kakabbbb的个人专页

因為湊湊火鍋做緊7周年優惠，咁岩媽媽身份證有4個7 字所以有7折，哈哈。我哋一行8人 就來湊湊試下呢個優惠啦。其實我之前都食過一次，都覺得係好食嘅。難得有7折，當然要再嚟食啦。不過原來7折優惠唔可以叫套餐，咁我哋唯有散叫啦，首先湯低選擇咗椰子雞，湯低清甜，湯低材料略為少:(打邊爐主角緊係要有肥牛，肉味香濃，肥瘦適中，唔錯。仲有黑毛豬肉，味道一般。好可愛的企鵝丸，味道尚可仲有蝦丸，豬肉丸，牛丸。湊湊的珍珠奶茶真係好飲，茶味濃。…查看更多

今日成班同事約埋去打邊爐，某個同事食過所以帶我哋嚟試下。呢個任飲任食火鍋性價比超值，真係好推薦。我哋6:30 就到咗餐廳，人未到齊前，餐廳會有5款小食，比我哋食住先，有蝦多士、皮蛋、花生、紅糖茲粑等。就算係餐前小食，家嫂都唔會馬虎。齊晒所有人之後，首先會有一隻超大的刺生盛宴船出現，呢隻船超誇張，第一次見，好驚喜。刺生非常新鮮鮮甜，而且份量足夠每個人都食到。另外我哋額外加咗2隻象拔蚌，都唔錯。之後食完刺生就會上雞煲，可以無限加雞岩哂大胃友。最後就係重點食火鍋，主要有海鮮，肥牛，豚肉，基本上火鍋必有的食物都有，超多選擇。而且仲係任食。仲有自制嘅足料飲品，超多選擇。…查看更多

今日約咗契媽食lunch，原本打電話去SOGO樓上和三昧book 位，點知定位滿座，本來諗住都冇得食啦，之後我哋決定Walk in入去和三昧碰吓運氣，居然有位一直都覺得和三味啲壽司好新鮮好吸引，所以我就決定要試吓魚生。中午午市套餐真係好抵食，新鮮魚生大大盤，勁滿足另外燒銀鱈魚定食，銀鱈魚魚肉香滑鮮甜，份量大大塊，好滿足…查看更多

前幾日收到海港城新店ocio 開張派$50優惠卷，所以就決定搵日試下。剛好今日老公仔有時間可以過嚟海港城陪我食lunch，咁我哋就決定試下新餐廳。大約1點到咗餐廳門口，裡面坐滿客人，幸好我有預約，不用等位，即刻可以入座我哋叫咗2個午市套餐：石燒加拿大3A+優質艾伯塔西冷扒，我哋揀咗5成熟，師父煎得好出色，完美控制火喉，整塊牛扒鮮嫩多汁，配上薯角真係一流煎封比目魚柳，飲品我就揀咗蜜桃紅茶。魚柳香脆可口，完全沒有魚腥味，真係好推薦。…查看更多

今日專登帶2個小寶貝去荃灣Corefy 打咭，餐廳的露營風格設計好有特色，最重要係我哋可以盡情食嘢而且又可以帶埋貓貓一齊玩，超正。我哋叫咗2個主食和2杯飲品。自家製安格斯手打漢堡配薯條 ，薯條味道有驚喜，十分香脆可口。漢堡都唔錯，配料十足。草飼黑安格斯西冷扒配烤薯菜，西冷肉質鮮嫩，肥瘦均勻草莓天堂，甜度岩岩好。粒粒紅豆抹茶鮮奶，香濃的抹茶鮮奶仲可以食到粒粒紅豆，口感一流。食物同環境都做得好好，服務都唔錯，十分滿意。今日真係過得好充實，2個小寶貝都玩得好開心…查看更多

今個復活節假期同老公2個人入去長洲玩2日，第二日諗住食埋午餐就坐船返屋企。之前食過呢間泰國菜印象都唔錯，所以決定再試下。我哋叫咗個套餐2人套餐，每款菜式水準都好高質，非常令人滿意最緊要就一定要飲返個正宗椰青水啦，味道清甜，正首先套餐有鐵板黑椒豬頸肉，豬頸肉質唔肥唔瘦剛剛好，個汁好惹味，令人好開胃。馬拉盞通菜味道香濃，通菜好新鮮，好入味。泰式串燒有3串豬肉3串雞肉，泰式汁味道香濃可口，肉質鮮嫩多汁，極正，令人想食多幾串蒜蓉芝士焗蠔，蠔味都算係鮮甜，芝士味就略有點不足，不過總括而言，質素唔錯。今餐泰式料理食得好滿足，而且價錢好抵食，性價比高，期待下次再嚟。…查看更多

