卷王 (已結業)

今個夏日放假出外只感受到熱氣侵襲，但都無消我貪食既胃口，相約好友到旺角行街，通處都係人群，好多餐廳都滿座要等位，等待他的時候，我決定隨便搵間小食店將肚子先填飽，巧合路經依間日式手卷店，門面小小，但手卷種類選擇多，除左手卷，亦有午餐刺身丼售賣，我毫不猶豫選左三文魚親子丼，午餐仲送汽水一罐等左大約五分鐘就有得食啦，賣相好靚，份量比想像中大碗，三文魚色澤紋路已吸引到流口水，三文魚籽份量多到佔左半碗，應該有過百粒，粒粒晶瑩剔透，落埋豉油同芥末撈匀食，三文魚食落幾肥美，三文魚籽拌飯一口食鮮甜美味，一粒粒一咬落口爆汁，不知不覺整個丼飯食完，再飲啖可樂夠哂滿足