莆田 (港威商場)

上個週末同朋友去咗莆田，試左佢地既鰻魚節，真心性價比唔錯。

首先講黑金蒜燒鰻魚，鰻魚燒得啱啱好，肉嫩仲帶住陣陣蒜香，配上黑金蒜嘅濃郁味道，食落好惹味。

花蛤蒸水蛋都唔錯，水蛋蒸得夠滑，入口好順，花蛤嘅鮮味同蛋味都好夾。

椒麻小鮑魚就真是一個驚喜！小鮑魚爽口彈牙，椒麻醬汁辣得來唔會太嗆，仲有少少麻香，食落好開胃。

一品醉蚶好特別，蚶肉本身新鮮，醉汁嘅味道有啲濃，酒香夠突出，幾有特色。

酥炒檳榔芋芯好驚喜，芋芯金黃酥脆，咬落有陣陣芋頭香，調味又唔會太重，係一道好送飯嘅菜。