bokunotaster的个人专页

小店位於深水埗消費較平民化嘅地區，店舖外貌不起眼，若非特意去搵，好可能會忽略了這間小店，小店不大，只有十餘張枱，但環境給人一種整潔及安靜的感覺，餐具都係經過專心搜集的，未開餐前單看餐具都可以觀賞一番，或者係店家特意安排以分散客人等待食物的焦燥吧。手打牛丸湯金邊粉 $48可選擇金邊粉、檬粉或其他粉，亦可以加$15加半份手撕雞，湯底濃而不鹹，牛丸彈牙，味道不錯，加配手撕雞可以豐富味蕾的感覺。自家手打墨魚餅湯檬粉 $58墨魚餅份量足，賣相吸引，一看就是自家手打，配有指天椒粒及金不換，滿足不同客人的口味，價錢合理，性價比高。馬拉盞唐生菜 $22亦可選娃娃菜，可惜當日已賣晒，只能選唐生菜，份量足，馬拉盞味道可以，配合主食是不錯的選擇。…查看更多

新養了寵物貓，聽講荔枝角一帶已轉型為寵物貓狗活動新蒲點 ，又新開好多寵物用品店，順道和家人去附近搵食附近食店真多，眼花撩亂，最後被一間外觀雅緻的越南餐廳吸引了，加上店員態度禮貌好，可以先留下電話號碼，待有位時再通知。二人套餐 $388包括以下四款：(1)河內街頭燒鵪鶉 – 賣相可以，肉質腍滑，配以酸辣醬汁及伴菜，口感不錯。(2)香辣金不換爆炒牛柳 – 由於係套餐，所以牛肉份量稍不足，肉質適中，配以三色椒、洋蔥，有金不換的香味，味道不錯。(3)峴港鮮蟹肉炒飯 – 蟹肉份量足，不太辣，並且不太油膩。(4)是日甜品 – 可以選特色凍飲一杯，冷靜一下味蕾。家鄉煎墨魚餅 $78墨魚餅係沾了炸漿來煎的，與其說「煎」，我說「炸」較貼切；墨魚味濃，肉質不會太硬，配以凍飲或啤酒，一流享受。極上牛小排火車頭雜錦湯河 $118可選河粉、檬粉或米粉，牛肉湯味濃而不鹹，牛肉先用湯浸熟，自己決定生熟程度，附合香港人嘅口味，配以金不換，值得推介。登記做餐廳會員會免費送一杯價值$68迎新飲品，女兒選了荔枝、藍莓及熱情果三款果品，各位來試這間餐廳時記得登記做會員喇。…查看更多

其實經過這店已不下數次，但由於小店不起眼，外觀又無特別吸睛的菜單，所以每次都錯過了野菌雞肉椰汁湯(小) $76湯色呈奶白色，帶有不重的椰汁味，並帶微酸，想來應該係針對香港人口味而調整酸道，因為曾經食過其他泰菜，叫咗一個有粉絲嘅湯，但十分酸，感覺怪怪的，與原先期待的味道相差甚遠，這道菜恰到好處，野菌數量多，雞肉鮮嫰，湯水不油膩，很適合餐前先潤澤腸胃。辣椒膏蝦頭油炒飯 $70這間餐館的特色係味道都偏淡，就算係這款辣椒膏炒飯都不會太辣，很適合香港人口味，鮮蝦體夠大、夠多，不過炒飯都偏油，整體中上。串燒 6串 $96規定雞肉及豬肉各3串，每串$16，採用專用嘅沙爹醬，燒得剛好，肉質不會太硬，肉汁豐富，值得推介。馬拉盞炒椰菜苖 $78上述三樣均有肉類，所以配一個炒菜恰到好處，份量適中，味道與上述各款都有所不同，不至於單一味道，豐富口腔的層次感，由於日常較少食椰菜苖，所以這款亦是不錯的選擇。…查看更多

