ipkias99的个人专页

呢日去荃灣大會堂睇表演所以近近地去後面街搵食大約6點左右入座唔洗排嚟到緊係要整番個肉骨茶飲啦肉骨茶可以揀唔同豬嘅部位我哋要咗豬腳雖然個煲唔係好大但呢度可以免費加湯唔怕唔夠飲！！必食！！檳城福建蝦麵個蝦湯十分香同濃郁唔好見到佢紅卜卜就以為係辣其實面頭個啲係蝦油嚟之前我試過叻沙，覺得蝦麵俾叻沙更好味砂煲老鼠粉熱辣辣上係會有加乘同埋佢份量都幾大個點會唔食埋咖央多士呢？記得一定要趁熱食呀！檳城白咖哩麵呢個我就覺得普普通通因為椰奶味太重，都唔係好食到其他味我哋食咗一粒鐘出嚟7點左右已經見到有少少人排隊所以如果唔想排嘅建議早啲嚟！…查看更多

呢日是但入一間餐廳食見佢$40有下午茶就試下點知伏到喊叫咗一個下午茶餐跟小食B list（$40）要咗白菜豬肉蒸餃+蒜香雞翼蒸餃一睇就知皮厚而且蒸出嚟啲皮冇油亮既感覺餡料偏少雞翼方面，我男人形容為中學小食部雞翼味另外男人叫咗一個全日餐$58多咗一個麵、同一款小食佢要咗豬肉韮菜餃加咗$5要煎餃同樣地都係麻麻地一隻靚餃應該由皮會透出綠色既韮菜但呢隻餃就睇唔到而且咬開發現有啲韮菜已經變黃烏冬都係街市最平個款烏冬所有嘢好似都冇咩誠意最不能接受既係豆漿變壞飲咗一啖覺得有怪味就要求換過枝侍應先話換番一枝今朝新整既豆漿俾我哋變壞咗呢枝有可能係琴晚既...唔好味都算但變壞就真係搞唔掂…查看更多

之前其實都有幫襯過但冇寫食評事隔一年後再翻兜水準依然keep到咁高質💛必食！藍芝士蘋果pizza蘋果嘅甜味出奇地同咸咸香香既芝士好夾而且清新既蘋果味可以去除芝士本身既油膩同飽滯感所以食落負擔感冇咁重隔離枱嘅外國人見到我哋叫呢個pizza咁特別都專登問我哋食緊咩批添！西柚肉配煙三文魚果仁沙律呢個沙律份量十足，一啲都唔孤寒沙律配埋脆卜卜既果仁口感更加豐富基本上我哋兩個人share一個pizza + salad 已經好夠飽可惜個肚唔夠位，叫唔到小食…查看更多

之前疫情試過呢間既到會，覺得食物質素䣟唔錯今次終於試下佢堂食喇餐廳位於工廈區，近TML廣場附近，同南豐紗廠都近如果去開南豐紗廠想食性價比高D既餐廳，不妨可以試試佢有dinner set包餐湯、麵包、主菜、飲品、甜品餐湯偏稀身，唔係creamy個款湯嚟所以飲完唔會塞飽曬個肚個法包都係脆卜卜既，唔會咬崩牙羊架有三大件，另外要咗意粉底不過意粉冇汁所以偏乾但整體都唔錯牛肩胛扒叫咗7成，不過中間個心位似5成姐不過牛肉味都濃厚，同埋仲有肉汁佢已經預先落咗鹽落牛肉等我仲係枱面周圍搵鹽🤣呢間餐廳性價比好高dinner set最貴都係都係200零蚊可以落樓仲可以慢慢坐慢慢食成個環境都好清靜佢仲有少少board game可以借俾你玩添可以翻兜喎~~…查看更多

一年前其實都食過呢間餐廳一次個次俾我感覺都係環境舒服，食物都OK呢日諗唔到食咩，見佢walk-in 又有枱所以就翻兜佢喇我哋翻兜叫咗墨西哥手撕豬肉三文治+薯條飲品呢個三文治依舊都係好味佢有少少辣味，令你會好開胃而且豬肉都好多汁，唔會好柴薯條佢都係熱辣辣炸起，所以脆卜卜另外叫咗一個牛面頰菠菜意大利飯我起初以為佢會係綠色嘅飯點知嚟到完全唔係牛面頰係好軟嫩不過個飯又唔係好食到菠菜整體個飯叫做不過不失啦總括嚟講呢度值得翻兜嘅點係個三文治好味而且裝修環境都舒服，拍拖都幾啱缺點就係食物價錢偏貴少少，性價比唔高…查看更多

