pansy907的个人专页

位於rosewood 酒店入邊嘅bluhouse, 充滿意大利風味，價錢親民，仲有窗口位影吓相，佢嘅甜品櫃，實在有太多唔同種類嘅甜品，選擇困難症嘅我真係好難選擇，pizza 又係超級多款式，我哋揀咗兩款，又真係好好食。Pizza Ragu 茄汁底肉丸pizza , 肉丸唔會好乾身，好食。Margarita 👍本人覺得必食呢個太好食，掛住食，唔記得影相，多重芝士，芝士味濃郁，餅底好食。Lasagna 我對芝士有特別喜好，所以見到咁多芝士，千層闊條麵，義式千層麵 ，層層堆疊嘅番茄肉醬同埋芝士，芝士味濃郁，好有傳統義大利田野風味。甜品，真係好吸引最特別嗰個我覺得係開心果卷，開心果味好特別。Fruit tarts 水果夠甜，下層吉士。…查看更多

父親節去咗食自助餐，上網訂仲有八折，自助餐嚟講價錢都算合理啦，我哋食早輪五點至七點十五分。嘢食種類都豐富，味道好味，要讚一讚先，呢度啲侍應碗碟嘅密度都算好高。唔使我哋叫，先換碟。海鮮種類豐富，有生蠔、龍蝦、長腳蟹、蝦、青口…… 生蠔係法國嘅，雖然唔係好大隻，但新鮮，即場開。熟食有燒烤，羊架、牛扒，牛扒幾好食，冇筋。熱食，蒸魚、燒味、炒菜、伊麵……冬菇鮑魚，鵝掌呢個都好食，煮得好入味。冷盤，沙律、芝士、生蝦……凱撒沙律，好味，我鍾意啲醬汁。魚生類，三文魚、帶子、油甘魚，正正常常不過不失。燉湯，冇味精，好飲。甜品類，拿破崙夠鬆脆。有朱古力噴泉。雪糕有Movenpick。…查看更多

乳酪好味好開心，之前成日要入西貢食嘅乳酪店，終於都喺香港島開咗分店。今次佢開喺西營盤第二街咁就方便好多，可以搭地鐵已經去到，喺西營盤間分店嘅裝修都係用淡綠色為主題，簡簡單單，但係影相都幾靚。如果鍾意糯米糍口感嘅朋友一定唔好錯過門口仲有幾個影相位可以坐吓，可以食乳酪打卡。佢嘅低脂乳酪雪糕，食咗都唔怕肥，仲可以揀不同嘅配料，每次去我必定會食lotus焦糖餅乾 , sea salt honeycomb, 仲要配埋黑糖醬汁，係我最愛嘅乳酪配搭，好好味，最緊要係食咗都唔怕肥。佢嘅配料朱古力mochi 都幾好,如果鍾意糯米糍口感嘅朋友一定唔好錯過。…查看更多

辛辣麵好耐冇食過翠華茶餐廳，今日去筲箕灣食早餐，經過見到茶餐廳早餐，座位都幾寬闊，都乾乾淨淨，最緊要就係原來有辛辣麵，即刻入去試，因為好耐冇食過早餐食部隊喎啊。平時到早餐通常都食通粉、沙嗲牛肉麵，好少會食部隊鍋。個部隊鍋好豐富，有雞蛋，煙肉，餐肉，芝士、腸仔，芝士，開頭見到辛辣麵咁多湯以為冇味，原來都夠味，麵質都好好，唔係太淋，好滿足。沙嗲牛肉麵，炒蛋，炒蛋又吵得幾靚仔喎滑嘟嘟，牛肉都夠味，都幾好食呀，湯都幾好飲，唔會令我失望。…查看更多

係高街的十字冰室，淨係開到下午六點，所以平時夜晚黑都試唔到，今日特登星期六日嚟試吓，座位就唔係好多，至於嘢食方面，太多選擇啦，我哋揀咗好耐先揀到。平時冰室通常都係食茶餐，原來佢嘅飯都一樣出色。太陽蛋雞扒蔥花飯，雞扒醃到好好味，太陽蛋煎到燶邊，加埋啲蔥油撈飯，味道一流。茶餐蕃茄牛腩通粉，蕃茄係濃湯湯底，好多牛腩，誠意之作。黑松露炒蛋，黑松露加入炒蛋一齊炒，將普通嘅炒嘅雞蛋變得特別滋味。最鍾意佢嘅玻璃樽裝鮮奶，童年回憶返晒嚟。…查看更多

銅鑼灣登龍街，成條街好多嘢食好似食街咁，超級多選擇，今次就上去v point 29樓晚飯，又有靚景，高層海景，服務都幾好，座位當然闊落啦。嘢食都算幾好！鐵板叉燒鐵板上，叉燒上枱熱辣辣，夠淋身菠蘿咕嚕肉個樣好靚，影相出嚟效果一流，原隻菠蘿上，咕嚕肉炸到外脆外軟，咕嚕肉入晒味，必食。龍蝦湯泡飯飯炸到脆卜卜，自己加入湯，鍾意食幾多飯就落幾多，湯有龍蝦肉有瓜，清甜好飲，應該冇味精，飲咗湯都唔口渴。啫啫唐生菜鮑魚煲唐生菜香噴噴，鮑魚切片，嘢味。…查看更多

