yanyanju的个人专页

估唔到觀塘終於開新嘅大喜屋放題啦，地點好方便喺鱷魚恤中心上邊。一入到去第一個感覺係極大！但係裝修得好靚同埋感覺都好高級。 員工好有效率上菜快收碟快！而且我覺得呢一間分店好似比其他分店更加細心同特別。講咗飲品方便先佢竟然有分冷飲同暖飲，暖飲品櫃入邊會有熱辣辣嘅維他奶同埋熱嘅菊花茶。而且仲有飲品機係可以沖熱嘅咖啡，同埋我好鍾意飲嘅柑橘茶。出晒煙嘅感覺好正！我自己都加添左好幾次。叫咗一個壽喜燒牛肉煲，入邊有新鮮打落去嘅蛋，同埋好好味嘅壽喜燒汁！而壽司方面叫咗芝士鰻魚卷，海膽壽司同辣味螺肉壽司🍣仲有牛舌同雞泡魚乾等等。叫到好似omakase 😂亦都叫咗三個唔同味嘅手卷例如三文魚子手卷，蟹肉蟹膏手卷同埋吞拿魚手卷。全部都好好味😋亦都食到我哋好飽！又有雪糕同埋雪條食🙈總括而言成個體驗都好好，下次再同成班朋友一齊嚟食。…查看更多

今日同朋友一齊嚟旺角度食放題。呢度幾乎全層都係屬於樂天大喜屋嘅，一上樓梯就係飲品櫃，已經有各式各樣唔同嘅飲品可以俾你揀。有啤酒啦，有果汁，有涼茶等等。之後有一間自助餐形式嘅房，係有唔同類型嘅甜品同水果可以俾你揀，例如西瓜，哈密瓜，提拉米蘇，牛乳布甸仲有好多雪條。 亦有唔同類型嘅飲品，譬如橙汁同一啲果茶。 食物種類超過百款，而家已經好方便呀全部都可以用手機自助落單，而且上菜嘅速度好快。我一坐低就即刻叫咗一個火炙左口魚嚟食，因為真係好肚餓。同埋佢有海膽手卷，亦都唔會好似其他放題咁樣海膽要出去排隊拎而係你叫10個佢都會上10個俾你，咁當然啦我都食唔到咁多所以我淨係嗌左六卷😂 而且海膽嘅味道都算新鮮。至於其他嘅刺身都有鮑魚，象拔蚌，吞拿魚，甜蝦，帶子。普遍都好新鮮！熟食嘅種類更加係極多有燒菠蘿有燒羊架有燒生蠔有牛油粟米全部都好好食😋我亦都叫咗一碗花膠同蟹粥全部都好入味，已經值回票價。最後再食埋我好想食嘅桃味雪條，簡直係捧住個肚走 😂…查看更多

疫情下冇得去台灣旅行今日專誠嚟到食台式嘅鼎王麻辣鍋細細個就聽過呢個名果然係名副其實！裝修好豪華，員工嘅服務質素都好好🙂初頭會覺得佢叫一個鴛鴦鍋係每位人頭計會覺得幾貴但原來入邊會有好多唔同嘅配料辣嘅鍋入邊會有無限任加嘅鴨血同埋豆腐而酸菜鍋入邊就有無限任加嘅酸菜同埋有少量嘅薯粉。至於大食嘅朋友們都唔使怕因為出邊會有無限白飯同埋醬料所以都一定會夠飽嘅我哋一行四人就叫咗頂級嘅肥牛啦同埋來自日本嘅豚肉兩樣嘢都好好食😋之後仲有特色嘅手打花枝丸同埋手打牛丸兩樣都好好食感覺花枝丸同牛丸都係好新鮮嘅同埋味道都好好配埋鼎王自家醬汁簡直係一流呀推介一班人去食👍🏻👍🏻👍🏻…查看更多

疫情下冇得去泰國旅行唯有同朋友去泰國餐廳度食泰國菜當自己去咗泰國玩啦🥰今日嚟咗灣仔新東南亞泰國餐廳餐廳樓高兩層，環境幽雅寬躺有好多大嘅圓枱係好適合一班人聚會希望限聚令可以快啲完啦到時候可以一家人一齊食一餐好好味嘅泰國飯首先第一樣菜係我哋叫咗好耐都冇食嘅泰式生蝦佢哋啲辣椒我個人覺得味道幾辣嘅但係好開胃酸酸味味，配生蝦係一流！跟住第二道餸係我哋叫咗麵包軟殼蟹配咖喱用麵包點超好食嘅咖喱汁熱辣辣超正！ 個人覺得呢度餸最好食🥰 之後我哋叫多咗一個香茅炸魚配芒果沙律，芒果沙律好開胃酸酸地，切成一條條。而香茅炸魚香茅比較多骨，食嘅時候要小心啲但係食落去嘅時候都好香口😚而飲品方面我哋叫咗好新鮮嘅椰青同埋甜品我哋都叫咗一個好好味嘅芒果糯米飯成件事就係好泰國好好食呀😋…查看更多