同朋友做生日見呢間餐廳環境幾靚所以book枱食晚餐星期六晚6點鐘入座，當時個場都幾爆當中有唔少枱係食甜品所以如果大家嚟食book枱會穩陣啲我哋叫咗一個二人餐$488首先有凱撒沙律沙律味道都正常發揮不過係特別在佢有一隻炸流心蛋切開個下係好啱拍片打個靚卡小食要咗炸單骨雞翼配明太子醬我覺得食落其實味道都好普通，不過不失炸單骨雞翼好處在於女仔食起上嚟比較方便但唔好處就係炸粉較多，而且冇全隻炸雞翼咁多肉汁同埋啖啖肉不過嚟得呢啲靚靚cafe，食得方便同靚先符合打卡宗旨嘛主食有一個軟殼蟹意粉同埋一個三色魚生丼不過唔記得咗影低個丼兩份主食其實份量都唔算好多我會形容為女仔食量而且味道其實都係普普通通冇驚喜亦冇失望全晚我覺得最出色反而係杯香桃富士梳打味道好fresh而且甜味係好清新、冇負擔個樣亦都好啱打卡不過敗筆係份量少，而且隻杯仲崩咗...飲嘅時候如果唔小心好易整親甜品係芭菲又貫徹打卡宗旨，佢係俾你自己倒熱嘅醬落去個朱古力度熱溶佢不過份量真係好細，幾啖就食完食完呢餐我諗都未必會翻兜喇但如果你好鐘意打卡又想環境坐得舒服咁呢度都應該幾啱你但如果你係為飽肚、食美食的話我諗你會失望而回…查看更多

好耐冇過海今次去銅鑼灣就排一排麵尊💛我大約6點半左右去到排隊時可以填定紙仔剔番想食咩坐低就可以即刻交紙落order喇當日我大約排10分鐘就可以入座了唔算等太耐冬菇、豬紅、豬大腸公仔麵佢呢度其實每樣餸都好出色，而且份量唔少冬菇炆得好入味同埋好滑豬紅同大腸亦都冇怪味另外記得叫魚皮！魚皮一包包咁上俾你，都有好多塊炸得好脆冇油膱味唯一缺點應該係座位較逼同埋個日我坐近門口位，所以唔太夠冷氣怕熱朋友可能要一路開住風扇仔食喇…查看更多

之前都幫襯過友利幾次💛最近去開D2 place又再去幫襯下貪佢夠平靚正嘛之前幾次我都係食佢啲勿當奴快餐今次難得可以堂食所以就試下啲新嘢乳豬卡邦尼$68係佢嘅招牌之一意粉個醬汁煮得好好味好濃芝士味又夠多汁可以撈曬成個意粉又唔會覺得太乾另外乳豬有4件個皮都仲卜卜脆喎，但如果外賣就未必脆喇所以記得趁熱食呀！提提個意粉係冇飲品架，想飲就要加$8喇叫咗個豬柳強餐再加啲小食（有炸燒賣、脆香雞翼）薯條佢係波浪薯條嚟快餐嚟講佢好味過M記頭嗰間好多倍啦而且所有嘢都係熱辣辣唔係整好曬放埋一二邊再上枱俾你所以啲薯條係好脆好好味不過由於我太飽都冇食到啲小食所以冇得comment 喇…查看更多

行過見到menu好似好吸引有我鐘意嘅壽喜燒烏冬所以就入去試試佢💛但出乎意料之外，我食完之後最最最推薦係佢個冬甩雪糕🍩反而主食就一般般喇..佢係兩段式嘅套餐可以要炊飯/ 烏冬做底然後再搭配唔同嘅餸跟餐仲有飲品同埋甜品由於我一心想食壽喜燒所以就叫咗壽喜燒牛肉+壽喜燒烏冬喇一set $97不過我覺得真係賣相好過個味道牛肉唔知點解好紅卜卜可能急凍肉唔多靚而且肉質都一般，有少韌同有筋而且兩樣都係冇咩壽喜燒味嘅...不過烏冬麵質係煙韌好食嘅只不過絕對唔係壽喜燒味...令我有啲失望反而跟餐呢個冬甩雪糕挽回分數我覺得淨叫呢個就已經夠曬了冬甩係熱辣辣同埋煙韌嘅之後配埋凍冰冰嘅雪糕夾埋一齊食真係好正呢樣係我最推薦大家食嘅…查看更多

又又又一個冇晚市嘅晚餐知道呢間本來日式餐廳都要轉型賣兩餸飯於是決定要支持下💛鋪頭嘅餸菜會經常更換咁樣大家就唔會怕食厭經常都有新菜式食，有啲新鮮感兩餸飯$42起、三餸飯$52起如果係叫佢朝花精選嘅餸就每款另外再加$8五點後買滿$50仲會送你糖水添當日我哋叫咗2盒兩餸飯有菠蘿咕嚕肉、風沙雞翼、重羌汁芥蘭、水煮花椒牛肉配芋絲只係得牛肉呢款要加$8當日送咗雪梨雪耳糖水🐖咕嚕肉我鐘意佢冇骨啖啖肉同埋炸粉唔厚，唔會食落得層皮真材實料🐤風沙雞中翼有3隻不過每隻都好大隻但我略嫌佢淡味咗少少🐄牛肉就好香口好辣但又辣得過癮另外值得一提係佢哋嘅白飯係用日本米架真係夠特別又落重本美中不足係當日嘅飯煲得乾身咗少少所以硬咗少少但兩餸飯有日本米食真係好難得呀！糖水唔會太甜而且又有啲雪耳同雪梨片食下做個完美嘅ending之後會繼續支持！…查看更多