秘製三杯鴨(半隻) $188味道及煮法與台式的三杯雞不同，客家菜主要用麵豉醬但擺脫了以前「多油多鹽」的傳統煮法，味道較濃但不會太鹹，廚師刀章不錯，半隻鴨上碟時盤在一起，賣相吸引，鴨件大小適宜不會黐刀，夾起來較方便，值得推介。鬼馬焗魚腸 $128現時較少食店會推出這款手工菜式，份量適中，蛋面焗至微黃，魚腸採用鯇魚腸，應該有用燒酒或生粉洗過，很乾淨及完全無鯹味，就算不加胡椒粉亦不會食到鯹味，食落滿滿童年回憶，價錢亦合理，屬大眾化路線。豉汁蒸大鱔 $168上次食唔到好味嘅大鱔，心有不甘，於是再次出擊，又選這款蒸大鱔作比較，最怕貨比貨，這家蒸大鱔調味恰到好處，改良了多油多鹽的傳統煮法，鱔件份量足，且新鮮，終於可以大飽朵頤，值得推介。上湯豬潤浸時菜 $108由於以上菜式均較油膩，於是點選一個菜蔬作平衡，但只有數片豬潤及幾粒杞子，以這個價錢屬於偏貴，是否揀選則見仁見智。…查看更多

去金妹記大排檔回味一下之前嘅美食，但事與願違，嘆聲「往事只能回味」﹗豉汁蒸大鱔 $168屬大眾化味道，由於調味是豆豉、蔥花等簡單材料，著重食材是否新鮮及份量是否交足，調味不過不失，份量亦足，是今晚所食的菜式最可以接受嘅一款。冰鎮鮑魚 $38/隻 (2隻起)3年前初次來食時是最驚喜的一款小食，取其肉質夠Q、夠彈牙，配以醬油及Washabi，並以冰鎮住上碟，單是賣相就高分；是晚所食的味道稍有偏差，肉質仍然彈牙，但隱隱有一種說不明的味道夾雜在其中，可能是酒料或其他材料，影響鮑魚原有的鮮味。南北杏菜乾燉豬肺湯(一窩) $168由於食咗下午茶冇幾耐，所以選擇輕食，諗住叫個湯潤吓、並且可以食菜，又有湯渣作一個餸，我一家都鍾意食豬肺，所以但凡見到豬肺湯都會躍躍欲試，喝著第一口湯，天….呀！這家店係咪之前參與「盲搶鹽」，彷彿將整個超巿嘅鹽都搶咗返嚟「醒」客，好似海水咁鹹，完全無法飲，只好食渣就草草了事，心諗就算回應店家又如何？會改善嗎？唉！往事只能「回味」！…查看更多

因為要去會展睇音樂會，故而要去灣仔區活動，信步而行搵嘢食。偶爾經過8號冰室，見到門面雖然不起眼，但門外餐牌價錢吸引、選擇又多，所以入去試食一番。☕️下午茶 – 干炒黑椒豬扒意粉 $48屬於大部份香港茶記的必備下午茶菜式，賣相和香味都吸引，豬扒的份量足，符合大眾化選擇，配有足量的蔥及青椒，增加口感的層次感及不致於太油膩，若不喜食蔥及青椒的朋友記得預先叫「走青」，稍嫌的是味道偏鹹，所以都係預先叫埋「少鹽」。☕️下午茶 – 芫荽農場雞湯米粉 $42原先以為係一碗普通的雞湯米粉(以$42的價錢應該不會配很多雞件或冇雞吧)，但是端出來之後發現不止份量超大，並且有多件雞件，真係喜出望外，湯底味道濃而不膩，不會太鹹，配有足量的芫茜，對鍾意食芫茜的我就係大滿足，配以香滑奶茶，亦係意想不到，奶茶夠滑，茶香及茶色都不俗，以$42價錢真係近幾年香港物價飛升之下，店家難得本著初心，給予食客的回饋，值得推介。…查看更多