平時都知觀塘中海日升中心好多野食今次我同媽媽就揀左lee 間裝修奪目嘅日式餐廳食lunch⭐️⭐️⭐️⭐️⭐️到處都係正能量字句👍🏻👍🏻👍🏻餐牌有簡潔清晰嘅圖，直接睇自己想食咩😛見午市set咁吸引就叫左一個丼飯💕另外叫左午市嘅石頭鍋飯我見午市都有埋沙律，麵豉湯，蒸蛋，餐飲都好豐富💜餐廳有係每枱提供搓手酒精👍🏻👍🏻👍🏻沙律🥗新鮮，我鍾意佢夠多醬🤤個蒸蛋夠滑，有雞肉午市有得揀小刺身，炸餃子，或者燒餅棒我地揀左刺身同餃子🥟餃子好食！！！花刺身丼💕刺身好厚啖啖肉👍🏻👍🏻👍🏻賣相吸引🌟蒲燒鰻魚石鍋飯✨✨✨✨✨Lee個我係有d估唔到一攞過泥個時真係超級熱辣辣！🔥就係石頭鍋能夠比我嘅喜悅💫而且鰻魚好大舊韓式蘿蔔好爽好味加埋d芝麻好香🤤🤤🤤總結，兩個set加埋2百頭Lunch泥講有d貴，不過佢都包好多野食同埋份量十足所以我覺得都ok另外，味道都唔錯尤其係鰻魚飯！ 推介🌟🌟🌟🌟最後，不得不讚員工服務好好👏🏻👏🏻好貼心，不忙加水，幫你收下d碟，臨走前仲同我say bye bye成個感覺好好😁…查看更多

自從將南開了Donki後，人流開始多咗好多，而附近都開了好多特色食店，有「商場之城」之稱的將軍澳區，真係來來去去都是差不多的品牌連鎖，食都食到悶...今次去Donki朝聖前，發現附近有間Burger店，簡約的裝修，光線充足，配合西方味十足的音樂，令到自己可以抽離一下，享受一下啖啖肉的Burger！我點了一份至尊漢堡，加錢配有皮薯條同汽水店舖採用100%全天然美國安格斯牛肉及澳洲和牛，牛味同肉汁十足，而且廚師做得好好，唔會過火！配料亦都好足！另外亦點了一份BFF小食拼盤。配三款醬，中間嗰款微辣，炸魚手指係BFF自家製，唔同平時食開的急凍魚手指，淡淡魚肉；另外一口芝士亦有驚喜，外脆內Creamy，如果鍾意食芝士，可以再追加多碟！食Burger要豪爽，一定用手攞住大啖食，所以餐廳亦都好照顧食客，提供即棄手套，食得爽之餘亦都衛生，十分貼心！下次再去Donki前一定再來試埋其他Burger！…查看更多

