twinkleman的个人专页

今日忽然間想食火鍋，所以行完街就去呢度食火鍋。食火鍋，湯底最緊要，所以我點左個鴛鴦鍋湯底，兩種湯底都試下，唔洗獨沽一味。正宗重慶麻辣鍋 小辣 由於我唔係好食得辣既關係，所以辣度只能揀小辣，辣度係我可以接受既程度。食落去，麻得黎最後有少少辣慢慢滲出黎，食完好醒晨。酸菜魚鍋 本身好鍾意食酸菜魚，所以每次食火鍋如果有酸菜魚湯底，我都必定會叫黎試下。湯度酸得黎有少許微辣，再加上裡面仲有d魚片係入面，魚肉勁滑，食完個魚之後勁開胃，正。羽衣甘藍豬肉餃羽衣甘藍既豬肉餃真係第一次試，因為有羽衣甘藍既關係，個餃食落去勁爽口，仲可以帶出豬肉既鮮味，餃子皮都算幾薄。牛頸脊 手切牛肉 半份牛肉表面既雪花都算幾均勻，只要放落湯底灼一灼已經好快熟。食落去牛味好濃郁，輕輕一咬已經可以咬開，一d都唔靭，正。朱古力糍粑 見到幅圖好似好好味，所以點左黎下。糍粑面炸到勁脆，裡面既糍粑勁煙韌，再點埋個朱古力醬黎食，好味。 巨峰乳酸沙冰食到勁熱，叫返杯涼浸浸既巨峰乳酸沙冰，沙冰攪得好幼細，巨峰乳酸味道好濃郁，而且唔係好甜，飲完透心涼。…查看更多

前幾日朋友仔約左我地去食日式燒肉，而今次既飯局既地點係朋友負責，當朋友比左個地點比我睇既時候，我就上網睇下有咩食，見到有得食和牛，已經非常期待。入到去餐廳裡面，餐廳既環境好寬敞，完全唔會有壓迫感。而食物既種類亦有好多選擇，一大班人一齊食飯既好處就係可以試多幾種唔同既菜式，今次亦點菜既款式亦好多。三點前菜 -小資女合桃：合桃好脆口，而魚仔一d腥味到無，仲要甜甜地同埋好香魚味添。-海蜇：海蜇食落好彈牙，而且上面沾滿左芝麻，所以食落去仲有芝麻既餘香添。-醃蒜蓉：蒜蓉醃得有點辛辣，而且食落仲好爽口添。味醂魚乾 每次食親日本野都必叫魚乾，今次亦唔例外。魚乾燒到金黃色，仲有淡淡既燒焦味道，食落去甜甜地同熱熱地，再點埋蛋王醬黎食，正！炸雞軟骨 炸雞軟骨炸到表面金黃色，咬落去脆卜卜同埋熱辣辣，雞軟骨食落去仲好爽脆添，好味！茄子沙律 平時返工已經好少食菜，所以今次就叫左個茄子沙律，沙律入面有蕃茄仔、粟米、菜同埋茄子，整體食落去好新鮮爽甜，正！近江和牛盛宴 論到今晚既主角出場，餐廳好貼心地將每個牛既部份標籤並放係牛既拼盤上面，可以試下九種唔同部位既牛肉，令到對牛每個口感同味道有更深入既認識。每個部位既牛味相當濃郁同埋好juicy。而我就燒肉白飯黎食，牛既肉汁滲入白飯裡面，真係絕配，正！南瓜天婦羅 天婦羅炸得非常脆口，而且南瓜好鮮甜多汁，好味！牛油露筍炒野菌 野菌牛肉味相當濃郁，野菌炒得非常爽口，而且仲滲滿左牛油既香味，食完呢味野菌之後，可以去下油膩感。…查看更多

