little w的个人专页

一次放假四圍行，居然發現葵涌都有個南亞小社區，短短一條小街，就已經有兩三間中東食肆及雜貨店。見到門口餐牌幾吸引，仲要係南亞人煮理，直覺一定唔差得去邊，就入去試一試先。點咗燒雞Kebab,羊肉黃薑飯同masala tea。當中羊肉黃薑飯味道最出色，羊肉冧、有肉味，黃薑飯用各種香料煮成，見到的有肉桂，丁香，黃薑粉，酸梅，辣粉，香料味道平均，黃薑粉份量剛好，只取其香，不會放太多以至有苦味，飯好明顯有炒過，粒粒分明，乾身，油份剛好，辣味令到飯有香口感，但又不太搶喉。燒雞kebab不過不失，燒雞不是香口那種，有點乾，但因為有其他醬汁，所以可以平衡返。Masala tea滑，但香料味不夠，可以再濃些就更好。小店家庭式經營，老板，員工各人友善，有機會一定再嚟！…查看更多

朋友生日，請佢去食個韓式烤肉晚餐。選木槿花，因爲之前朋友提過想去，仲因為嗰度有生牛肉他他。兩個人理所當然點了兩份晚餐，先上一個沙律菜，芝麻醬配新鮮沙律菜，芝麻醬味濃，沙律菜新鮮，一度好fresh的前菜。之後上雪濃湯，熱辣辣，牛骨味濃，仲有三大片韓牛，份量估唔到咁大，如配一碗白飯已可以成一個午餐，飲一碗已好滿足。上完湯，立即來一道生拌韓牛，本人未食過全生牛肉，食前都有啲驚受唔到，但試一口後，又沒有那種血淋淋的味道，生肉拌上雞蛋蘿蔔絲青瓜，口感又唔似食生牛肉，份量之大，又係如來一碗白飯，已經是一個午餐。接著，驚喜繼續，又上了一道午餐份量的燜牛肋骨，有好幾大件，味道甜甜的，牛肋骨燜得好淋，好入味，餸鈑最好，因為驚食完牛肋骨會太飽食不到燒肉，所以食一件牛肋骨之後，餘下的要打包。之後，主角出場，烤肉除有韓牛後腰肉外，還點了牛舌，美國牛仔肉，牛小排及肉眼。咁多款肉，除牛舌不好之外，其他肉質都好好。牛舌怪是因為佢連牛脷胎切，脷胎硬硬的，感覺不好。最後，甜品是紅棗蜂蜜，好潤，好飮。其實兩個晚餐足夠三人食用。是日晚餐真係好飽好豐富。…查看更多

路過譚臣道，被門口一大鑊生煎包吸引，望一望門口，細仔睇一睇，米芝蓮推介喎，就試一試佢睇吓有幾得。叫了一客生煎包，熱辣辣，朋友搶先取一個咬一口，堅爆汁，爆到一枱都是湯汁，我輕輕咬一口，來慢慢啜生煎包內的湯汁，又真係好味喎。總括來說，包算薄，湯汁多，有肉味，作為小食很不錯！…查看更多

收工要OT，同事去川婆婆買麻辣麫，麻辣麫就冇我份，但送既辣魚蛋就請咗我食，魚蛋彈牙又夠麻，好味喎。不過因為佢係魚蛋之上再加辣粉，所以有啲乾同搶喉，如果可以咖哩魚蛋咁，有啲汁就好好多。…查看更多

舊同事同我慶祝生日，去了泰簡單，好耐以前食過一次，覺得一啲都唔好味，但今次再食，唔同晒，好幾好味幾啱我口味。叫了冬蔭功、沙嗲串燒、炒通菜、咖哩、燒牛肉沙律同炸蝦餅。冬蔭功夠辣開胃，辣得來又不會搶喉。燒牛肉沙律酸酸地，辣辣地，牛肉半生，又係一個開胃前菜。炒通菜有鑊氣。沙嗲串燒，沙嗲汁有椰香，少少甜味，不錯。炸蝦餅夠脆，蝦餅彈牙，好味。仲有一個咖哩，咖哩香滑冶味。今餐好滿意，之前唔好既印象抹走晒。…查看更多

生日約咗朋友去灣仔22 Ships來個西班牙菜，一直都好想試吓啲間，好彩早到，唔係就冇位坐，點了suckling pig(西班牙燒豬)、foie gras burger(鵝肝漢堡)、Crispy fish skin, smoked cod's roe, lemon(炸魚皮)$38、Jamon, Manchego & truffle toastie, quail egg (松露鵪鶉蛋多士$68。樣樣細細件，幾好味。炸魚皮脆，配上面頭既醬，唔油膩有fresh既感覺。鵝肝漢堡jucy，少少一件剛好。松露鵪鶉蛋多士，烘得好脆，夾上西班牙火腿同芝士，已經好好味，再加上鵪鶉蛋蛋汁及松露香，香味，味道，口感都好豐富。西班牙燒豬味道都好，但皮唔夠脆，都係中式燒豬好!唯一唔好係趕人走，waitress態度麻麻，價錢貴。…查看更多

cafe好隱閉，一時不為意真係留意不到，環境relax，點了杯Macchiato。咖啡未去到神級，但咖啡味濃，酸度少，回甘味不錯，是一間可以hea好耐的咖啡店。…查看更多