西營盤越開越多打卡餐廳，今日嚟試咗呢間波希米亞風嘅餐廳，餐廳闊落，但最緊要梗係喺出邊門口坐位打卡啦，又真係幾靚。記住呢間餐廳係自助形式嘅，係攞住個餐牌出去cashier 嗰度點餐，然後俾錢。水同刀叉都係自己出去攞！食物方便已打卡，餐廳嚟講都已經算唔錯，飲品飲咗朱古力，朱古力味道香濃，甜到啱啱好，大人細路都鍾意。香蒜鮮蝦炒意粉呢個意粉，一出嚟已經香噴噴，意粉炒到好彈牙，蝦肉夠爽脆，仲有啲蘑菇喺度，蘑菇加埋啲蒜蓉落去炒，配搭好好。值得一試，好食。…查看更多

堅尼地城士美非路街市熟食市場，未到夜晚七點，已經坐滿七成客人，大部份人都係食烤魚或者雞煲，座位都算企理。今日去咗食雞煲，叫咗大笪地雞煲，仲加咗豆腐，豆腐吸收晒雞煲嘅精華，夠晒嘢味，雞煲應該係即叫即炒，原煲上，上枱時香噴噴，熱辣辣，食完雞煲仲可以用啲汁嚟打邊爐。雞煲相當好味，好香，雞肉嫩滑。仲有洋蔥，菇類做配菜。食過返尋味。值得一試。 之後我地打邊爐加左牛肉牛丸響鈴，牛肉都好靚，肥瘦適中。食 芝心牛丸嘅時候小心啲， 邊好熱，芝士會流出來。…查看更多

人氣麵包鋪，加多娜麵包店，天然酵母手作麵包，果然名不虛傳，但最馳名嘅麵包布甸要4:30才出爐，大約4:00開始有一兩個人排隊。今次大約4:45 有幾個人排隊，所以今次就買咗個麵包布甸麵包布甸$15果然好好食，布甸好滑，可以連埋麵包一齊食，唔怪得咁多人排隊啦，味道同價錢都好好。，所以就冇得試佢嘅人氣產品麵包布甸。一齊食，唔怪得咁多人排隊啦，味道同價錢都好好。蒜蓉麵包因為見到佢熱辣辣好似啱啱新鮮出爐，好香嘅蒜頭味，所以買來試，都好好食，蒜蓉味好香，麵包外脆內軟，正。布甸泡芙布甸好香，好多，一撕開個泡芙就爆漿，外脆內軟。肉鬆牛奶包麵包非常軟熟，肉鬆又夠多，又唔會跌到成袋都係，好好食。…查看更多

經過旺角，見到張傳單，好似幾抵幾正咁，咁就上去試吓啦，點知上到去，點刺身，嗌十樣有五樣都話冇貨，就算有貨啲刺身都有說雪味唔新鮮。明明傳單上話有龍蝦、鮑魚等貴價食物，點知又冇🥲咁都算啦，咁咪諗住食其他熟嘢啦，點知道出菜又慢（眼見得幾台人唔係太多客）等咗30分鐘以上先有熟嘢食吓。諗住問侍應幾時有嘢食，點知不停舉手，佢又當睇唔到睇我唔到，終於我行出去問佢，佢話好晦氣咁答我，➡️➡️熟嘢係要等耐啲啦，個個都係咁等㗎喇⬅️⬅️之後又求其俾啲我冇落到order嘅嘢我食！我都未試過食放題食都唔飽嘅，覺得自己好似水魚咁，完全貨不對辦，以後都係唔好信宣傳單張！😡最慘嘅就係，價錢同傳單都唔同，貴過傳單！…查看更多

小熊溫泉火鍋終於唔使去日本都有得食，小熊溫泉人氣火鍋店，睇住小熊浸溫泉，真係好可愛❤️睇住熊熊慢慢溶化，真係好療癒💙 套餐價錢百幾蚊，都算合理。有得追加肉類同埋魚蛋類。牛肉份量，雖然唔係好多，但係質量都幾好，入口即溶。香港限定湯底—麻辣湯底，夠晒刺激🧡喜燒鍋湯底—味道一流💜骨膠原蛋白濃雞湯—味道比較清淡💛 甜品有隻朱古力熊熊喺面加埋啲雪糕，香蕉小朋友最中意。🐻🐻舖頭嘅姐姐，仲送咗個熊熊頭箍俾小朋友…查看更多

原來銅鑼灣蘭芳道開咗一間咁chill嘅Cafe, 我都係啱啱邊個先知。仲見到有啲幾好食嘅set lunch，餐廳環境幾乾淨，有闊落。所以就入去試吓，有前菜、主菜、白飯或者烏冬，仲要無限添加。餐飲有白咖啡，白咖啡有咖啡味得來又唔係太濃👍前菜: 鮑魚、雪場蟹肉沙律鮑魚，夠味原隻上，唔韌，夠味主菜 ： 豚肉生薑燒豚肉生薑燒份量正常，豬肉係用半肥瘦嘅豚肉，送飯一流。前菜 : 鮮果希臘乳酪，半熟吞拿魚好少食希臘乳酪，配埋生果夠晒開胃主菜：藜麥三文魚夠晒健康…查看更多

Cinnabon是美國超人氣肉桂卷專門店 ，平時星期六日很多人排隊，平日經過見到冇人排隊，即刻買來試吓，果然係人氣肉桂卷，肉桂卷新鮮製造。招牌肉桂卷肉桂香味香濃。花生醬朱古力卷，喜愛朱古力、花生醬嘅朋友一定不要錯過，自製花生醬，又有花生粒，內裏是朱古力流心卷。我見到，而家仲有Mini版，$32有四件，仲可以選擇唔同味道👍買咗返屋企，第二日再食，以為凍咗，翻熱會冇咁新鮮，原來擺喺微波爐叮一兩分鐘，就熱辣辣，一樣咁好味，會再去encore。…查看更多