之前新年入去元朗同朋友拜年，所以同朋友拜完年之後，就順便出去元朗市區食晚飯。去到元朗市區之後，就同朋友仔四圍行下。行下行下，就經過左間日式料理店，所以我地就入左去呢到食晚飯。入面既裝潢好有和風特式，好似去左日本既居酒屋，無論擺設同裝修都花盡心思，抵讚！而呢度既食物種類都選幾多，無論海產、炸物類、卷物類、小食都有好多選擇。海胆三文魚籽甲羅燒 98甲羅係指蟹蓋，而蟹蓋裡面分別裝左蟹膏、三文魚籽同埋海胆。由於蟹膏經過烤焗，味道更加濃郁。而三文魚籽好大粒，咬落去既時候卜一聲，爆晒d三文魚籽出黎，好正。海胆亦非常鮮甜。最尾我就將所有野溝埋一齊，將d材料鋪滿左係多士上面，食落去好鮮甜之餘仲好脆，真係別有一番風味。正！鮟干魚干燒活帆立貝138帆立貝上面鋪滿左三文魚籽，帆立貝size比我想像中大，食落去好爽口彈牙，而且非常鮮甜添。河豚魚干88河豚魚干燒得好香口，咬落去仲啖啖肉添！鰻魚玉子燒 68 玉子燒既蛋燒得好香滑，咬落去仲有蛋汁添。而中間既鰻魚好稔身，而且鰻魚既香味同玉子燒既蛋汁，非常之夾。清酒煮花甲108花甲比我想像中大隻，花甲好鮮甜多汁，仲有淡淡既清酒香味，另上面仲灑滿左䓤花，無論賣相同味道，都係水準之上。明太子醬天婦羅蝦卷88天婦羅蝦炸得好香脆，而且蝦好鮮甜。而本身我都好鍾意食明太子既產品，天婦羅同明太子醬好夾，好味！荔枝酒58荔枝酒有淡淡既荔枝香味，一邊同朋友傾計，一邊食住新鮮既食物，真係人生一大樂事。…查看更多

今日約左朋友出黎食晚飯，朋友提議不如去dream cafe, 我二話不說就讚成左。 其實dream cafe係我同佢既聚腳點，但因為大家各有各忙，好難就到時間出黎食飯。所以今次朋友提議既時候，我都非常讚成。坐低之後，我地都分別揀左set dinner 。Set dinner分別有沙律、主菜同埋飲品。沙律：食落去好新鮮同埋爽口，而且有d香醋既汁，食落勁醒胃。香煎帶子配黑松露野菌闊條麵：帶子size都算大，咬落去非常爽口，而闊條麵有陣陣既黑松露既香味，意粉質感啱啱好，意粉仲沾滿左黑松露既香味添。燒鱈魚配秘製汁：鱈魚係我最喜愛食既魚之一，因為我本身覺得鱈魚唔腥，而且無乜骨，食落去啖啖肉。而今次呢個燒鱈魚扒亦無令我失望，鱈魚有好香奶油既香味同埋食落去甜甜地，好味！黑松露薯條：每次都會食既黑松露薯條，薯條食落去好香脆，而且有香濃既黑松露香味，好味！柚子蜜：呢個天氣嘆返杯柚子蜜，滋潤下，正！…查看更多

之前都有聽過幾個朋友講話呢度既忌廉烏冬幾好食, 有日同朋友去銅鑼灣行街, 知道新開左分店, 所以就黎品嚐一下我地下午2點幾去到, 只有幾枱食緊, 好快就入得座啦我地點左 咖哩忌廉烏冬 (牛) 同埋 醬燒黑豚肉釜飯首先上既係咖哩忌廉烏冬, 見到白色的忌廉鋪係烏冬上面, 好靚, 好似鋪左D雪係面咁 haha 忌廉既質地好似泡沫咁, 所以食落唔會膩, 我地將佢撈勻黎食。入面牛肉既份量都好多, 牛肉食落有咬口, 咖哩汁已經包圍住所有既烏冬, 好似加左少少薯仔蓉咁, 好creamy, 我幾鍾意！ 個烏冬煙煙靭靭，我覺得真係幾好食！天氣太凍, 所以我地叫個釜飯, 食住一直保持暖身飯上面有黑豚肉, 紫菜同埋蛋絲。黑豚肉都有4-5片, 唔會好肥, 飯既份量都好足夠, 我好鍾意紫菜+飯, 因為食落好香, 加埋D醬汁, 係perfect！個鍋底重有少少飯蕉tim, 真係好滿足～下次有機會再黎食佢個吉列牛啦 …查看更多