這間餐廳可謂「飯堂」，因為一次偶然機會見到門口介紹牛扒，就走入去試吓，點知有驚喜！牛扒嘅份量足，肉質好，兼且價錢公道，性價比極高。下午茶 - 片芝士三文魚辣長通粉 $45粉面蓋上一整片芝士，配上磨菰，同時照顧食客嘅均衡營養，汁液係加有花奶嘅西餐煮法，只有少少辣，可以吊起味蕾嘅知覺又醒胃，食起來不會太膩，長通粉不會煮得太腍，並且可以吸收大量汁液，食起嚟富有滿足感。值得推介的係這裡的即磨咖啡，口感滑，沖起來不會太濃，濃淡恰到好處，我每次來用餐必選。另外，紅茶用料亦是上乘，茶膽沖得有水準，檸茶或奶茶都係不錯之選。下午茶 - 黑醋黑椒牛肉炒天使麵 $48 可走黑椒，大多數香港人都係「牛魔王」，我哋都唔例外，10次來有7-8次都會叫這款，牛肉份量足，肉質腍滑，選材屬中上，配大量嘅紅蘿蔔絲、洋蔥絲及磨菰絲，鑊氣足，微微的辣味滲透口腔之中，並微微發汗，炎熱夏日中及冷氣間用餐，是不錯的感受。下午茶 – 煙三文魚蛋蓋飯 $49今次見到鄰座叫這款蓋飯，所以叫了，由於係外賣未有拍照，近觀鄰座這飯外觀色彩鮮艷，十分吸引，份量足，想來這間餐廳都係以「薄利多銷」的宗旨來經營，尤其值得推介的是牛扒，下午茶時段賣$68，到晚餐時段$88，肉質腍滑，牛味重，若煎至3-4成最佳，因為配以鐵板上，ORDER太熟的話再上桌已過熟，影響肉質變硬。…查看更多

週日係父親節，乖女同我去食日本嘢慶祝，其餘係家裏大人嘅喜好，我就食乜都冇所謂；該店搵起來有些難道，因為「天悅廣場」所以下意識就先去到天悅廣場嘅門口，然後走入去逐間舖搵，之後又走出去，在青山道逐間舖搵，最後見到地址寫住「營盤街」，於是搵去營盤街，終於搵到該店。店舖面積不算大，有些日式裝修，座位不多，吧枱前面有個牌介紹當日精選。蒜香燒生蠔 $58是該店主打推介的食品，可以選擇生食或燒至半生來食，我哋啲哥哥姐姐梗係熟食啦，而後生嘅當然選擇生食，確實冇介紹錯，蠔身夠大夠新鮮，性價比高，蒜香味道充滿整隻蠔，可以用刀叉嚟品嚐。海膽、吞拿魚腩蓉、三文魚籽、玉子燒 $248又係該店嘅推介食品，海膽可以選加拿大或日本出產，我哋之前在別處試過加拿大出產，味道不合口味，而日本產較鮮甜；海膽新鮮，份量足，以碗盛載，碗底墊有滿滿的米飯，海膽配白飯都非常可口，吞拿魚腩蓉就較失色，若係吞拿魚刺身應該較佳，三文魚籽夠大粒，整體感覺係「鮮」。油甘魚刺身(3片) $42 / 吞拿魚剌身(3片) $48可能係橫街嘅小店，食品都採「大件夾抵食」宗旨，食材就力求新鮮，剌身嘅厚度適中，值得推薦。牛肉稻庭烏冬 $78味道中規中矩，湯底鹹度刻意校淡去迎合香港人口味，但就較失色，牛肉係較肥嘅肥牛火炙鰈魚邊 $25見到價錢適宜，抱著辜且一試嘅心態，殊不知有驚喜，魚質肥美，入口魚油暴沖喉間，香氣滿溢，以致我哋食咗一轉，再ENCORE一次。(COMBO)鮮魚剌身+ 鹿兒島A5和牛西冷燒 $328這款亦係店家推介，不過亦係冇令人失望，和牛肉質腍滑，約燒至3成熟，入口濃香嘅牛肉味及油脂味充滿整個口腔，剌身可以選金目鯛，但今日已售罄，稍有失意，不過可以有藉口再嚟一次。…查看更多

