tracy19950103的个人专页

今次黎到Yadllie Plate發現係一個韓式美食寶藏！店內環境好Chill，木系設計加綠色窗景，坐低好似去咗韓國小旅行，超適合同朋友或者屋企人一齊食飯。位置又正，近荃灣西站，行完OP Mall過嚟幾分鐘就到，超方便！今次試咗幾款招牌菜，真心抵讚！「辣泡菜豬腩肉水冷麵」係夏日恩物，冰涼涼嘅麵條爽彈，豬腩肉肥瘦啱啱好，慢煮到入口即化，泡菜酸辣開胃，食落好過癮，似足韓國街頭風味。「OPPA辣炒八爪魚配野菜」係海鮮控必點，八爪魚新鮮Q彈，辣醬炒到香噴噴，野菜清新解膩，微辣好入口，配飯一流！飲品點咗「藍橙荔枝梳打」，藍莓同荔枝嘅果香加氣泡，飲完好清爽，仲靚到好似社交平台打卡飲品咁。「生薑茶」暖暖地，薑味順喉又帶甜，香港潮濕天氣飲最適合。重頭戲係「驚喜二重奏」，$258有頂級安格斯肉眼牛排同炸雞，牛排五分熟Juicy到爆，油花香濃；炸雞皮脆肉嫩，韓國直送嘅走地雞真心唔同凡響，仲有沙律平衡油膩感，Perfect！服務員好Nice，上菜快手，雖然繁忙時段有啲忙，但完全唔影響心情。總數$500左右，性價比高，食物新鮮又正宗，韓劇迷同鍾意辣嘢嘅朋友一定要嚟試！…查看更多

黑椒蒜油牛柳絲意粉呢個意粉炒得幾乾身，蒜香同黑椒味好突出，入口有啲辣勁。牛柳絲都算好多，唔會覺得韌。意粉硬度適中，調味都幾好。白酒海蜆意粉成碟蜆份量幾足，大大隻冇腥味仲幾鮮甜，白酒汁清清地，食落幾開胃。意粉掛汁唔錯，整體味道幾濃郁，可以加多少少蒜香或者香草會更突出。酥炸天婦羅魷魚呢個反而係我最鍾意嘅一款。魷魚炸漿薄脆，唔會油膩，咬落外脆內彈牙。配上少少檸檬汁或者點沙律醬都幾啱食，作小食或者伴酒都好適合。開心果窩夫窩夫外脆內軟，上面舖咗開心果醬同碎粒，堅果香同甜度 balance 幾好，仲有雪糕，不會過份膩。份量唔算大，但作為收尾甜品啱啱好。…查看更多

上個週末同朋友去咗莆田，試左佢地既鰻魚節，真心性價比唔錯。首先講黑金蒜燒鰻魚，鰻魚燒得啱啱好，肉嫩仲帶住陣陣蒜香，配上黑金蒜嘅濃郁味道，食落好惹味。花蛤蒸水蛋都唔錯，水蛋蒸得夠滑，入口好順，花蛤嘅鮮味同蛋味都好夾。椒麻小鮑魚就真是一個驚喜！小鮑魚爽口彈牙，椒麻醬汁辣得來唔會太嗆，仲有少少麻香，食落好開胃。一品醉蚶好特別，蚶肉本身新鮮，醉汁嘅味道有啲濃，酒香夠突出，幾有特色。酥炒檳榔芋芯好驚喜，芋芯金黃酥脆，咬落有陣陣芋頭香，調味又唔會太重，係一道好送飯嘅菜。…查看更多

今日喺啟德Airside嘅橫濱家系町田商店食咗拉麵，環境舒適，以紅黑為主調嘅設計帶有濃厚日本風情，空間闊落，適合同朋友聚餐。食物方面，「極上和牛野菜拉麵」（幼麵）令人驚艷。和牛質地軟滑，帶有微微油香，配上新鮮蔬菜同濃郁嘅豬骨醬油湯底，味道層次豐富，幼麵彈牙掛湯，口感一流。「橫濱終極MAX拉麵」（粗麵）更係焦點，湯底濃厚鮮甜，粗麵煙韌有嚼勁，完美吸附咗湯汁。配料有3塊肥瘦分明嘅叉燒，肉質軟嫩入味，溏心蛋蛋黃流心，與湯底融合後更添香滑。雖然人流高峰期稍為忙碌，但上菜效率仍算不錯。兩人總消費$304，性價比高，適合拉麵愛好者一試。#町圍商店 #拉麵 #日本料理 #橫濱家系 #啟德美食 #airside #香港好去處 #日本正宗拉麵 #日本過江龍拉麵 #餃子 #章魚小丸子 #香港美食 #香港 #美食推薦 #美食 #食好西 #打卡 #食好西系列 #分享美食 #美食日記 #美食分享 #美食地圖 #啟德 #airside…查看更多