由於我有乳糖不耐一直以來都未飲過任何奶茶、奶蓋飲品今次Nuttea 係我第一次飲奶茶💛飲完先知我自己原來一直錯過咗啲咁好飲嘅嘢🥲伯爵朱古力堅果奶蓋茶$48佢menu有啲打一粒星，呢款係有3粒星所以就決定一試佢嘅招牌菜之一喇~本來見佢咁貴都有啲卻步不過飲完就覺得好值得！奶蓋好綿密又滑，面頭仲有啲朱古力粉食落係榛子朱古力味（好似金莎呀🤣）另外個伯爵茶底好香！又同個奶蓋好夾喎唔會話搶咗大家陣味抵佢賣咁貴因為真係好飲得嚟又健康呀☝️建議可以拎埋個匙羹仔，先食咗少少奶蓋先食到厭時之後再溝埋一齊飲變變飲法唔怕悶…查看更多

今次為媽子慶祝生日專登book ATUM同佢做生日💛打電話訂枱時已經叫定餐廳到時幫手寫happy birthday係碟上面而餐廳早一日會confirm booking同埋文字內容去到餐廳時，可以正常咁叫嘢食唔使專登再開聲講話要寫字上枱時侍應會幫手點埋蠟燭添真係夠曬驚喜👏👏High tea $438 2位，人均二百零佢除咗有24件一口 size嘅咸甜小食 仲有2個scone、兩杯飲品飲品我哋叫咗兩壼熱茶本身以為佢細細件唔會飽點知道最後個scone都食唔曬😂小食就咸甜各半個人覺得甜品出色過咸特別係馬卡龍好正擺盤好靚而且啱準備驚喜又可以打卡好適合慶祝或者拍拖👍…查看更多

其實之前都幫襯過千之味深水埗店💛但大角咀呢間就第一次不過亦都會係最後一次了因為佢只係做到2月20日就結業睇番FB店舖指皆因疫情成日都話停晚市決定減少番堂食店數目真係好可惜呀...除咗丼飯之外，佢仲有啲set今次叫咗迷你丼飯餐入面有一個迷你丼飯、4款刺身、5件壽司仲跟埋飲品添百零蚊真係抵食迷你三文魚粒粒海膽丼 跟火炙壽司丼飯嘅三文魚俾得一啲都唔孤寒粒粒都幾大粒下，食得好滿足海膽就只係有一楷仔，不過價錢只係百零蚊都唔會期望有超多啦所有刺身都幾新鮮👍迷你三文魚腩丼 拼壽司5件三文魚腩都肥美嘅，有油脂香壽司就一般啦冇特別我會推薦火炙多啲，好味啲雖然冇咗大角咀呢間分店但仲可以繼續幫襯佢其他分店、外賣💛…查看更多

之前一早book mark咗呢間餐廳今次終於去咗試💛最好就book定位先因為佢哋座位唔多可以打電話或者whatsapp訂位訂好枱之後就會有店員send menu俾你架喇為咗可以預先訂定食材最好就前一晚落埋order咁去到就可以即刻開餐喇雙子座沙律姐係帶子+玉子豆腐😆佢係配百香果醋好少何食沙律會跟百香果醋，幾特別酸酸地咁幾開胃呢份和牛肉眼扒真係十級推薦！佢一路煎緊嘅時候已經聞到勁香食落超juicy！而且叫7成熟真係7成，唔會overcooked伴碟有啲蕃茄仔同埋蒜頭食得好滿足！青醬墨汁意粉相較之下就冇咁surprise喇~~不過大家記得要夾埋啲蕃茄仔一齊食呀味道差好遠架😆另外店員都好有禮貌會主動幫你收碟、加水唔洗自己出聲唯一缺點就係鋪頭位置比較隔涉另外一提！鋪頭1千蚊樓下係收cash架記得㩒定錢呀大家…查看更多

去過浸醫/浸大都知附近基本上係冇嘢食呢間粥粉麵鋪係附近唯一一間佢係建新中心間7-11落一層要留意下先搵到今次外賣拎走由於怕食飯時間多人可以預早打電話先落order後俾錢否則有可能要等3.4個字先拎到個外賣雲吞麵堂食係$36,外賣要加$1不過佢係分好湯兩兜咁俾你咁就唔怕浸到個麵冧曬雲吞有5粒正常size，冇話特別大粒定細粒如果係男士食應該完全唔夠飽嘅同埋我覺得佢湯底應該有落少少味精因為食完都會口渴不過係呢個荒島入面唯一選擇叫做不過不失啦！起碼唔會伏先…查看更多