今日帶媽媽試吓係大埔嘅新餐廳👭我想講。。。一入到去好靚🥰睇得出餐廳係想整成好似外國嘅酒莊咁我媽係咁影相🤣🤣🤣🤣🤣🤣亦都有個area擺放咗唔同嘅紅酒🍷不過原來樓上誦有feel🙈好多打卡位🤣我哋坐左係樓上樓梯隔離嘅小閣樓好多details位！Lunch menu 好得體，比人感覺係好完整有appetizer, main course, dessert, 最後coffee/tea我同媽媽都叫左餐湯，今日係 雜菜湯首先我想講佢每樣野攞碟都好靚🙈🙈味道方面，唔會話好淡，有好多雜菜媽媽叫咗 香煎時令魚配香茅忌廉汁法式薯蓉店員跟我們講今日嘅魚係 “萬重”其實都唔係好識係咩魚🤣🤣不過食落去，魚好嫩滑，魚皮好脆！魚肉煮得剛剛好，唔係硬身因為香煎，所以都唔會有腥味加上忌廉汁，增加口感👍🏻Lee道菜真係有驚喜🙈仲有其他配菜，西蘭花同蘿蔔唔會好硬另外，我叫左慢烤香草紐西蘭羊西冷 配紅酒汁 伴焗薯食過羊架，羊西冷真係未試過平時都比較鍾意食生d所以叫左五成熟睇得出佢真係生好多🤣我哋心諗死啦係咪生得濟呢？但係切落去又幾順下wo🙈無根我哋驚會唔會太”蘇”所以都攞左d芥辣醬 in case食落去又幾有趣第一口可能因為無點佢嘅紅酒汁，所以係食得出有羊肉嘅蘇味但係第二口加上個個紅酒汁就完全唔蘇之後食晒全部都唔蘇同埋羊肉邊嘅脂肪烤得剛剛好微微脆之如有入口即化嘅感覺🥰脂肪唔係佔好多，所以我都食晒🤣🤣🤣下面嘅配菜都好好食😋甜品方面，今日係芒果cake細細件，配埋餐茶就係完滿嘅感覺☺️我覺得滿好食嘅第一細口好芒果第二口加埋d乾玫瑰花食味道即刻唔同左係變得更清新，又有淡淡的玫瑰花味餐茶係lipton, 比一壺你自己倒可以慢慢嘆☕️總括嚟講，Lee間餐廳好高質！Lunch泥講，價錢ard $100 -150有3個course算合理食物用料新鮮，烹調亦不馬虎不過下次叫羊西冷都係叫7成好似好d🙈食5成又唔會話太太太生（無去到出血水不過羊好似熟少少會更香口haha下次會識叫阿媽又食得開心，又影得開心🥳我都開心🤣🤣🤣…查看更多

今日專盛黎諾士佛臺飲野！Oasis bar & grill 係諾士佛臺既入口位置 所以好容易搵 環境好闊落同特別 有兩種唔同style既座位 一種休閒d 一種grand d 我因為唔太飲酒 所以叫左mocktail 杯身用花做成 好獨特 好岩自拍打卡用 杯飲品有d lychee同peach味 好好飲 朋友叫左cocktail 係雀仔杯咁 聽佢講有加蝶豆花 酸甜再加酒味 都幾好飲湯我地揀左black truffle mushroom soup.Share 飲，佢好細心幫我地準備兩個碟 個portion都好夠 好味道 😋 mushroom味好香 口感幾好 前菜仲有叫oyster 因為好耐無食啦 oyster 雖然size唔算大 但新鮮多汁咸水味夠 都高質主菜叫左M5和牛 澳洲既 好大塊叫左6成熟 煮得都幾好 無咩根 配汁一流 甜品叫左西瓜泡冰 估唔到西瓜原來咁甜 應該好新鮮，好解渴。 同埋個賣相都幾好 泡冰杯咁haha 兩個人賣單$1300左右 但因為我地叫左M5牛所以都抵既！…查看更多

話說今日放學放得太晚無食lunch👉🏿👈🏿但係2點幾3點下午茶時間又唔想食太飽於是去左屋企附近嘅 茶湯會諗住買杯野飲等食晚餐算點知入到去先知原來有少少輕食（我成日都以為得野飲🤣住附近嘅我，又見到佢做緊9折優惠有商場個app就可以👍🏻👍🏻我最後叫左一杯 新鮮水果茶 （$32）同 香辣吞拿魚吐司（$25跟飲品）水果茶內有蘋果，百香果，橙味道唔會太酸，水果新鮮健康選擇👍🏻我食埋佢入面嘅水果😛至於 吞拿魚吐司超級多餡！！！內有芝士，吞拿魚，同埋佢微微辣嘅芝士醬餡係飽滿個隻，完全唔馬虎你點切都食到入面d餡味道好香口（佢d醬真係幾好食🙈吞拿魚滿滿的食完好滿足☺️總括嚟講，下午茶輕食之選！個吐司真係多餡得泥又好食！加埋杯水果茶完全唔會感到好飽滯😋😋😋…查看更多

朋友book左lee間位於尖沙咀嘅樓上cafe食晚餐雖然款式唔係多，亦都唔花巧但係勝在每樣野都好好食😋我哋叫咗 鹽燒蟹棒明太子貓耳朵😍真係好好食！可能我太愛明太子Lee個組合其實好小朋友嘅味道🙈但係就係因為小朋友口味，所以好快就清左佢🤣貓耳朵呢隻意粉可以好自然咁將d汁索哂入去咁食另外，叫左 柚子蜜糖雞翼👍🏻好柚子！佢雖然係一字骨雞翼但係你見到佢好大隻😋😋😋大力推介 魷魚圈小池魚🤣🤣🤣炸魚係無骨，啖啖肉！好香口😍魷魚圈唔會好粉，點埋啲將好好食😋黑松露薯條薯條熱辣辣~*松露醬正常口味總括而言，我會想再食多次😌😌因為地方唔係好多位，所以我覺得如果決定嚟食要book位我覺得自己如果下次去尖沙咀，諗唔到食咩(雖然尖沙咀真係好鬼多嘢食簡，但係選擇困難嘅我，太多選擇唔係一件好事😛）我會walk in泥🤣🤣🤣…查看更多