上週六大雨連綿，下午放工時剛落巴士就遇到「貓狗大雨」，正巧要開餐，於是求其搵間似樣嘅茶記，見到傑星冰廳門巿光鮮又就腳，又可淋少一陣，於是走入去試吓。悠閒下午茶 - 印尼撈麵餐 $40透過QR CODE自選配了午餐肉，煎蛋，餐茶為熱鴛鴦少啡下午茶嘅份量來說是足量，午餐肉及煎蛋係大路嘢冇乜可以介紹，撈汁就印尼式帶少少辣，可以提高食慾，麵就選用最普通嘅大光麵，煮得剛好不會太硬或太淋，整體尚算可以；不過杯鴛鴦就可以一提，配合自己口味揀咗少啡，就算唔落糖都好OK，由於少咗咖啡，突顯紅茶嘅味道，茶身較滑，濃淡度及奶嘅份量適中，餐後飲番杯，滿足度極高。悠閒下午茶 - 公司三文治 $42由於外賣預先包好，未能拍照。醬汁可選沙律醬或蜂蜜芥末，另配薯條或鮮果沙律，我選咗沙律醬及鮮果沙律，三文治嘅配料係牛肉、炒蛋及午餐肉，走大眾化路線，以$42價錢屬合理，沙律主要為鮮蘋果、青瓜及少量罐頭生果，沙律醬濃淡度適中，大量的蘋果提升口感，食咗三文治後會有飽脹感，但再食沙律胃部好像重新被喚醒，立即恢復戰爭值。…查看更多

早餐經常食茶餐廳嘅我，偶爾都會轉換口味食吓米線，可能夏天天氣炎熱，胃口總是不佳，總想更換一下口味，從而喚醒親愛的味蕾。雙拼櫻花蝦哈哈薄撑餐 $28薄撑其實即是現在叫嘅PIZZA（中式），配以餐肉、煎熟蛋，有杯餐飲，輕食，在炎炎夏日是不錯的選擇若大胃王的你可以加幾元升級，加米線，豐儉由人；薄撑內灑入櫻花蝦來煎，雖然味道不濃，但有口感，切開細塊及細細品嚐，可以體會到櫻花蝦的淡淡味道，伴以奶茶、咖啡或鴛鴦，真是Perfect，再有一塊餐肉，滿足香港人嘅口味及兒時回憶。…查看更多

近日拜瑪娃所賜，氣溫持續升高，午膳時都要捨遠圖近，在公司附近搵到間「豐味」的食堂一進門口，姐姐九秒九就來到面前，熟練地遞上一杯水，場地係普通嘅食堂裝修。酸辣叉燒、蕃茄、韭菜餃米線 $56天口熱，冇乜胃口，這個米線可是首選，有大、中、小辣之分，我就叫咗小辣，湯底不太酸不油膩，伴有蕃茄、豆卜及韭菜餃，提供多種口感的選擇，叉燒新鮮，唔會好似部份茶餐廳用隔夜叉燒，乾憎憎兼暗啞色，睇到都唔開胃，並有芫茜的香味，可提高食慾，當然若部份人不喜芫茜，記得叫走芫茜。酸辣金菇、肥牛、韭菜餃米線 $56配金菇肥牛，食法稍有不同，冇咗蕃茄嘅清爽，但金菇同米線本來就絕配，湯底都係一樣味道，有酸菜的點綴，加上有冷氣的偉大發明，一大碗湯米線都可以瞬間消滅了。…查看更多

潮州滷漢喺旺角瓊華，依間地理位置相當方便。成間舖係紅噹噹既中國風，幾搶眼我哋一行四人，叫咗《滷漢全席》貪佢任飲任食 食物款式又多最正係仲有手搖海鮮袋大概講吓食物款式除咗普通打邊爐靚靚牛肉之外座位外面仲有唔同蔬菜，丸類可以自己出去拎熟食區仲有潮式鹵水鵝、潮州特色反沙芋、特式炸物飲品方面仲有啤酒、各款汽水同埋好多唔同牌子嘅茶呢間甜品區都有唔同選擇除咗有一般放題必有嘅雪糕、雪條最特別係呢間可以自製台式仙草芋圓🦞手搖海鮮袋海鮮好豐富，除咗有肉質彈牙亦都夠新鮮嘅龍蝦之外，仲有鮑魚,帶子,蜆,東風螺肉手搖海鮮袋調味方面我哋揀咗蒜蓉味配埋海鮮袋內嘅金菇,萵筍,粟米等食材好食到我哋光速清晒成盤食完手搖海鮮包,正式到打邊爐時間湯底我哋揀咗潮汕沙茶湯底火鍋沙嗲湯底配上安格斯肥牛😉神仙組合湯底味濃但不太咸安格斯肥牛都係任食任點而呢個套餐，除咗有靚牛肉仲有各款潮州生醃海鮮配埋打邊爐後，我恨我胃細🤣任飲任食咁多款食物同飲品而因為我哋四人同行一人免費我地每人都只係$320真心CP值好高由而家到六月尾，依間餐廳做緊星期一至四三人同行，一人免費…查看更多