星期六去咗尖沙咀嘅兩草餐廳食飯，真係一個懷舊又滿足嘅體驗！餐廳裝潢好有舊香港茶餐廳feel，牆上嘅老招牌同紅罩燈，仿如穿越咗時空。點咗胡椒肉骨茶，湯頭好濃，胡椒味香到爆，肉骨燜得軟腍，飲完暖晒胃！香煎脆邊蛋肉餅飯係真愛，蛋煎到金黃脆卜卜，肉餅嫩滑多汁，配飯食到停唔下來。咖央多士外脆內軟，咖央醬香甜到舔晒手指！蛋炒豬腸粉好滑，蛋香同醬汁夾到正，份量仲好足。招牌炸雞翼炸得金黃，皮脆肉嫩，調味啱啱好，超香！飲品試咗檸檬薏米水，清新又解膩，酸酸甜甜好爽；樽仔奶茶就係經典，香濃順滑，港味十足。總括嚟講，兩草嘅嘢食好地道，味道正，份量多，服務又親切，價錢合理，真係抵讚！想感受正宗茶餐廳風味，無論同朋友聚餐定一個人chill，這裡都係好選擇，絕對要再encore！…查看更多

前排試咗同朋友試左食龍亭，菜式用料靚、擺盤精美，味道都好好。魚子生蠔生蠔新鮮，入口有陣清甜嘅海水味，配上魚子，鹹香同微爆口感好夾。鯛魚刺身鯛魚刺身切得厚度啱啱好，口感嫩滑，魚味好鮮，加咗少少醬油同山葵，簡單但好食，突顯到魚嘅原味。魚子醬蘭王溫泉蛋蘭王溫泉蛋滑到不得了，蛋黃濃郁得來好香，混雜魚子醬嘅鹹香，食落層次好豐富，一啖下去，蛋液同魚子醬喺口入面融化。澳洲牛柳粒澳洲牛柳粒煎得啱啱好，外層微焦，內裡粉嫩多汁，咬落好 Juicy。牛肉本身油脂香濃，呢道菜簡單但做得好。安格斯牛肉薄燒安格斯牛肉薄燒同牛柳粒比，口感輕盈咗啲。薄片牛肉燒得幾好，肉汁鎖得住。醬汁帶點日式風味，幾好食。海鮮(5選2)今次我地揀左虎蝦，白鰻，日本元貝同鮑魚。虎蝦十分彈牙，元貝勁鮮甜，鮑魚大大隻又嫩，海鮮黎講無得輸。黑松露海鮮炒飯松露香氣好濃，米飯炒到粒粒分明，仲有海鮮嘅鮮甜味。蝦都好彈牙，份量同味道都好平衡。鵝肝多士壓軸嘅鵝肝多士好有法國菜嘅 Feel。鵝肝入口即化，奶香濃郁，配上脆脆嘅多士，酸甜同油膩感中和得好好。柚子雪葩最後加個柚子雪葩，酸酸甜甜，非常解膩，劃上完滿句號。…查看更多

今日去左食好hit既千海，真係有啲驚喜！最大賣點一定係佢個即撈海鮮區，有大頭蝦、九節蝦、基圍蝦、蜆、沙白、鮑魚、花蟹、三點蟹等等，全部都係任撈任煮、無限量補貨，想點煮都得，啲海鮮真係夠新鮮，啖啖都爽口彈牙。除咗海鮮，佢哋啲肉類都唔馬虎，有美國肩胛肉同澳洲M5和牛，油花靚得嚟唔膩，燒生蠔都夠香，仲有啲特別小食例如醬爆糍粑、魚皮，好啱啲鐘意試新嘢嘅朋友。飲品方面有清酒、梅酒、啤酒同冷泡茶任飲，飲品種類選擇都幾好唔怕揀唔到，甜品仲有巴斯克蛋糕同Häagen-Dazs雪糕，完美收尾。兩個鐘自由時段，成人$348一位，以佢個海鮮質素嚟講，真係幾抵食。鐘意食海鮮或者放題嘅人絕對值得一試，記得預先book位，唔係好易full！#香港美食 #香港美食 #香港必食 #香港探店 #香港打卡 #香港旅游 #香港必喝 #香港放題探店 #香港放題店 #香港好去处 #香港推荐食品…查看更多

