道配合得好好.食物同坐位分隔, 係一個好好的安排, 因為可以安靜咁享受食物, 但如果佢嘅味道好D先值得俾500元一個人囉!!…查看更多