南海一號

营业中

休息中

話咁快又到2022年嘅最後一晚啦，我哋決定食中菜，好耐冇食片皮鴨了，所以今次專登揀咗米芝蓮一星餐廳南海一號食飯。我哋準時7:00就到咗餐廳，可能時間尚早，餐廳只有一半枱有人坐。餐廳職員安排我哋坐近窗邊位。望出去個環境真係好靚首先登場就係片皮鴨，職員會比完整一隻我哋影相先之後先再切件，餐廳只提供鴨一食，不過呢一食已經夠晒滿足我哋。鴨皮酥脆，鴨肉嫩滑，味道飄香。冰鎮鮑魚已經切好一片片好易入口，少少辣好爽口。沙茶魚蝦蟹粉絲煲呢個餸就比較普通，食唔到有蟹肉，配料好少，粉絲太辣。 總括嚟講，餐廳景觀真係靚，望住維港景色食晚飯係好享受。片皮鴨真係好食值得一試。