今次同friend去咗尖沙咀嘅食牛站，話晒都係火鍋界嘅大熱門，平日夜晚都要排長龍，排左一陣隊先入到。一入到餐廳，環境乾淨企理，坐位安排得寬敞，幾舒服。湯底我地揀左花膠雞同蟹皇海鮮鍋，花膠完全唔手軟，湯底都有一堆，骨膠原滿滿。海鮮鍋鮮味十足，配上牛肉味道都幾夾。我哋今次點咗個牛小排套餐，有澳牛M5和牛同特上牛小排，牛肉真係靚到不得了！肉質軟嫩，牛味香濃，完全唔油膩，食完好滿足！海鮮方面選擇都好多，有生蠔，鮑魚，海螺同大頭蝦等等，款款都好新鮮，蠔同鮑魚都大大隻，放題黎講質素都無得輸。大頭蝦入面仲有膏，非常鮮！甜品方面最吸引就緊係哈根大師任食啦，今次有藍莓味同焦糖曲奇味，兩款都要食夠皮。飲品方面，酒類選擇好豐富，有清酒、啤酒同梅酒，仲有唔少特色茶飲。我最愛係最新既鴨屎香檸檬茶，味道清新，飲落去好解油膩！…查看更多

成餐飯坐得舒服之餘，環境都加唔少分。燈光偏暖色系，坐低就有種relax嘅感覺，唔會黑蚊蚊，啱晒朋友聚餐。廣島燒配廚師沙律廣島燒材料堆得豐富，椰菜豬肉蛋一層層疊住，有啲厚實。個麵有啲腍，口感一般，但味道唔錯。反而個沙律出奇地清新，冇太多花巧，但有番平衡油膩感嘅作用，整體配搭算合理。安格斯牛柳炒烏冬牛柳有香煎邊，入口唔鞋，調味亦適中。烏冬夠滑但唔會軟趴趴，有吸到汁，食落幾有飽足感。朱古力雪糕一入口已經感受到香濃朱古力味，唔係死甜類型，口感幾滑，唔錯。不過份量唔多，如果你係甜品控可能會覺得唔夠喉。…查看更多

係莆田嗌咗幾款餸，整體感覺都唔錯，有啲驚喜。香煎走地雞雞皮煎得好香脆，入面仲保持到啖啖肉汁，唔會太乾。薑味唔算好濃，係有股淡淡香氣，如果鍾意重口味嘅人可能覺得唔夠勁，但我覺得咁樣反而保留到雞嘅原味，幾啱我啲口味。鹹香煎黃花魚魚皮煎到微焦，有啲酥香。調味做得幾好，鹹香啱啱好，唔會過火，食落都算舒服。芥蘭豆皮芥蘭炒得爽脆，仲保持到青綠色，應該火候啱啱好。豆皮吸晒啲芡汁，滑嘟嘟又入味，雖然唔算好驚喜，但穩陣好食。避風塘炒蟶子呢道菜好搶味，蒜蓉、辣椒香味爆燈，炒得好惹味。如果熟度控制好少少，應該會更出色。鐵板鹽焗蟶子鹽焗手法令到蟶子保持原汁原味，調味簡單但夠味，唔會掩蓋食材本身。啖啖肉，夠過癮。…查看更多

