十字冰室 (恆陞大樓)

营业中

休息中

係高街的十字冰室，淨係開到下午六點，所以平時夜晚黑都試唔到，今日特登星期六日嚟試吓，座位就唔係好多，至於嘢食方面，太多選擇啦，我哋揀咗好耐先揀到。平時冰室通常都係食茶餐，原來佢嘅飯都一樣出色。太陽蛋雞扒蔥花飯，雞扒醃到好好味，太陽蛋煎到燶邊，加埋啲蔥油撈飯，味道一流。茶餐蕃茄牛腩通粉，蕃茄係濃湯湯底，好多牛腩，誠意之作。黑松露炒蛋，黑松露加入炒蛋一齊炒，將普通嘅炒嘅雞蛋變得特別滋味。最鍾意佢嘅玻璃樽裝鮮奶，童年回憶返晒嚟。