今日同老公仔行時代廣場，經過樓下見到新店開張就行過去參觀一下，原來係人氣甜品店“PAN de PAIN” 見到唔使排隊，所以我哋就決定入去試吓。坐低後，每人最少一個order，所以我哋叫咗兩個甜品一杯飲品。 Detox Water- sunshine ,飲品真係完全冇添加任何雜質，只有水果&水，味道很清新。Strawberry Pancake ,夾雜着草莓和草莓忌廉，充滿鮮甜香氣，十分惹味。非常有驚喜。Strawberry Mochi 疏乎厘空氣感強而輕盈，軟綿綿入口即溶，再配上雪糕口感層次豐富，讓人無法抗拒一試難忘。總括而言，甜品價錢略有點貴，味道唔錯值得一試。…查看更多

原先打了電話預約，而且有說明會帶貓貓去希望安排較好的座位。我們大約3點去到，當時有2張枱，一張室外一張室內，都是4人座位，店員安排我們坐室外那張，但隔離枱有5個人十分嘈吵，我怕貓貓害怕，所以要求坐室內比較旁邊的枱，但店員話要3人以上先可以坐，堅決不讓我們坐。過了一會兒，那張室內枱旁邊有一張室外3人座位的枱客人剛走了，然後店員安排了我們坐該位置。最後我哋食完餐飯那張室內要求坐3人枱都係無人坐 ，而且食物價錢不算便宜，但係服務員態度真係令人失望。…查看更多

今日係年三十，食團年飯的日子，往年都係食中菜為主，今年特別啲就諗起打邊爐，加上呢幾日天氣凍凍地真係好適合打邊爐，我們預先book 好位，所以一到餐廳就有位了我哋選擇西環限定的湯底：招牌豬肚雞鍋，湯鍋包括了一大個豬肚和一隻雞，真係好足料，而且味道香濃，好滿足好好味打邊爐肥牛必不可缺，我們order 了極品安格斯肥牛，肉汁鮮甜美味。黑豚肉唔錯，入口肉汁滿滿。羊肉比較遜色，口感一般，下次可以唔叫。鴨血夾滑好味，加上小小辣好開胃。滑豆腐真係好滑，正常水準。各款丸類都好出色，口感彈牙鮮味。響鈴好香脆可口，正鯇魚骨腩比較多骨，味道一般。牛栢葉正常發揮生菜好新鮮總結火鍋撚食火鍋係唔錯嘅選擇，湯底十分足料好味，服務就麻麻哋，尚可接受。…查看更多

經理大人搵到呢間日式餐廳，所以就帶咗我哋來試食。中午1點，我哋來到餐廳，入面好多人，差唔多全場滿座，好在我們預先book 咗位，職員安排咗我們坐房，咁大間房我們三個人座，好舒服我哋每人order 一個午餐set ,每個套餐都包括有麵鼓湯&蒸蛋。味道正常不失水準。雜錦魚生飯定食，有好多魚生口感豐盛，魚生都鮮甜美味，好有滿足感。壽司定食，魚生好新鮮，份糧略為有點少，唔夠飽肚，岩細食女仔最後係壽司5貫+卷物3卷+烏冬（忘記拍照），味道都唔錯。最後仲可以叫餐飲 或者食雪糕，我哋3個都揀咗雪糕，紅豆雪糕味道唔錯。…查看更多

原本我哋想食火鍋，不過忘記book 位。之後諗諗下不如試下十二味，一直都想試，又未去過。咁我哋2個人就叫咗一個烤魚，條魚太細條，冇咩肉食，味道尚算可以接受，配料就有好多。對比起食過幾次烤魚今次條魚真心細條又貴。我哋加咗少少其他火鍋材料，如：肥牛，肉的質素比較一般，沒有什麼特別。凍豆腐 ，這款比較特別，比較少見，味道唔錯，我覺得係今餐之中最好味。腐竹正正常常，味道尚可。總結都係試一次就夠的餐廳，價錢貴，質素一般。…查看更多

