Three on Canton

地方明明係好寬敞, 但係枱與枱之間又好鬼近喎, 近到聽到晒隔離枱講咩. 自助餐6:30先開始, 但我6:15已經去到忡好肚餓, 好彩每枱都有麵包姐. 係合桃麵包, 唔知係咪肚餓關係, 覺得佢好好食.佢放嘢食嘅地方都好多, 同埋好多嘢都係廚師即場煮, 有即燒羊架, 牛扒, 帶子, 即滾嘅粉麵, 即煮嘅pasta, 即開嘅生蠔…..海鮮種類好多, 長腿蟹、生蠔、青口及龍蝦. 雖然生蠔好細隻, 但好重海水味, 好新鮮. 凍蝦都好靚, d肉夠實. 龍蝦就麻麻地,, 雖然係好多膏, 但無咩味, 忡要一出來就一掃而空, 不過酒店會隔一段時間就補貨, 唔介意遲d 食就唔使同人爭囉. 龍蝦拑都算好食, 好厚肉架, 但用個夾係夾唔開, 最後用交剪先ok.我最欣賞係佢嘅咖哩, 真係好似係印度餐廳食個d咁, 好香但佢就冇咁辣囉. 北京填鴨都幾好食, 佢係皮肉各半, 鴨肉唔太肥但都唔會好乾, 最正係佢d青瓜京蔥任加!Movenpick 雪糕, 正!! 但味道選擇唔多, 得4種, 但最好係佢有人幫你 “筆”, 咁樣衛生好多!!