莆田經常都會有唔同既季節限定菜式，今期就做緊海蠣節，緊係要試下當時得令既款式啦。鮮貝燴絲瓜每粒貝都飽滿，貝肉鮮甜，甜味滲入哂絲瓜，十分易入口。阿元香草雞上碟之後先發現原來係冷盤，不過反而有驚喜，雞皮唔肥，雞肉有微微既香草幾清新。蒜青炒海蠣海蠣用青蒜同青蒜白一齊炒，炒得香口而且乾身。九層塔香燜海蠣每粒都好大隻，而且充滿肉汁，鮮甜肥美，九層塔既香味令菜式既層次增添唔少。砂鍋黃花魚湯莆田既招牌菜之一就係佢地既黃花魚，魚既鮮味落哂湯入味，而且一啲腥味都無，即使拎黎整魚湯，魚肉仍然細嫩。福建老酒飲完會增加食欲，口感獨特，香味濃郁，飲完過一段時間仍然齒頰留香。…查看更多

呢間中菜主打新式福建菜，價格相宜而且係正ifc2樓，最近又做緊海蠣節，決定黎試下佢。吉品溏心鮑配薑油拌麵溏心鮑中心呈半流心狀態，口感有韌度得黎柔軟，味道香濃。薑油拌麵既薑味非常濃，好味到停唔到口。姬松茸竹笙排骨湯飲得出好有火候，姬松茸既香味帶哂入去湯入面，再加埋排骨既鮮味，非常好味。爽拌萵筍絲清新爽口，十分開胃，作為前菜一流。金湯佛跳牆佛跳牆既湯頭無需多講，一定鮮香味俱全，入面仲好足料，cp值十分高。臘味雞肉卷雞肉嫩滑，同包住既臘味夾埋一齊食十分之夾，用黎拌麵一流。勝瓜燴海蠣海蠣隻隻都好飽滿，勝瓜索哂海蠣既鮮味，每啖都係湯汁既精華。桂圓檸檬烏龍茶酸酸甜甜，又唔會落左好多糖，解渴又養生。…查看更多

秋天去左西貢逛下，沿住海邊一路直行就見到呢間餐廳，係酒店入面，見到佢都幾多人食就入去試下。pancetta carbonara用左巴馬臣芝士同煙燻煙肉既蛋黃忌廉汁意粉，煙肉煙燻味重，咸香味足，芝士勁夠超吸引。burrata chorizo 佢地既pizza用左burrata芝士，西班牙香腸，蕃茄，火箭菜同燈籠椒，上面用料十足且平均，餅底唔會太厚而且有咬口，10"足夠兩個人食。peanut butter banana waffle waffle外脆內軟，上面加埋個雪糕一齊食甜而不膩，花生醬既味道濃郁，配合焦糖香蕉，味道非常之夾。estrella damm lager用完咁多濃味既野之後飲返杯啤酒好解膩，仲有happy hour優惠。…查看更多

秋風起，最應節就當然係食大閘蟹啦，一定要黎莆田食佢地既大閘蟹，幾款都好吸引。清蒸大閘蟹清蒸最能夠試到隻大閘蟹新唔新鮮，呢隻大閘蟹既膏都幾鮑滿，而且蟹肉都紮實。熟醉大閘蟹呢款凍食既醉大閘蟹真係一試難忘，酒香味濃不特止仲要帶有少少甘甜味，配合埋蟹膏既鮮甜味真係十分之夾。福建特色紅糟鰻用特製既紅糟包住炸好既鰻魚，外層酥脆，肉質爽且充滿油香，味道唔會好咸，值得一試。閩南特色海蠣煎有d似台灣既蚵仔煎，但係佢地既蠔都唔算細粒，蛋身比較乾而脆。閩南姜母鴨鴨肉嫩滑，醬汁煮到入哂味，薑味濃得黎帶少少辣感，食完個人暖哂。…查看更多

呢排天氣開始涼，即刻約朋友去打邊爐，去咗尖沙咀嘅胡爐，地方企理坐得舒服，同朋友傾計最岩烚下烚下佢哋嘅湯底都幾特別，海鮮鍋用料豐富又新鮮，有多款海鮮: 鮑魚,龍蝦, 青口, 蜆肉, 花膠等高貴食材，成個海鮮大雜燴咁！湯底味好鮮甜，未開始打邊爐前已經飲左幾碗，飲完唔會口乾！叫咗個黃金魚皮，即點即炸，香脆又好味，外層咸蛋黃超邪惡！唔點湯都好好食，當小食好好食! 點落湯又另一番滋味，其他火鍋料都幾多選擇，不錯，下次會再去打邊爐…查看更多