一到冬天, 就時常都想食暖呼呼既熱食, 有時食得多會厭, 都會掛住日本菜, 所以今天立即約左幾個朋友係銅鑼灣食飯, 雖然唔係個個都應到約因為約得太急, 但都有人賞面齊齊去食個飯聚一聚。餐廳位於登龍街其中一棟大廈既樓上店, 而家愈開愈多上樓餐廳, 始終因為地鋪太貴, 令唔少食肆都向上發展, 同埋勝在餐廳選擇夠哂集中, 同棟大廈都有好幾間可以考慮, 我地今晚選擇左哩間日式居酒屋食晚飯一入到店內, 人客已經差唔多坐滿全場, 幸好我地黎到有枱立即入座, 店員亦介紹而家餐廳做緊既優惠同推介, 點好之後, 話咁快就有得食啦白昆布松葉蟹鉗卷佐甲羅燒松葉蟹鉗卷排列得好齊整, 旁邊鋪左好多花瓣碎, 而中間就放左甲羅燒, 令整體賣相加分, 蟹鉗卷每件都大件肉厚, 大件到放一件入口都放唔哂, 要咬左一半先食到, 蟹肉味道鮮味突出, 食落蟹肉分明, 配甲羅燒蟹膏食再增添滋味, 味道更加濃郁加拿大極上海膽火爆丼店員推薦依款最近做緊優惠價$98既海膽丼飯, 用左加拿大新鮮海膽, 頂層鋪滿份量十足既三文魚籽, 完全係多到滿瀉哂, 要用大碟再放低墊住, 三文魚籽食落非常鮮甜, 海膽入口軟綿, 食落鮮甜回甘, 再配底層既壽司飯拌勻食真係好好味, 整體份量都幾多, 的確係值回票價同性價比高, 唔錯呢味醂魚乾一黎到居酒屋, 指定必叫既雞泡魚乾, 食落軟中帶韌, 甜得黎有咬口, 味道好香, 燒得剛剛好, 好好食, 如果送埋酒一流原條海鰻 穴子朋友想食鰻魚, 所以叫左一件穴子壽司比佢自私食, 海鰻入口即溶, 咀嚼時無骨, 濃郁帶甜味, 燒得剛好又唔會乾, 唔錯甘蝦甘蝦比起平時食到既甜蝦肥美大隻, 食落夠爽嫩, 幾鮮甜且粘牙大拖羅壽司食壽司又點少得拖羅, 拖羅口感嫩滑鮮味強烈, 啖啖肉咁好正左口魚邊全晚最肥美之冠就係哩件左口魚邊, 經輕燒過後, 油份高之餘, 非常肥美, 油香味強烈, 入口即溶, 真係勁邪惡, 真心食完一件已經覺得夠, 食多件都怕肥另外叫左幾款串燒過下口癮, 分別有黑豚露荀卷, 香蔥蒜牛肉, 鵝肝釀雞翼, 白鱔同鵝肝釀雞翼, 每款都燒得剛剛好, 而且無燶到, 其中幾欣賞香蔥蒜牛肉, 食落軟熟, 香蔥味亦都好濃, 兩種味道好夾, 另外白鱔亦都令我食完有叮一聲, 平時我食開都係好軟腍, 但依度燒既白鱔係外皮燒得微脆, 肉質嫩滑軟熟, 食個時仲有陣陣既燒香味, 值得推介啊!…查看更多

近排天氣持續寒冷，所以同朋友行完街之後，決定去食燒肉暖暖胃。呢間係一間日式燒肉店，入面既裝潢好有和風既味道，而且位與位之間好寬敞，完全唔會有壓逼感。另坐低既時候，侍應亦會附上醬油、檸檬同海鹽，比大家點燒肉食。胡麻豆腐沙律沙律入面有豆腐、蕃茄仔、麵包粒，胡麻醬。豆腐食落去好香滑，加埋胡麻醬一齊食，豆腐既清甜同胡麻既香味非常之配。由於沙律上面鋪滿左木魚，食落去爽口得黎又有木魚既咸香味添。日本產和牛肉眼（鹽燒）左上肉眼扒面積比想像中大，而整塊肉既脂肪好平均，肉面既雪花非常明顯，見到已經流晒口水。而食落去牛味非常濃郁，而且好軟熟。正！和牛上牛排肉（右上）牛排肉色澤同樣呈鮮紅色，賣相相當鮮嫩，燒熟準備食前已嗅到牛肉油香味，食落比較有咬勁，口感特別豐富和牛牛排肉（中間）肉質鮮嫩，脂肪比較少，同樣入口即溶，咬個時帶濃郁肉汁，加左少少檸檬汁調味，估唔多味道幾夾且美味出色五花肉（下中間）五花肉同脂肪既比例平均，燒完之後再加d檸檬汁食，酸酸地之餘仲令到五花肉既味道更平均。而燒完既肉質仲出奇地保持到軟熟，正！我每次去食燒肉都會叫白飯去配，我始終覺得白飯配烤肉先係perfect match! 所以今次亦唔例外去叫。乳酸梳打+白桃梳打：食烤肉當然要叫杯特飲先叫做完滿啦，我同朋友仔一人叫左一杯。兩杯梳打飲落去各有特式，尤其是白桃梳打，飲落去白桃味非常濃郁，正！…查看更多