話說將軍澳其實好少有d特別嘅中菜食通常都係上海，台灣今次開咗間川菜！就緊係去試吓啦😛其實真係想食酸菜魚好耐🙈所以佢一間鋪我幾開心的佢要掃QR code落單不過唔知點解我掃極都掃唔到所以最後佢比左個ipad我落單😛因為得我同媽媽食晚餐所以叫唔得太多野食就叫左一個 $248 小辣酸菜魚 加$28薯粉覺得無想像中咁油有少少麻，酸菜好食，魚好嫩滑，無骨佢放咗好多薑入去，所以d魚唔會腥不過都係趁熱食咗佢😏薯粉係扁闊個隻所以可以吸晒啲精髓出泥👍🏻容易咬開員工態度友善整體感覺唔錯下次會想試下去食lunch😌…查看更多

本身同朋友已經食到好飽所以行完大館之後，想揾個地方傾下計，飲杯野咁Lee間餐廳本身都有好多KOL打卡環境真的很不錯👍🏻好多花花草草🙈有分室外室內室外最打卡嘅位置就係一入去reception個位嘅右手邊個個陽台膊位😌而家天氣涼涼地坐室外sofa位置喺非常chill!!!好有度假感覺我已經覺得可以係度hea成日咁款不過我地揀咗室內坐室內就好舒服無論係溫度, sofa, 氣味, 裝修，都好舒適好似置身於一個花園食下午茶咁但係由於本身我地太飽嘅關係剩係叫左杯gin tonic感覺也不錯最重要係。。。如果你想揾一個好舒適嘅環境傾吓計八婆下我覺得lee個地方真係好好又有wifi🤣店員態度也很有禮貌👍🏻我見人地叫嘅afternoon tea set賣相好似唔錯下次再去會試下🤣🤣🤣…查看更多

其實我未試過嚟朗晴坊食嘢😂😂Lee間都係我同friend行行下想食下午茶求奇搵🙈其實本身想叫下午茶menu $38都幾抵但係因為我太肚餓嘅關係我係叫左個午餐😂 好似$60而家好似有折，平番少少咁但係原來都唔差我叫左個burger午餐包個沙律或者湯，同一杯野飲加少少錢有多個泰式蝦餅雖然佢塊芝士有d hea(佢個menu係寫邪惡芝士😂但係個burger食落都唔錯嘅薯角都OK個泰式蝦餅反而幾好食😋…查看更多

最近見某社交平台 有個咁嘅優惠👇🏿👇🏿就食左個下午茶自助餐～*生蠔泥講。。。我覺得麻麻地，如果食要叫佢洗得乾淨d我食幾隻都有好多沙，所以食左少少都無食另外熟食都ok, 味道正常佢哋送每人半隻龍蝦雖然唔係好大，但係都算叫好食我個人覺得甜品係唔錯~下午茶時間，佢款式算叫多而且都幾好食雪糕係movenpick👍🏻…查看更多

最近少咗出街食飯，但係多咗叫外賣屋企附近商場好多野都已經食過。。。已經有種日日唔知食咩好嘅感覺😂🤣😂係有日去寶琳邨間文具店買嘢先發現原來附近個個寶林街市入面有d熟食外賣檔！然後我一入去已經比第一間鐵板燒吸引咗！Lee間鐵板燒外賣店嘅食材一d都唔馬虎我見佢用珍珠米嫁！佢個個壽喜燒牛肉丼簡直同吉記一樣！佢誦有隻太陽蛋比你見到都開心🤣🤣🤣（唔記得影相😂😂我見佢而家有賣鰻魚飯！超級抵！🌟$50包個紙包飲品！我見佢切個條鰻魚係切成條嘅一半比我😋而且d肉又厚。。。。食落去好正！🙈🙈🙈啖啖肉！另外個店員同我講新出左d燒烤見到佢d青口大大粒咁就叫左半打試下真的很不錯！好芝士🙈🙈扇貝都係見佢大大粒先買好食！啖啖肉又香蒜蓉牛油佢誦有芝士燒豬扒見到咁芝士真係好正同埋都大份我有d好似叫得太多所以我留番當宵夜咁食🤣🤣總結，Lee間鐵板真係好好食哈哈！下次會試佢其他小食😋…查看更多