朋友生日，選了一間法式小店來個法式午餐，店內裝修好浪漫，未食已有一陣陣法國味道。點了洋蔥湯、(紅酒牛臉肉)、Escargots on Bone Marrow(香草牛骨髓)、Pink Tiramisu。洋蔥湯好濃芝士味，好香，好熱，好好飲。牛臉肉又係濃濃的，肉質好淋，伴上薯蓉食，好飽肚。而Bone Marrow好油，味道是好的，香草味很出，但太肥膩了。最後Pink Tiramisu，原來是粉紅色的Tiramisu，士多啤梨sorbet，普通但fresh，可以去一去油膩感。這間Bristo真不錯，環境食物都一流，可以再試。…查看更多

晨早起第與同事揸車去大帽山端記飲早茶。早上8:00已經好多人。茶樓全自助形式，no service，自己攞食具，沖茶，自己鐘意食咩自己攞，真係好有趣。叫咗好多點心，糯米雞、蝦餃、鳳爪、炸蝦角、牛肚、排骨、奄春蛋燒賣，食物味道好地道，不會食到精緻難忘味道，亦不會賞到多種層次的口感，這裡是舊式茶樓風味，賣的是特式，仲使炸蝦不夠脆，蝦餃皮不夠簿，但整體味道已好過很多市區酒樓。牛肚最好味，又腍又入味，另一驚喜是埋單好平，只係佰幾蚊。真開心。…查看更多

出銅鑼灣行街，未食飯，想食平啲又好味的，想起常餐，就行咗去喜喜食個常餐，有炒蛋，蛋上有蔥，香口，炒得都叫鬆軟，多士塗滿牛油，好正，叉燒有少少肥，是我口味，奶茶幼滑，好豐富，好滿足。…查看更多

舊同事要去澳門工作幾年，出發前，同佢去食個放題，原本訂了松出，但因為遲到，冇了一半時間，所以去咗第二間，千江雪，魚生厚切，螺鮮甜，三文魚吞拿魚都OK，至於熟食，雞翼燒得幾香口，炸物脆口，但不夠乾身，最特別係有兩種自創料理，荊柯刺秦皇同火燒苛房宮。荊柯刺秦皇係火炙劍魚腩刺身，麻麻地。火燒苛房宮就係火焰牛油配三文魚蓉腐皮壽司，上枱時會點火，好搞笑。甜品有雀巢雪糕。汽水每人只可叫一罐，清酒冇得任飲，$45一小壺。今晚個放題普通啦，有漏單出現，但可以一試。…查看更多

行過sogo地庫，見到好靚既和果子，見好耐都冇食過，就買了兩個和果子。一個係紅豆草餅，另一個是櫻花和果子。紅豆草餅好傳統，比較甜，紅豆好香，草餅好軟身，好好味!至於櫻花和果子，愛死了，粉紅色已經另賣相給引，仲要沒有一般和果子的死甜，軟綿綿，內裡黃色餡料不知是什麼，但好好味呀!…查看更多

行完新娘潭自然教育徑，好攰好肚餓，去到鹿頸食個午飯，叫了個出名既鹽焗雞牛筋腩麵，又真食好好味，牛筋腩又腍又入味，腩汁好濃，鹽焗雞又不似雪雞，夠味，成碗麵好快食完，好味!…查看更多

學完車，去了勝利牛丸食個牛丸牛筋麵，勝利牛丸好似在元朗好出名，一直都想試佢啲牛丸有幾正，可惜今次失望，平平無其，同街市買沒分別，街市有啲都好食過佢，沒有牛味，又不是特別彈牙，牛筋好啲，夠腍入味，麵就唔得啦，失望，食一次就夠。…查看更多

講咗成半年，長洲海鮮團終於搞得成，同事住長洲，所有嘢由佢一手包辦。在街市買了很多新鮮海鮮，聖子、賴尿蝦、蜆、鮑魚、扇貝、魚、象蛂螃，再攞去康記比錢廚房整，好似話煮埋收$70一碟。再點了炒菜、炒飯、炒麵、生炒骨、炸魷魚等，埋單都係每人$190，真係平到唔信。以前一直聽聞長洲食海鮮會比人搵笨，今之可以證實唔係，係超平先係，下次都可以自己買海鮮，再比人煮。海鮮自己買，當然穩陣，煮完出來味道亦好好。很喜歡多多蒜蓉蒸海鮮，好鮮味。炒飯、炒麵康記出品，飯炒得好乾身，粒粒分明，炒麵亦夠鑊氣，正。…查看更多