之前經過紅磡都知道呢度有間酒店，咁啱同朋友傾開計，佢話上次同男朋友去左酒店入面既餐廳食晚飯，無論食物同環境都幾好，聽完朋友咁講，就專登過黎食晚飯。餐廳入面都幾寬敞，而且餐廳既窗係以落地玻璃為主，完全唔會有壓逼感。一邊食飯又可以欣賞街景，幾好！而食物方面，由小食、主食至甜品，都有很多選擇，乎合到大眾既口味。瘋狂自家制牛肉漢堡 炸薯條 $138由於好耐無食過漢堡包既關係，所以見到有漢堡包，我就二話不說揀左黎食。成個漢堡望落去已經覺得好足料同埋好厚實。漢堡上面仲有塊溶左既芝士，芝士仲滲左入去漢堡入面，食落去牛味同芝士味非常濃郁同埋好juicy。漢堡包入面既配料仲有蘑菇、蕃茄同埋生菜，夾埋一齊食一d都唔漏，仲好fresh 添。另側面既薯條炸得好香脆，食落去仲有好香既薯仔味，正。燒日本穀飼有骨豬鞍 配時令什菜 $218厚厚既豬扒煎到七成熟，見到個樣已經流晒口水，食落去果然無令我失望，軟熟多汁。另側面仲有西蘭花、蘑菇同埋蕃茄仔作為配菜，可以減去油膩感之餘，仲可以食下蔬菜，正！伯爵茶：食完野之後，當然要嘆下杯熱茶，消下濟啦。…查看更多

有時候同朋友聚下係不用理由大家收工又累又眼訓輕鬆食飯傾下計 再食埋個甜品先肯返屋企甜品完全可以化解我嘅累氣同朋友係附近食完晚飯 黎左依間餐廳酒吧有主食 甜品同酒類飲品 都幾多選擇我地叫左兩款甜品同一支啤酒慢慢嘆先黎朋友點嘅焦糖燉蛋 份量尺寸比想像中大個先用匙羹整碎頂層焦糖 再連燉蛋一齊食唔會太過甜 蛋味幾香 而且食落唔會粘牙到我點嘅士多啤梨芭菲 又高又大杯頂層係我細個好鍾意食嘅家庭牌士多啤梨雪糕一食好有童年回憶 入面有好多士多啤梨片完全唔酸仲好甜 中底層有大量嘅脆米連埋忌廉雪糕一口食 好冰涼黎黎脆卜卜 愈食愈停唔到口食完甜品叫左支手工桂花啤一齊share飲飲落麥味都幾出 唔算太濃 係有清爽嘅味道 又好易入口 唔錯呢…查看更多

之前聽屋企人講，知道黃埔開左九號水產，所以今次專程黎到呢到閒逛同食飯。入到去九號水產入面，除左有海產賣之外，入面仲有餐廳可以坐低食野。買完野之後，就諗住坐低醫肚，行到宏既餐廳門口，已經比佢既蛋糕櫃吸引住，所以我地二話不說就入去食飯。大鰻魚飯套餐 $180沙律 -沙律菜好新鮮，食落去仲好爽脆添。海藻烏冬 -烏冬好軟滑，而且上面仲鋪滿左海藻，海藻口感好爽口，同烏冬好夾。咁凍既天氣食個熱烏冬，暖一暖胃。鰻魚飯-鰻魚面既鰻魚汁燒到好均勻，見到已經好吸引。鰻魚咬落去肉質肥美同好juicy, 食落去仲好嫩滑添。另底層既飯沾滿左鰻魚汁，夾埋飯一齊食，真好夾。正！抹茶蛋卷 -蛋卷咬落去好軟熟，而中間既抹茶好creamy，仲有好香濃既抹茶味，好味。熱草莓味紅茶-第一啖飲落去，有紅茶味之餘，仲有啖啖既草莓香味。食完咁多野之後，最尾嘆返杯熱茶，消濟又暖胃。正！…查看更多