今日約埋幾個好同事一齊光臨雪下覓炙嘆燒肉，我覺得這家的質素依然保持水準，燒肉肥瘦適中，啖啖肉汁鮮嫩我哋4個人又想食下燒肉又想食下定食，所以叫咗2個燒肉套餐加2款定食燒肉套餐包咗紫菜飯和牛肉湯，湯味鮮甜味濃三品特選燒肉有豬，牛，雞 ，三款肉，每款肉質都唔錯，這個套餐性價比好高，好抵食。牛肉燒烤，包括牛小排，牛舌，和牛，每款食落肉汁鮮嫩可口，真係好回味。生牛肉石頭鍋飯，牛肉配上生雞蛋再攪拌飯，每口飯都有肉味蛋味，唔錯海鮮豆腐湯，有少少辣，辣度令人好開胃。總結，雪下午餐性價比高，而且用埋海港城coupon 真係好低食，食物質素又高水準，值得再次再臨…查看更多

因為coupon仲有兩日就過期了，所以就快手用埋佢。我哋揀咗幸.匠燒來試吓。平時見呢間餐廳口碑都唔錯，我哋見午餐性價比什高。我哋係食午餐的，大約中午1點到餐廳，好快職員就安排我哋入座。餐廳環境以和式風格設計，好似去日本的感覺我哋叫咗2個定食，套餐包括一個沙律前菜。嚟得幸.匠燒梗係要試吓出名嘅串燒，所以我叫咗份幸之盛，裡面包括雞翼，和牛，月豕肉，雞肉，雞軟骨，香菇，翠玉瓜。我覺得雞翼和和牛係最好味的，香脆可口之餘而且保留肉汁鮮甜。其他都燒得唔錯，全部都好評。鹽燒牛扒肉味香濃入口即溶，令人難忘。最後仲有個小甜品，咖啡味蛋糕，味道就一般…查看更多

話咁快又到2022年嘅最後一晚啦，我哋決定食中菜，好耐冇食片皮鴨了，所以今次專登揀咗米芝蓮一星餐廳南海一號食飯。我哋準時7:00就到咗餐廳，可能時間尚早，餐廳只有一半枱有人坐。餐廳職員安排我哋坐近窗邊位。望出去個環境真係好靚首先登場就係片皮鴨，職員會比完整一隻我哋影相先之後先再切件，餐廳只提供鴨一食，不過呢一食已經夠晒滿足我哋。鴨皮酥脆，鴨肉嫩滑，味道飄香。冰鎮鮑魚已經切好一片片好易入口，少少辣好爽口。沙茶魚蝦蟹粉絲煲呢個餸就比較普通，食唔到有蟹肉，配料好少，粉絲太辣。 總括嚟講，餐廳景觀真係靚，望住維港景色食晚飯係好享受。片皮鴨真係好食值得一試。…查看更多

年尾又係時候公司請食飯了，今次我哋就book 咗六公館飲茶。我哋大約1:00 到達餐廳，餐廳內差唔多都坐滿八成枱。首先一定要試下六公館最出名的：蜜汁叉燒，真係好好味，肉汁鮮甜，必食之選。海膽繪飯真係好推薦，啖啖飯都好夠味湯飯有濃烈魚湯味加上香脆可口的脆米好夾，令人好開胃。金蠔略帶一點點蜜餞的香甜。蝦多士香脆可口，而且香氣十足黑金流沙球入面係香濃流沙汁外面香脆&黑金和牛酥內裡充滿和牛粒，食落啖啖肉汁鮑汁鳳爪 夠入味& 脆脆蘿蔔糕 香脆可口 仲有多款點心：水晶蝦餃、魚籽燒賣、松露野菌餃、肉骨茶小籠包、沙爹和牛腸粉、棗皇糕、班蘭馬拉糕，黑豚叉燒包，賣相十分精緻，味道都唔錯。最後最緊要試埋甜品，茉莉花茶味奶凍充滿仙氣的甜品奶凍味道香滑帶有淡淡茶味，好有驚喜。…查看更多