一盞燈Lumiere@長沙灣李鄭屋長沙灣愈來愈活化，新開餐廳遍地開花難得同女兒一齊放假，路經此地揀左間睇落好新，幾大間幾有格調嘅cafe☕️餐廳內眼見裝潢以木為主，頗具日式風格 環境闊落 有分左不同區 好奇一問，店員話靠內區有玻璃貓櫃一邊食嘢一邊睇兩隻可愛嘅布偶貓主子但坐嘅位置腿腳難伸展，所以我哋坐反外區舒服啲☕️咖啡芝士奶蓋$48/🍠紫薯芝士奶蓋$48cafe每款飲品都有張字卡，句意頗禪思咖啡香味幾好 不酸不苦但芝士奶蓋太濃稠，用飲管都好難飲到而芝士奶蓋配咖啡同紫薯令整體偏甜🦐海鮮青囗鮮蝦意大利燴飯$98青口同鮮蝦各有三隻擺盤中間有芝士煎成嘅香口薄脆意大利燴飯幾濃味但不死咸唔錯唔錯 ，但份量較少🍔和風吉列豚肉自家制漢堡配香草薯條$86黑色漢堡飽視覺很特別但味道同一般嘅相似中間嘅豬扒不過不失配上洋蔥同生菜口感清爽（我女兒揀左走蕃茄）用餐體驗唔錯 👍🏻確係可以放鬆一下心情有機會我會再試吓呢間其他嘢食😊…查看更多

同家人一齊慶祝生日我地一行十幾個人揀咗依間喺旺角嘅日式放題一到夜晚好多人排隊等候時間好長最近天氣好悶熱成日想食魚生😊依間魚生質素都OK我地都叫左好多刺身品嚐👍🏻熟食同飲品選擇亦都多但啲熟食嘅賣相真係點影都好普通😂外面熟食區又係同日本放題嘅涼拌菜類近，不外乎係螺肉，中華沙律…..亦有茶碗蒸，蝦多士，少少炒菜仲有蟲草花燉雞湯我認為最好食係點餐熟食，選項中有花膠同埋銀鱈魚另外燒牛舌串燒亦都唔錯🤤酒類🍻有清酒，啤酒，梅酒可以一路食一路把酒言歡🍻普通飲品方面茶類都有好幾款選擇不外乎都係汽水比較貼心係依間，供應熱飲除平日隨處可見既機沖咖啡同熱茶之外，此餐廳更設有暖飲櫃熱維他奶同熱麥精無限供應😊甜品都係同一般放題一樣但呢間會有水果🍉亦都有一杯杯嘅乳酪選擇方面都算全面性價比都幾高…查看更多

今天天氣放晴但係要開工，早排成日落雨，影響我四圍搵食😁近期每天中午都會去鴻記午膳，貪佢價錢合理，款式多且係即叫即炒，鑊氣十足👍🏻應該係延續大牌檔嘅營運方式單係粉麵飯嘅餐牌就有75款，最適合有選擇困難的人士，只要順住餐牌叫，要2.5個月之後至食完🗓️並且小菜價錢唔貴，偶爾幫襯都唔錯。多數我下晝諗唔到食乜，我亦都會嚟呢間幫襯✳️滑蛋蝦仁飯 $48味道適中，唔太鹹🦐蝦肉質尚算結實，但應該係雪藏蝦，有些微腥味，以$48的價錢可以接受…查看更多