仲好記得細個個時，成日都跟住屋企人去酒店餐廳食自助餐，食物種類繁多，咩都有得食都幾開心架，由主菜食到甜品，真係非常滿足！到長大出黎做野，都好少同屋企人好似細個咁去食自助餐，今晚一家四口預早食自助餐當作係聖誕飯慶祝下。酒店餐廳位於佐敦同油麻地中間位置，係地鐵站行過去都係五分鐘左右，由於早去到餐廳門口，所以要等一陣，等開下個時段既客人入座，咁啱同我地一齊等嘅都係一家大小，令我覺得成家人齊齊整整食餐飯都係件幸福嘅事。一入座即刻去凍海鮮區拎凍蝦同長腳蟹，凍蝦新鮮有蝦味，幾彈牙。長腳蟹隻隻都巨形多肉，食落鹹味適中，咬落蟹肉都幾爽口。除左依兩款海鮮，仲有龍蝦仔、青口同麵包蟹，我爸媽拎到滿碟，食得開懷。另外，而熟食當中，都有我唔少心頭好，西班牙海鮮燴飯味道濃郁惹味，有好多海鮮配料等，食落d飯有陣陣鮮味仲夾雜左西班牙腸粒，唔錯啊。香草煎龍利柳煎得剛剛好又唔會太軟，魚肉食落幾香滑。香草焗田螺係我不斷encore之一，本身我都好鍾意食薯蓉，驚喜嘅係焗得好香。有牛油味之餘，入口好滑無起粒，田螺肉粒粒大隻厚肉，好好味。生蠔平時都唔太鍾意食，但去食自助餐點都要食下嘅，依度嘅生蠔特別之處係即叫即開，完全唔洗怕唔新鮮放左好耐，估唔到都食到鮮甜質素嘅生蠔，每次仲有限拎兩隻，食完先可以再拎過。點左依個菠菜麵配紅腸，食落幾清，唔會太濃味，但可能我食開重口味，個人認為個湯鹹少少會好D。甜品出場啦，甜品五花八門，樣樣都拎是常識吧，每件甜品食落甜度都適中，唔會漏到唔想食，我爸媽都覺得唔太甜食得到，我就最鍾意朱古力慕絲蛋糕，濃郁朱古力味又滑，芝士蛋糕亦係我至愛之一，芝士味適中又唔會太重奶味，比個like你!…查看更多

想同朋友食餐好理由唔洗多，真係想去就去，首選必定即興打邊爐大家烚下烚下，暢飲啤酒夠哂正，雖然港式火鍋一樣吸引，但到處都有得食，但台式火鍋係香港選擇唔算多，今次我地特意黎左依間專食台式火鍋店，當醫治下我地係台灣食火鍋既口癮湯底叫左麻辣拼酸菜白肉鍋，本身我地都好鍾意食辣，但有個朋友唔食得辣，所以叫左鴛鴦鍋食哂兩種味唔洗爭，麻辣鍋內有大量辣椒同藥材配料之外，仲有鴨血，口感Q彈爽滑，味道好濃好入味，好好味，而湯底少少辣味又唔會太嗆喉。酸菜白肉鍋內除左兩款本身原有食材之外，原來仲有寬粉，軟滑入味，個湯飲落酸度適中又唔會太過分，唔錯!食火鍋點少得叫牛肉，我地人多叫左份大既手切牛肉一齊食，每塊牛肉雪花紋都好靚，切片厚薄適中，灼兩灼就食得，入口啖啖肉，牛肉味好香好濃，好正啊各叫左半份丸同雲呑，梅菜豬肉丸食落個梅菜味好香又唔會有酸味，食落似肉餅，口感厚實啖啖肉。鵝肝墨魚丸都係鮮墨魚肉包住粒鵝肝，食落鮮味爽口，墨魚味好出，同鵝肝粒味道好夾，食落有驚喜。自家製鮮蝦雲呑皮夠薄，蝦味鮮甜，唔錯整體味道都似台灣食到既火鍋，濃郁又唔會太鹹，坐得寬闊食得舒服，下次再同朋友黎過…查看更多

今日同朋友出街食飯，佢話食完晚飯之後，一齊去飯杯野傾下計。結果我地決定黎彌敦左岸，因為可以食晚飯之餘，仲可以坐低飲杯野，兩全其美。而依度既裝潢好有英式既風格，而且位與位之間有距離，私隱度高。墨西哥香辣牛肉芝士焗粟米片：每次去西式餐廳都必叫既小食，今次亦唔例外點左黎食。粟米片上面分別有牛油果醬、酸忌廉同埋蕃茄莎莎，而且粟米片之間仲夾左d芝士係入面，食落去非常脆口同埋有香濃既芝士味，再點埋三個唔同既醬黎食，酸酸地非常開胃。脆香雞翼配泰式辣汁：雞翼炸得好香脆，而且雞肉好嫩滑。而泰式辣汁酸酸地同埋有d微辣，配埋炸雞翼黎食，食完勁開胃！而且仲有沙津菜做配菜，食完炸野再食，感覺勁fresh!美式煙勳醬燒西班牙黑毛豬肋骨：豬肋骨食落啖啖肉，而且食落去好juicy同稔身，而且仲有好香濃既煙勳味，正！而薯條係剛剛新鮮炸起，食落去外脆內軟同有好勁既薯仔香味。另旁邊仲有沙律菜，食左咁多肉之後，食d菜可以去油膩感。北海道鮮帶子煙肉蘆筍香辣蒜片汁扁意粉：帶子size比想像中大，咬落去好爽口多汁。而扁意粉食落去有少少煙肉既鹹香，仲有蘆筍既鮮味，食到尾段仲有少少麻辣同埋蒜香既味道，意粉口感仲好爽口同好滑身。依個意粉整體上味道好豐富添。好味！…查看更多

雖然近排天氣持續高温，亦無損我食火鍋既意欲，所以今日專情約朋友出去食火鍋。依度既既裝潢同擺設，好古色古香之餘，仲有種宮廷既感覺，非常特別。坐低之後，侍應亦提供兩份聖旨我地，而選擇既湯底口味，全部都係聖旨入面，非常驚喜，而且仲好有心思。而依度既火鍋配料選擇亦好多，可以配合到各人口味。康熙花膠雞湯底：當侍應拎個火鍋過黎既時候，已經覺得個鍋非常有氣勢，因為兩邊既手柄都分別有個龍頭，盡顯氣派。花膠係女人既恩物，滋補同養顏。而且花膠size比我想像中大塊，食多幾塊都唔怕。而花膠索滿左雞湯既精華，越煮越入味，食落去好有雞味之餘，好稔滑同爽口。另雞肉既肉質好嫩滑同juicy。好正！鹿兒島日本黑豚肉 ：黑豚肉放左係掛架上面，放得非常精緻。另黑豚肉脂肪比例平均，食落去爽口之餘，同好有豚肉既香味，好味！黑松露墨魚滑：黑松露均勻咁攪勻左係墨魚滑入面，見到賣相已經好吸引。食落去墨魚滑口感好彈牙，仲有好濃郁既黑松露香味，兩種味道加埋一齊，簡直互相輝映，好味！萵筍：我每次食火鍋必叫既萵筍，萵筍好新鮮翠綠，而且食落非常脆口，仲有淡淡既筍味，果然係食火鍋既良伴。蜂巢豆腐：蜂巢豆腐唔係度度地方有得食，所以見到依度有就即刻叫黎試下。蜂巢豆腐放落去花膠湯底，簡直係絕配既配料之一，因為豆腐吸飽左湯汁，食落去口感滑嫩同埋爆湯汁添，唔洗點任何醬汁都已經好入味！竹蔗茅根：食火鍋，例牌必叫既飲品，清熱又下火。味道好鮮甜可口，正。…查看更多

今個夏日放假出外只感受到熱氣侵襲，但都無消我貪食既胃口，相約好友到旺角行街，通處都係人群，好多餐廳都滿座要等位，等待他的時候，我決定隨便搵間小食店將肚子先填飽，巧合路經依間日式手卷店，門面小小，但手卷種類選擇多，除左手卷，亦有午餐刺身丼售賣，我毫不猶豫選左三文魚親子丼，午餐仲送汽水一罐等左大約五分鐘就有得食啦，賣相好靚，份量比想像中大碗，三文魚色澤紋路已吸引到流口水，三文魚籽份量多到佔左半碗，應該有過百粒，粒粒晶瑩剔透，落埋豉油同芥末撈匀食，三文魚食落幾肥美，三文魚籽拌飯一口食鮮甜美味，一粒粒一咬落口爆汁，不知不覺整個丼飯食完，再飲啖可樂夠哂滿足…查看更多